|
|
|
 Re: فصام مستعربى السودان بين ناصر القصبي و ناذر الخليفة (Re: humida)
|
يا حميدة :
الراجل حاتم ده مسكين ياخ خليهو ..
الراجل قاعد يتعلم في الخصائص المتوفرة في موقع سودانيز أون لاين وشكلوا كده الليلة اليوم بتاع كيف تضيف لينك لموضوع !!!!
المرة الجاية نتوقع منو بوست فيهو صورة عشان ده حا يكون اليوم بتاع كيف تضيف Image
Quote: والله يا حاتم ..
قايلك كتبت ليك موضوع .. |
عيبو لي يا حميدة !!!!!! ما موضوع وزي الحلاوة !!!!
مش زمان بيقولوا ليك قول كوووووووووووووووع ..
أها لمن تقول كووووووع بيقولوا ليك ما عندك موضوع ؟؟؟
أها يا حاتم قول كووووووووووووووووووووووووووووووووووع ..
إنت يا حميدة شكلك كنت متابع مجلة صباح ديك !!!!!
| |
 
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
هذه السطور ليست عن القصبي او ناذر فى شخصيهما الا فى حدود محتوى الموضوعين و ما اثاراه من مواقف و ردود افعال متباينة يمكن احلال زيد و عبيد مكانهما حتى لا يتحول الحوار الى موقف شخصي و اخر مضاد، المهم هو دلالات الموقف و النسق الثقافى الذى يحتضنه او يدور فيه.
مدخل اول:-
السودانى
تتردد فى احاديث كثير من مواطنى و مواطنات السودان مفردة "سودانى" معرفة ب"ال" وتتبعها فى الغالب قدر من الاحكام المطلقة والتعميمات من نوع "السودانى ما بعمل كده، الاخلاق والتقاليد السودانية ، الزى السودانى ، الاكل السودانى ،الزول ده تقول سودانى" او اكثرها تعبيرا جملة "وكيف يكون الحال لو ما كنت سودانى".
هذه الجمل وغيرها تعبر عن ان هناك مجموعة اتفقت على ان هناك ما يعرف ب "السودانى" وان له حزمة من الصفات والمميزات الرمزية والثقافية والاخلاقية والخلقية المتفق عليها (وهى فى الغالب او دائما ايجابية).
هذه الاحكام والتعميمات عن هذا "السودانى" مخزنة وتعمل فى نفسية وعقلية "المجموعة" هذه لتشكل صورتها عن ذاتها و فى نفس الوقت تشكل صورتها عن الاخر/المختلف بل وعن العالم خارج حدود و عالم هذه المجموعة.
اواصل كلما توفر وقت
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
اية ثقافة و مجتمع انسانى توجد فيه تصور للذات وللآخر ، هذا التصور يمنح الجماعة صورة "ما" عن نفسها وعن الآخر، ويمكنها ان تجد لها مكان (حقيقي او متخيل) فى مسرح الذوات والتصورات الذى حولها، وان تحدد موقعها و موقفها فى هذا المسرح و علاقات القوة والقربى والتقارب والتصادم فيه.
مسرح الأنا والآخر او سؤال الهوية الثقافية مجاله ليس محدد الملامح و لا توجد فيه غالبا حدود نهائية قاطعة،كذلك مجال "الآخر" الهويوى غالبا لا يمكن تعريفه الا بصيغة سالبة ،الآخر هو ما لا يطابق او يشبه الأنا، الأنا=الليل --> الآخر =النهار وهكذا.
كثير من الثقافات تنشط فيها اليات متباينة بل و متعارضة احيانا اعتمادا على صيرورة ومسار الثقافة المحددة ،مثلا اليات الجذب والدمج (الادماج) والاحتضان والاحتواء (ان توفرت لهذه الثقافة القدرات الداخلية لذلك) وتعمل لتوسيع دائرة شمول هذه الثقافة و هويتها، او اليات اخرى مثل الطرد الاستبعاد والمنع وهى تعمل على اقصاء ما تراه لا يشبه او لا يدخل فى دائرة الثقافة او الهوية المحددة وتسعى لحماية مجالها من الآخر المختلف، العوامل المتعارضة هذه (الاستبعاد و الاجتذاب) تخلق فى كثير من الثقافات اوضاع مازومة خاصة اذا تلازمت معها ازمات سياسية او اقتصادية الخ.
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
لا والله إنت زولا خطر يا حاتم 
قلت لي برضو ركبت موجة الشهرة الأيامات دي يرضو
أيااااااامك والله
كدي إنت واصل وبعد يومين تلاتة كدة حا تبقى أشهر من ناس عمر الفاروق وحميدة البيتفاصحوا ديل ..
صنفرة :
إنتا يا عمر قبال ما تركب التونسية كنتا زول مشهور !!!
هسي لمن جيت ما رجعوك لي مركزك تاني ولا شنو
نصيحة أخوية ليك يا فردة أفتح ليك بوست بي إسمي وأعمل ليك مقارنة مقارنتين كدي وسميهو القلم (والتبيان في وصف ناذر والحصان) ولوووووووووص فيهو زي ما إنتا داير وعافي منك تب !!
أها بعد تلاتة أربعة يوم كدى كان ما رجعت لي محلك الزمان ما أبقى أنا أبو النيز
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
صحي والله
الماعندو موضوع بس يشبك في قصة
مستعلواتي ومستعرب وعنصرية الشماليين
او كيف انو الشمالين المؤجرين ليهم نص بيت في الحلة الجديدة وما لاقين ياكلو كيف اكلو وقتلو ناس دارفور وشردوهم
ولا كمان يكتب في انو الاسلام دا دين ما موزون مع الزمن دا او ما بيتفق مع مواثيق منظمات حقوق الانسان
او كمان يجي يبنذ العرب جت ومافي زول يرد عليهو
لكن هوي
وين
ما بتلقوها دي .. دا كان زمان
اي فلاتي يروق في علبو بعد دا
الغرابي الاحنا ما عاجبنو والله هو زاتو ما عاجبنا
والدنقلاوي الما عاجبينو هو زاتو ما مالي عينا
والجنوبي العندو فينا راي احنا عندنا فيهو مليار راي
ولو قلتو تبقو حلوين ونعيش كويسين مع بعض اها نبقي معاكم كويسين
لاكن تجيب ليها اساءات وتحقير وعرب وقران وتمسو معتقداتنا كدي بتكونو غلطو
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Omar Bob)
|
العزيز عمر بوب
ضحكته ضحك شديده قبل ما اصل لمداخلتك الاخيره
ضحكته عشان عبد القادر دنقس شايت ضفاري.
المهم يا سيدي ان فاهمه قصدك وتساؤلك للاخ اياه وانا معك
اساله عن من يتحدث بصيغة الجمع هذه اعتقد يقصد شلته في المنبر.
نرجع للفلاته والشبهك بيهم عبد القادر دنقس
العايزه اقولوه اولا اذا كنا نعتقد ان هذا الخليط من عرب
وافارقه انتج هجين جميل فالفلاته ايضا مختلطين ولابعد درجه.
وعندنا منطقها اسمها تلس في دارفور من ديار نظارة الفلاته
وتسمى تلس وهي مشهوره بجمال بناتها واهلها عموما لذا ان قلت انا
من تلس لردوا عليك (ام بنات ملس).
وقبيلة الفلاته من اكثر القبائل التي ظلمت في السودان
حيث الصق بهم كل فعلا ذميم وهم على فكره براء من كل هذا
الفلاته عندنا في دارفور يعتبروا من القبائل العربيه ولا لسان
لهم سوى العربيه وابنائهم المتعلمين كثر. ومعك كتابا في هذا البورد
وغيره, اشكالهم تشبه تنوع كل اهل السودان فمنهم من هو كالمذيع اسلام صالح
ومن منهم من هو يحمل ملامح افريقيه خالصه, وهم اهل جود كرم ونخوة.
تقديري لك وارجوك لاتعتبره شتمك هو لم يشبهك بشيئا سيئا على الاطلاق.
بل اعتقد مخطئا انك تستعر من الفلاته.
تراجي.
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Tragie Mustafa)
|
يا عيب الشوم!
الأخ عمر آسف جدا للرد الغير لائق لحضرتكم، وأيقن أنك ستجد لي العذر. وحقيقة محرج لأجل المداخلة والتي كان يجب أن تحمل أسم ذلك "العنصري الثائر"، وبيني وبينك أخوك لازم الفراش لثلاثة أيام وكما تري التركيز ضعيف. المعذرة مرة أخري وأتمني أن تستحدث الأقتباس لأنه يظهر كحديثك. ولك الود والأحترام وللأسرة الكريمة.
دنقس.
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Tragie Mustafa)
|
العزيزه تراجي
لك التحيات الطيبات
لي مأخذ علي مداخلتك لانها جائت وكانها تطيب خاطر لان الاخ عبد القادر شبهنى بالفلاته..فانا حتما لااري اي فرق بيني وبين الفلاته.. كل من عاش خارج السودان ويعتقد ان هناك فرق بين الدنقلاوي والجعلي والفلاتيhe really need to rethink again!!!!!!!!! ولا اريدان اقول واهم
وان لم يكن قصدك تطييب الخاطر فلك العتبي تي ترضي
لك الود
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Omar Bob)
|
الاخ الفاضل
عمر لم اطيب خاطرك اخي ولكن شكل مداخلة عبد القادر كان مشاتر
وتساؤلك كان مهذب ولكنه يحتمل اكثر من معنى
فاردت ان اوضح لك كل المعاني.
ومعنا زميلا بهذا البورد يعتز باصله واكيد يستطيع ان يكتب اكثر
عن الفلاته واصلهم وهو الاخ عوض الله الفلاني.
لكن كما قلت نحن كلنا نتشابه, وكلنا عند العرب صابون!!!!!!!!
تخريمه:
هل انت عمر بوب خريج هندسة الخرطوم؟؟
تراجي.
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
!!!!!!!!!!!!!!!
| Quote: بكرة عندى زمن و حيخصص لاستجلاء حقيقة اولاد العرب فى السودان و صورتهم عند العرب |
يس عليك الله ماتنسى يا حاتم تاخدني كنموذج حي وتخت إسمي في العنوان (دا طبعا لو عايز البوست يمش لي قدام وتشتهر كمان شوية) وعليك الله خت معاك كم صورة كدة إيضاحية ..طبعا صوري كتيرة ومالية البورد دا والأبراد المجاورة لزوم إكتمال الرؤية وكدة ..
صنفرة :
لإنو البوست دا ما جاب حقو وشايف الناس لسة ما عرفتك !!!!
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: ناذر محمد الخليفة)
|
الأخ الكريم عمر، تحيات عطرة.
قلت:| Quote: لي مأخذ علي مداخلتك لانها جائت وكانها تطيب خاطر لان الاخ عبد القادر شبهنى بالفلاته..فانا حتما لااري اي فرق بيني وبين الفلاته.. كل من عاش خارج السودان ويعتقد ان هناك فرق بين الدنقلاوي والجعلي والفلاتيhe really need to rethink again!!!!!!!!! ولا اريدان اقول واهم |
ان دل هذا علي شئ انما يدل علي ثباتك وقوة ارادتك وحتما الأنسانية، وعلم الله مداخلتي جاءت من نفس الفكرة. الفلاتة أو قبائل الفولاني بكل شعابهم أصبحوا أهل لنا ودون أدني شك جزء أصيل من تركيبة سوداننا هذا. فاذا ارتضينا الأغوات وأهل حلب لم يريد البعض زم الفلاتة وكأنهم ليسو ببشر.
دنقس.
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
الاخ عمر بوب
في الفترة الاخيرة لاحظت انو البورد صراحة فيه تفنن في مهاجمة كل ما هو
اسلامي
شمالي
عربي
من ايام النكسة (احداث الشغب الاخيرة) وانا عربي شمالي مسلم ومن دا كنت باخد كل الكلام دا بصورة شخصية جدا ...
اديني رايك انت في انو انا احمد دا ليه يسيئو لي في شكل بتاع انو الشمال المسلم كلو هو السبب في المأسي الحاصلة للسودان؟؟؟؟ يعني انا عملت شنو لي الزول المات في دارفور ولا اتشرد ولا شنو ماعارف؟؟؟؟ اديني رد منطقي ولو كنت مذنب او مساهم في الماساة دي وروني
بعدين احنا القاصدا دي قاصد بيها احنا العرب، المسملين الشمالين المتهمين ظلما بي قتل وتشريد كل من مات في السودان.. او الجلابة الانا ما قادر افهما لغاية هسي... او المستعربين زي ما بقول بشاشا او اواو...
وياسيدي انا لما قلت يا فلاتي او غرابي او جنوبي او او او او قصدي ارد بيها علي شمالي او جلابي او او او... لس ابدا ما قصدت بيها اهانة او تحقير او ازلال
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
الاخ عمر بوب
في الفترة الاخيرة لاحظت انو البورد صراحة فيه تفنن في مهاجمة كل ما هو
اسلامي
شمالي
عربي
من ايام النكسة (احداث الشغب الاخيرة) وانا عربي شمالي مسلم ومن دا كنت باخد كل الكلام دا بصورة شخصية جدا ...
اديني رايك انت في انو انا احمد دا ليه يسيئو لي في شكل بتاع انو الشمال المسلم كلو هو السبب في المأسي الحاصلة للسودان؟؟؟؟ يعني انا عملت شنو لي الزول المات في دارفور ولا اتشرد ولا شنو ماعارف؟؟؟؟ اديني رد منطقي ولو كنت مذنب او مساهم في الماساة دي وروني
بعدين احنا القاصدا دي قاصد بيها احنا العرب، المسملين الشمالين المتهمين ظلما بي قتل وتشريد كل من مات في السودان.. او الجلابة الانا ما قادر افهما لغاية هسي... او المستعربين زي ما بقول بشاشا او اواو...
وياسيدي انا لما قلت يا فلاتي او غرابي او جنوبي او او او او قصدي ارد بيها علي شمالي او جلابي او او او... لس ابدا ما قصدت بيها اهانة او تحقير او ازلال
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
تراجي
| Quote: اساله عن من يتحدث بصيغة الجمع هذه اعتقد يقصد شلته في المنبر. |
اعتقد انو جاوبت ليك
شلته دي منو؟؟ ممكن تجاوبي لي؟؟؟
عمر بوب
| Quote: كل من عاش خارج السودان ويعتقد ان هناك فرق بين الدنقلاوي والجعلي والفلاتيhe really need to rethink again!!!!!!!!! ولا اريدان اقول واهم |
الكلام دا بالنسبة لي منطقي ومعاش
لكن تقول شنو لي العايشين برة؟؟؟؟؟؟؟
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
الصراع على ترسيم حدود الهوية العرقية او الثقافية هو نوع من انواع "احتكار السلطة لحمل الناس على ان يروا ويعتقدوا ويعرفوا ويدركوا بالصورة التى يريدها اصحاب السلطة ، وكذلك لفرض مشروعية تلك التقسيمات القائمة فى العالم الاجتماعى , ومن ثم استخدامها لخلق الجماعات او لتحطيمها." *
Language and Symbolic Power: Gino Raymond & Matthew Adamson
| |
|
|
|
|
|
|
|
|
|
Re: فصام مستعربى السودان بين ناصر القصبي و ناذر الخليفة (Re: Hatim Elhassan)
|
صورة الاسود فى الذاكرة الجماعية العربية:
فى علاقتها مع السودان (السود) اختزنت الذاكرة العربية عبر تاريخ طويل و صيرورة معقده احداث و صور من الماضي تتراوح ما بين الحقيقة والفانتازيا و الاسطورة.
افاض الخطاب التاريخى العربى فى سرد احداث (وقعت ام لم تقع) وتثبيت دلالاتها الثقافية صاغت ذاكرة الجماعة العربية التاريخيه فى علاقتهم مع السود. اعتنى هذا الخطاب بطريقة تنسيق هذه الاحداث وضم بعضها لبعض وذلك من خلال دمج هذه الاحداث فى تاريخ يؤلف بين عوامل متعددة الظروف والطبائع و الازمنة والدوافع والعواقب لنكون فى نهاية المطاف امام حكاية مكتملة ذات حبكة متماسكة و واضحة و مفهومة.
فالذاكرة الجماعية العربية مشحونة بالوقائع بالوقائع و العلاقات الصراعية مع الحبشان و السودان منذ زمن بعيد : حام وسام، غزو الحبشة لليمن، استنجاد سيف بن ذى يزن بكسري فارس، حملة ابرهة الحبشى ابو يكسوم لهدم الكعبة، هجرة المسلمين الاوائل للحبشة. *
سيتم التعرض لهذه الاحداث لاحقآ
* الحبشة عند العرب قديمآ كانت تشمل اجزاء واسعة من شرق افريقيا وبلاد النوبة واثيوبيا او كوش (حسب اصطلاح العهد القديم) واجزاء من السودان الحالى.
يتبع : سام و حام
| |
|
|
|
|
|
|
| |
humida
عمر الفاروق
هاشم نوريت
ناذر محمد الخليفة
فيصل نوبي
Ahmed Mohammed Osman
Omar Bob
Tragie Mustafa
Mohamed Adam
فيس بوك
تويتر
انستقرام
يوتيوب
بنتيريست