|
|
|
 Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
الشاعرة والصحافية الأديبة/نادية
تعرفين أنني بقدرما أحببت جرأتك في تناول القضايا التي تقدمينها في الشعر أو التحقيقات الصحفية بقدرما أنا قاس معك وحنبلي في قضايا اللغة. ويسعدني أن أقول إنّ القليل الذي قرأته لك مؤخراً أفرحني كثيراً. تقدمت جملتك الشعرية وصارت التراكيب والمفردة عندك بحساب. أحسبك قرأت جيداً وهضمت جيداً حصيلة ما قرأت.
ولأني أدّعي أنني أعرف كم هي كبيرة موهبتك فسوف أقلل من الإفراط في مدح ما تكتبين..لكن من حق القارئين أن أبشرهم بموهبتك التي آمل أنها ستكون إضافة جادة إلى دفتر الأدب الجديد في وطن سوداني معافى نحلم جميعنا بالمساهمة فيه. واصلي نثر دررك في هذا المنبر عامية فصيحة أو عربية فصحى.
| |
 
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Safa Fagiri)
|
اللغة ماعون يعطي خرائده لمن يرعاه ويحسن استخدامه. كلنا في حضرة هذا اللسان المبين أعاجم. أما أن تستدعي حضارات النوبة بعراقتها لتشفع لك ‘ فهذا ما لا يجوز ‘ وهي حيلة مردودة. أروع من اشتهيت أن أقتفي غبار آثارهم فصاحة كانوا من نوبة السودان. وهل تعلو عيوننا على الحواجب في حضرة جمال محمد احمد وجيلي عبد الرحمن وصلاح احمد إبراهيم وجعفر محمد عثمان وغيرهم من النوبيين الذين علموا أدعياء العروبة في السودان خفايا لغتهم؟
أكتبي يا نادية‘ ونحن سنقرأ ونحكم. ولكني على ثقة أنّ لديك من الموهبة ما إن أحسنت رعايته حصدنا بنباهتك عطاءً نفخر به. أحذرك من آفتين:الكسل والغرور رغم أني أشهد لك بالأدب والتواضع.
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: فضيلي جماع)
|
أروع من اشتهيت أن أقتفي غبار آثارهم فصاحة كانوا من نوبة السودان. وهل تعلو عيوننا على الحواجب في حضرة جمال محمد احمد وجيلي عبد الرحمن وصلاح احمد إبراهيم وجعفر محمد عثمان وغيرهم من النوبيين الذين علموا أدعياء العروبة في السودان خفايا لغتهم؟
ياالهى .....وهل ترقى العبدة الفقيرة الى الله نادية الدنقلاوية الى مراتب هؤلاء القامات السوامق ؟
هؤلاء اهرامات مخلدة فى كتب الحضارة النوبية فهل تود ارعابى وتخويفى بأن تستشهد لى بهم ؟
مازلت احبو ..وقد حلقوا هؤلاء منذ زمان فى سماوات الحصافةاللغوية والابداع السرمدى المحفور فى زاكرة التاريخ تليدا
رحماك ياايها الشفيف وقد وعدتك بأن احاول ان احذو حذوهم وحذوك ايها المبدع فلا تتعجلنى ولاتجلدنى على الاخطاء الصغيرة ..ثم انه جل من لايخطئ
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Elmosley)
|
اتاخرت ياموسيقار ..موش قلت بترجع بالعربى بعد شوية ؟
يازول انت ماشايف استاذ فضيلى حريص على العربى كيف وقال انو دنقلاويتنا مابتشفع لينا ؟
اما بالنسبة لحكاية القصيدة من الحانك فده لانو فى اجماع من اهل الشعر والتلحين انو النص ده بالذات مابيلحنوا الا اتنين فى السودان الراحل المقيم مصطفى سيد احمد وانت ليك طولة العمر يارب
وبما انك طلعت برضووووووو دنقلاوى فيبقى سن عودك الراجيك كتييير تلحنو
وطبعا لى الشرف ..بالمناسبة عثمان حسين لحن لى نص لكن حالف الا يغنيهو بى نفسو يايختار فنان على كيفو وانا غلبانة اسوى شنو يعنى ؟
الموسيقار الرائع يلا عود بالعربى وانا بمشى اكتب الخبر واجيك سمح
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
ياناديه هأنذا قدوصلت من بيت العزيزه هاديه طلسم
الرطانيه والتي رفض كومبيوترها ان ينطق العربي هذه الايام
الي منزل الفنان عمر بانقا خصيصا للرد عليك
أولا اسمحي لي أن أهنئك علي هذا النص الذي سريعا يلامس الشغاف
ثانياساقوم فعلا بعمل اللحن ان شاء الله
ثالثا التهنئة بعثمان حسين ذلك العبقري الجميل الذي لم يأخذ مايستحق منا
وانا علي استعداد للقيام بالتوزيع الموسيقي وأنا
واثق ان الاستاذ عثمان حسين لم يحدث ابدا ان كبا له لحن
وهذه نادرة جدا في موسيقانا بلغيه تحياتي واحتراماتي الخالصه
لك المحبة
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Elmosley)
|
ياآآآآآآآآآآه ياموسيقار هادية طلسم شخصيا ؟
كيف حالها هذه الحبيبة الغالية ..هل مازالت تلك المرحة المبتسمة فى وجه الحياة ابدا ؟
تحياتى وتقديرى لها عبرك ايها الشفيف ..وقول ليها مابصح لكيبوردك يعمل كده يانوبية يارائعة ..يعنى يايكتب عربى يانوبى لكن بلسان اهل الفرنجة لااااا
استاذى الموصلى سعدت بأن لامس نبضى نبضك شعريا ..وانا اعرف عنك انك نشيط جدا لحنيا فهيا لاتتأخر ولون كلماتى بأنغام موسيقاك الحلوووة المنسابة كسلسبيل زلال
ممكن ترسل لى ايميلك ضرورى وايميل الراقية هادية طلسم عندى معاكم شغلة سر جدا ؟
اسفة على التأخير ولكن ماذا نفعل فى مجاملاتنا الاجتماعية الجميلة والمهلكة فى آن..كنت عازمة زميل صحفى معاى فى الجريدة جاء من السودان وهو انسان راقى وجميل الدواخل
المهم احكى لى من اى مناطق الدناقلة انت وحدثنى وحدثنى عنك ايها النوبى الموسيقار ..فكم انا مشتاقة لحكى الاهل وبالرطانة لو امكن ..بس استاذ فضيلى مايزعل عشان العربى !!
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
الاخت نادية عثمان
لا ادري ان كنت قد رحبت بك ام لا ولكن قطعاتستحقين الانحناءة وانتى تحلقين بنا في سماء الكلام العذب المموثق المنمق ، ويقيني ان البورد موعود بإبداع راقي وعشمنا ان يتواصل الابداع .
لعن المنافى وعاد خواتيمو الدموع مدقوقة فوق ورق الجواز
عاد من مشاتى الغربة والوجع الخبيث ..
لملم كرامتو من رصف الحضارات المزيفة والمعطرة زيت وجاز
حط الرحال افتح شبابيك سكتك..أجهض وداع ادى القطار حق اللجؤ وأرفع شراع الانحياز
هو البستحق انك تعود ..
وتزهر حقول الحب عهود ..تروى الأرض صحة وسلام ..لقمة ووئام ..رفريف حمام ..نسمة خريف ورشاش رزاز
التحية لك ثاني وثالث ورابع
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: الصادق خليفة)
|
شكرا ناديه علي هذا الدخول الأكثر دفئا .. ونترقب المزيد من ذلك الديوان العجيب .. فصداه لايزال يجلجل في الخرطوم الرائعه رغم كل شيء
كما أنني أري ملامح شعر جميل قادم هنا من صديقتك الجديده بالبورد ساره فضل من لندن .. أري فيها بوحا سيطل بتشجعك لها من خلال هذه الساحه التي رعيناها بالصبر والدموع حتي أصبحت وعاء جامعا لأهل السودان في كل الدنيا أكثر من المؤتمر الجامع الذي لن يري النور بالطبع .. فلكل اجندته الخفيه والمعلنه.
لك التحيه.. وشكرا علي تشجيع أهلي في البورد لك وفي مقدمتهم أستاذنا فضيلي جماع .. رد الله غربة الجميع
| |
|
|
|
|
|
|
|
|
 Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
العزيزة نادية
مرحبا بك وانت تنثرين علينا هذه الروائع
Quote: وطن المساجد والخلاوى والدراويش والكنائس والمعابد ..وثبات عقائد باقية ضد الاهتزاز
عشقك سما وبالروح سبح فوق للسما ..زيك محال تلد الشموس يالمشرئب عالى الرؤوس
ليك الولاء تعظيم قسم ويمين غلاظ
آنفة واباء عزة وشموخ والكبرياء ..حبك حقيقة زى الحياة
يامحور الكون البيدور وثبات نقاط الارتكاز
فوق للجبال سودانا عاش ..سلة غلال ورطب لذاذ
ليهو العلا والانحناء والانحياز |
لك التحية والود
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
إنحناءة طويلة لشاعرة نوبية ولجت ساحة الشعر بشموخها النوبى.. وبزت الناطقين بالضاد.. شعرت بقامتى تعلو.. تلامس السحاب وانا أقرأ غربة وشجن.. إنها قصيدة يحب ان نقف امامها فى صمت صوفى ودواخلنا تضطرب بالآشواق لوطن يقف على أسنة الرماح.. مااجملها حين تأتى من حفيدة كوش.. عميقة كالنقوش النوبية وقوية كجلاميدالنوبة.. سامقة كنخيلها وطرية كجروفهاوعصية كإنسانها يقاوم تصاريف الزمان والآنظمة..
لقد توجناك كنداكة علينا فقولى واضحكى وانثرى شعرا جميلا فى كل اتجاه حتى يصيب العطر الجميع..
نورالدين منان
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Tumadir)
|
اكتبى وعين الحب ترعاك...
الله ماأروعك ياقنينة العطر التى انسكبت هاهنا فى حدائق الزعفران أمام بيتى فعطرت الكون بأريج الفردوس ..
الله ماأجملك ياام الفنون بمختلف انواعها .. ياأكرم من الطائى حين يندفق حنانك فنغرق جميعنا فى هذا الوطن الحبيب
من أين لك بكل هذه الطاقة على الحب والعطاء ياتماضر ؟؟
لله درك يابنت شيخ الدين ..
وارعينى بعيون حبك وارعى كل القدامى والجدد فى هذا المنبر الحر ..ومن غيرك يعطى لهذا البورد معنى ان يعيش ولايحتضر ؟
تماضر احبك جدا ايتها القرنفلة الطيبة
سلمت من كل شر قولى اااامين
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
الاستاذة نادية عثمان
تحياتي لك وانت تقتحمين دواخلنا بهذا الحضور البهي والجميل
استمعت اليك قبل مدة في برنامج بالتلفزيون السوداني وتحدثت مع الكثيرين من اصدقائي عن حضورك القوي في تلك الحلقة وبالتحديد تميز صوتك بنبرة مميزة لم نسمع مثلها منذ رحيل الفقيدة ليلى المغربي بل كانت امنياتي لمن حدثتهم عنك ان تلتحقي بتلفزيون السودان في تقديم برنامج ثقافي وخاصة انك تمتلكين كل المقومات (صورة وصوت ولغة) وهذه ليس بغزل ولكنها الحقيقة وياريت تلتقي بأحد العارفين بالكمبيوتر وتنزلي قصيدة من قصايدك بصوتك في البورد عن طريق نظام الـ MP3
لك التحية ومرحب بيك في دارك هذا البورد الذي جمعنا من كل بقاع العالم
جمال السنوسي
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: جمال السنوسي)
|
وبالتحديد تميز صوتك بنبرة مميزة لم نسمع مثلها منذ رحيل الفقيدة ليلى المغربي بل كانت امنياتي لمن حدثتهم عنك ان تلتحقي بتلفزيون السودان في تقديم برنامج ثقافي وخاصة انك تمتلكين كل المقومات (صورة وصوت ولغة) وهذه ليس بغزل ولكنها الحقيقة
جمال السنوسى ..عارف انا هسة وين؟ محلقة بروحى الى مصافات سماوية بعيييييييدة
ومعنوياتى فوووووق..ليلى المغربى مرة واحدة؟ لاحولااااااااّ!!
تسلم ايها الغالى على هذا الاطراء والثقة التى قد منحتنى اياها ..ويلا دى رسالة لاصحاب النفوذ والمعرفة فى المنبر البيقدر منكم يدخلنى التلفزيون السودانى مقدمة برامج وليس ضيفة كما يحدث دائما انا جااااااااهزة
وترقد عافية ياجمال وبى كل خير يارب
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: نادية عثمان)
|
نادية العزيزة
فاتني شرف الترحيب بك..فقط لاني لم أدخل البورد كثيرا في الفترة السابقة..وفاجأني حضورك الطاغي ..ولا غرو في ذلك "إذا انتي والموصلي ما عرفتو لا غرو دي بطربقتكم ...شوفوا ليكم جعلي والا شايقي يترجما ليكم"
ونحن يا تماضر لنا مخارجتين في حكاية العروبة والنوبية، نحن بديرية دهمشية ...وجدي قال جدنا النبي عديل دون المرور بالعباس..!!.هذا نمسك به حينا
وفي أحايين اخرى ..عندما ياتي هذا التداعي النوبي والدنقلاوي الجميل "صورة وصوت" نلجا ل THesis أخرى تقول أن كل سكان الشمال من جعليين وشايقية ورباطاب هم نوبة تعربوا!!!
شايفة كيف؟
تحياتي لكم جميعا ولهذا البوست الجميل الذي جمع الأحباب
فيصل محمد صالح
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Faisal Salih)
|
فيصل محمد صالح استاذى وملاذى ساعة الشدائد وجلل الخطوب
مرحبتين حبابك ..اليوم السعيد الليلة جابك
كيفك ياغالى وكيف الاحباب كلهم على حسك؟
والله ليك وحشة ااااااد كده!! شايف ايدينى وانا بقول ااااد كده؟
(وفاجأني حضورك الطاغي ..ولا غرو في ذلك "إذا انتي والموصلي ما عرفتو لا غرو دي بطربقتكم ...شوفوا ليكم جعلي والا شايقي يترجما ليكم"
نشوف لينا جعلى ولاشايقى ليه وبديرى دهمشى مابينفع؟
اقايتو يافيصل الكلمة دى زى السامعاها قبال ده ..لاغرو ..لاغرو ..لاغرو..!!
الموصلى عليك الله ماتحرجنا انت عارف معناها موش؟
فيصل ينفع نتصل بصديق؟
تماضر بت شيخ الدين انجدينا عليك الله لاغرو دى ادوكم ليها فى الانجليزى؟
الله يخارجنا ويسترنا يادنقلة البورد الليلة !!
كبسيبة انت موش كنت شاطر فى الرياضيات والتاريخ لاغرو يعنى شنو؟
فاضل كم دقيقة على الاجابة يافيصل ؟
الموصلى يلا جاوب قبل استاذ فضيلى جماع يبشتن حالنا بالله!!
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: مبيوع)
|
الفنان ياسر مبيوع
اقسم بالله العظيم اننى لم اسمع بحفل مدينة كنساس ..ولم اتشرف للاسف بسماع صوتك ايها الشادى بلاشك
ويكفيك شهادة موسيقار ضليع ومتمكن مثل الموصلى
ياسر عندما سالتك تمنيت ان تقول لى نعم فنان وقد ملأ شدوى الدنيا فاسعد انا واهديك مئات الاغنيات من كلماتى وتلحين الموصلى وسيكون من دواعى فخرى وسرورى ان تغنينيى ايها الفنان
ولكنى تفأجات برد فعل اظنه دليل غضب منك لاننى قلت اننى لم اسمعك ولكن هل سمعت باسمى قبل ذلك ؟
لااظن ورغم ذلك نحن هنا لنتعارف ونتصادق ونتآخى وليس لنغضب وننفعل على بعضنا البعض
مبيوع لك العتبى حتى ترضى
ارجوك لاتغضب منى وكما يقول اهلنا المصريين
اللى مايعرفك يجهلك ..........فسامحنى على جهلى بمعرفتك
هل سامحتنى ياياسر ؟
هيا عد الان وغرد هاهنا ابدا
الموسيقار الموصلى شوف صحبك الفنان وقول ليهو انو نادية بت خالك مابتعرف تزعل زول ويلا ياااااخ تعال نغنى ونلحن للصباااح
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: مبيوع)
|
ياسر مبيوع الفنان
انت بس امسك درب يوسف ود خالتى ده وانشاء الله حانكون ثلاثى فنى رائع
انا بهديك نص اغنية فى بوست منفصل هسة تشيلو وجرى بالكريسيدا البيضا
على بيت ناس يوسف وزى ماقلت ليك لو مالقيتو هنا بتلقاهو فى بيت ناس هادية بشرب شاى المغرب
انت بس ابقى ليهو فى الرقبة لحدى ماتستلم اللحن وانشاء الله يلحق العيد
سمح
ارقد عافية
بالمناسبة انت بتحب اغنى البكا يامبيوع ؟
دى قصة وراها قصة !!
الحكاية شنو ياموسيقار ؟
| |
|
|
|
|
|
|
|
|
|
Re: غربة وشجن واحدة من بنات الهامى فى ميلاد عصيب لرجل ما..تلحين الموسيقار يوسف الموصلى (Re: Elmosley)
|
ود خالى الموسيقار الكبيييييييييير
ومبيوع الفنان الكبيييييير
اها ياموصلى لسة ماجيت من محطة القطر لليلة يازول ؟
والله انتظرت قدام بيتكم لامن ضهرى اتكسر زاتو
المهم كنت دايرة اجيك عند ناس هدوية العسل لكن لقيت الواطة فللت وبقت ليل خفت اروح رجعت ونمت طوالى
انت موش محذرنى من الحوامة فى البوستات بالليل عشان مالاقى لى موضوع جارح يبكينى الليل كلو ؟
اها انا بقيت اعمل بالنصيحة دى ياموسيقار
لكن برضو راجياك
ياسر مبيوع
فتش القصيدة فى البوست المنفصل وورينى رايك
سمح
| |
|
|
|
|
|
|
| |
nada ali
فضيلي جماع
sara fadul
Safa Fagiri
samwal ebrahiem
Elmosley
عوض الله الفولانى
بلدى يا حبوب
Salah Abuhigill
الصادق خليفة
Abulbasha
الواثق تاج السر عبدالله
Mannan
nazar hussien
Tumadir
جمال السنوسي
خضر عطا المنان
المسافر
لؤى
Faisal Salih
مبيوع
حبيب نورة
HAMZA SULIMAN
فيس بوك
تويتر
انستقرام
يوتيوب
بنتيريست