الهبرو ملو...........جابوسليم من ناك لعلو ركبوا صهلو.........للما صادقين الباب قفلو كتبوا شكلو.........كم جابوا غريب همل اهلو في الغاردخلو....طاويين بالجوع قط ما اكلوا للضيف شبلو.......جابوا الهمبات حردان جملو تركوا العللو........كم وسخانين ليهم غسلوا فركوا الكسلو.....قالوا اللالوب دايقين عسلو جلسوا احتفلوا...جابوا الكان طالع فوق جبلو صادوا غسلوا ....... اصبح مبسوط وناكر اهلو زرعوا شتلوا......ماهو البامبي ما هو الفجلو حصدوا واكلوا..........الحب ضراع ورتابو حلو صانوا ونزلوا......حفاة الكون في الحي وصلوا ولوا وعدلوا..........هم اهل الحق المانهزلوا شربوا سهروا.........في ليلة الله قط ما غفلوا مهما الجدلو.......وصلوا وخلوا الهايف قبلوا كم كم يبقي حلو....لجنود ابليس يا خوي نزلوا كم كم بدلوا...........كم كم عارض ليهم هقلوا كم كم قتلوا..........بسيوف الحق للما عقلوا ستروا ومهلوا ......حفروا الابار سوالوا دلوا تركوا وفعلوا.........حلبوا الجاموس زي الابلو البرير جهلوا.........دائما مغرور زايد املو نايم كسلو...........يارب اكرم والديه واهلو عاد مانزلوا......لولاك في الكعبه بها الدخلو صلوات تصلو......... ترضي الاواب خاتم الرسلو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة