|
|
 نــــــــــدى ,,,,,,,,
|
أحياناً ترتبط الأسماء بشيء معيّن في البال ، أي أن الإسم يدل على سيدو! وإسم ندى ارتبط بيهو الجمال، دائماً تكون ندى سمحة .. شاعر هذه القصيدة حكى مناسبتها وقال أنهم عندما كانوا في جامعة الخرطوم ألّفوا قصيدة في "ندى" ، وأثناء ما كان صديق الشاعر بيلقي في القصيدة فوجئ شاعرنا إنو في "بت ولاّ ولد ما عارفة" -على حد تعبيره - وقفت جنبوه ودار بينهم حوار إنو البت طلبت منّو إنو ما يقولوا القصيدة دي تاني عشان الناس جننوها وقالوا ليها "كتبوا فيك" طبعاً الشاعر وبطريقته الساخره سألها "وإنتي الدخّلك شنو!؟" قالت ليهو إنو إسمها ندى .. واكتشفوا إنو في ندى شينة .. وفي تلك الندى ألفوا هذه القصيدة ..
تأليف : مصدوم في ندى!
أردت أن أعلّق على الطريقة الساخرة التي استخدمها الشاعر في المقارنة بين "ندى و ندى"! الواقع أنها تمثّل اللسان السوداني الذي يتمتع بالنقد اللاذع لكل ما يراه .. هناك أمر آخر إسترعى انتباهي وهو لفظ "إنعل" لعل هذا اللفظ يبرز الشخصية السودانية المتعصّبة لرأيها والواقع أن السودانيين يستخدمون هذا اللفظ بصورة طبيعية ودون أي شعور بالذنب .. الواقع القصيدة قد أعجبتنا جداً ونتمنى أن تعجبكم !
قلتي ليّ سموك ندى!؟!
وده منو السمّاك ندى؟
ده أكيد أبوك
إنعل كِدة!
فيك شنو يسمّك ندى!؟
في صوتك أتخن مننا
إضنين كُبار زي دِشّنا
وتقولي ليّ سمّاك ندى!
خشمك ده ريحتو معفّنة
ايدين كبار حقات بُنى
وتقولي لي سمّاك ندى!؟
المشية كتّاحة وعلال
كرشك تقول شايل جَنى
وتقولي لي سمّاك ندى!؟
قالت لي "ها هدى في البطاقة إسمي ندى"
شوف يا أخ..
مافيش علاقة بينك وبين ندى
خلّيها ندى ..
خالت قريبة جارت صديقة ناس ندى
ما فيش علاقة
ندى في العيون أكحل مجعّد مسوّدة
انتي العيون فوقن قضى
ندى في الحواجب زي هلال
قصة نصوم دي مؤكدة!
انتي الحواجب دلجة بس
قلم الحواجب هاردها
وتقولي لي سمّاك ندى!؟
ندى تبتسم آلالاف مؤلفة تسعدها
وانتي الخشم شارّة التلاليش
بس طبق ومغطّي صينية الغدا
ندى في الوشيش نظرك بشيش..
ما يعقّدها
وانتي الوشيش وش الجحيش
نخرين كُبار كُرعين ردا
وتقولي سمّاك ندى!
قاتلي "آي أنا إسمي ندى"
شوفي أوعك تقولي اسمك ندى
ندى ما بس الاسم
ندى الجمال زايد الأدب زايد العلم زايد الفهم
ندى في الجمال ما شُفنا أجمل من كِده
ندى في الدلال خصّاها بيو رب العباد حين أوجدها
ندى في الأدب ..
ربّوها بيو رجال ياكلو النار مولّعة موقدة
ندى في الكلام
طبيعي صوتا بيجيب صدى
ندى في "البزاغ" ..
شربتي "سفن أب" ياهو ده !
وتقولي لي سمّاك ندى!
|
|
 
|
|
|
|
|
|
|
|
Re: نــــــــــدى ,,,,,,,, (Re: مريم بنت الحسين)
|
مرحب بيك اخت مريم اول مرة تخشى على واحد من بوستاتى والبركة الفى النسخ واللصق الدخلتك , كنت عاوزة اقول ليك انى القصايد الحلمنتيشية بى تعاليقها الكتبتها كلها مستحيل اكون كاتباها ادانى ليها احد الزملاء وعجبتنى شديد فبنزلة بتعاليقه الاودنى ليها انا ما اضفت فيها اى حاجه ماعدا بتاعت الشطة اضفت بعض الاضافات
وبعتذر لو اضايقتى لانى نزلتها .. بس اعطونى ليها فى شكل ملف ولو ما مصدقانى فى احد البوستات النزلتها عن الشعر الحلمنتيشى كنت كاتبة منقول فقالو لى مافى داعى تكتبى منقول نزليهو ساى وخلاص مافيها حاجة فبكرر اعتذارى إلك وممكن انزل ليك بوست اعتذار رايك شنو
| |
|
|
|
|
|
|
|
|
|
Re: نــــــــــدى ,,,,,,,, (Re: نجود حسن عبد الرحمن)
|
الاخت نجود...
تحياتي.. ورمضان كريم...
القال ليك انه ما تختي انه الكلام الكتاباه منقول بالغ معاك.. واخطأ في حقك.. العُرف في المنبر يقتضي انه الواحد لو ما كاتب الموضوع بنفسه، يكتب المصدر ولو ما عارف المصدر يكتب منقول.. لكن حصل خير.. والامر ما بستدعي الاعتذار أكثر من الحصل.. كل مافي الأمر انه فاجأني وجود كلماتي تماماً كما هي هنا.. دون إشارة إليها...
بنت الحسين
| |
|
|
|
|
|
|
|
|
|
Re: نــــــــــدى ,,,,,,,, (Re: مريم بنت الحسين)
|
Quote: يكتب المصدر ولو ما عارف المصدر يكتب منقول.. لكن حصل خير.. والامر ما بستدعي الاعتذار أكثر من الحصل.. كل مافي الأمر انه فاجأني وجود كلماتي تماماً كما هي هنا.. دون إشارة إليها...
|
اها اسحب كلامك ولا اخليهو منتظرة ردك ..وبالمناسبة انا ما بكتب الكلام دة عشان يقولو انا كتبت كلام جميل وياسلام عليها لكن بكتبو عشان الناس تناقش بيهو بعض
يعنى بالعربى مابكتبو مفاخرة
| |
|
|
|
|
|
|
|
|
|
Re: نــــــــــدى ,,,,,,,, (Re: نجود حسن عبد الرحمن)
|
الأخت نجود... تحياتي مره أخرى
موضوع النقل ده بالمناسبة حصل فيه مشاكل كتيره في البورد لو متابعة.. موضوع النية من وراء النقل ما هو الموضوع الأساسي... يعني ما المشكله انه للمفاخرة او لأي سبب آخر... الأمانة العلمية والأدبية تقتضي حتى لو الكلام حلو ولا ما حلو ... انه الانسان يقول انه ما انا الكاتبه... عشان لما يتقري وهو بالشكل ده الناس حتقول "نجود" الكتاباه.... على أي حال.. زي ما قلت ليك حصل خير... انا ما طالبتك بحذفه.. انا وضحته وجهة نظري.. وضيقي .. وانتهينا على كده... بس في ناس هنا ما بترحم في الحاجات دي..
| Quote: يعنى بالعربى مابكتبو مفاخرة |
أول مره أعرف انه الكتابة فيها مفاخره
!!
بنت الحسين
| |
|
|
|
|
|
|
|
|
 Re: نــــــــــدى ,,,,,,,, (Re: نجود حسن عبد الرحمن)
|
..
.
سمــح ؛؛
بس لكن ..
| Quote: ولمعلوميتك احنا اكتر من العسل على الباتنجان الإسود |
يا اما العسل دا عسل ابيض ويصنف باباغنوج..
او الباتنجان بتاعكم دا تورته شوكلاتة ..
غير كدا بجينا طمام ووجع بطن ..
مشتهي لى دجاج بانيه..
بالعدم سلطة روب ..
لو دا صعب امجنقر ..
| |
|
|
|
|
|
|
| |
مريم بنت الحسين
Ahmed Mohammed Osman
waleedi399
فيس بوك
تويتر
انستقرام
يوتيوب
بنتيريست