|
|
 يا تمبس لو سمحت ما تدي تلفوني دا لأي طيرة
|
طبعا يا تمبس ياموتور انا لمن ميزتك وختيتك من العشرة المبشرين بتاعين النت دا الكلام دا تم بعد تمحيص وتدقيق ومراجعة سلوكيات واخلاق سايبرقيتسية ( خاصة وانه الوالد وصيته لي ما تمشي يا اساسي مع زول اكبر منك)
طبعا فلسفة ناس زمان انه الذئب ياكل من الغنم المطرفة لكن الزمن دا بقي الزئب زاتو في تولا وبتتختة ليهو عادي في اي ملف .. اها يا صديق الزمن ( السجم) انا اعتبرتك كائن اسفيري مميز لانه علاقاتك زي اكمام فنيلتك الكط ديك (تك تاك) ومافي زول بيعرفك غير معتصم ابو ضرس ودكين الهائم علي وجه الارض وعشان محدوديتك دي اعتبرتك كسر وبالتالي قمت جبرتك بي تلفوني دا عادي... خاصة وانه الرصيد حق جوالك دائما نايم في العسل غير انه جهاز النوكيا الشايله دا زاتو من زمن الاذاعة علي الهوا وسرحت ليك شعري وانكوي والحنك بتاع جيل الازمة داك .
دا كله بيصب في خانة انه مفروض ما يجيني اتصال من طرفك الا بالكبينة علي احسن الفروض لكن يجيني واحد طاير( وفاكي الزراير) يقول لي انا من طرف تمبس .!!!
دا غير انه يا تمبس انت عارف راي الواضح في عرفة النت ام بنايا قش وانه انا وقفت العرفة الاسيرية ( الما لي امها داعي )
ولو تتذكر يا روح ماما البوست المديت فيهو بوزك داك حق خالتكم الموقرة العائدة الي تصفح المنتدي موخرا دون المجازفة بالكتابة وانه بقي عندي حساسية من البوستالببتمة في التلفون وانه الكتابة في البورد بالكيبورد وليس بالمس كول .
فعشان دا كله ولانه انا ما قاعد اتكلم مع اي (زول ساكت)لا صديق الموج  هاهاها ..
دا غير انه ياخي الناس زاتها ما بتقدر مسؤلية انها شالت منك التلفون وما عارفة نظام دوامك من الساعة كم وانت نايم ولا صاحي ولا ماحي .. الواحد تقول اصبعه مولود في زر (REDIAL)
عشان كدا انت تقوم تعمل شنو يا تمبس تشيل تلفوني دا من ذاكرتك وتخلي في مفكرتك. وسيبني في عز الجمر
بالمناسبة يا تمبس يا متشظي... تشتري قرد؟ ولا تقايط بارنبين وتدفع كلب فرق!!
|
|
 
|
|
|
|
|
|
|
 Re: يا تمبس لو سمحت ما تدي تلفوني دا لأي طيرة (Re: ملكة سبأ)
|
جدة غير يا مان
ديل ناس الرياض ...
يمشو غبيرة يجيبوا الكسرة ومنها ملاح شنو كدا ماعارف
وبعدها زي دار العجزة كل واحد في سرير
مشيت مرة واحدة وتاني ما بكررا الا للشديد القوي
هم ماعارفين ناس جدة عايشين كيف
لكن يا اساسي
رقمك طار مع الشريحة الفاتت كدي في المسنجر رسلوا لي
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: مهاجر)
|
تحياتي يا مهاجر
تعرف تمبس دا لمن مشيت الرياض ما قصر والله
جاب لي ( بستلة ) من كنتاكي مع شباب الرياض
المشكلة عمر الفاروق قال لي تمبس لاسع ما دفع الشيرنق حق بستلة كنتاكي
عندي ليك اقتراح ما اخت ليك رقم تمبس هنا في البوست دا وانت اتصل يديك رقمي
اصلوا عامل فيها كريم الايام دي علي حسابي
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: Ridhaa)
|
تحياتي رضا
مشتاقين وكدا
طبعا انا ما استخدمت الماسنجر الداخلي والامر دا انتهي خلاص بمجرد ما انه البوست نزل ومستحيل ارجع احزفوا زي ما انت عارف لانه مافي امكانية حزف وكدا عشان استخدم الماسنجر الداخلي دا غير انه انا ما عايز استخدم الماسنجر الداخلي
ولك ودي يا جميل
| |
|
|
|
|
|
|
|
|
 Re: يا تمبس لو سمحت ما تدي تلفوني دا لأي طيرة (Re: Ridhaa)
|
Quote: ديل ناس الرياض ...
يمشو غبيرة يجيبوا الكسرة ومنها ملاح شنو كدا ماعارف
وبعدها زي دار العجزة كل واحد في سرير |
استغربت من المداخله دي ..
Quote: ياأساسي
سلام ...
كان من الأفضل استعمال الماسنجر الداخلي ... |
شكرا يااستاذ رضا
ده الشي الطبيعي المفترض كان يحصل ..
اساسي ..
أنت عايز شنو بالضبط كدا؟؟
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
| Quote: ولانه انا ما قاعد اتكلم مع اي (زول ساكت)لا صديق الموج هاهاها .. |
اساسى والناس كراسى..بالله بى ماسنجر داخلى مغرود فى تلفونك..ماتخاف ما عندى زول جاى
عمرة ولا حج..بدور اكلمك..اصلكم يا ناس جدة مما تشوفوا زول ماشى عليكم ساكت تتلبدو
زى غنم الاشلاق ..وتقولوا فى سركم الله يستر خايفين يقول ليكم جاى عمرة واخوى ما لقيتو
ببيت الى الصباح وافتش زولى وما يلقى زولو ويبقى السكنه البى عدلها..عشان كده ما
تخاف...ارسل يا رجل او هاك تلفونى 0501326623 انا يهمنى،،،
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: على محمد على بشير)
|
اساسي ..
لا اعرف لماذا تورطني دائما في استخداماتك الجدلية المختلفة
بينك وبين نفسك
واقحامي كعنصر اساسي في تعديل افرازات غددك المزاجية وتختلف باختلاف المعايير اللحظية بطرفك يعني مثلا مضغوط في حتة معينة ومزاجك ما طبيعي عامل التفريغ تمبس
ضارباك فرحة عيد عامل التفريغ .. تمبس
اشتريت قميص جديد وعايز تجربو .. برضو تمبس
.
.
ملحوظة:
صديق بوردابي اتصل وزودته برقم التلفون
الأخ علي محمد علي بشير .. ممكن تراجع الماسينجر ..
وتوقع المزيد من الصحاب خلال هذا اليوم إن شاء الله
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: tmbis)
|
Quote: لا اعرف لماذا تورطني دائما في استخداماتك الجدلية المختلفة
بينك وبين نفسك
|
ياخي لا جدلية لا الصالحية للمندي والمضغوط والحنيذ
بعدين يا فلاشا الموضوع دا ما بيني وبين نفسي الكلام دا طلع من يدي خلاص وبقي في رجلي الان ... الموضوع دا بينك وبينه والايام بعدين ياخي انا الان وصلت لقناعة انك قاشر بي
زي شنو يعني هاهاهاخليه اسع لكن زكرتني واحد صاحبنا من البورداب جا مرة جدة وجاني البيت اها صاحبا زيك كدا قاشر بي انه بيعرف الاستاذ طارق الفي هولندا داك وقام قدامي اتصل عليهو من الجوال اها تصدق صاحبنا كان قاشر بي خدر !!! خدر الشين الواحد دا.
فيا انغلاقي الموضوع وما فيهو لمن تحب تقشر بي اقشر قدام ناس صناديد زي صديقك الاخير الاتصل قبل شوية دا
ياخي كدا المعرفة ولا بلاش .. بعدين محمد علي دا من اسع قسم السيد بالنسبة للهدية
بعدين شنو شبكتني تفريغ وشحن ... البلدية انت ياخي؟!
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: صديق الموج)
|
العزيز صديق الموج
يومها بحثت عن تلفونك حتي طوب الارض وبعدما وجدته وجدته مقفولا كما الان ولا يمكن الوصول اليه حاليا اخاف ان يكون ايضا من زمن شنط الحديد و الزكريات
لكن تمبس ما جمبك يا ود الموج وشايفو عملو سبيل والله خايف بعد ما يشربوا يشطفوا كرعينهم منه السبيل دا
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: bob)
|
| Quote: يا محمد علي ما تدينس الهدية انا وبضرب ليك اسع دي |
ماينفع كدا يا اساسى
اصلو عندى تلفون ( ملح ) وفيهو صفر ,, ويقوم الود تامبا يدينى الرقم
واوريك سهر الجداد كيف من غير ماتعرف مين المتصل ,, شفت كيف 
Quote: انتا يا الاسمك اساسى
رقمك ده رقم دايه |
يجازى محنك ,, ياتمبس !!
| |
|
|
|
|
|
|
|
|
 Re: يا تمبس لو سمحت ما تدي تلفوني دا لأي طيرة (Re: اساسي)
|
Quote: طيب يا شباب ما دام انتو موجودين الان وعندنا هنا الليل لبس لون السواد لي جزمتو
رايكم شنو نتم البوست دا موية ونشخت لموضوع التلفونات دا ونفتح موضوع جديد
ما دام البوست بقي زي قرد ساكيه شافع بنبلتو ونخليهو ينطط من فرع لي فرع |
شفت كلامي مشى وجا.. كيف ؟؟
يعني مزاجك كويس وعايز تبرمج بي ..؟؟
أنتو قاعدين تتستلموا الرواتب يوم ستة وعشرين والا شنو ؟؟
ياعلي محمد علي بشير انا بشوت ليك رقم التلفون مجانا والله خدمة اخوان كدا بس وشوف كان في واحد من الأخوان مقروض في الرقم ده اديني خبر ..
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
سلامات يا أساسي
بس سرال أنت بوستيك دا موضوعو شنو بالضبط
غايتو أنا تهت معاه
عنوانو عن تلفونات وبداخلو فنايل كت وبساتل كنتاكي
غايتو لو موضوعو تلفونات عايز اعرف رايكم في خدمة "سوداني" الجديدة
دا تلفون لما تكون في البيت يحاسبك بتعريفة البيت ولما تكون خراج البيت في دائرة قطرها ثلاثة كيلومترات برضو يحاسبك بتعريفة البيت فوق المسافة دي موبايل
إن شاء الله أكون ما عرضت خارج الدائرة
فرانكلي
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: Frankly)
|
فراكنلي الراقي
تعرف يا حبيب الموضوع في النهاية بقي زي نكتة المسطول السال البت عن اسمها وقالت ليهو اسماء قال ليها مافي اسم محدد
اها الموضوع بقي زاتو ما معروف شنو و كل الكوابيس شاركت وفي الحفلة جات باركت
بالنسبة لسوداني دا مفروض يدوك مترتتحرك بيهو صاح؟
طيب كان واحد معرس مرتين واحدة في الصحافة والتانية في الثورة ؟
يقول ساكن في قاعة الصداقة ولا شنو ؟
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
قالت ليهو (أسماء) قال ليها مافي أسم محدد..!؟!
والله ضحكتني النكتة دي..
...
الغريبة في ناس ما حلا ليهم التلفون دا إلا لمن
تم منعه من (الطيور)..
يا ربي في كم نفر طلبو الرقم دا.. ؟؟
تمبس لمن تقول ليهو اديني رقم أساسي يقول ليك:
"هذا الرقم لا يمكن الوصول إليه حاليا
الرجاء معاودة الاتصال في وقت لاحق"
انا وصديق الموج طلعنا طيرات..
بس الموج واثق من نفسو طلب التلفون عيني عينك
انا مشيت طلبتو تحت تحت..
الغريبة يا أساسي نحنا تلفوناتنا في البروفايل
ومافي اي طيرة اتصلت بينا.. بس يتصلو (الطيران)
...
مثل كل بوستاتك يا أساسي أعجبني هذا البوست
خاصة وأنه يجمعك مع تمبس في شكلة لا يؤثم من يحرض عليها
...
يديكم العافية
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: عبد الله عقيد)
|
صديقي الجديد عبد الله عقيد
تعرف انا اكتر حاجة متكيف ليها في البوست دا عمتك الشديدة دي
Quote: الغريبة يا أساسي نحنا تلفوناتنا في البروفايل
ومافي اي طيرة اتصلت بينا.. بس يتصلو (الطيران |
ياخي انت ما سمعت المثل البيقول البعيد عن القلب لازم تشوفوا العين طبعا المثل دا اتخيل لي ما عنده اي علاقة بالحتة الاقتبستها من ردك دا بس نسيت المثل داك وزي ما عارف ما اتربينا اننا نرجع زول ساكت .. اها امسك المثل جاني ليك ( الممنوع مرغوب) طبعا دي حرفنة اتعلمناها من بكري سيد البورد دا زمان فك ليك التسجيلات شوية كدا وبعد داك قام قفلها اها السودانين ما قلبهم حار ما بتعجبهم الحقارة بقوا يشوفوا ليك الموقع دا اربعطاشر اربعطاشر وطبعا ليه الناس البيكتبوا ديل ما اسحن مننا عشان كدا الموقع سوقه بقي مولع نار وبقي اي زول داير يكتب في الموقع المقفل علي واحدين بس
لكن الز حاجة ود الموج قال ما بفتح جواله لمن يكون داخل النت؟؟
حاجة غريبة موش
طيب لمن يدخل الجامع بقفل تلفزيون الجيران ؟؟
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
يااساسى ..
سلام ليك ..
ياخوى انت جايب اولادك متين ؟
..
الحالة دى طبيعية طالما الناس ديل ماجو
حاول اتسرع شوية قبل ماتتطور ...
وبعدين تلفونك ده هو صعب للدرجة دى؟ ...
والله صدقنى مااخد معاى ثلاثة دقائق اها رايك شنو ؟
يلا يامان فتك بعافيه ..
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
اساسي
اديني نمرتك في المسنجر الداخلي
ما داير واسطة
بعدين بوستك ده مشي اسرع من بوست التوقيعات مالو
ود المايقوما
منو الزعل الطهار
الغريبة قبل ما اجي هنا شايف دافنشي هناك زهجان من الدباب
و ما اظنو عارف حكاية الموس دي
تهريجة:
انتو بكرة اجازة في السعودية
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: اساسي)
|
اساسي ..
انت يحق ليك تقول اي حاجة في اي حتة ..
ما نضرب ليك .. يعني ما نضرب ليك ..
نضرب .. يعني نضرب ..
نقيف .. نقيف ..
نركب الهوا .. نركب الهوا ..
وهكذا .. دواليك ..
علي العموم يا شباب ..
رقم المدعو اساسي ..
بعد مفتاح السعودية طبعا للمتصلين من لاس فيغاس وفانكوفر
هو 0504846165
وشكرا .. !!
خش في علبك عليك الله ..
بديت اضايق منك والله ..
خصوصا مما بقيت .. .... .. كبيرة .. !! 
* الكلام محل النقط دا شفطوا السيرفر .. !!
| |
|
|
|
|
|
|
|
|
|
Re: يا تمبس لو سمحت ما تدي تلفوني دا لأي طيرة (Re: humida)
|
Quote: بعد مفتاح السعودية طبعا للمتصلين من لاس فيغاس وفانكوفر
هو 0504846165
وشكرا .. !!
|
شكراً حميده...
الله يكشف حالوا البيسر...
بس وراق ما توروهو...
أصلوا..
الجايات في الأفراح..
أكتر وبيدخلن..
السجون الذهبية..
وزمان لامن الناس قالت متباريات زي الأفراح والأتراح..
يعني وزي ما شايف المسألة هنا بقت مقايضة..
| Quote: تشتري قرد؟ ولا تقايط بارنبين وتدفع كلب فرق!! |
هسعي إنت صاحي..
الكلاب ديل كمان بقروش...
شوف جنس الرخصة دي...
ما من إمبارح بعوعن التقول شافن ليهم قفا...
يا زول..
قول بطاحونه يا رديف.... تطلع الفلايت... بجزال نيجيري..
طبعاً وكده تعال وأقيف عاين..
جيزة البنية اللفيف..
وأكل التفاتيف..
ومعاك بالمرة سفر الخريف..
والجدران مائل على وهن..
من ندي مطر الرشاش الرشة فوق دار كردفان الهشة..
وخلي جبين الأرض.. متوحد حياءاً... وخجلاً..
في محاولة كساء أديم الأرض..
في رزاز خفيف..
منعش..
وبجاز جاوز كمان...
وبرق يجهر العين ورعد يصم العضان..
في بعض الأحيان.....
وزي ما حاسي كده ...
جايب...
همبريب ...
فوق مربط عجيلنا... الدعاشاتو صباح.. ملبدة بغيوم..
لو أخرجت يدك لم تكد تراها..
أصلوا زمان قالت العرب...
بعض الحكم والأمثال..
زي...
العينة بتاعت...
الواضح ما فاضح..
والخريف البين من شواقيروا بين....
| |
|
|
|
|
|
|
| |
اساسي
ملكة سبأ
مهاجر
Ridhaa
saif massad ali
tmbis
صديق الموج
على محمد على بشير
bob
PLAYER
Frankly
عبد الله عقيد
محمد عبدالرحمن
فيصل نوبي
Ahmed Abdallah
قرشـــو
A.Razek Althalib
إسماعيل وراق
humida
فيس بوك
تويتر
انستقرام
يوتيوب
بنتيريست