|
|
 قبل أن تبدأ الحفلة ...
|
الو ...الو .. الو ..
تيست ..تيست ..واحد إتنين تلاتة ..
أوف ..أوف ..أوف..
ون ..تو ..ثري ..الو ..الو ..الو ..
تيست ..ون ..تو ..الو ..واحد إتنين تلاتة ...
واحد ..واحد ..واحد ..الو ..واحد إتنين تلاتة ..
|
|
 
|
|
|
|
|
|
|
|
Re: قبل أن تبدأ الحفلة ... (Re: ملكة سبأ)
|
ملكة سبأ..
| Quote: الحفلة شايقي ولاحديث |
تعرفي الحفلة دي بي عمر إحساس وعبد القادر سالم وأحمد شارف وتيلم تيلم عيال تامة دقوني رموني جابوا لي مرببببببببببببة ..
عشان كده حفلة زي لازم نضبط ليها الساوند ونجربو أول..
| |
|
|
|
|
|
|
|
|
|
Re: قبل أن تبدأ الحفلة ... (Re: ملكة سبأ)
|
يا ملكة سبأ .. رمضان كريم
تصومي وتفطري علي خير، وان شاء الله السنة الجاية شنو كدا ما عارف...
لكن صورتك دي مع رمضان دا ما شنو كدا ما عارف
مع أكيد حبي وتقديري،،،
عادل فايت
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
ياحبيب حمد لله على السلامة وبركة الجيت
بس ان شاء الله تكون استفدتا من الدرس وتاني ما تجي
تقول والله البورداب ديل انا كنتا زمان بشوفهم حاجة كبيرة
وبعدين انتوا بهناك اتصالحتوا ولا لسة؟؟؟
 
عمر تحياتي ورمضان كريم
| |
|
|
|
|
|
|
|
|
|
Re: قبل أن تبدأ الحفلة ... (Re: زول ساكت)
|
ودالفاروق
أولا مبــروك تمامة حلوك (علي طريقة التهنئة الشايقية ) حاولت الاتصال عليك ولكن جوالك 00
ثانيا تصوم وتفطر علي خيـــر وبهذه المناسبة نرجو تأكيد حضورك يوم الخميس انشاء الله لآنك لاعب أساسي 0
ثالثا بعودتك يعود للمنبر ألقه وحاجات ثانية حامياني 0
| |
|
|
|
|
|
|
|
|
|
Re: قبل أن تبدأ الحفلة ... (Re: ALGARADABI)
|
ده شنو كسير التلج البدأ بدري ده !!!!!!!!!
عمر نحن تلجنا شوية بنكسروا ليك بعدين في آبري الفطور
وكيييييييييييييييييية للمابينا
( نأٍسف لهذا التدحرج اللغوي ولكن المغصة كانت كاتلانا وما زالت )
| |
|
|
|
|
|
|
|
|
|
Re: قبل أن تبدأ الحفلة ... (Re: عمران حسن صالح)
|
منو معانا !!!!!!!!!!!!!!!!!!!
عمر الشاخوص فرقيا !!!!!!!!!!!!!
لا لا .. دي والله قوية لكن ...
وين يا عدوي الحميم .. والله مشتاقين عديييل كدة
حمدا لله على السلامة وحا ألف واجي أشوف الحاصل شنو ..
صنفرة :
أوعك تخت لينا صورتك ديك لأنها هي الكجتك المرة الفاتت ..
ثانيا جهز الساوند كوسي ومعاهو علوبة لأني حا أجي وأغني ليك غنية (ظلموني الناس وجارو علي)
| |
|
|
|
|
|
|
|
|
|
Re: قبل أن تبدأ الحفلة ... (Re: luai)
|
ألف حمداً لله على السلامة.
إنت عامل حفلة وبالنهار وفي رمضان؟ إنت قنعت مننا ولا شنو.
مرحب بيك. ومبروك وإن شاء الله بيت مال وعيال.
ورمضان كريم.
العوض الطيب
| |
|
|
|
|
|
|
|
|
|
Re: قبل أن تبدأ الحفلة ... (Re: بلدى يا حبوب)
|
عمر الفاروق
رمضأأأأأأأن شديد ... وكريم
فى حوار والاخ الصديق تروتسكى .... عبر الماسنجر ... كنت حاضرا ( عمر الفاروق )
لذا .... حابب اكسر حاجز الصمت ( الحاجز النفسى ... و.....)
وعليه عودا حميدا ..... و...... ,و.....
قاسم المهداوى
| |
|
|
|
|
|
|
|
|
|
Re: قبل أن تبدأ الحفلة ... (Re: قاسم المهداوى)
|
خالص التحايا
الزميل القديم وجديد عمر
فقد كنت حاضرا فى ونستنا انا وصديقى العزيز (مهداوى)
ارجو لا يكون ذلك قد (شرقك)..
يبدو ان مهدوى صديقى كان متهيب منك لكن اوضحنا بان كلو بالكنمله الطيبه يرجع محلو..
وعليه عودا حميدا ..... و...... ,و.....كلام ياعوض دكام..
التحايا النواضر
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
الأخوة والأخوات المتداخلون والمتداخلات ..
تحياتي ووافر حبي ورمضان كريم وتصوموا وتفطروا علي ألف خير...
بجيكم إن شاء الله بي رواقة ...
تخريمة :
يا المستغربين من حفلة بي النهار حا أديكم سر ..
عرسي كان حفلتو نهاراً جهاراً الساعة إتنين العجاجة فوق والهجيج شديد ..
أسألوا ناذر والملك والمهندس وتبلدينا..
الموضوع ده بجيهو بي رواقة إنشاء الله ..
تحياتي ليكم كلللللللللللللللللللكم يا حلوين ..
تخريمة تانية :
مريم بت الحسين ألف مبروك ليك وربنا يهنيك ويسعدك إن شاء الله ..
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
السلام عليكم ورحمة الله وبركاته
الاخ الكريم عمر الفاروق
حمدلله على السلامه وعودا حميدا
رمضان كريم وكل عام وانت بخير, تقبل الله صيامنا وقيامنا وجعلنا من عتقاء هذا الشهر الفضيل
ومبروك مره اخرى للزواج, بارك الله لكما وبارك عليـكما, وبالرفاء والبنين والبنات
والعفو والعافيه, تصومو وتفطروا على خير
وفى امان الله
لا اله الا الله
| |
|
|
|
|
|
|
|
|
 Re: قبل أن تبدأ الحفلة ... (Re: bint_alahfad)
|
فاروق
حمد الله على السلامة
منووور والله
.
.
المرة الجاية فيها غرامة .. اعمل حساب ( الدردقة ) 
عندي ( شنقارات ) .. ( مقاس ) تمنية بتنفع معاك
اصلو العفص الايامات دي كتر والشلاليت تحت الركبة
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
أحمد عثمان :
تحياتنا ليك ومشكور علي المرور..
سامي عبد الوهاب :
تصوم وتفطر على خير..الأمل عطبرة أملنا في الممتاز وشكول إن شاء الله الدوري إتحسم ..
أبقوتة :
نصبر كيف ونحن عايزين نحصل المولد ده .. في ناس كده كان أديناهم فرقة بنجي نلقاهم شالوا حسنا الأصلاً مشيول قلنا نلحق..
أبوجهينة :
العود أحمد ..
فيصل نوبي:
تحياتي وتصوم وتفطر على خير يا زعيم ...
بدري:
رمضان كريم يا متعهد الحفلات ..
الغريبة كلنا عرسنا لكن ما هببتو لينا وجيت في النهاية تتم بينا العدد يا جبان !!!
موضوع بورداب الرياض والإهرامات ده خليهو ساي المشكلة إنو كل يوم بقا بيمر بيأكد نظريتي ...
هاني عربي:
تسلم يا برلومي العزيز ..
زولنا الما ساكت :
يا عباس رمضان كريم ..ياخ إنت والله عايز ليك بوست لي حالك بس نسوي شنو يقولوا عمر ده من جانا عايز يكسر التلج لي الناس !!!!!
ياخوي تهبب شنو إنت هبابتك والله هبابة زول لاعب حريق وإسكورو 17 !!! تسلم يا زعيم ...
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
ليك وحشة يا عمر ...
لو اي زول برفدو من المنبر بمشي يعرس ده ما كان حالنا..
والف مبروك الزواج ..وربنا يجعلو عامر ..
وجيب ولد سريع عشان تلحقو بت بت الاحفاد ..
عندك لحدي شهر 12 بعد داك انا زول عرس ..
| |
|
|
|
|
|
|
|
|
|
Re: قبل أن تبدأ الحفلة ... (Re: عمر الفاروق)
|
محمد الحسن :
وينك يا راجل يا إشاعة ..
ياخ حنكك بقا بييييش والله وتلفوني ده شغاااااااااال والمن سقط لقط بيضرب ...
أصحى يا بريش وتحياتي للعجوز أبو حميد وقول ليهو مافيها قطعة ناصية علي شارعين بي مناسبة العرس ده ..
وليد دينارية : 500
شنو يا عمنا عاش من شافك وين أيامك ...
ليك وحشة وجيتك بي رواقة ..
القرضابي:
ياخ صورتك دي براها ترحيب ....
البرنس وسيدا وسيدو ..عرفو سيد منو مش؟؟؟
عمران يا حبيب:
ياخ ملاح التقلية مبااااااااااااااااالغة لكن العصير بتاع البرتكان عووووووووووع منو لأنو العملو زول عزااااااااااااابي ..تحياتي يا زعيم ..
نازر الحصان :
ياخ إنت زول من زمن قفا نبكي عيييييييييييييييييييييق..
تبرطع بي حصانك ده برطعك برطعك برطعك إنت في الرباط ومجكس في بغداد ...
ياخ صورتك عاملة زي ناس قروشي شي شي قروشي..
ود الباوقة :
زعلان منك ..أيوة لأنك ...
الملك :
ياخ زول رابط الفلاش ميموري زي العلوق محل ما تمشي يا تصور يا تسرق ملف...
خبرك شنو ؟؟؟والجماعة اللي في بالي بالك كيفهم ..
الفاتح عثمان :
يا مراحب ..وتحياتي ..
مهاجر:
شكراً يا جميل..
| |
|
|
|
|
|
|
| |
عمر الفاروق
humida
Marouf Sanad
إسماعيل وراق
ملكة سبأ
ADIL FAIT
Ahmed Osman
abuguta
ابو جهينة
فيصل نوبي
Badri
Hani Arabi Mohamed
زول ساكت
mahmed alhassan
waleed500
ALGARADABI
عمران حسن صالح
ناذر محمد الخليفة
مريم بنت الحسين
الملك
مهاجر
luai
بلدى يا حبوب
قاسم المهداوى
معتز تروتسكى
محمد عبدالرحمن
سجيمان
bint_alahfad
tmbis
mohamed elshiekh
اساسي
الصادق خليفة
فيس بوك
تويتر
انستقرام
يوتيوب
بنتيريست