|
|
 الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟
|
انتهى التنافس الثنائي على قمة الدوري الممتاز بخيره وشره.. ونجح الهلال في الفوز بالبطولة للمرة الثالثة على التوالي مكرراً الإنجاز الذي حققه المريخ في السنوات الثلاث التي سبقتها، ورافعاً رصيده إلى ست بطولات بفارق بطولتين عن خصمه اللدود!
* نقول مبروك للهلال لأنه أهل للبطولة التي استحقها بجدارة وحسمها بلا هزيمة، ولن نعزي المريخ.. بل نشد على أيدي مدربه ولاعبيه، لأنهم نافحوا بقوة.. واجتهدوا للظفر للبطولة.. وكانوا قريبين منها.. ولا يعيبهم أن تذهب للهلال الذي فضل مدربه الركون لخيار التعادل ليحسم به البطولة دون أن يفرط في المغامرة أمام عنفوان الأحمر خاصةً في الحصة الثانية للقاء!
* ومثلما احتفلت جماهير الهلال بفريقها البطل فقد كان جمهور المريخ رائعاً وهو يحيي لاعبيه.. ويسمعهم الهتاف الشهير الذي غاب عن مسامعهم طويلاً (بالطول بالعرض.. مريخنا يهز الأرض).. لأنه شعر بجديتهم وتميزهم واستشعر روحهم القتالية.. ورغبتهم العارمة في تحقيق الفوز.
* وما حدث من جمهور المريخ أمس الأول ظاهرة جديرة بالتمحيص.. لأنها تؤكد مدى وعي وروعة هذا الجمهور المعلم.. وقد شاهدنا كيف ظل يطالب لاعبيه بأن لا يطأطئوا رؤوسهم حزناً.. لأن أداءهم كان جيداً.. ولأنهم لعبوا بروح المريخ.. التي عادت بقوة في لقاء أمس الأول..بغض النظر عن النتيجة.
* بعد نهاية المباراة انتظرنا التتويج بكل روحٍ رياضية، وحملنا على قناة النيل الأزرق في بادئ الأمر لأنها قطعت احتفالات الهلال ومنعت جماهيره من الاستمتاع بلحظة تسلم الكأس، لكننا علمنا بعدها أن الكأس غاب.. وتتويج بطل الممتاز سيتم منتصف فبراير المقبل.. تصوروا!!
* جمهور انتظر هذا اللقب بكل تشوق.. ومدرب ولاعبون وإداريون قرنوا الليل بالنهار وسهروا الليالي وسكبوا العرق للظفر بالكأس.. ليكتشفوا آخر الأمر أنهم سينالونه بعد أربعة أشهر من الآن!
* هذا لا يحدث إلا في السودان!
* نعود للمباراة لنذكر أن الهلال خاضها بتكتيك عقلاني.. أغلق به منطقته الدفاعية بخمسة لاعبين.. ودفع بمحورين ثابتين، وترك هيثم مصطفى يناور خلف المهاجمين طمبل وقودوين بقدراته المتميزة في صناعة الهجمات، على أمل أن ينجح في صناعة هدف يعقد مهمة الخصم الذي يلعب بفرصة واحدة.
* وكادت هذه الاستراتيجية الواقعية تؤتي ثمارها برأسية درايو كان التي مسحت القائم (من ضربة ثابتة لهيثم).. وحاول حمودة أن يخدع الحكم برمي نفسه داخل منطقة الجزاء.. وكان أمام الحكم أحد خيارين.. إما أن تنطلي عليه التمثيلية فيحتسب ركلة جزاء.. أو يشهر البطاقة الصفراء في وجه حمودة!
* لكنه مرر الحالة دون عقاب ليزدري القانون.. ويرفض تطبيقه بطريقة تستوجب مساءلته من لجنة لم نتعود منها سوى تمرير مثل هذه الأخطاء الساذجة من حكامها.. لذلك ظلوا عاجزين عن التطور عشرات السنوات!
* أما ماذا أخفق المريخ في تحقيق خياره الوحيد.. فهذا سؤال كبير أوردنا جزءاً من إجابته في السطور السابقة.. لكن السبب الرئيسي في رأينا أن الفريق أهدر الشوط الأول بكامله دون أن يستفيد منه بشيء!
* ووجد المريخ خلال الشوط المذكور صعوبة كبيرة في بناء هجماته بطريقة سليمة بسبب أسلوب اللعب الضاغط على حامل الكرة من وسط الهلال.. وساهم شغل علاء الدين بمراقبة هيثم مصطفى في إضعاف فعالية وسط المريخ لأن علاء الدين كان رمانة ميزان هذا الخط في كل المباريات الأخيرة!
* وتعقد وضع المريخ الفني في الحصة الأولى بسبب قلة حركة المهاجمين النونو وميدو بعد أن اختارا البقاء على حدود منطقة الجزاء دون حركة أو نزول للوسط أو جنوح للطرفين للهروب من رقابة داريو كان وخالد جوليت اللصيقة!
* ومن العوامل التي ساعدت دفاع الهلال وحارسه على الوصول إلى مبتغاهم إصرار لاعبي المريخ على اللجوء إلى اللعب الطويل في ظل قصر قامة النونو وميدو!
* ولعبت قلة حركة هذا الثنائي دوراً في تسهيل مهمة مدافعي الهلال.. لينتهي الشوط الأول دون أن يشكل المريخ خطورةً تذكر على مرمى المعز.. مع ملاحظة قلة الفرص عموماً في الشوط المذكور!
* وفي الشوط الثاني شاهدنا مريخاً مختلفاً.. حيث بدأ أكثر تنظيماً وأوفر قدرةً على الوصول إلى منطقة جزاء الهلال.. لكن سلبية النونو وميدو تواصلت.. فدخل العجب الذي بث حيوية واضحة في مقدمة المريخ.. لكنها لم تكن كافية لتحقيق الهدف المطلوب بسبب جودة أداء مدافعي الهلال وارتفاع مستوى الحارس المعز.. وتوتر أعصاب لاعبي المريخ بمرور الوقت.
* المريخ خسر الممتاز بأفضلية الفرصة الثانية للخصم لكنه كسب فريقاً يشبه المريخ.. تمكن من حرمان خصمه من مس شباكه أو الفوز في آخر مباراتين للقمة.. ونال هجومه لقب الأقوى في الممتاز برصيد 61 هدفاً مقابل 58 للهلال.. كما كان دفاعه الأفضل حيث لم تهتز شباكه إلا 8 مرات فقط مقابل 10 لبطل الممتاز.
* وقد هربت من المريخ بطولة كانت قريبة من يديه.. ولو واتاه قليل من التوفيق لظفر بها.. وإن كان فوز الهلال بها بأفضلية الفرصة الثانية لا يعيبه أبداً!
* هذه الفرقة الشابة المتميزة موعودة بالبطولات.. وإخفاقها في إلقاء القبض على الممتاز لا ينبغي أن يحزن المريخاب إلا بمقدار.. لأنها أكدت بكل وضوح قدرتها على إعادة أمجاد المريخ عما قريب بإذن الله.
* لن نخاف على المريخ من خصومه بعد اليوم.. ولن نخشى عليه إلا من حماقات بعض محبيه، وقد ذكرنا في هذه المساحة قبل 3 سنوات أن بناء فريق جديد يستلزم وقتاً وصبراً.. وقد قطع المريخ شوطاً بعيداً في إعادة بناء فرقته بالفعل.. وبقي له أن يستمتع بحصادها قريباً بإذن الله ما لم تتدخل الحماقات لهدمها من جديد.
* و نبارك للهلال مرةً أخرى ونتمنى أن يعيد الاتحاد العام النظر في سياسته العجيبة في التعامل مع التتويج ليسلم البطل كأسه قبل أن يجف عرقه ويمنحه فرصة الاستمتاع بحصاده في ليلة الحصاد.
آخر الحقائق
* نصحنا سعد ألا يستغني عن العجب في التشكيلة الأساسية.. وقدرنا اضطراره لإشراك يكيني كمحور ثانٍ بجانب علاء الدين بسبب تخوفه من تأثيرات غياب دامر على خط الدفاع.
* وقد رأينا كيف حول العجب مسار اللقاء.. وصنع أكثر من فرصة خطرة بمهاراته العالية.
* تتويج العجب وطمبل بلقب الهداف مناصفةً كان منصفاً للنجمين اللذين قدما أعظم خدمة للممتاز.
* سفاري استحق أخيراً لقب (السم الهاري) وهو يذكرنا بالعملاق كمال عبد الغني في صحوته وجسارته وحسن تصرفه وروعة اختراقاته بالكرة.
* واستحق أيمن الكأس ثقة الجماهير وهو يؤدي 90 دقيقة من دون أخطاء.
* بالأساسيين وليس الاحتياطيين يا برير.. بحث الهلال عن التعادل.. ولم يفز على المريخ.. لذا لزم التنويه!
* المريخ نافح بقوة.. وخسر الدرع بالتعادل في ليلة الختام.. وصدق الشوالي وهو يصفه بأنه بطل غير متوج!
* الهلال فقد 8 نقاط فقط.. والمريخ خسر 10 طيلة عمر المنافسة!
* ألم يخجل حكم كوستي بدر الدين عبد القادر وهو يشير لمساعده باحتساب دقيقتين فقط كوقتٍ محتسب بدلاً عن الضائع في الحصة الثانية للقاء؟
* هذا الشوط شهد إجراء خمسة تبديلات وأربعة إنذارات.. ودخلت فيه عربة الإسعاف الملعب 4 مرات.. واستهلك ريتشارد وحده وقتاً طويلاً بخبرته وهو (يقدل) على راحته لتنفيذ رميات التماس!
* قدرنا لرئيس الهلال الأخ صلاح إدريس روحه الرياضية العالية التي دفعته لتحية جمهور المريخ الذي رد له التحية بأحسن منها!
* وبالمثل نهنئ الأرباب الذي استحق أن يحمله لاعبو الهلال على أعناقهم مثلما حمل الهلال على ظهره وحيداً عامين متتاليين.
* وتهنئة خاصة للحبيب الصديق الودود عبد المولى الصديق.. لأنه يستحق التهنئة.
* استمتعنا بالتعليق.. لكن مستوى الأستوديو التحليلي كان ضعيفاً للغاية!
* أكثر من مرة غاب التنسيق بين الصديق أبي مدين والزميلة ميرفت.. وغاب الانسجام.. وبدا وكأن كل واحد منهما متضايق من وجود الآخر!
* عمر النقي مشروع محلل رياضي عالمي.. إن ابتعد قليلاً عن التأثر باللونية!
* ومع ذلك فقد نالت قناة النيل الأزرق لقب نجم نجوم الممتاز.. مناصفةً مع العجب وطمبل.
* إخراج المباراة كان أكثر من متميز.. ولكن وضع إعلانات على الشاشة أثناء اللعب خطأ لا يغتفر!
* الملعب جميل وقد رد منظره البديع على كل من طالبوا بنقل اللقاء إلى إستاد الخرطوم، وشتان بين هذا وذاك.
* ملعب جميل.. تصوير جميل.. أداء جميل.. تعليق جميل.. (والرك على الإستاد)!
* مبروك للهلال.. وهو أهل للبطولات.. وعزاء أهل المريخ أنهم سبقوه للظفر بالبطولة 3 مرات متتالية!
* ومستعدون لمعاودة قصف (إعلام الفول) بشراسة.. إن مس المريخ بما يسيء!
* ونحن في الانتظار!
|
|
 
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: keiga2000)
|
تهااااااااااي هاااااااااي هاااااااااااي..
نفس السيناريو يا كيجا !!!!
مش قلت ليكم حا تجوا تقنعوا روحكم بي الكلام ده !!!!!!
وحا تجوا تقولوا المريخ عظيم وبي الطول بالعرض !!!!!
طيب سؤال صغمبروتي كده ممكن ؟؟
إنتو وقت ما بتقدروا علي جنس الكلام ده وعينكم بتتكسر سريع كده مالكم بتتفاصحوا ؟؟؟؟
شتان ما بين كلامكم عن كورة هلال مريخ قبل اللقاء وما بعد اللقاء ؟؟؟
قبل اللقاء طولة لسان وقلة إحسان وتأكيد بالفوز وبي الثلاثة !!!
بعد اللقاء بقيتوا تقنعوا نفسكم بي الأداء وبس !!!!!
قبل اللقاء أكدتم فوز العجب بلقب الهداف !!
بعد اللقاء بقيتوا تقولوا هيثم والعجب يستاهلوا!!!!!!
قبل اللقاء أعلنتوها حرباً وقلتوا المريخ يحب الفرصة الواحدة !!!!
بعد اللقاء جيتوا وقلتوا أحييييييي لو ما الهلال بس خاشي بي فرصتين !!!
قبل اللقاء قلتوا الهلال لن يدرك التعادل أبداً ..
بعد اللقاء وصفتوا لعب الهلال بالجبان من أجل لعبه علي التعادل !!!!
لا يا كيجا لن تنطلي علينا هذه المسكنة ولن ننتظر مزمل أبو القاسم حتي يشفع لنا أو يحلل لنا المباراة من وجهة نظره !!!
لن ننتظر مكرمة مزمل أبو القاسم حتى نعرف هل هو راض عنا أم لا !!!
لن ننتظر مزمل ابو القاسم ليبارك لنا الكأس بهذه البساطة وهو الذي يشهّر بنا على الملأ!!
حان وقت السداد يا مريخاب !!!!
حان وقت السداد يا مزمل !!!!
لا تخدعوا أنفسكم فالحسرة تقتلكم !!!!
وانا وكل الهلالاب الغيورين نستمتع حقيقة بغيظكم هذا !!!!!!!
لا تخدعوا أنفسكم فهتافكم ( بالطول بالعرض) لم يكن حقيقياً بل كان لتطمين النفوس وتبييخ فرحة الفوز علي العملاق الهلال !!!
لا تخدعوا أنفسكم ففريقكم متهالك خسر مرتين هذا الموسم !!!!!!
لا تخدعوا أنفسكم ففريقك خرج من الأدار التمهيدية في بطولة العرب !!!!!!!!
مشكلة المريخاب أن مصيرهم متعلق بكاتب وصحفي واحد إسمه مزمل أبو القاسم !!!
إن كتب عن المريخ خيراً نام الجميع وإستكان لما كتب دون أن يقولوا (بغم)..
وإن هاج وماج هذا المزمل تجد الجميع إنقلب علي المريخ !!!!!
تخيل معي يا كيجا لو أن مزمل اليوم كتب عن إقالة محمود سعد !!!!
تخيل يا كيجا لو أن مزمل تكلم عن أن الإدارة فاشلة !!!
تخيل يا كيجا لو أن مزمل ثار على الفريق وقال بأنه فريق ليس على قدر المسئولية !!!!
العبرة بالنتيجة يا كيجا!!!!!
والنتيجة تقول :
المريخ وعلى مدى ثلاثة سنوات لم يحظى بالصعود لمنصات التتويج إلا وصيفاً للهلال !!!!
المريخ وعلى مدى ثلاثة سنوات يخرج من الأدوار الأولى للبطولات سواء القارية منها والعربية !!!
المريخ وعلى مدى 5 سنوات لم يحقق الفوز على الهلال دورياً !!!!!
المريخ وعلى مدى ثلاثة سنوات ينتظر تكوين فريق وفي كل مرة تقولون الأن وصلنا !!!
أما الهلال !!!!!!!!!!!!!!!!!!!!!!
الهلال !!!!!!!!!!!!!!!!!!!!!!!!
الهلال !!!!!!!!!!!!!!!!!!!!!!!
فهو عظيم (والعظمة لله)..
يستحق أن يكون هلال الملايين حقاً !!!!
يستحق أن يكون هو البطل دوماً
فهو الفريق الأكثر إستقراراً خلال السنوات الأخيرة !!!
لا أطيل عليك وسأوصل عن فريق الهلال إن شاء الله !!!!!!
تخريمة :
ما تغشوا روحكم والله الحسرة كاااااااااتلاااااااااكم !!!!
موتوا موتكم يا مريخاب ونحن شمتااااااااااانيييييييييين فيكم وفي طولة لسانكم !!!
ونحن ما محتاجين لي مكرمتكم وقولوا لي مزمل لا شكراً لك ..
وأتمنى من إعلامنا الهلالي أن لا يستكين لكلام مزمل !!!
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: سامى عبد الوهاب مكى)
|
سامي يا ود عبد الوهاب:
في البوست الكتبتوا ليكم عشان تجوا تكبوا فيهو الجرسة وتسكلبوا وتعزوا بعض الناس كلها سألتني وقالت لي يا عمر الناس ديل نعزيهم وين ؟؟؟ الناس ديل فارشين وين ؟؟؟ الناس ديل ببكوا المرحوم في ياتو بوست ؟؟؟
وأخيراً لقيت بيت العزاء بعد كرعيني حفن وشبشابي إتهردن !!!!
يا شبااااااااااااااااااب الناس ديل فارشين بي جاي !!!!!
يا بتاع الركشة كلم باقي الناس أي زول جايي يعزي المريخاب يجي بي هنا بيلقاهم كلللهم ملمومين !!!
يا ناس عشان ما تتعبوا أهل المرحوم كلهم بي هنا وبدل تعزو كل زول براهو تعالوا ليهم بي هنا أدوهم فاتحة واحدة وريحوا روحكم !!!
يا شباب تعالوا سريع قبل ما أهل المرحوم ديل يتفرتقوا !!!
كيقا وسامي وشيبا كللللللهم بي هنا وديل المرحوم قريبهم شدييييييد !!!!!
الفااااااااااااااااااااااااااااااتحة يا شباب !!!!
والله المرحوم كان راجل طييب ياخ !!!
والله المرحوم كان وصيف البطل !!!!!
لكن يا هناي إنت المرحوم مالوا ؟؟؟ كان عيان ؟؟؟؟
لالالالا والله يا فلان كان كويييييييييييس وكان بطل لم يتوج !!!!
أها طيب مالو ؟؟؟؟
والله نحن زااااااااتنا ما عارفين بس براك عارف موت الفجأة الحاييم الأيام دي !!!
فجأة كده نسمع صوت نغمة موبايل بتاعت واحد من أهل المرحوم ..ده صوت النغمة :
مياااااااااااااااو....ميااااااااااااو ....مياو مياو مياو ...
في جانب أخر من العزاء صوت مرا بتتونس مع صاحبتا :
إنتي يا هناية ماااااااااااااالو المرحوم ؟؟؟؟
والله يا إنتي ما عارفة بس قالوا طلعت ليهو (كدايس) في راسو!!!!!!!!!
صوت طفل برئ داخل العزاء ما فاهم الحاصل شنو وجاي مع أمو ساي وهو يدندن ويغني:
لي قطة صغيييييييييييييرة ..
سميتها سميييييييييييرة ..
تنام في الليل معي ..
وتلعب بي أصابعي ...
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: سامى عبد الوهاب مكى)
|
الاخ العزيز شيبا يارائع
وينك يازول والله البلد بعدك خلا
المنبر جاب ليه (أعود كما يعود الحمار)
وجاب ليه جرسه
الزول ماعدا ليه يومين ادوه كرت أصفر بسببي
والله دا انا درستو كويس بمتحن فيه ماجستير بعد دا
لاخلقه لا اخلاق
انا مشكلتي ماقاعد ادخل النت على طول كدا ومافاضي لجنس دا
والمريخ دائما فوووووووووووووووووق ولانهزه ريح عابره
الاخ سامي
والله فعلا شرك لكن لسع ماقبض الفيل ولا اهـــ اقصد (ابوالدحش)
ياخي ديل صيد ميت ماعندهم غير تاويل الحقائق
قال منصات تتويج ياسامي الناس ديل نسوا راسية العجب السفرت محمد ادم مارنجان حلة حسن ولسع ماعاوز يرجع هل (كدي صحح لي هذه المعلومة احتمال اكون حلمان دحين ماقلق لعب الكوره لكنيد تقريبا وكنيد عكسها كدا والعجب اداها شبال) الكوره طلعت الاوت ولا شنو كدي صحيني احتمال اكون نائم من الوقت داك
بيع الكلام بعرفوا ليه والمريخ عمروا ماكاس للتعادل
فقط كان يدخل بفرصة واحد ويحصل عليها وبهدفين كمان (عبدالمجيد/ محمد موسى) وبهدف راسية نميري الخلت احمد النور يقلب في الهوبا حتى شطبوه
يلا ياشرك جيب لينا الصيد
عباس وودالفاروق
ياخي مريخ العظة والجسارة دا والله عمروا مابقى صغير وانشاء الله تكونوا سمعتو مقوله الشوالي
يلا علينا جاي
صيد صيد صيد
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: keiga2000)
|
يا شيبا:
| Quote: انهزم من المقاولون بالسبعة |
بقيت تفتش للودي يا شيبا !!!!!
يا حليلك !!!!!!!!
أما الترجي الذي تتحدث عنه فنحن هزمناه مثني وثلاث نعم نصل لرباع ولكنها القادمة إن شاء الله ..
في ثلاثة سنوات نلنا عن جدارة لقب الدوري الممتاز ..
في ثلاث سنوات لم يستطيع فريق المريخ الفوز علينا دورياً !!!!
في ثلاث سنوات كنا نحن الرجال نمثل في بطولة أفريقيا للأندية ونترك فتات البطولات لمن هم دوننا يتصارعون عليها بعد أن نمن عليهم ونكرمهم !!!!
في ثلاث سنوات صعدنا منصات التتويج أكثر من ستة مرات !!!
في ثلاث سنوات حتى بطولة كأس السودان (بتاعت التواني) كانت ملك لنا !!!!
في ثلاث سنوات كان هداف بطولة الدوري من عندييييييييينا !!!!
في ثلاث سنوات كنا نحسم بطولة الدوري منذ الأسبوع الثاني للدورة الثانية !!!!
في ثلاث سنوات عرسنااااااااااااااااااااااااكم يا شيبا بتعرف العرس الواحد ده ..عرس عديييييييييييييل كده شفت الرجالة دي كيف..
بركة البقيت تفتش لي فرق بلاد برة عشان تستدل بيها وريحتنا من وجع الراس الإسمو المريخ ده ..
لأنك خجلان ما قدر تكتب عن المريخ في الخمسة سنوات الأخيرة دي دورياً عمل شنو للمريخ !!!
Quote: واعتقد ان عدد هؤلاء قد زاد بصورة كبيرة ونحتاج الى حظيرة كبيرة لتضمهم جميعا
لا عليك
دعهم فى غيهم يعمهون وسنكون لهم بالمرصاد |
الكلام ده زي ما مقصودين بيهو نحن فزي حا أعمل فيها ما شفتو فيا ريت لو تورينا نحن جوة الحظيرة دي ولا برة !!!!
يا كيجا :
يا حليلك والله خجلت ليك !!!!!!!!
بقيت تفتش لي كورة ناس الإنقاذ وتحسبا !!!!!!!
والله رتيت لي حالك !!!!!!
ياخ للدرجة دي بقيتو تفرحوا بي المباريات الودية !!!!!!!!
وكمان بتوصف في القون وفرحااااااااااااان أوي !!!!!!!
وين كنت لمن دورياً كده هيثم مصطفى عكس ليهو كورة زي حقت كنيد دي بس بي الأرض كده وجا واحدكده سبحان الله برضو إسمو هيثم بس ده مطمبلة وقوووووم كده يا هيثم جيب القون وقوووووم كده يا شيكوزي إتشطب وأرجع وإتشطب وأرجع وطلعوا ليهو الجنسية وووووو
يا كيجا أنسانا من الودي وركز في الدوري وعلللللللليك الله أحكي لي أخر قون مريخي كده في الدوري كان كيف وجابوا منو ؟؟؟؟
ياخ إنت بقيت ترجع لي زمن ناس نميري وعبد المجيد !!!
ياخ عبد المجيد أسة بقا مدرب وإحتمال يكون قرب يتقاعد !!!!!
طيب ممكن نحن نرجع لي المراحيم ونجيب سيرة المرحوم والي الدين ربنا يغفر ليهو ؟؟؟؟؟
بتعرف قطر ؟؟؟؟؟
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: keiga2000)
|
Quote: كلام الشوالى ريح بالى، لانو ما شفت المبارة لكن التعليق اعطى انطباع عما كان دائر
ممكن تخت لينا لنك الحفظ |
والله يا حليلكم البقيتوا تسمعوا كلام الأجانب !!!!!!
يعني الشوالي بقا بيعرف المريخ أحسن منكم !!!!؟؟؟
أسة قولوا الشوالي قالك ليكم المريخ أحسن فريق في الدنيا زاتو ..إنتو بتقتنعوا!!!؟؟؟
يا جماعة أصحوا من الوهم وسيبكم من الجرسة ومن الشوالي ومن الرجبي ومن جمادي الأخر...
إنتو وصيف البطل وبس سواء من الشوالي ولا من الجردلي زاتو ؟؟؟
والله لو عايزين مليون لنك زاتو نجيبا ليكم ولو عايزين الشوالي زاتو نجي نخليهو عضو في منبر بكري ده بس عشان ترتاحوا!!!!!!!
نحن مقتنعين البيقنع الديك منو ؟؟؟؟
تخريمة :
الشوالي طيلة فترة اللقاء كان بيقول هلال الملايييين يا ريت لو تجيبوا لينا اللينك للحفظ برضو ؟؟؟؟
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: abas)
|
عباس وودالفاروق
المابتلحقوا جدعوا انتم عليكم الله كدا جاديييييييييييييين كدا عاوزين تقارنوا بطل الكاساااااااااات المحموله جوا بالبطل المحلي عليكم الله مابتخجلوا الهلال السعودي الزمالك الاهلي الاتحاد السعودي اي مكان في الدنيا دي واي دولة فيها فريقين قمة كل واحد عندو كميه من الكاسات الخارجية الترجي التونسي المقاولون العرب محل ماتمشي تلقي قمة ثنائية لكن نحن في السودان ثنائية احادية اخجلوا على نفسكم ياخ خلوا صلاح ادريس دا يشتري ليكم كاس خارجي طالما لاعبيتكم ديل ماقادرين والحظيرة لسع مفتوحة
وصيد صيد يلا ياشرك
وزي ماقال ليكم شيبا لسع نحن ماتكلمنا انا متحفظ على شهر رمضان عندي حساب كبير مع الذين طالبوا بإيقافي وانضموا إلى الحظيرة النحن بنعرفها (عاد كما يعود الحمار) ونحن بياعين كلام واسياد بلد في الكوره في النضم في كلوا راسنا مرفوع والحمدلله التاريخ الحاضر الجغرافيا وكاس الإنقاذ دا بسببوا حارسكم خرج ولم يعد حتى الأن لغير رجعة ودرع كبير ودرع بلد المليون ميل مربع وبنحبوا البنفرحوا بيها يوماتي
ولسع نحن ما أتكلمنا ولاشنو ياشيبا
وصيد صيد ياشرك
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: keiga2000)
|
يا كيجا:
صباحات الله بي خيرا..
| Quote: المابتلحقوا جدعوا انتم عليكم الله كدا جاديييييييييييييين كدا عاوزين تقارنوا بطل الكاساااااااااات المحموله جوا بالبطل المحلي |
طيب يا كيجا النجي لي كلامك ...
أخر بطولة محمولة جواً للمريخ كانت سنة كم ؟؟؟؟؟
مش سنة 89 ؟؟؟؟ يعني قبل 17 سنة كده مش؟؟؟؟ يعني أي زول عمرو 17 سنة فما دون ما بيعرف حاجة إسمها المريخ !!!!!
طبعاً داير تجي تحسب لي كأس المريسة بتاع الطيب عبد الرحمن الفضيحة مش؟؟؟ بتتزكر سيمبا التنزاني وفضيحتو مش؟؟؟
وداير تجي تحسب لي كأس ال 90 دقيقة معاهم مش؟؟؟؟
يا كيجا من 89 ما شلتو كأس أها تاني بطولة شنو وخارجي شنو مش أحسن تركزوا في المحلي ؟؟؟؟
سيبوا الطنقعة الفي الفاضي يا قريبك ..
| Quote: عليكم الله مابتخجلوا الهلال السعودي الزمالك الاهلي الاتحاد السعودي |
أها يا كيجا عشان نوريك الهلال ده عظيم كيف(العظمة لله) ..الفرق الإنت مستدلّ بيها وشايفها أتيام بطولات وإعجازات كللللللللللللها الهلال غلبها وجوووووووة بلدها كمان وأي فريق منهم الهلال أداهو سوط حااااااااااار وأخرجهم من البطولات الأفريقية لكن عليييييييك الله تعال وريني المريخ أخرج ليهو كم فريق من اللستة دي ؟؟؟؟
ولّا أقول ليك كده صعبتها عليك طيب وريني فريق واحد من ديل إنت غلبتو ساااااااااااي كده من زمن أشعلت النار يا عمار لحدي زمن حبني الجاري لحدي أسة ورا أحمد الريان ..
شفت الهلال ده تيم ما ساهل كيف يا كيجا؟؟؟
| Quote: اي مكان في الدنيا دي واي دولة فيها فريقين قمة |
وأزيدك من الشعر بيت أي فريقين قمة لازم يكون في تنافس بيناتهم يعني مرة الكاس المحلي ليك ومرة الكاس المحلي ليهو ..
أي فريقين قمة بيكون دائماً الفرق بيناتهم في دوري نقطة أو نقطتين لكن يكون الفرق بينهم ملوة بتاعت نقاط ده ما تنافس ..
وأي فريقين قمة بيكون كل فريق منهم علي الأقل بيغلب الفريق التاني في نفس الموسم مرة أو مرتين لكن ما ممكن فريقين يكونوا قمة ويكون في فريق ليهو خمسة سنوات بيغلب في الفريق المنافس ليهو !!!!
قمة إيه اللي إنت جاي تقول عليه إنت عارف هو معنى القمة إيه !!!!!
| Quote: ياخ خلوا صلاح ادريس دا يشتري ليكم كاس خارجي |
نحن الكاسات بيشتروها مننا ما بنشتريها نحن وما أظنك ناسي لاراش يا كيجا ..!!!
الشراية دي حقتكم إنتوا وأسأل الطيب عبد الرحمن سكرتير الإتحاد العام السابق لمن براااااهو رفع شكوى في سيمبا التنزاني وبراااااااااااهو قام قال جمهور سيمبا خرب الكورة وبرااااااااهو قال المريخ هو المتأهل مع العلم إنو المريخ يومها مغلوب !!!
| Quote: وزي ماقال ليكم شيبا لسع نحن ماتكلمنا انا متحفظ على شهر رمضان |
كلنا يا كيجا عندنا كلام كتيييييير وكلنا رمضان ماسكنا بس ربنا يتقبل الصيام والقيام ..
| Quote: ونحن بياعين كلام واسياد بلد في الكوره في النضم |
غايتو يا كيجا في النضم أبصم بي العشرة إنتوا بياعيييييييين والله وما بتتلحقوا بس الله يخلي ليكم طولة اللسان قبل الكورة والجعجعة وبعد الكورة حيلكم يبرد ولسانكم يتقطع وتبقوا في الشوالي قال والجردلي قال !!!!
أموت انا في الشوالات وأحب سكر كنانة زاتو !!!!!
لكن في الكورة دي ماكم أسياد يا كيجا !!!! هي السيادة دي كيف ؟؟؟؟ عليك الله ما تجي ناطي لي بي كأساتكم المن القرن الماضي دي !!!!!!
السيادة عندنا وبراك بتعرف هيثم سيدا والحاولتوا تختوا العجب (ٍسيدو) طبعاً سيدو هنا الضمير راجع لي هيثم اللهو سيدا وسيدو وزي ما قال كاتبنا الهلالي لا فض فوه لون ساااااااااي بالله منو سيد التاني ؟؟؟؟
| Quote: في كلوا راسنا مرفوع والحمدلله |
كضباً كاضب ...وكضاااااااااااااب كضااااااااااااااب يال البعيو يمين كضااااااااااب..
والله رأسكم في الأرض وعينكم مكسورة كسرة الجن ومحل ما تلقوا ليكم هلالابي ماشي في الطريق تزكروني بي المرا البتتبلم بي التوب لمن تشوف رجال الحلة قاعدين في الشارع !!!!ما قلت ليك يا شيبا الحكاية عرس عدييييييييل كده ؟؟؟؟
كلباً كلباً دنقر رأسك أرفع ضنبك !!!!!
| Quote: وكاس الإنقاذ دا بسببوا حارسكم خرج ولم يعد حتى الأن لغير رجعة |
كدي صلّي علي النبي يا كيجا وقول بسم الله !!!!!
حارسنا البتقولوا ده هو الحارس الرابع في الهلال وقدامو في ناس المعز وأبوبكر والزول ده والله جبناهو عشان نديكم فرقة تجيبو قووون ..يعني من قبل مباراة هلال مريخ الزول ده ما ظاهر وإنت براك عارف كده لكن أهو دايرين تقنعوا روحكم بي حاجات زي دي !!!!
بالله عليك يا كيجا إنت مقتنع خليني أنا ؟؟؟؟؟؟؟؟؟؟
| Quote: ودرع كبير ودرع بلد المليون ميل مربع وبنحبوا البنفرحوا بيها يوماتي |
والله يا كيجا كضااااااااااااااااب ووالله لا بتفرحوا بيهو يومواتي لا يحزنون ..مش ياهو درع القرعة ده البيجي أبراهومة يرمي الطرة كتابة ولمن ال6 شهور الأولى تجيكم تقعدوا تكوركوا وأبراهومة يحوم بي الدرع حول الميدان زي الشايل كأس العالم ؟؟؟
درع إيه يا كيجا كان غشيتونا نحن ما أظن بتكونا قاعدين تغشوا روحكم !!!!!
| Quote: ولسع نحن ما أتكلمنا ولاشنو ياشيبا |
ومن هنا ولي قدام يا كيجا صدقني ما عندكم كلام ..الكلام حقنا نحن وبس ..نتكلم نحن ونضحك نحن ونفرح نحن ونتجددددددددع نحن ..
وكااااااااااااااااااااااانت ساعة النصر في إكتمال الهلال !!!
ولا شنو يا شيبا ...
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: عمر الفاروق)
|
ودالفاروق
نحن لو ماخلينا ليكم الكاسات المحليه كان زمان اتفرتقتوا اقعدوا انتو للكاسات المحلية ونحن بنجيب ليكم الكاسات الخارجية ونمسح فضائحكم السداسية والخماسية والرباعية والثلاثية (أثنين مافي كلوا كلوا) الاثنين ديل قبل الفريق مايدخل بكون جابهم
بعدين محمد ادم الحارس الرابع الثالث منو ؟؟؟
عباس
الحقد على شنو (على خيبتكم) من كاساتكم الخارجية ولا نتائجكم الطيبة اي هزيمة داخلية لشمبات الخرطوم ثلاثة هلال بورتسودان بالفلوس وكمان بإتفاق انو هذه الفرق تجيب القون الاول دي على منو يابله وكمان فرق مدني بعد مابقى عبدالرحمن سرالختم والي اصبحت تتأسد مع المريخ وتبقى نعامه مع الهلال
حقد قال يحقد عليكم على شنو والله الحقد في قلوبكم السوداء عشان كدا الله مسوده عليكم من الكاساااااااااااااااااات المحموله جواااااااااااااا
ولايغير الله مابقوم حتى يغيروا مابداخلهم
وكتر خير صلاح ادريس البقى يشتري ليكم المباريات يخليكم تفرحووووووووووووووا
كمان بكاديسه
البركه فينا نحن الخليناكم تلعبوا في الاستاد العالمي بتاعنا
وفووووووووووووووووووق فوووووووووووووووق مريخنا فووووووووووووق
| |
|
|
|
|
|
|
|
|
|
Re: الرائع مزمل ابو القاسم وكبد الحقيقة تتويج مؤجل ومثالية جمهور المريخ العظيم !.....؟؟؟؟؟ (Re: keiga2000)
|
يا كيجا:
طيب ياخ كلامك صاح والله وإنتو ناس الكأسات الخارجية طيب ياخ ما وريتنا بتين حا تجيبوا ليكم كأس خارجي كده تصبروا بيهو روحكم ؟؟؟؟
الببيسمع كلامك بيقول إنكم كل سنة بتجونا ناطين ليكم بي كأس كأسين كده !!!!
يا كيجا ورينا أخر كأس خارجي حق رجااااال كده شلتوهو بتين ؟؟؟
وكدي ورينا هل في واحد من اللاعبين الحاليين شال ليهو كأس خارجي ؟؟؟
لعيبة الكأسات الخارجية بتاعنكم أسة أولادهم عرسوا وبقوا أجداد عدييييل كده !!!!
| Quote: بعدين محمد ادم الحارس الرابع الثالث منو ؟؟؟ |
نحن ما عندنا حارس تالت زاتو عشان تعرف إنو بس عندنا معز وأبوبكر وبعدو فاااااااضي حتي بعد داك محمد أدم !!!!!
شفت الرجالة دي كيف؟؟؟
الله يا مريخييييييييييييييييين الله يا الطل الذي لم يتوج يا سلاااااام عليكم يا أيها المريخيون الله علي الوصيييييييييييييييييييف !!!!
يا شيبا جيب لينا لينك الشوالات عليك الله عايزين نحفظو للتاريخ عشان بعدين لمن نقول ليكم كنتوا الوصيف ما تنطوا..
يا كيجا ورينا أخر كأس خارجي عليك الله ؟؟؟
| |
|
|
|
|
|
|
| |
keiga2000
sheba
abas
عمر الفاروق
محمد الامين احمد
Al Sunda
فيس بوك
تويتر
انستقرام
يوتيوب
بنتيريست