|
|
 الصمود الصمود
|
جيناك وكنا طلعنا منك نحنا مرفوعي الرؤوس
جيناك مرفوعي الرؤوس
افتح زنازينك
اهوبنفتح صدورا ما بتكوس الرحمه تب
مافينا عرقا فيه سوس
بل فينا عرقا من جذور الشعب عشقن لايداس
نحنا بندوس 00
جيناك وكنا طلعنا منك عنوة كده واقتدار
تشهد ترابيسك هديك وهداالجدار
نهر الجماهير العميق جلجل شديد
زلزل حديد الانكسار
امتد حولك واستدار
وملا الطريق
فاذا باسوار الضفاف وسواعدالناس النخيل
حملتنا امواج الهتاف في ذلك الصبح الجميل
حملتنا امواج الكفاف ومدامع الفرح النبيل
الغدر ماببقي انتصار
والانكسار ده المستحيل
المستحيل المستحيل
اسمعنا ياليل السجن
نحنا بنحب شاي الصباح
والمغربيه مع الولاد
والزوجه والام الحنون
والاصدقاء والي اللقاء
واللمه عند الامسيات والتكيه جنب الاغنيات
والقدله في السوق الكبير
نتمشي نغرق في الزحام ملْ العيون
بنحب كده ونعيش تمام
الابنكون قدر الثبات
ضد السكات ضد السكون
ضد التسكع والجنون
جنبا الي جنب التماسك والحنين
افتح زنازينك اهو بنفتح شبابيك اليقين
الاستاذ محجوب شريف شكرا كتير
الاجئين بالقاهره متي تنتهي رحلت مكتب المفؤضيه الساميه لشئون الاجيئن بالقاهره والمفؤضيه تشاهد تلك المسرحيه علي المسرح المصري الدراماالفريده وابطالها اطفال ونساء الاجئين 00
ولنا عوده
|
|
 
|
|
|
|
محمد عبد المنعم عمر
فيس بوك
تويتر
انستقرام
يوتيوب
بنتيريست