كتب الكاتب الفاتح جبرا المتوفرة بمعرض الدوحة
|
غداً في رابطة الصالحية بالرياض . . مباراة مثيرة
|
غداً الجمعة الموافق 2/12/2005م وفي معلب الصالحية بحي العود بالرياض جمهور الرياضة عامة والجالية السودانية خاصة على موعد مع الإبداع الكروي والأداء الراقي سهرة كروية ان شاء الله بين قطبي الكرة من فرق الجالية السودانية في الرياض عاصمة المملكة العربية السعودية ضمن دورة فقيد السلام الراحل الدكتور جون قرنق يلتقى عند الساعة الثامنة والنصف مساءاً فريقا بشائر الشمال وودحبوبه فريق بشائر الشمال الفريق القادم من ارض نوبة الشمال من ارض سكوت المحس فريق ودحبوبه الفريق القادم من ارض الجزيرة ارض المحنة
سنوافيكم بتحليلات خيراء الكرة ومدربي الفرق برابطة الصالحية وهم : عادل أوشي . عصام ود السكة ، معتز الترابي ، كبوش ، رمضان جبارة ، مسعودية ، شطة ، الجيو ، صلاح خضر ، أنجلو ، كويس ، أبومصعب
|
|
|
|
|
|
|
|
Re: غداً في رابطة الصالحية بالرياض . . مباراة مثيرة (Re: حمزاوي)
|
عادل أوشي هاهاهاهاها ياخي عادل وشي دا زمان في فريق الثوار في رابطة امتداد ناصر كان بيجليها ثابتة ما ضيع فريق الكنوز دا الا هو اسع بقي مدرب هاهاهاهاها والجيو دا براهو كوم كمان . برضو مدرب معاكم يا حمزاوي ناسكم ديل طلعوا اولاد حلتنا كلهم. بري حضارة
| |
|
|
|
|
|
|
Re: غداً في رابطة الصالحية بالرياض . . مباراة مثيرة (Re: بنفسج)
|
تعرف يا بنفسج مرة كان عندنا كورة في ميدان وادي النيل في بري اللاماب وكان حاكمها لينا سفير ... سفير قام ادي واحد من فريق نجوم ستة كرت اصفر ( الولد جر ليهو ابو داؤد) صدق سفير قاطع ليك في الولد كف لمن ربنا غفر ليهو ولحقو بي شلوت وكرت احمر انت في ابو راس ولا بري حكم الراية
| |
|
|
|
|
|
|
Re: غداً في رابطة الصالحية بالرياض . . مباراة مثيرة (Re: حمزاوي)
|
يا حمزاوي قديم شنو
وحاتك اوشي دا لمن بيلعب في الثوار انحنا بنتفرج لابسين الاردية . ياخي انا دفعة خالد اورغن اخوهو . فريق الاخوة كيف ما بتذكره زمن ناس بابكر مباحث واخوهو المدرب حقهم داك نسيت اسمه اسع عوض جاموس وود الحاجة وناس اب كارتيل وحلبي وقرمة في الخط الشرقي علي سوق تمانية في المناضلين والنجمة ابو حشيش واولاد الدرايسة وفريقهم سانتوس واتحاد المحس والدقنا(الزول دا كرهنا بري الاميرية )
| |
|
|
|
|
|
|
Re: غداً في رابطة الصالحية بالرياض . . مباراة مثيرة (Re: حمزاوي)
|
بنفسج اخوي تعجبني وانت برضوا طلعت دفعة يا سيدي حكامنا معتز والتوم وقطر وشاكر وهلما جرا انت الظاهر عليك رياضي قديم اقدم من ناس خالنا ودقاسم اساسي يا ودعم دكين الفقري تقول لي كنت بتجوا بالارديه أذن انا كنت بجي أم فكو ولا شنو ولا ماسك طرف توب امي يا اخوي طلعت دفعة وجالس معاي في كنبه واحدة كمان تذكر مدربنا كان اسمه ابوزيد لولي وكان مشهور بحسن الدنقلاوي وانا ما عارف ليه كانوا بينادونه بحسن مع اني متاكد انه اسمه ابوزيد وكان من رواد فريق الاخوة محمد عبدالله دنقل ومحمد فضل جكسا . على فكرة يا اساسي انت تعتبر كدا من اعضاء الصالحية عشان انت رجل عجوز .
| |
|
|
|
|
|
|
Re: غداً في رابطة الصالحية بالرياض . . مباراة مثيرة (Re: حمزاوي)
|
طبعا لا ننسى فاكهة الصالحية الاستاذ صديق الموج (ابوحيدر) قفشاته وتعليقاته والصياح والهياج مع الاستاذ مهدي الصادق وسمير خليل الاستاذ مهدي الصادق الخبير الكروي والمريخابي الاصيل ورئيس فريق الخرطوم
في التحليل الصحفي للمباراة نحن على موعد مع تحليل شامل من المحللين الرياضين حسين حسن حسين علي خليل سمير خليل مموشي سيدا عوض اسد الفنجري رشيق أباظة
| |
|
|
|
|
|
|
|