|
ظاهرة العنوسة... قصاد كل واحد ( فلترون ) اربعة ( جكسويات )
|
ظاهرة العنوسة اصبحت هاجسا لكافة قطاعات الشعب السوداني المختلفة فلا يكاد يخلو بيت منهاومما افرزته هذه الظاهرة الخطيرة العلاقات غير الشرعية التي تتم في الخفاء منها الزواج العرفي وزواج المتعة والزواج تحت مظلة الصداقة وكلها زيجات غير شرعية طالما لم تتوفر فيها النصوص الشرعية الخاصة بعقود الزواج والتي هي معروفة للجميع.. عزوف الشباب عن الزواج له اسباب كثيرة منها الاقتصادية ومنها الاجتماعية .. رغم ان الحكومـة تبنت الكثير من الزيجات الجمـاعية الا ان معظمها فشل لان الحكـومة تبنت فقـط ( الجانب ( الدعائي ) منها.. خلال اجازتي الاخيرة للسودان التقيت بصديقـي الاستاذ ابـراهيم ود سعديـة وهو خبير جكـس ( متفاعد ) في محلية الباوقة ودار بيننانقاشا طويلا حول ظاهرة العنوسة ود سعدية ذكر لي ان هذه الظاهرة دخيلة على مجتمعنا وتحديد منطقة الباوقة وزمان كان لـو في واحـدة ( بايرة ) تكون معروفة لكل اهل المنطقـة وسرعان ما يتقـدم احد الشباب او من هم على ذمة امرأة بالاسراع للزواج منها .. ايضا حكى لى عن الزواج الجماعي حيث تم عقد قران ما يقارب الستمائة زيجة في يوم واحد وبعد اقل من ستة شهور تم تطليق النصف والنصف الآخر من الزوجات يعشن في حالة ( حرجة ) لا يعلمها الا الله ..فهل تستمر تلك التجاوزات الفظيعة ام ان هناك امل في حل المشكلة ....
|
|
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: humida)
|
Quote: ود الباوقة .. في داعي للإحراج .. عشان عارفنا مفلسين .. جاي تكاوينا بالعرس .. |
مكاواة شنو يا حميدة .. والله هس نحن في التخارج ( تولاتنا ) انت احمد ربك وانقطع ليك في واحد من الخيارات الفوق ..
Quote: وبعدين ما في داعي للمواضيع الانصرافية دي رجعنا الدوري المحلي احسن لينا سنترليق الصعود الي الكوشة .. ملاسي بتيخ ضد عثمان بستلة .. |
ستكون هناك مبارة ودية في العيد والفائز فيها سوف يقابل المهزوم في كاس دوري ( المراحيم ) حدد من هس انت بتشجع منو ...
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ود الباوقة)
|
الأستاذ ود الباوقة.. تحية...
غايته انا سمعته بالإحصائية بتاعت 4-1 دي.. ما لقيت ليها أي مصدر ممكن يكون موثوق.. وما فاهمه اشمعنا العدد أربعة ده تحديداً... ! فيما يخص الظاهره في حد ذاتها، لن أخالفك الرأي بأنها موجوده.. هي موجوده فعلاً.. ومنتشره بين الرجال والنساء على حد سواء.. إلا أن الرجل لا يلقّب عانساً حتى وان وصل الأربعين.. في حين أن البنت تأخذ اللقب عن جداره ما إن تتعدى الخامسة والعشرين من العُمر... هذه الظاهره مردّها إلى المتطلبات المتزايده للزواج.. والمغالاة في مظاهر الفرح المُصاحبة.. والمُلام في هذا أخواتي البنات قبل أي إنسان... اذ تطلب الفتاة عادة ما لا يقدر على توفيره الرجل .. مما يضطره إلى التغرّب في الخارج لجمع مصاريف الزواج.. وهذا الجمع قد يأخذ سنين من عمره لينفقه بعدها في أسبوع واحد وبعدها (يقعد يتلفّت).. التبسيط التبسيط التبسيط يا أخواننا وأخواتنا.. وربنا يديم الفرح
بنت الحسين
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: مريم بنت الحسين)
|
Quote: اذ تطلب الفتاة عادة ما لا يقدر على توفيره الرجل .. مما يضطره إلى التغرّب في الخارج لجمع مصاريف الزواج.. وهذا الجمع قد يأخذ سنين من عمره لينفقه بعدها في أسبوع واحد وبعدها |
يقعد يتلفت شنو يا مريم..؟؟ هو بفضل فيهو راس علشان يتلفت بيهو ؟؟ أقرب ( شاكوش ) بيركب الظلط وبيلقط اكياس من شارع الظلط ويربطه مع بعض .. غايتو انا عندي صاحبي ركب الشارع واتنين الآن في الهولدن .. . يا ود الباوقـــه.. 4-1 دي والله خطيرة .. كدي بلاي اتأكد لينا من القصة دي ..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: مريم بنت الحسين)
|
Quote: غايته انا سمعته بالإحصائية بتاعت 4-1 دي.. ما لقيت ليها أي مصدر ممكن يكون موثوق |
الاخت العزيزة مريم .. مصدري هو استاذنا ابراهيم ود سعدية ...
Quote: خلال اجازتي الاخيرة للسودان التقيت بصديقـي الاستاذ ابـراهيم ود سعديـة وهو خبير جكـس ( متفاعد ) في محلية الباوقة ودار بيننانقاشا طويلا حول ظاهرة العنوسة |
Quote: وهذا الجمع قد يأخذ سنين من عمره لينفقه بعدها في أسبوع واحد وبعدها (يقعد يتلفّت).. التبسيط التبسيط التبسيط يا أخواننا وأخواتنا.. وربنا يديم الفرح |
الاخت العزيزة مريم .. لا اعتقد بان تكاليف الزواج هي العقبة الرئيسية في ظاهرة العنوسة ولكن المشكلة هي ما بعد الزواج من التزامات كثيرة منها وجود سكن وتأثيثه مع مصاريف فتح البيت في ظل الظروف المعيشية الصعبة جدا.. دا لو ما حصل حمل ومراجعة شهرية للدكتور ومن ثم الولادة ومستلزماتها التي الا تقل بأية حال من الاحوال عن تكاليف الزواج .. دا لو ربنا ادي العريس صبر لي داك الوقت .. وما كب الزوغة من العروس..
كذلك اهم شء الا تكون نظرة الفتاة لمن تود الارتباط به ( مادية ) بحته لابد من تقديم تنازلات من قبل الفتاة ومن قبلها اهلها والا سترتفع النسبة لتصبح ( قصاد كل واحد فلترون عشرون بنتا ... رايك شنو ...
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ترهاقا)
|
Sudan
Population: 40,187,486 (July 2005 est.) Age structure: 0-14 years: 43.2% (male 8,865,331/female 8,488,982)
15-64 years: 54.5% (male 10,952,566/female 10,930,21
65 years and over: 2.4% (male 513,679/female 436,710) (2005 est.)
Population growth
Rate: 2.6% (2005 est.)
####### ratio:
at birth: 1.05 male(s)/female
under 15 years: 1.04 male(s)/female
15-64 years: male(s)/female 1
65 years and over: 1.18 male(s)/female
total population: 1.02 male(s)/femal
ومن الارقام اعلاه الرجال اكتر من النساء فى السودان http://www.cia.gov/cia/publications/factbook/geos/su.html
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: humida)
|
أبو النسب عمر
تحايا و سلام
العنوسة ليست ظاهرة إجتماعية بقدر ما هي حالة عامة تؤرق كثير من دول العالم نظراً لتزايد عدد الإناث بنسبة كبيرة عن عدد الذكور. هذا سبب. السبب الآخر هو الحالة الإقتصادية لشريحة كبيرة من الشباب. 3. الصرف البذخي و المغالاة في الطقوس و الصرف التفاخري .. 4. معظم الفتيات يضعن صورة معينة للشاب ( تبدأ بمواصفات عمر الشريف ) .. ثم يبدأ التنازل كلما مر قطار العمر حتى يصلن إلى مرحلة ( عمر بنقو ) أقصد هنا أن معظم الأحلام الوردية تبدأ في سن مبكرة .. و عندما تستيقظ الفتاة لتعيش الواقع تجد أن القطار قد شارف على محطته الأخيرة .. هنا يكمن دور الأسرة في تغيير مفاهيم الفتيات و نظرتهن للحياة .. و أن الرجل ليس شكلاً أو مادة .. أو إمكانات مرفهة .. طبعا لن يدخل في حساباتنا هنا مسألة الحب أو توافق فتاة و فتاة .. لأن هذه حالة منفصلة. حتى الشباب الآن يبحثون عن الفتاة ( المرتاحة ) .. الموضوع عاوز شغل شديد من المنظمات النسوية و بالتعاون مع الأسرة. و الله المستعان
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: smart_ana2001)
|
Quote: Sudan
Population: 40,187,486 (July 2005 est.) Age structure: 0-14 years: 43.2% (male 8,865,331/female 8,488,982)
15-64 years: 54.5% (male 10,952,566/female 10,930,21
65 years and over: 2.4% (male 513,679/female 436,710) (2005 est.)
Population growth
Rate: 2.6% (2005 est.)
####### ratio:
at birth: 1.05 male(s)/female
under 15 years: 1.04 male(s)/female
15-64 years: male(s)/female 1
65 years and over: 1.18 male(s)/female
total population: 1.02 male(s)/femal
ومن الارقام اعلاه الرجال اكتر من النساء فى السودان |
smart شكرا على الاحصائية التي تبين ان الرجال اكثر من النساء ودا ممكن يكون صحيح لكن المشكلة في عزوف الشباب عن الزواج ..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: مريم بنت الحسين)
|
يا ريس.. لو بقن زي... ما قال صاحب الرسالة عليه صلاة والسلام: (إن أعظم النكاح بركة أيسره مؤونه)..
بتخايل لي وكده بنكون وصلنا.. لمجتمع الكفاية الإنتاجية.. فنحن أمة حفز الفرد مننا.. بالجنة.. إذا .. عال ثلاث بنات.....
فالمجتمعات الواعية... هي التي تيسر وتساعد أبنائها...
على الزواج..
مثني وثلاث ورباع.. وإن خافو العدل..
فواحدة...
وتاني.. برضو... قل معي يا أخي...
لا... لغلاء المهور..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ود الباوقة)
|
لا تتعجلو الكوارث ..فالكوارث لا شك قادمة..
انا ماعارف ليه العرس اصلا هاجس .. ليه يعني المرة لامن ما تعرس خلاص زي خلاص الادوها الطير كده..
المسالة دي عادية جدا.. من المفترض تتقبلوها بصدر رحب ..
لو كان الاصل في الاشياء الزواج كان ربنا جابنا من بطون امهاتنا بي عروساتنا..
المسالة دي ما ُجبر ولا هي نهاية العالم ..
وكلو كلام فارغ.. مافي شي اسمو عنوسة .. العنوسة دي مسمى لي وهم مزروع في رؤؤس الحريم المتخلفات واللواتي استحققن لقب حريم عن جدارة.. حرف العين +الف + نون + سين حروف جميلة قابلة للمداولة لانتاج كلمات طيبة وذات معاني هميمة .. بس للاسف قبل كم طاشر الف سنة كده واحد معقد نفسيا لماهم مع بعض بالترتيب المعروف حاليا وقال ال(عانس )هي المراة غير المتزوجة..
بعد داك جرت الصفة في اصقاع الدنيا ..وجابو لي البنوت نفسيات .. الان هذه الحروف اصبحت وبفضل التخلف المستحكم تشكل حروف رعب لي الانثى ..
مفردة العنوسة دي جزء من مفهوم التسلط الذكوري الرعوي على الجنس الهين ولين.. ليه يعني مافي راجل باير.. وليه مافي راجل بايرة بالتاء المربوطة.. اصلا التاء المربوطة دي شنو ذاتو.. وليه مربوطة وما مشبكة اومخيطة او مزروقة او ما شئت من اباطيل.. وليه التفريق بين الرجل والمراة في التانيث والتذكير اصلا.. يعني شنو لو قتا انيسة جا وقتا والوافر جا .. شنو يعني موش اتفهمت برضو ..لازم يعني افرز؟؟
انيسة جاب لي الشاي والحسن جاب لي الشاي .. الفرق شنو .. المحصلة النهاية انو الشاي وصل...
انيسة شرب الشاي والحسن شرب الشاي ... المحصلة انو الشاي اتشرب وممكن تكب تاني.. شنو الفلسفة وتذويق النصوص دي .. لزومو شنو التزويق والفلقصة في مخارج حلقك .. فرنسيين انتو؟؟ لزومو شنو القشرة بي الحروف دي؟؟ دي شنو اللغة الغريبة البنتكلم بيها دي.. انا لااومن باللغة العربية كوسيلة للتفاهم (وده موضوع تاني).. لكن جابو الدرب ..
اللغة العربية دي لغة انبياء والهة فقط لاغير.. لاتصلح للبشر وسائر خلق الله..
انا شخصيا كلامي مرات متيرة جدا بتمو كواريك وغميز وحركات يدين.. كناية عن عجز اللغة في توفير المعاني في لحظات معينة .. ومرات بخت من الانجلزي شوية ومرات من الرطانة كتير..
على الاقل لغتكم دي عاجزة لانو بتمرق لينا معاني ما عادية .. وفي غنى عنها ولا تنتج إلا مجتمع نفسي غير سوي..
مفردة العانس مثلا عندنا في النوبية اسمها(بيا كول) (بيا)تعني بكارة و(كول)تعني صاحب .. (بيا كول) =( صاحبة البكارة) هي اصلا صاحب البكارة .. بس لزوم فهمكم عملتها ليكم صاحبة.. وانحنا ما عندنا تانيث وتذكير وهلم عقد فارغة .. المجتمع النوبي مجتمع لايؤمن بالفروقات الجندرية دي .. ولذلك ليس من عقد وليس من نفسيات ... اللهم إلا بعد قدوم عبد الله بن ابي السرح بطلائع فتحه الميمون.. جابو لينا التاء المربوطة والناقة المربوطة والبنت المربوطة ..
يعني ما شلنا هم لي البت النوبية لامن تبور وقمنا عملنا زيكم ونجرنا ليها مفردة براها كانها طريدة .. ابدا بس اديناها حقها وقنا (بيا كول)..بت بي بكارة .. قد ُتفض وقد لا تفض .. ان ُفضت خير وان ما ُفضت خيرين..
اها ناس قريعتي راحت ديل من شدة ماشالو هم البت المامتزوجة قامو نجرو ليها اسم براهو لتخليدها كغير متزوجة في قاموس اللغة .. فذلك بالطبع حسب المفهوم الرعوي امر جلل ولا يجوز ان يظل دون تخليد .. اسم يحفظ نفسة من النسيان .. شالو همها وشيلوها هم اكبر من بكارتها ..
نهايتو وانا زول صايم ومافاضي ليكم كتير..
انحنا بقى عايزين ندعو لي شي اسمو الانسان غير المتزوج..
الانسان المستوحد..والانسانة المستوحدة .. تفكو في كوكب زمردة بتاع سبيس تون يقعد عادي بدون ما يشتاق لي انثى.. وتفكها عادي في عطارد تمارس نشاطها عادي بدون ما تفكر في اي ضكر..
تفكهم في اي حتة في درب التبانة دي يقعدو زي الترتيب كمن خلقو لتلك الحتة من درب التبانة ..
الانسان الكوني ياخوانا..او الانسان المفكوك ..
التسجيل لدى العزيز تمبس..
لا شروط للعضوية .. فقط استعداد للعيش في اي فج في درب التبانة.. تعال الينا ونحنا كفيلين بفكك في تلك الفجة .. حنوريكم كيف تعيشون براكوحدكم مستوحدين كمن ُخلقتو لهذا الشأن..
***********************
ود الباوقة .. ياخ ده هسع موضوع تفتحو في رمضان ؟؟ ياخي المرة دي من بنبرها ولي ورا ..
عامل ليهم بوست كمان!! الله يهديك بس ..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: DKEEN)
|
Quote: مفردة العانس مثلا عندنا في النوبية اسمها(بيا كول) (بيا)تعني بكارة و(كول)تعني صاحب .. |
والله انتو ما بعيدين مننا في التسميات لكن خسمتك بالرسول كول تعني صاحب ...
Quote: ود الباوقة .. ياخ ده هسع موضوع تفتحو في رمضان ؟؟ ياخي المرة دي من بنبرها ولي ورا .. |
طيب افتحو متين يا دكين يا قمر دورين ... بلاش الشين ..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: saadeldin abdelrahman)
|
السلام عليكم ورحمة الله وبركاته
لا ادرى لم كلما تطرق الحديث عن العنوسه يلقى اللائمه على الفتاه او المصاريف الزواج الخ هذه الاسباب التى اعتبرها قديمه نوعا ما
أعتقد ان مسأله التكاليف ده ما أهم شئ فى الموضوع, يعنى لوواحده وجدت واحد مقتنعه بيهو ما اظنها حتتوقف على مسأله التكاليف ده كثيرا, فالمرأه تشترى رجلا فى ذمن اصبح فيه الرجال قليون جدا ولا اعنى من ناحيه الكم بل الكيف
من رأيى ان اسباب العنوسه يرجع للاسباب التاليه
1- انعدام الثقه بين الطرفين والانحلال الذى يشهده مجتمعنا, يعنى الشباب يرون انهم يمكنهم ان يتسلوابالفتاه بدون ذواج ويمكنه ان يخرج معها عادى وفى اى وقت وقد يحدث الكثير من التجاوزات, طيب مادام هو اى شئ عايزو بلقاهو حيمشى يتزوج فى سن مبكره ليه? ماتخليه يشبع الاول( طبعا ده تفكير الكثير من غير الملتزمين دينيا) ومن لم يكن الدين عاصم للأنسان من الخطأ فماذا يعصمه
2- أستهتار الكثير من الشباب والشابات وخلوهم من المسؤليه والارتباط بالعلاقات المحرمه او غير محرمه لسنين طويله وتصديق الفتاه لوعودالشباب, فلما تفيق الفتاه تجد العمر قد مضى الا بعض الحسره والالم
3- أصرار الفتاه بعدم الزواج حتى اكمال تعليمها وربما الدراسات العلياء وكلما تعلمت الفتاه ذاد طموحها وشروطها فى من ترغب الارتباط به
4- أهمال وصيه الرسول صلى الله عليه وسلم بالأقتران بصاحب الدين 'من جاءكم من ترضون دينه وخلقه فزوجوه' او كما قال والبحث عن الاشياء الدنيويه فى الرجل دون الالتفات لدينه وخلقه 5-اعراض الفتيات عن شباب هذا الزمن لأستهتار الكثير منهم, وعدم الاقتناع بالمثل القائل ضل راجل ولا ضل حيطه, فالفتاه ليست ملزمه بالزواج بأى رجل والسلام ويمكن انو يكون غير متكافئ معها من ناحيه الدين والاخلاق, فالأفضل والاكرم لها البقاء بدون زواج من الزواج من رجل لا يتقى الله فيها, لا يتحمل المسؤليه ويكون مختلفا معها فى كل شئ
فى الختام الله سبحانه وتعالى قدر لكل انسان رزقه وكتبه فى الصحائف قبل ان يخلق الانسان بخمسين الف سنه, فكل واحد, واحده سيجد رزقه ان شاء الله, متى واين وكيف فهذه مشيئه الله سبحانه وتعالى وليست مشيئه الانسان
وفى النهايه نسأل الله ان يرزقنا ويرزق كل النساء المسلمات الازواج الصالحين الاتقياء الذين يخافون الله فيهم, فالزواج قد يكون نعمه وقد يكون نقمه, نعمه ان من الله على الانسان بالزوجه الصالحه والزوج الصالح ونقمه ان ابتلاهم بالزوج الطالح والزوجه الطالحه نسأل الله السلامه
وفى امان الله
لا اله الا الله
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ود الباوقة)
|
يا ودالباوقة والله الطريقة دي ميرسلاف ما سبقك عليها ..
كثيراً ما تناقشنا في هذا الموضوع دا معاً .. ممكن نتحول من خانة السؤال للبحث عن الإجابة .. نعم هناك عنوسة كبيرة بين الجنسين على السواء .. ودا ناتج من الأسباب التي ذكرها المتداخلون .. يجب السعي والجلوس لبحث وعلاج هذه الظاهرة إن جاز لي التعبير .. هي فعلاً أصبحت ظاهرة مؤرقة ومقلقة للجنسين .. إذاً دعونا نجلس ونتفاكر ونتشاور لأيجاد الحل المناسب لها .. إذا الحلول .. الحلول .. وحدها للخروج من هذه الظاهرة ..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ود الباوقة)
|
Quote: هي فعلاً أصبحت ظاهرة مؤرقة ومقلقة للجنسين .. إذاً دعونا نجلس ونتفاكر ونتشاور لأيجاد الحل المناسب لها معتصم .. |
وين الشي المؤرق هسع هنما يا معتصم؟؟
زول قال ليك واحد مقابل اربعة ..
دي هسع مسالة عايزة حل؟؟ خلي الموضوع تاني كم سنة كده ولامن تبقى واحد مقابل خمسة .. شد واركب
خمسة انتا لاقيهم وين؟؟
وما تقعد تعمل لينا مشكلة من مافي..
| |
|
|
|
|
|
|
Re: ظاهرة العنوسة... قصاد كل واحد ( فلترون ) اربعة ( جكسويات ) (Re: ود الباوقة)
|
Quote: عمره لينفقه بعدها في أسبوع واحد وبعدها (يقعد يتلفّت).. التبسيط التبسيط التبسيط يا أخواننا وأخواتنا.. وربنا يديم الفرح |
مريم بنت الحسين بطلى الجرسة وخلى نادر يتم السنة دى وينقطع فى واحدة والاتنين
الباقيات ليه الله يديه عمر ليهن اما انا وود قاسم جاهزين جاهزين لحماية اتنين
رايك شنو يا ود الباوقة هييييييييييييع هييييييييييييييييييع
حاشية:اتنين بلغة ناس دكين معناها مرتين،،،،
| |
|
|
|
|
|
|
|