|
|
 طائرة بوينج «توحل» في مطار الخرطوم
|
Quote: طائرة بوينج «توحل» في مطار الخرطوم
الخرطوم: الصحافة
تأخرت طائرة تتبع لطيران الخليج عن الإقلاع أمس لأربع ساعات بعد انغماس اطاراتها في المدرج الشرقي لمطار الخرطوم. وكانت الطائرة من طراز بوينج 767، تنوي الهبوط صبيحة أمس إلا أنها وجدت المدرج مكتظاً بطائرات الأمم المتحدة، وتلقى قائدها توجيهات بالهبوط في الجزء الشرقي من المطار إلا أن الأرضية كانت حديثة التشييد، مما أدى إلى أن (تغطس) اطارات الطائرة ولم تفلح كافة أجهزة المطار في انتشالها إلا بعد استخدام (صاجات) ، واستغرقت العملية أربع ساعات ، ولم يصب أي من الركاب الـ 250 بأذى. |
|
|
 
|
|
|
|
|
|
|
|
Re: طائرة بوينج «توحل» في مطار الخرطوم (Re: الرفاعي عبدالعاطي حجر)
|
شكرا الأخ الرفاعي.
هذا خطأ فظيع من برج المراقبة
و مثال محبط آخر بأن السودان مافيهو شيتا شغال عديل و خصوصا ما يتعلق بحيوات الناس. و الفوضي و الاهمال اصبحا القاعدة و ما دونهما الشواذ.
يا ربي هل ممكن تحصل معجزة و يتم تحقيق؟
طيارة وحلت! ما شاء الله. اتاريهو المطار زريبة كاروهات، لكن ما سمعنا رأي العربجي الكان سايق الطيارة دا شنو في لعب ناس برج القبانة؟
و كان الله في عون السودان.
| |
|
|
|
|
|
|
|
|
 Re: طائرة بوينج «توحل» في مطار الخرطوم (Re: الرفاعي عبدالعاطي حجر)
|
Quote:
ولم تفلح كافة أجهزة المطار في انتشالها إلا بعد استخدام (صاجات)
|
طيب وفيها شنو ؟ ما رجعوا للخبرات القديمة وأكيد استعانوا بمساعدي اللواري حقين زمااااااان!!!
حليل زمن السفنجات (لحديثي الولادة: لواري البدفورد) تعدية القيزان بالصاجات..
زمن المساعدية أبان عضلات ...
تصدقوا أنه في ذلك الزمان كانت الرحلة من الخرطوم إلى نيالا تستغرق 7 أيام ذهاباً فقط ومثلها للعودة وباللوري..
والرحلة من الخرطوم إلى بورتسودان يومين عن طريق عطبرة و3 أيام عن طريق القضارف كسلا؟
أما دنقلا فمن يومين إلى ما شاء الله حسب مزاج قوز أبو ضلوع غرب أمدرمان والباجة بالشمال؟؟
زمن ...
اللوري حل بي دلاني في الخوي ...
بس الدنيا كانت أمان لا حرب ولا نهب مسلح ومكان ما تقيل تقيل ومكان ما تبيت تبيت ووالله ما تخاف إلا من عقرب ولا دبيب..
الشايقي
| |
|
|
|
|
|
|
|
|
 Re: طائرة بوينج «توحل» في مطار الخرطوم (Re: الرفاعي عبدالعاطي حجر)
|
اخي ثروت هذا زمان المهازل نقول في طفرة في البلد نلقى السوق ارتفع فوق فوق فوق طاقة المكافح السوداني البسيط , ينزل سعر صرف الريال والدولار نقول الفرج جاء نلقي الدنيا أغلى من زمان معادلة يديرها رعاة الفسق والضلال ما اسلامي السودان ولكن ماذا نقول ماذا نقول عزيزي فالصبر طيب .
و مثال| Quote: هذا خطأ فظيع من برج المراقبة |
| Quote: محبط آخر بأن السودان مافيهو شيتا شغال عديل و خصوصا ما يتعلق بحيوات الناس. و الفوضي و الاهمال اصبحا القاعدة و ما دونهما الشواذ. |
| Quote: يا ربي هل ممكن تحصل معجزة و يتم تحقيق؟ |
الله تعالى أعلم حسب الظروف والاحوال المزاجية للمسئول المختص فلو تتضرر مصالحه او ستعدو عليه لجنة التحقيق بدور يجني من وراءه حوافز واجتماعات وفخامة فبلا شك سيتم تحقيق وإلا فلا والف لا ونشوف.
طيارة وحلت! ما شاء الله. اتاريهو المطار زريبة كاروهات، لكن ما سمعنا رأي العربجي الكان سايق الطيارة دا شنو في لعب ناس برج القبانة؟
و كان الله في عون السودان.
اخي الدكتورDr. Abdalla Siddig
ايه رأيك
| Quote: تحياتي و لسع ديه المناظر و الغريق قدام |
الفيلم متين.؟!!!!!
أخي الشايقي لك الود
Quote: طيب وفيها شنو ؟ ما رجعوا للخبرات القديمة وأكيد استعانوا بمساعدي اللواري حقين زمااااااان!!!
حليل زمن السفنجات (لحديثي الولادة: لواري البدفورد) تعدية القيزان بالصاجات..
زمن المساعدية أبان عضلات ... |
| Quote: اللوري حل بي دلاني في الخوي ... |
| Quote: بس الدنيا كانت أمان لا حرب ولا نهب مسلح ومكان ما تقيل تقيل ومكان ما تبيت تبيت ووالله ما تخاف إلا من عقرب ولا دبيب.. |
هذي زمانك يا مهازل فأمرحي
جميعكم لكم المودة والتقدير وهذا هو السودان في عهد الكيزان .
| |
|
|
|
|
|
|
|
|
 Re: طائرة بوينج «توحل» في مطار الخرطوم (Re: الرفاعي عبدالعاطي حجر)
|
أخي هشام مدني لك الود والامنيات وللأمير صاحب الطلة المشرقة حفظه الله وأقر به أعينكمكل التحايا الطيبة,مودتي.
الرائع سيف علي ... ضاع مني الكلام هرب الحرف .. والكنت قايلو بينقري ابى ينكتب لك المودة وهو زمان لو موجوع ولو تكلمت موجوع .
أستاذي صفوت تمنياتي لكما بكل ما هو رائع ومدهش جميل ... لكن ألا تتفق معي أن بعض اصحاب الزرائب قد يحتجون على الوصف | Quote: طائرة بوينج «توحل» في زريبة الخرطوم |
لكم معآ ووولمن طل كل التحايا واود ان أقول لكم ان محدثي وهو زميل بالمكتب وله بعض الميول للحكومة دونما تحزب اؤلئك الذين يرون السطح ويكتفون بما يظهر عليه فقد قال محدثي والكلام بدوري أحيله للمختصين في مثل هذه القضايايقول محدثي يعني شنو توحل طائرة في اسفلت الخطأ خطأ الكابتن وليس برج المراقبة وكان عليكم أن تشيدوا بأن هناك مجهود مبذول لصيانة المطار وتطويره وإضافة مدرجات زيادة؟؟؟ إنتهى كلام ذو الميول الظاهرية لحب الحكومة الحرامية فما رأيكم أيها المتداخلون ؟؟؟؟؟؟؟؟
| |
|
|
|
|
|
|
| |
الرفاعي عبدالعاطي حجر
ثروت سوار الدهب
Al-Shaygi
saif massad ali
Walid Safwat
فيس بوك
تويتر
انستقرام
يوتيوب
بنتيريست