|
|
|
 Re: رحبوا معى أهلا وسهلا بك يا أخت سهام نابرى (Re: حسام يوسف)
|
والله ياحسام الفضل يرجع ليك فى أنى أصبح عضوه
وألف شكر على التشجيع وأنا قدامك بقول لى الناس ديل البزعل وله يزهج منى يرسل شكوى لى بكرى ضد حسام ده لانه هو الشجعنى على طلب العضويه
بصراحه ألف شكر على التشجيع والله من مادخلت لقيت زملاء وزميلات دراسه كنت ببحث عنهم من زمن
وكنت متعمده أضع صورتى لانى كنت حاسه أنه الأسماء المستعاره دى فيها ناس أنا بعرفهم
البنات ديل أنا ماعارفه داخلين المنبر ده بى برقع مالهم مع أنهم فى الجامعه ماكانوا بيلبسوهوا لاكن الظاهر الدخول (اندركفر) ده موضه
على العموم والله أنا سعيده جدا
ألف شكر
| |
 
|
|
|
|
|
|
|
 Re: رحبوا معى أهلا وسهلا بك يا أخت سهام نابرى (Re: محمدين محمد اسحق)
|
مرحب بيك الاستاذه سهام..
لقد كانت نورة فاصلة الزمن المثير ؛وكانت زجاجة ملأي بالعطر وبالزنابق ثم تفتقت ؛تفتقت لانها لم تكن تملك قرارا بالذهاب او العوده لم تكن تصلح للاستثناء بعيدا عن منحة غفران لجريمة لم تحدث؛ كانت شفقا وطنيا خيم على ذاكرة الاناث وارتهن بشئ من الاعجاب وبشئ من اصرار الاستغراق فى الجمال ...
وتشكر الاستاذ هشام
| |
|
|
|
|
|
|
|
|
|
Re: رحبوا معى أهلا وسهلا بك يا أخت سهام نابرى (Re: سفيان بشير نابرى)
|
ولد أخوى سفيان بشير نابرى أهلاً بيك وسلام كتير من عمتك سهام
الغريبه ياسفيان أنا عندى أخ أسمه بشير ولما قريت ألاسم كنت فاكراه واحد من أولاد أخوى عنده أسم تانى زى ألأسماء المرات بتكون فى شهادات الميلاد ،بمعنى أنه فى ناس كتار عندهم أسمين ولما سألت أولاد بشير قالو مافى واحد منهم عضو فى أونلاين فعرفت أنه تشابه أسماء
على العموم لو موافق تضيف عمه لى عماتك ،أها احده جديده وأسمها سهام.
| |
|
|
|
|
|
|
|
|
|
Re: رحبوا معى أهلا وسهلا بك يا أخت سهام نابرى (Re: هشام مدنى)
|
الاستاذ هشام مدنى أسعد الله ايامك
لطالما سعدت عندما اقراء عبارتك (السيدات والساده )أو (الانسات والساده مساكم أسعد الله أيامكم)
لطالما أرجعتنى هده العباره لبيتنا وأجلستنى بجوار أمى وهى تطبخ وأنا أغسل الاطباق أ (العده) وأحد مذيعى الراديو يقول أنساتى سيداتى سادتىأسعد الله أوقاتكم ، من الاغانى المختاره لهذه الفتره الاستاذ كمال ترباس ومن كلمات محمد بشير عتيق أيام صفانا ،وتبداء ألأغنيه ونردد أنا وأمى كل الكلمات الرائعه مع الاستاذ كمال ترباس.
فى البدايه أحب أن أشكرك على هذه العباره على تزكيرك لى لأيام أفتقدها بشده ،كما أحب أن أشكرك على ترحيبك الحار و بقول معاك أنشاء الله أكون أضافة مفيده للمنبر
وأسعد الله أيامك بكل خير
| |
|
|
|
|
|
|
|
|
|
Re: رحبوا معى أهلا وسهلا بك يا أخت سهام نابرى (Re: سهام نابرى)
|
بس انا بكره الدخول مع الدكاترة
اسى الولد ناذر دا دالو لسع
راسلتها ما نقشت..
هشام انت ياخوى زمان كنت محاسب
لكن اسى شايفك بقيت اعلامى
كل يوم جايب ليك وجه جديد
وكل وجوهك ما بتخيب
سهام نابرى
مرحب بيك..من هنا الانطلاقة
فى وزير اسمه مالك امين نابرى
انشاء الله يكون ببقى ليك
عشان تبقى وزيرة..وماتنسى تصدقى
لى مزرعة شرق ابقوتة
تحياتى
| |
|
|
|
|
|
|
|
|
|
Re: رحبوا معى أهلا وسهلا بك يا أخت سهام نابرى (Re: مبيوع)
|
يامبيوع عايزين حفله، بس تغنى بى العود زى ماغنيت قبل سنتين فى رحلة ناس روشستر العملوها بمناسبة شفاء الاخ الصادق على ، الفنان المبدع البيملك حنجره ذهبيه بيظهر لما يغنى بالعود،
كنت رائع فى ذاك اليوم، وانا محتفظه بشريط فيديو للرحله وهو من الشرائط البحب اشاهدها.
سلام لى بسام
| |
|
|
|
|
|
|
|
|
|
Re: رحبوا معى أهلا وسهلا بك يا أخت سهام نابرى (Re: محمد ادم ابوكيفو)
|
الاخت العزبزة سهام
سلام كتير وترحيب واهلا بيك في الحوش الكبير وجايط دا
ليك وحشة ولي قريبي سيكوت بس اعالي هنا امس شفتو معضي جلابيتو وبصارع قولي ليهو الله تباري الوهم ديل يسكتو قلبك بس الله في وجد ليكم نفس الشوق ونفس المحبة
سلمي لي على روما وزهور" سيكوت باقي "شوقي" زايد ليكم
كل الود والتحايا واتمنى لكي اقامة طيبة
بله
وحات الله مشتاقين ياريت تعود ليالي زمان
امس مديت رقبتي بي هناك وقلته ليهو: يوم يقع الصقر كتر البتابت عيبو
قالي صدقته يا عبدالله لوووووووووووووووووووووول
كل الود لكم والقلب
عبدالله وداعه
| |
|
|
|
|
|
|
| |
adel alsaed
حسام يوسف
فيصل نوبي
الجندرية
محمدين محمد اسحق
معتز تروتسكى
سفيان بشير نابرى
محمد الامين محمد
محمد عبدالرحمن
ناذر محمد الخليفة
Balla Musa
munswor almophtah
الزوول
JAD
ابوبكر الامين يوسف
Muna Khugali
abuguta
مبيوع
saif massad ali
Kostawi
حسن البشاري
Elmosley
محمد الامين احمد
انتصار محمد صالخ بشير
عبد المنعم سيد احمد
فيس بوك
تويتر
انستقرام
يوتيوب
بنتيريست