|
امس شفت كاكا باقي لي بيكهام
|
امس استمتعنا بي سحر الكرة البرازيلية
كورة عجيبة
لعيبة عجيبه
استاد لوحه
جمهور ما كتير يعني مافي زحمه
شفت كاكا فاضل لي بيكهام يا عوض دكام
رونالدينو ساحر عدييييل كده عمل حركة براي قلت لو انا سويت الحركة دي
اتخيلو ما كان كرعيني لي اسي متشربكات في بعض
الجاموس البري والله بالجد بري ومتوحش كمان ادريانو حاجه عجيبه جسم ماشاء الله عليه
روبينهو ولد صغير لكن لعاب لعب التقول قرد في شجرة ينطط زي حمل الخريف
ديدا انا كنت قايل نفسي اطول زول لكن لقيت زول اطول مني زاتو عملاق ضخم عينو حمرة علي المهاجمين
كافو قصير وجراي جري التقول ساكنو ناس الحله لانو سرق ليه شيء
روبيرتو كارلوس مع انو ما لعب شيء نسبة للمباراه الجايه بين الريال والبرشا
لوسيو الشين عندو راس لو صقع بيه واحد يفتح راسو زاتو
والعاجبني الزول الدخلوه بدل روبيرتو كارلوس ده حاوار محاوره
وجراي جري
وعكاس عكس التقول في عكس الريح مسجل
اها ده انطباعي
في اللاعبين
الجمهور حاجه تانيه
تعرفو ناقصني سجيمان بس لو كان هنا معاي كان غير رايو في كلامو الكاتبو
اها والله التعب شديد امشي انوم اخير مسافر انا لمده ساعتين ماشي وساعتين جايي
ومداوم للساعه 4 مساء يعني لازم اقفل المكتب علي وانوم لي ساعتين كده عشان اقدر اتم الدوام
مع السلامه
|
|
|
|
|
|
|
|
Re: امس شفت كاكا باقي لي بيكهام (Re: abas)
|
عباس اخوي مسكاقمي والله يا اخوي انت حالتك حالة قلت لي ديدا اطول منك اكان كدي يا اخوي انت اذن عمود كهربا عديل ( ما شاء الله ) المباراة كانت يعني مش بطالة بس النتيجة ثقيلة 8 / صفر عبس اخوي خليكم في الدورة العسكرية حقتكم قال الطيران الموريتاني وحرس الحدود المصري قال
| |
|
|
|
|
|
|
Re: امس شفت كاكا باقي لي بيكهام (Re: حمزاوي)
|
الحبيب حمزاوي
تعرف انا والحمد لله مترين الا اتنين سنتمتر بس
لكن امس شايف الزول ده اطول مني
وانتو تاني الا تشاركو في دورة البنوك بس
النتيجه بطاله لانو انا شخصيا لو كنت لاعب كنت بقيف اتفرج علي السحرة
| |
|
|
|
|
|
|
Re: امس شفت كاكا باقي لي بيكهام (Re: abas)
|
اخونا عباس تشوف النبي خضر قول امين
وانشاء الله استمتعت بمريخاب البرازيل
كل سنة وانت طيب والسنة الجايه انشاء الله عندكم كاس جوي عالمي قاري
وكل المودة
مع تقديري
ابومصطفى
| |
|
|
|
|
|
|
Re: امس شفت كاكا باقي لي بيكهام (Re: abas)
|
أخونا عباس سلامات
تابعنا اللقاء الجميل عبر دبي الرياضية وكل دقيقة يردد المعلق أن "منتخبنا بخير وجيد" ، وبعد الهدف السابع قال " الغريبة أنو البرازيليين مصرين يجبوا (أقوال) بعد"
| |
|
|
|
|
|
|
Re: امس شفت كاكا باقي لي بيكهام (Re: Rakoba)
|
راكوبا الحبيب
شكرا علي الصور
لكن عليك الله ما ابداع
تعرف انو الصحافيين مشو الفندق حوالي الساعه 1 ظهرا قالو عاوزين يعملو لقاءات صحفيه مع اللاعبين المدير الاداري للمنتخب قال ليهم اسي وقت راحه بعد ساعتين تعالوا واصر علي كلامو وظلوا ساعتين في الانتظار
في حين انو لعيبت الامارات وخاصه علي مسري قلب الدفاع كل يوم بلاقيه ليك في العين مول لافي وشراب شيشه وسهر
دي كورة العرب متخلفه وسوف تظل متخلفه
| |
|
|
|
|
|
|
Re: امس شفت كاكا باقي لي بيكهام (Re: abas)
|
عباس:
Quote: لكن شفت الزول الاسمو الجاموس البري ده زكرني العجب امو |
سيب المجاملة يا عبس يعني مش عشان كيجا جاك بي هنا يكتل ليك قلبك بي كم كلمة تقوم إنت تبقى خيالي للدرجة دي!!!!!! شن جاب لي جاب !!!! العجب سيدو هيثم كورتو كورة حواري ودوافير ساي وكان للجسم ما ظنيتك بتشبهو بي أدريانو !!!! سيب المجاملة يا عباس !!!
| |
|
|
|
|
|
|
Re: امس شفت كاكا باقي لي بيكهام (Re: abas)
|
يا راكوبة :
Quote: وكل دقيقة يردد المعلق أن "منتخبنا بخير وجيد" ، وبعد الهدف السابع قال " الغريبة أنو البرازيليين مصرين يجبوا (أقوال) بعد" |
الزول ده ما قال الروب عدييييييييييييييييييييييل .. الناس ديل ما عندهم علي قاقرين زينا كده ويمشي المقصورة الرئيسية يتكلم مع مدير الفريق !!!!!
| |
|
|
|
|
|
|
Re: امس شفت كاكا باقي لي بيكهام (Re: Rakoba)
|
اخونا عباس بقي أن نقول ان تكلفة استجلاب منتخب البرازيل للإمارات بلغت ثلاثة ملايين دولار وطائرة خاصة، كما قام النجم رونالدينهو بإهداء حذاءه الذي ادى به المباراة لشاب سوداني كان يتوكأ على عصا لكسر في قدمه.
| |
|
|
|
|
|
|
Re: امس شفت كاكا باقي لي بيكهام (Re: abas)
|
حبيبنا عباس بالامس اتيحت لنا الفرصة ايضا لمشاهدة نجوم منتخب الارجنتين في مباراتهم الودية مع المنتخب القطري، والتي انتهت بفوز الارجنتين بثلاثية بيضاء، بعد أداء طيب من لاعبي منتخب قطر الشباب، والذين احرجوا نجوم التانغو في اكثر من مناسبة. وأكثر شيء تحسرت عليه هو لاعبان بالمنتخب القطري من اصول سودانية وهم شباب صغار كبار بأدائهم (مواليد كم وتمانين) استطاعوا ان يؤدي مباراة كبيرة وأوقفوا اكبر النجوم وفعلا لولاهم كانت النتيجة كبيرة، خاصة النجم بلال محمد قلب الدفاع وكابتن منتخب شباب قطر الذي نجح في غلق كافة المساحات امام النجم سافيولا حتى اضطر المدرب "بيكرمان" لسحبه خارج الملعب. ولاعب الارتكاز الرائع مجدي عوض صديق الذي ازعج النجم "ريكلمي" ومنعه من السيطرة على منطقة الوسط وسدد كرة قوية في الوشط الثاني كادت أن تلج المرمى الارجنتيني. وهذه بعض الصور لهؤلاء النجوم..
مجدي عوض صديق في اكشن مع كابتن الارجنتين سورين
مجدي عوض صديق يمنع النجم ريكيلمي من السيطرة على وسط الملعب
لقطة اخرى ومجدي يوقف ليونيل ميسي لاعب برشلونة والملقب بمارادونا الجديد
بلال محمد بالرقم 30 ومجدي يحاصرون النجم ميسي
| |
|
|
|
|
|
|
Re: امس شفت كاكا باقي لي بيكهام (Re: keiga2000)
|
Quote: بلال محمد سوداني مجدي صديق سوداني وليد محي الدين سوداني محمد الحاج سوداني وسبقهم مجيب حامد |
ولو أضفنا ليهم الخوجلي حارس المنتخب السعودي ومعتز حارس الأمارات يبقا ده فريق قومي عدييييييييل كده !!!!!! وكمان قبلهم ماجد عبد الله !!!!!!! والغريبة هم بيلعبوا في منتخبات قومية وأساسين وبيحققو نائج طيبة !!!!!
حاجة تزهج !!!!!!! لكن السؤال هل لو كان اللاعبين ديل قاعدين في السودان هل كورتهم كانت حا تكون كده !!!! مجيب لعب في الهلال أشبال وكبار ولعب فريق قومي ومستواهو بقا ماشي للأسوأ ولمن جا قطر كورتو إتصلحت !!!!
| |
|
|
|
|
|
|
Re: امس شفت كاكا باقي لي بيكهام (Re: abas)
|
الحبايب راكوبه وكيقا
تعرفو انو هنا في الخليج كمية من اولاد المغتربين الموهوبيين
لكن مين يقنع اولياء الامور بارجاعهم للسودان
وكيف يمكن ان يضمنوا مستقبلهم
وكيفيت تعاملهم مع المجتمع السوداني الهم يعتبرون غرباء عليه
هذا وغير مجموعه من المشاكل
| |
|
|
|
|
|
|
|