|
Re: اهداء الي: الاعضاء ..خاص: سجيمان ...كل سنه وانت طيب.. (ندي القلعه) (Re: فيصل نوبي)
|
والله على عثمان صدق وكت قال نحن بصدد اعادة صياغة الشعب السودانى. رغم الصفات القبيحة التى لاتسر والتى وصف بها قائل كلمات المدحة (الذمة) حالنا المائل, الا ان هناك صخب وصوت زغاريد يعبر عن الفرحة والبهجة والانبساطة مصاحبة لآداء الفنانة ندى القلعة. نعم اللحن جميل والآداء فى قمة الروعة, لكن الكلمات تحكى عن واقع حزين ومحبط واطلاقا لا يدعو للفرح , يبدو اننا فعلا فقدنا السيطرة على مشاعرنا , واصبحنا نرقص ونطرب فى موضع الحزن , وربما نحزن ونبكى فى موضع الطرب .
| |
|
|
|
|
|
|
Re: اهداء الي: الاعضاء ..خاص: سجيمان ...كل سنه وانت طيب.. (ندي القلعه) (Re: سجيمان)
|
سجيمان وجع الركب الجابو ليك شنو في رمضان؟؟ لعل ماها الرطوبي؟؟؟؟؟؟؟؟؟؟؟ ان بقت ياها ..دحين قالو دواها الحفرة.. اي والله .. سمعتا لي دكتور قال البدور يتعالج من الرطوبة اليقعد مع مرتو في الحفرة ... تب بطير منو... اها ان بقت الرطوبة اقبض في المرة كويس... وان بقا شي تاني ... ما بعرفو ....
عفوا تاني وتالت ورابع وخامس... جزء بسيط مما ظللت تمتعنا به طوال سنين عدادا.. ولم اكن املك باسويرد لاشكرك علي رسم ابتسامة في وجهه عابس بفعل العوارض او الزمن او حتي السخانة زاتو...
تشكر يا د.عادل
| |
|
|
|
|
|
|
Re: اهداء الي: الاعضاء ..خاص: سجيمان ...كل سنه وانت طيب.. (ندي القلعه) (Re: Ahmed Mohammed Osman)
|
احمد محمد عثمان
Quote: لعل ماها الرطوبي؟؟؟؟؟؟؟؟؟؟؟ ان بقت ياها ..دحين قالو دواها الحفرة.. اي والله .. سمعتا لي دكتور قال البدور يتعالج من الرطوبة اليقعد مع مرتو في الحفرة ... تب بطير منو... اها ان بقت الرطوبة اقبض في المرة كويس... وان بقا شي تاني ... ما بعرفو .... |
والله ياها الرطوبي... الايام دي انا في جدة عشان ماشي البلد.....وعلي العلي حايم في باب شريف زي كلب الحر....... اما الدخان...... فكرة سمحة... لكن ان ادخنتا حسي ومشيت السودان..... والدخان شايل.... وانا لي عشرة سنوات ما مشيت.... اها يقولو شنو؟؟؟؟..... يقولو سجيمان اتاريهو ما داير يجي قاعد لو فوق راي....ومتلوم في روحو...؟؟؟.......
الله يقطعك يا الكرنتينة........
| |
|
|
|
|
|
|
Re: اهداء الي: الاعضاء ..خاص: سجيمان ...كل سنه وانت طيب.. (ندي القلعه) (Re: Ahmed Mohammed Osman)
|
Quote: حرام....والله حرام..... يحاربو ندى القلعة |
المشكلة يا سجيمان انو ندوية دي طارحا نفسها كمطربة وبس .. يعني ما طرحت نفسهاكامام جامع ولا شيخ طريقة والفنان دايما بسالو من فنو ومن صوتو وتطريبو.. واتخيل لي انوالمرة دي مطربة بي الجد ... اما قصة اخلاقها او تصرفاتها فدا شي ما بخصنا.. والدليل علي كدا هسي احنا سامعين صوتها وماعارفينها معاها منو ولا لابسه شنو ولا شاربا شنو وما شغالين بيهو كتير...
******* مرة كنا بنختار في تيم الكلية لكرة القدم.. وكان عندنا واحد لعاااااااااااب اسمو خالد.. اها قمنا استبعدناهو.. لمن عرف زعل شديد وجا يشاكلنا ليه ما اخترتوني؟؟؟ قلنا ليهو انت لعاب صحي لكن ما عندك اخلاق .. بطردوك من اول مباراة...... قال لينا: الكورة لو بي الاخلاق الشعراوي كان بقي كابتن فريق العالم....
| |
|
|
|
|
|
|
|