|
Re: تاج الشر الخشن (Re: osly2)
|
يا فرده شكلك بقيت زى شواطين لاعب الهلال فى السبعينات قالوا الحكام كانوا بدوهو الكرت الاصفر ومن ثم السماح له ببداية المباراه
متين جيت ومتين انذروك?
انذروك دى حاسيبها كدى حتى ياتى مصحح البورد ملاسى او حتى تقوم بتاييدها بت الاحفاد
ليك وحشه يا شواطين
| |
|
|
|
|
|
|
Re: تاج الشر الخشن (Re: osly2)
|
Quote: شكلك بقيت زى شواطين لاعب الهلال فى السبعينات |
أوسـلي يا حبيبنا ..شواطين لاعب الهلال فى السبعينات دة من طابت، إسمه محمد الجاك و هسي في الإمارات .. بالراحة علي ود طابت يا أوسـلي ..
| |
|
|
|
|
|
|
Re: تاج الشر الخشن (Re: الطيب بشير)
|
صديق صديقى عبود ود سرره الطيب ود بشير
التحايا بالكوم,,ما زى كيمان السمايه المقسمه.. وزى ما كنا نقول زمان محاولين تقليب ما يمكن تقليبه من مديح الختميه
ياربى بهم وباالهم كتر فى اللحم وفى الدنس وملاح الويكه يداعبنى والكفته تكفت فى فمى الا ان نصل اللهم اعوذ بك من بات ليله جيعان اللهم اعوذ بك من ملاح السبروق مهما كان اللهم اعوذ بك من سمايه مقسمه للجيران
ولو حضرنا الزمن دا اكيد حنضيف اللهم اعوذ بك من انزارات بكرى ولسان سجيمان
لك التحيه ولكل اهل طابت
| |
|
|
|
|
|
|
Re: تاج الشر الخشن (Re: نادية عثمان)
|
يا ناديه الجمال البوست بيك زاد قدره وبى ود البشير الطيب عبق فاح عطره تاج الشر رجع للجوطه فاتح سدره ومن قولة سلام انذارو كان فى اثره
مرحب بؤرة البورد المضيئه
| |
|
|
|
|
|
|
Re: تاج الشر الخشن (Re: osly2)
|
وجيت اوسلينا جيت الليلة كملت لمّة
جيتك ياالعزيز بتزيل أكيد الغمّة
تاج السر جميل بيجيد اصول النمّة
وراجلا تب كريم كاتلاهو ياخى الهمّة !!!
| |
|
|
|
|
|
|
Re: تاج الشر الخشن (Re: نادية عثمان)
|
يا أوسلى العزيز أنذار (فشنك) مو،أصلى وما همانى لو كان (بكرى) قام بى فصلى لا برضه الحقار ولا بعيب نسلى (تاج السر) خشن!؟؟ !!! أسرارو عن ناس اوسلى
| |
|
|
|
|
|
|
Re: تاج الشر الخشن (Re: تاج السر حسن)
|
Quote: وجيت اوسلينا جيت الليلة كملت لمّة
جيتك ياالعزيز بتزيل أكيد الغمّة
تاج السر جميل بيجيد اصول النمّة
وراجلا تب كريم كاتلاهو ياخى الهمّة |
التاج ببقى تاج مرفوع فى راس القوم لو بارى الجمال وفى النمه ديمه بعوم ويا ناديه الشعر بلسم يداوى سموم الا التاج اخوى من قووون العجب مهموم
| |
|
|
|
|
|
|
Re: تاج الشر الخشن (Re: osly2)
|
تروتسكى
Quote: خالص التحايا العزيز اوسلى وسعيدين بى عودتك..سيد الدار |
الدار يا حبيب من بدرى اضحت دارك والزيى البغيب يا سيدى من زوارك الا التاج غريب ولو لما فيك حذارك الدار تبقى دارو وليلك يقلبو نهارك
شوق انهار
| |
|
|
|
|
|
|
Re: تاج الشر الخشن (Re: osly2)
|
نحنا نشامى فى الحارة بنحرس الميس يشهد (Keiga)لابنفرز حمار لاكديس مراسيم الشرف حزناها غير تحنيس مازرونا فى عيبة وحلبنا التيس
| |
|
|
|
|
|
|
Re: تاج الشر الخشن (Re: Balla Musa)
|
اوسلي يا ابو النسب
والله يا كمال الف مرحب بيك تاني وسعيدين بي شوفتك وطلتك دي الف حمدلله على سلامتك وياخي جد واحشنا والف مرحب بي حبيبنا تاح السر وعودا حميد كمال والله فاقدنك شديد وتحياتي لي المعاك وخاصة ابوعلوة وحمودي
ابو النسب الجميل حمدلله بس بي الطلة ياسيد الكرم والجود وشيخ الحلة فاقدنك كتير وشبعنا ياخي مذلة جهجهتا الكبار يتمتا ناس عبدالله
تحياتي وودي وجد سعيد بيطلتك وعليك الله ماتغيب تاني
كل الحب والجماعه بي هناك بسالوا منك لوووووووووووووووووول
عبدالله
| |
|
|
|
|
|
|
Re: تاج الشر الخشن (Re: عبدالله وداعه الامين)
|
Quote: ابو النسب الجميل حمدلله بس بي الطلة ياسيد الكرم والجود وشيخ الحلة فاقدنك كتير وشبعنا ياخي مذلة جهجهتا الكبار يتمتا ناس عبدالله |
يا عبدالله اخوى ابدا وحاتك والله البكاى اكيد اتم جميع الحله للتفاح جمع حت الشجر بى نبله ولو الذل كده ما احلا فيك مذله
| |
|
|
|
|
|
|
Re: تاج الشر الخشن (Re: Balla Musa)
|
Quote: نحنا نشامى فى الحارة بنحرس الميس يشهد (Keiga)لابنفرز حمار لاكديس مراسيم الشرف حزناها غير تحنيس مازرونا فى عيبة وحلبنا التيس |
دكتورنا العزيز مالو نفسك حار لا قولة سلام لا تحيه للزوار التحنيس دا وين وين الكديس وحمار ويطلع (Keiga)ايش بالجد اخوك محتار
| |
|
|
|
|
|
|
Re: تاج الشر الخشن (Re: osly2)
|
يا مرحب بأوسلي ود السافل والنخيل ويا رمال حلتنا ياحليلك.. طبعا حلتنا نحن كانت الريفيرا في أمدرمان وطبعا نحن ناس الموردة حضارة وجسارة (لكن في ناس مننا تحت تحت بشجعوا الهلال(سريا) ونحن عارفنهم.. المهم حبابك و حباب تاج السر الهم أجعله خيرا كإسمه .
| |
|
|
|
|
|
|
Re: تاج الشر الخشن (Re: osly2)
|
Quote: وطبعا نحن ناس الموردة حضارة وجسارة (لكن في ناس مننا تحت تحت بشجعوا الهلال(سريا) ونحن عارفنهم.. |
ملامح من حياة الشعب السودانى هل تصدق انا ذاتى من مواليد المورده ودرست حتى ثالثه ابتدائى بالمورده اذكر ان منزلنا ودكان الوالد كانا جوار السر المغربى ومصنع الباسطه المشهور كنت مستغرب كيف اتخذ الوالد قرار الهجره العكسيه من المدينه للريف ولو خيرت الان لاتخذت نفس قراره
ياخى جر لينا سلك التلفون 3474958298 عاطر التحايا
| |
|
|
|
|
|
|
Re: تاج الشر الخشن (Re: osly2)
|
يا أوسلى الحبيب (باباى) معاك سلام دارك كان صباح اليوم كساها (ضلام)!!! ما بنعرف نخاصم ذى صفاء وسهام يوم الزول نعافو بينا مافى كلام يوم الحق قريب لا كضب لا غمام شن تشبه بلا ود(الترابى) تمام (ثعلب) مقطور بى (ورل)، يتلفت وراء وقدام ناقص طبعو ديمه وكت يدورلو خصام مرافق فى قفاهو، (ورلا) بقالو لجام حرم ما أزيدك قسما عليك حرام.
| |
|
|
|
|
|
|
Re: تاج الشر الخشن (Re: تاج السر حسن)
|
Quote: يا أوسلى الحبيب (باباى) معاك سلام دارك كان صباح اليوم كساها (ضلام)!!! ما بنعرف نخاصم ذى صفاء وسهام يوم الزول نعافو بينا مافى كلام |
يا تاج الملوك كيفن تفارق الدار الضيف البجى لازم يقابله الطار والزول لو ضهب لابد يعيده مسار والليل مهما طال لازم يعبقه نهار
| |
|
|
|
|
|
|
Re: تاج الشر الخشن (Re: Abureesh)
|
ليك مليون سلام يا فرده ود ابريش موصوم بالفهم خاطئ البقول درويش شايفك فى اللجج وقاربك يحارب جيش وفى درب النزال تب رافض التهميش
| |
|
|
|
|
|
|
Re: تاج الشر الخشن (Re: Elmosley)
|
الناس (التحرم) باعتبار ماكان قايلين الحياة زى لعبة (الكنكان) سجين (زناوى) مسلوب الحيا العريان سفر البن يصاحبك ومرقة الدخان
| |
|
|
|
|
|
|
Re: تاج الشر الخشن (Re: نادية عثمان)
|
Quote: ياود بلة مرحب ياخى كيف الحال
رمضانك كريم ياعاشق الموال
الشهر الكريم الصلح فيهو حلال
مابجيب الخصام غير شين وشيلة حال |
معروف الصلح دايما بعدل الحال ويعتدل المقام البخصومه هو مال ويا ناديه الاصيله وملكة الموال خليك بس قريبه الصلح ماهو محال
| |
|
|
|
|
|
|
Re: تاج الشر الخشن (Re: Balla Musa)
|
Quote: ياأوسلى العزيز ياود ملوك الدار ليك القومة ياالضى قبلة الزوار ابرا البوست بلاقيك الكديس فى الدار وحصان Keiga مابنربط حداه حمار |
ود موسى الصديق يا ناثر الاشعار خليك فى الادب سيبو اليكون مضمار واركض فى الجمال خليه ليك اطار انت وتاجنا نور لو كان طفيتوا النار
| |
|
|
|
|
|
|
Re: تاج الشر الخشن (Re: Elmosley)
|
Quote: اوسلينا الجميل مكتوب عليك ترجع شوف دينج الاصيل ناداك شان تسمع اقوالك زمان باقيالنا تب مرجع |
استاذنا الكبير الفى الفنون مرجع قرب جاى تعال وبى همسه لو تسمع التاج تاج ملوك و ود موسى صوت مدفع دايرنك عميد للصلح كان تشفع
| |
|
|
|
|
|
|
Re: تاج الشر الخشن (Re: Deng)
|
يا دينق العزيز والله ما لاقيك جيتك فى الجوار وكم كم سالت عليك وفى البلتوك هناك ما لقى اثر رجليك اسال عنى كستاوى اكيد بهديك
| |
|
|
|
|
|
|
Re: تاج الشر الخشن (Re: osly2)
|
العزيز أوسلى2 !
كرنفالات فرح رمضانية ومسرة لعودتك الميمونة !
وأتمنى ان يكون شملكم قد اجتمع ،
كل الود ...
ست البنات .
| |
|
|
|
|
|
|
Re: تاج الشر الخشن (Re: osly2)
|
اوسلو 2 مرحب حباب خطواتك قبال ما تجىء ياما نور لينا مقامك تاج السر اصلو سبق خطواتك
مرحب بيك ورمضان كريم تحياتى
| |
|
|
|
|
|
|
Re: تاج الشر الخشن (Re: تاج السر حسن)
|
يا موصلى الفنان نحن نرضى ونحتفى بك ونضعك على العين والرأس، رغم ما فيك من (ضلاميه) حمراء، ونحسبك من عشاق (الضياء) الذين ضلوا الطريق حينما اختاروا الهداية عن طريق (النجوم)!!! وطالما كنت سفيرا دوما (للنوايا الحسنه) والفن والجمال، اذا ومن دون شك فلديك عشق للهلال وأن لم تبح! وهل يروينا غير (ذلالو)؟؟؟
| |
|
|
|
|
|
|
Re: تاج الشر الخشن (Re: jini)
|
Quote: أوسلى وتاج السر لولا قدومكم الميمون لفقع ودالطالب مرارتنا بقدومه الليمون جنى |
مرحب بيك يا زول حته فينى ومنى يا ود النخيل البى الجريد متنى بمواقفك دوام اوسلينا ليك تغنى طبعك زى ملاك والحكمه سموك جنى
| |
|
|
|
|
|
|
Re: تاج الشر الخشن (Re: بلدى يا حبوب)
|
Quote: اوسلو 2 مرحب حباب خطواتك قبال ما تجىء ياما نور لينا مقامك تاج السر اصلو سبق خطواتك |
مرحب بالبلد وحبوب كمان واصيل ومبروك للهلال كاسا ضهب بالليل التاج فوق رؤوسنا مجملو الاكليل ومن اجلو العجب صام عن التسجيل
| |
|
|
|
|
|
|
Re: تاج الشر الخشن (Re: osly2)
|
ود بلة العزيز الليلة مو حردان
والتاج ود أصول مليان قليبو حنان
بلة وتاج يمين راجلين عظيمين شأن
يكفى النيل أبوهم والجنس سودان !!
| |
|
|
|
|
|
|
|