|
شليل وينووووووووو؟؟ للشفيف الرائع عادل عوض الله -هدية للكل وللناس مدني وصبري الشريف ولراشد عمر
|
شليل وينووووووووووووووووووو؟؟ والنجمة سنين ضحكة القمر رضيع والضو حليب الاغنية متسلل صباح لحظة عصافير .. تجادل افتراض السنبلة والغيم يزحزح بقتناع الشمس للوردة والناس العزاز اتوسوس الرقراق يعاين الضل وراه يميل مرحب كرجبا باب السؤال شليل ويتو؟ شليل وين راح؟ ** والزقاق ولدا مدردح شعر سلامو مع الشروق وصف لفيف لفة ومشي وفاتك طاشيش من ضلو راح *** في احتمال الشوق يجاذب رؤيتك نتده عيون شليل وين راح؟ شليل وينو === همهم النفاج صرة الكلام منديل وجرح وردي وفات اجيبك لو طوي السكة ودخل مشوار .... زميل ... واصل ما خت نفس الخيل ......تقيف ** وشليل وينو وشليل وين راح مسامع الليل اتصنتو حفيف بصمة الريح في غنا النم وبصة الوردة الطريق الطير اشارات المرور عتبتين وسقاطة قليب رجعو ادراج (ادراج الريح) والله معاك ** بالضبط وقت صهيل نجمك خليل والغروب حفيان شجن علي باب المسا...... السري متكب الحنين مشوار .... زميل ..... واصل ما خت نفسو الخيل تقيف ** وشليل وينو وشليل وين راح ومسامع الليل اتصنتوا حفيف بصمة الريح في غنا النم أ.لو. سككو.تكليفكما اما.و.و.لا..... شبابكما كو.كو.لبككو....الزمالية ومسامع الليل اتصنتو قالوا القمر والشفع يجو.... شليل ممنوع القمر مخنق عرفتو والشفع جرو .......... قالوا المداحين .......... يا ليلة جن وسريالي الكلام مصرصر في طريف امات احاجي وقيمة نضال *** والنجمة سنين ضحكة ...... القمر رضيع والضو حليب الاغنية متسلل صباح يوم 8/7/2005 تورنتو
الشكر اجزله للاستاذ عادل عوض الله وانت دوما تعطي ولا تنظر رد الجميل وشكرا لمسهماتك الجميلة وكلاماتك التي ناضلت معنا في جامعة الجزيرة وقيمة نضال
|
|
|
|
|
|
|
|
Re: شليل وينووووووووو؟؟ للشفيف الرائع عادل عوض الله -هدية للكل وللناس مدني وصبري الشريف ولراشد (Re: hanadi yousif)
|
شكرا يا شروق التحية الصباحية.المسائية عابرة القارات وتشكر هنادي
لانزال القصيدة وعادل عوض الله او نيتشه او كارل واسم الحي الذي اقترن
به عادل يذكر ويؤنث وهو قرف بكسر القاف او قرفة بكسر القاف ايضا
صدوق وصادق عادل في حياته مؤمن بسكة الغبش الغلابة هي طوق نجاة
شعبي اجتهد بالنشيد والقصيد والعمل الجماهيري ساهم بما لا اقدر
ان اذكره وبالطبع لا يرضاه ولا ارضاه ان نعمل شي ونصبح
متل جرسون مطعم في السبعينات الماضية وتعدد مالديك من حاجات
حسن النور كيفك وكيف بلاد الشرق البعيدة نحنا ماسكين ليك شمس
المغارب وانت لك اخري في المشارق
راشد تتجسد فيه حركة مدينة كاملة هي امنا مدني ارضعتنا
حليب الوعي والمعرفة وتاتينا بين ناسا العلمونا ان نعرف
اخص استاذ حسن حسين حمد الرجل الابنوس شوفتو تطمئن له
رجعة كبيرة فكان زميلنا وحبيبنا ومشهادنا في بلاد تطرد بنيها
وبناتها
وكانت شجرة المعرفة وارف ضلها في كل المواسم مهما بلغ
القحط والتعب تشوف محمدين عزالدين او محمد محي الدين
يباغتهما عبدالله ابكر ببسمة حلوة كشبال امراة نخلة طلت
من حنتوب تغازل في شاب يشرك لسمك نيلنا الازرق
فاترككم مابين نظرات وعبرات ولي رجعة
| |
|
|
|
|
|
|
|