|
|
 يوميات سيد جرسة (3)
|
كانت الساعه الواحده ظهرا ومنذ صبيحة اليوم كان حبيننا سيد جرسة فى حالة انبلاجية وتحولت الى حالة بهيمة حتى تأكسدت بعد ثبوت الشهر الى حالة لازمت عنبر قصار الشهير بمستشفى امدرمان قديما وعنبر قصار كان خاص بالنساء وهو يقبع فى الجهة الغربية للمستشفى وتجاوره المشرحة وكان العنبر وفيا فى توريد اكبر عدد من الموتى لجارته العزيزة وكم سردت حوله الحكايات والاقاويل واذكر ان احد عجائز امدرمان كانت قد بلغت من العمر اكثر من تسعون عاما وداهمتها كومة سكرى وفى حوداث المستشفى تم ادخلهال الى عنبر قصار وما ان خففت كومتها سمعت احد هن تقول (يعنى حاجة فلانة ده فى داعى يجوبها عنبر قصار حسه ده وتدخلت الاخرى لتكمل الكلام (كلامك صح اصلو كان على الاقل يرقدوها يومين لمن العرس ده يثم وبعدين يحولها) وما كان من العجوز الا انقلبت من السرير بعد ان حاولت الهرولة ولحظتها انكسرت احد رجليها وكانت تتبسم وهى فى عيادة الحوادث واستغرب الطبي المعالج وباستغراب سألئها (انت يا حاجة فى داعى كان للحركة ده اه بدل سكرى كمان بقى كسر وما كان من العجوز الا ان تبسمت وقالت (يا ولدى الجاى من الله بنحمله حتى لو كسر رقبة بس الا عنبر قصار .... العنبر الان اصبح فى ذاكرة المستشفى تم هدمه بعد ان ضحى بالعديد من الارواح ...........
وسيد جرسه قداكرمه الله بموبايل واصبح من الذين يسرفون فى شراء الرصيد وامير فى دنيا قدر ظروفك ولكن امس الاول حلف ان يفارق الموبايل ولا يتعامل معه مهما كانت الاحوال اصلو كل الحكاية سيدجرسة بعدان اشترى الموبايل اشترك فى الرسائل القصيرة بتاعت وكالة السودان للانباء SUNA SMS وكانت اول رسالة تصله وهو فى حالته التى اشرنا اليها سابقا ثبوت شهر رمضان لحظتها اصيب بعمى الحروف وربنا يحميكم منه اصلو مرض مجنن ناس الشمارات وكثير التلج الواحد أول ما يلقى ليه كلام طاقه منه ريحة الشمار تكون النتيجة الاصابة بعمى الحروف وكما قال الشاعر المترمد البيضوى وهو يصف هذا المرض>>>>
متى تحوصت عينى وجدت بين الحروف اخضرار
تتلخبط الكلمات ويصيبى مرض الحروف الدوار
وتصبح الحروف حواشات ويزهر الشمار
متى كان الحصاد فهو الشمار
وان اصابه الاصفرار
فكثير التلج اولى به من الشمار
لاحظ احد المتابعين لسيد جرسة حالته وتابعه الا ان وجده يمسك بالموبايل ماركة
تلاتين حشرة B](3310 وفى نيته ضرب الارض به الا انه قد خطفه منه وقرا الرسالة وعرف اسباب سيد جرسة و فلقد فكانت الرسالة هى الضربة التى عدلت عن خطة سيد جرسة فى استخدام الموبايل مستقبلا
نواصل
|
|
 
|
|
|
|
|
|
|
 Re: يوميات سيد جرسة (3) (Re: بلدى يا حبوب)
|
عمك تنقو
تصوم وتفطر على خير والشوف مطر
مرحب بيك ورمضان كريم
تحياتى
--------------------------------
سكرنا كملتوه سكرنا وين وديتوه
سيد جرسة فى اليوم الاول للشهر الكريم كان شاغله الاول والاخير اسعارالسكر التى اتلهبت ومما زاد من نيرانها قرار الحكومة بتخصيص مراكز لبيع السكر تحت يافطة تحمل شركة السكر السودانية وشركة الجزيرة والحديث لسيد حرسة اصلو الموضوع ده ذى حاج احمد وعم احمد وفى نهاية الفليم كالمعتاد يموت البطل (المواطن) ويحيى الخائن شفتوه افلام السودان بقت كيف حتى السكر تحول الى فيلم مع تعدد دور العرض وتدخل العامل السياحى فى قيمة التذاكر .
جرسة تجول فى مراكز الحكومة لبيع السكر بالشوال طبعا يا شتات ما تسعجبوا اصلو السودان بقى دولة بترولية +بم وبدلا من توزيع السكر بالارطال اصبح بالشوال يا سلام على الحكومة بتعرف العولمة كويس وبتعرف من قدر المواطن وتقيمه حتى فى اسعد المناسبات (رمضان) وشفوا كيف الحكومات المجاورة لينا بتقيم مواطنها بالرطل والكيلو ولكن نحن فى السودان فى السكر نقيم بالشوال (بالطن) وفى اللحمة بالخروف ومن الاشياء الفريدة حتى العاملين فى الدولة يجدون التقييم الحقيقى ففى مناسبة كشهر رمضان كثيرا من المصالح الحكومية تأتى بالسكر وتأبى عدالة المسئول الا ان يتساوى العامل والموظف وللكل جوال سكر بالاقساط والمشكلة انو بعد العمال والموظفين ادخلوا سياسة الكسر(_البيع بنص القيمة ) الشهيرة بالاسواق الى الى مواقع العمل الحكوميةعبر بيعها الى التجار ........................
عندما وصل سيد جرسة الى دكان التوزيع كانت الساعة العاشرة صباحا وحظى بمقعد مظلل رقم 98 اى ان المكان الذى وقف عليه كانت الشمس قد احتمت بالدمورية التى كتب عليها سعر جوال السكر عاكسة رقم 98 على الارض وغيره قد افترش الارض واحتمى من حرارة الشمس بهياكل الاشجار الحكومية التى نزين الشارع فأصبحت من شح المياه تعانى من الجفاف وبسبب الغبار من التراكوما فالناظر اليها يتعجب للون الطوبى الذى يكسو الاشجار ولولا وجود السياج الحديدى الذى يحميها لما استطاعت الاشجار التى ارتبط زراعتها مع الخرطوم عاصمة الثقافة العربية لاصبحت أشجار زاحفة ولكن الحمد الله قد وجدت من يسندها..... والناس فى زيادة ويتحول الصف الى مريع ثم مستطيل و مثلت ولكن زواياه حادة الجيوب وعند التوزيع الى شكل صندوق عسكرى والشمس تتوسط السماء ومسئول السكر يعلن ان السكر سوف يحضر بعد فليل وتزيد اللمة وبعض التجار بتاعن البقالات الصفيرة اتو بأسرهم لشراء السكر لو قلتوا لى ليه بقول اصلوا السكر السودانى بقى عليه اغنية سكر سكر وحياة عبينى سكر كل الشافوا اسكر تعرفوا الرطل حصل قبل رمضان جنيه1400 وفى رمضان الان 1300جنيه بعد تدخل مؤسسة السكر السودانية وما زال الجميع انتظار فى وصول السكر وهنا وصل سيد جرسة الى ساعات الزروه المعهوده لديه من عطش وووووووووووووووو
وهى يدنن ....... سكرنا كملتوه سكرنا وبن وديتوه
نواصل
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة بعد يوم من الوقوف الطويل امام طابور سكر الحكومة المستورد عاد بخفى حنين وهو يئن ويرقى ولا يزبد وما ابعد الزبد عن شفتيه وعند الافطار كان بداية الجرسة وهو كعازف البيانو على مائدة الافطار يبتدر افطاره بكوز من موية البلح فرغم العولمة التى اصابت مائدة الافطار من الاوانى الا انه كان وفيا للكوز بتاع الطلس الذى لازمه قبل عام 1989 وهنا بيت القصيد يعنى الزول ده ما جبهه ولا وطنى ولا شعبى لكن ممكن يكون متوالى واحد الحضور داعبه =انت يا جرسة الظاهر عليك لسه راكب التنوسية مع الجماعة وحالف يمين ما تبدل الكوز ولو ى بتاع نيكل يا اخى الجماعة الكيزان الجد يقوا بتاعين بلمين واردمصر واونى نحاس وارد كينيا وعبر اثيوبيا ايضا اتوا بالتوابل التى تعجل الطعام ذكيا وحتى الصحانة بفت امريكية.. سيد جرسة كان فى مباراة رهيبة فى النجيل البنى على قمة جبل العجين وابا الا ان تحطم مدفعيته هذا الجدار العازل من مادة الحبوب البيضاء التى تطحن وتعجن وتصب على ماء ساخن حتى تتدرم وتتكور وياتى بها فى اوانى نيفاشية لتصبح كالجدار العازل الذى يفتقد القاتل شارون .
سمع سيد جرسة صوت جوال فقضب وتذكر رسالة ثبوت رمضان وطلب من الجميع اغلاق الموبايلات نسة للحساسية التى تصيبه وبعض الحضور اصبح يكثر من المس كول الداخلى حتى انفكعت مرارة سيد جرسة وخطب اعلى صوته انتو يا ناس اعاجبكم شنو فى ناس موبتل ديل هو لو كان فيهم فايدة كانوا عملوا موضوع الرسائل الفى الموبايل اصلو الموضوع انو الشبكة بتاعت موبتل بقت واقعة حرم راكوبة حاج ضوينا واقفة احسن منها وعلشان ما يتفتضحوا عملوا حكاية SMS ده حيلة يعنى كلما الناس تحتج على الشبكة الواقعة يتحيلوا عليهم ب SMS الماخده حيز كبير من مساحة الاجهزة والشىء المجننى انا كمان ثبوت رمضان بقى فى الموبايل انا ما عارف الموضوع مقصود منه اسلمة الجوال ينى وبينكم بعد حكومة الوحدة الوطنية ده اناخايف يأسلموا نيافشا وبنوده الا يستر على الجنرال سامبوى والله لو ما خفف جيت كرعينه على السودان بعد فترة نشوف اسموه نازل فى جريدة الزول داك وصول الجنرال أسلام بويا ومقابلة مؤسسسة الرئاسة السودانية وكمان حكاية مؤسسة ده مجنانى البنعرفه ان المؤسسة بيكون راسماله مشترك كما نراه فى كثير من المؤسسات ولكن مؤسستنا ده حرم راسماله دينار عديل لا دولار ولا يورو ماشى معاه بس ربنا ادينا خيره وبقول اصحى يا بريش نحن منتظرينك لين سنين مع امنية السودان الجديد الذى اخاف ان يصبح السودان الجديد المتوالى انقاذيا .
وكمان تعالوا شوف ناس موبتل اخر عربات وتلفزيونات بس على الجرائد بنشوف لكن زولن قال انا فوزته بجائزة مافى وانااتخيل لى انو النمر البتفوز ده بتكون محجوزة فى موابتل لاسباب فنية ياخط مقطوع او شريحة مسروقه او اصطاف ........
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة بعد ان توعدد موبتل بالوعيد واقسم على انشاء منظمة مس كول لتدمير الهواتف الجوالة التى تتعامل مع sms وسمع هذا الخبر فى الحى وانضم اليه العديد من حاملى الجوال ماركة الطوبة واركسون الذى لا يمكن تعربيه بالاضافة الى بعض موبايلات الشتات التى تأتى من بلاد العم سام ولا تسمح لشريحة موبتل الرقاد بسلام على حجر الموبايل فكما تعلمون لكل نظام امان ولكل شركة فنون فمن هذا المنطلق انشا سيد جرسة منظمة مس كول وما ان انتشر الخبر فى وسائل الاعلام المرئية والمسموعة تحركت مجموعة الضغط بقيادة منظمة جوال فون التى تتبع له اغلبية شركات الهاتف السيار مثل موباتل واريبا التى دخلت الى السودان منافسة ولكنها كانت دلوعة فاقتصرت خدماتهاعلى ولاية الخرطوم ولم تتحمل المشاق بالوصول الى الولايات الاخرى وفى سبق صحفى اعلنت شركة اريبا انها لا تتحمل الاوبئة ممثلة فى الملاريا والسل والسرطان والكبد الولائى الذى اصاب الولايات الاخرى كما كان للسلام ايضا دخول بعض الولايات الجنوبية الى االحقل الوبائى وفى هذا المضمار اعلنت شركة اريبا ان من خططها عدم الانشار فى الولايات الجنوبية والغربية والشرقية خوفا من تعرض ابراجها للقذائف والدوشكات والكم الهائل من الالغام خاصة فى الجنوب وبعدين من تنسوا ان شركة اريبا اتت الى السودان وفى راسها عقال وانشأت مكاتبها فى مدينة قاردن سيتى المجاورة لجامعة الرباط وهنا تذكر سيد جرسة صاحبنا بتاع العمارة التى انهارت وكانت النتيجة تقديم استقالته ولكن من سخريات اتفاقية السلام ان يؤتى بهدا البطل وزيرا للدفاع وانتفض سيد جرسة خاصة بعد يوم عصيب وشمس ابأت الا ان تكون قريبة من الرؤوس لتشارك الشعب السودانى رمضان باعطائه الكثير من الكفارات ولا ننسى ان الشعب السودانى اغلبيته انساق الى الحرام لا حب فيه ولكن لاسباب ودوافع معملومة للجميع وتدخل احد الحضور وثار على خطبة سيد جرسة منتقدا اتهامه للشعب باكل الحرام ولكن سيد جرسة كان على اهب الاستعداد واستلم الكرة من منتقده مندفعا الى القون وكما يقول المعلق الرياضى الرشيد بدوى عبيد هو والقون وعلق عبر كماته التى قال فيها انا يا زول بقول ليك كلام قالوه خواجه حسب ما عرفته جابوه من البنك الدولى لمعرفة الناس القبش ديل عايشين كيف مع الاقتصاد السودانى التعبان وتعرف زولك ده نزل الى سوق الله اكبر وطبعا نزوله كان فبال ما يعملوا الكشات وشرطة النجدة والعمليات وامن المجتمع وحاجات تانية وكمان ما خلى ليه موظف ولا عامل حتى ناس الهدف سالهم وكانت النتيجة الله كريم وبروضو تقول لى مافى حرام الاسرة مكونة من 5 افراد تلقى الابوى موظف والمرتب براك بتعرفه وراكب عربية وبشيل كل يوم من بقالة سودان سايد رطلين لبن شوف عينه وعلى الفرن وحلة الكوارع وكمان باسطة والكلام ده كل يوم داير تقول لى بجيبه من وين وزى ده مالى البلد المهم الزول العاتب عليه كلامه مالقى ليه دفاع معاه ومسك فى كلمة نيو سايد وانتوا عارفين سيد جرسة راجل مثقف وتابع للاحداث وقبل علىه ووراه ان الشعب السودانى تعود ان يطلق على البقالات ودكاكين الحلاقة والكوافير وحتى محلات الاتصالات اسماء مرتبطة بالاحداث فما اكثر الاسماء محلات نيفاشا للعطور - بقالة قيسان -غاز هجليج -بنشر رمبيك.... وما اكثر الاسماء واصبح سيد جرسة يرقى وعندما انتبه وجد نفسه وحيدا ومواعيد الفطور اصبحت قريبة وانطلق صاحبنا الى المحطة محلية امدرمان لتناول الافطار بتاع الحكومة ولكنه وجد حديقة المحلية خالية على عروشها واستقر به المقام اخيرا امام السوق الشعبى امام مستشفى امدرمان التعليمى وده موضوع براه خلوه لقدام
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
لم يستطيع سيد جرسة التواصل عبر البوست نسبة لارتفاع درجات الحرارة وكمان رمضان فوق صفيح ساخن وليس رجب كما قال عادل امام فى فليمه الشهير رجب فوق صفيح ساحن
ولكن بعض الاخبار التى تتوسط وسائل الاعلام السودانية جعلت من سيد جرسة يخرج من خلوته وه يعلق على هذا الخبر العجيب ..
Quote: 13 مراكزا لتحسين نسل الماعز بولاية الخرطوم
الخرطوم في 14/10(سونا) بلغت مراكز تحسين نسل الماعز العاملة بولاية الخرطوم (13) مركزاً من جملة (15) مركزاً مقترحة
وقالت د. اعتمادعبدالعظيم مدير إدارة الإنتاج الحيواني بوزارة الزراعة والثروة الحيوانية بولاية الخرطوم (لسونا) أن العمل جاري لافتتاح المركزين المتبقين خلال الايام القادمة
واكدت ان المراكز العاملة ساهمت بصورة فاعلة في دخول السعانيين بعض المنازل الامر الذي يؤدي لتحسين مستوى دخول المواطنين وزيادة انتاج الماعز المحلي ( المهجن) من الألبان وابان أن الإدارة اجرت عمليات مع المراكز العاملة وتعكف حالياً لتحليل المعلومات الخاصة بها لتقييم الموقف مشيرا للجهود التي بذلت لتوفير جرعات ارشادية بالولاية لنشر الوعي وسط المواطنين لتعمم الفائدة لمربي الماعز المحلي. وتوقعت د. أعتماد استجلاب الوزارة لسعانيين جديدة من هولندا لزيادة الكميات الموجودة بالمراكز |
بالله شوفوا ناس الولاية ديل انا ماعارف قصدهم شنو معانا وبعدين الوالى المتوالى (المتعافى) داير ابدا ولايته الجديدة بتحسين نسل الماعز بالولاية والله يا ناس ولاية الخرطوم كتر خيركم بعد ما كبرتوا لينا الباعوض ووزعوته بكل عدالة فى هذه الايام التى سبقها الخريف واصبحت بعض مناطق الولاية تتمتع بالسهر على طنين الوعد (عذرا للاستاذ كابلى) ففطور رمضان اصبح يحتاج الى مروحة تربيزة لزوم طرد الباعوض والهاموش الذى يسجل حضورا كبيرا هذه الايام وبالسؤال عن اسباب هذا التواجد الباعوضى الكثيف وخاصة فى منطقة المقرن وما جاوراها من سكن طلاب وتاثر بذالك بعض الاسر التى تسكن بالمكاتب الحكومية بالمنطقة حتى وحدات الشرطة التى تحرس مبنى بنك السودان شوهدت اكثر من مرة وافرادها فى نوبات حكية من اثر لسعات الباعوض والخوف كل الخوف ان يكون احد افراد القوة جالسا فى وضع استعداد على زناد الدوشكة وتهاجمه اسراب من باعوض المقرن وتكون النتيجة .......... المهم باعوض المقرن ده قصته عجيبة وناس ولاية الخرطوم ما قصروا معاه فى توفير منتجع دائم للمياه الراكدة بالقرب من نفق المقرن المؤدى الى كبرى الانقاذ وهل تعملون ان المياه بهذا المنتجع تاتى نتيجة الامطار التى تتدفق على النفق لانخفاضه لتصب داخل هذه الحفرة العميقة (المنتجع) والحكاية البضحك الغنماية وجود مكتب حكومى بالمقرن وعلى مسافة من منتجع باعوض المقرن العائلى وعلى اليافطة بالخط العريض مكتب استئصال الملاريا الظاهر الناس ديل غلطوا فى العنوان والصاح
مكتب المقرن لتوليد الباعوض العائلى والباعوض ده كلامه كتير وطبعا غنم المقرن مشهورة بلانضباط فى حركةالمرور وخاصة عند ذهابها لمقابلة الجكس (التيوس) فى نجلية حدائق 6 ابريل ونجيلة الهلتون واكل ما تبقى من اكياس النايلون التى ياتى بها الزوار..
وعلشان ما نطلع من موضوعنا الخلى سيد جرسة يخرج من صمته ويعلق فى هذا النهار الرمضانى الذى تسجل درجات الحرارة نسب عالية فاقت حتى المستوى الاول للتقديم للجامعات السودانية
وبعدين انا البعرفه انا الخرطوم عاصمة الثقافة العربيةوناس الثقافة ما قصروا شتلوا اكثر من مليون شتلة فى شوارع الخرطوم من المهوقنى والنيم ودقن الباشا انا اتخيل لى المهوقنى جزء من ثقافتنا وهو يمثل الجنوب ونسبة لانفاذ اتفايةالسلام كان لابد من اشراك الجنوب اما النيم فهو ايضا يمثل ثقافات جبال النوبة وابو ياى وجنوب مطقةالنيل الازرق حيث يتواجد بكثقافة فى هذه المناطق اما دقن الباشا فهو انواع دقن الباشا الناعم واخر خشن وثالث وطنى ورابع شعبى وخامس يمتاز بالقومية وان انشق من الحزب وسادس اتحادى عليه ناس الخرطوم عاصمة الثقافة العربية ما قصروا فى بذر هذه الانواع من الثقافات المتعددة فى الجانب البذرى لكن العجيب اجوا ناس الولاية وبعض هذا الجهد المقدر ينادوا بتوفير البيئة الملائمة للماعز (الغنم)
| Quote: دخول السعانيين بعض المنازل الامر الذي يؤدي لتحسين مستوى دخول المواطنين وزيادة انتاج الماعز المحلي ( المهجن) من الألبان وابان أن الإدارة اجرت عمليات مع المراكز العاملة وتعكف حالياً لتحليل المعلومات الخاصة بها لتقييم الموقف مشيرا للجهود التي بذلت لتوفير جرعات ارشادية بالولاية لنشر الوعي وسط المواطنين لتعمم الفائدة لمربي الماعز المحلي. وتوقعت د. أعتماد استجلاب الوزارة لسعانيين جديدة من هولندا لزيادة |
سيد جرسة كلمة السعانيين ده ما وقعت ليه وبدا يفكر الناس ديل قاصدين بالسعانيين التيوس البتجىء داخله بيوت الحلة بفتش والله شنو.... الجماعة المعاه عملوا اضان الحامل طرشةبينما سيد جرسة يواصل فى نقده لناس الولاية ديل اصلو مدننا بيوت والله حواشات هو المساحة ما شابلة اسرة كبيرة كمان يقولوا دايرن يوفروا غنم مهجنة لزوم اللبن والله البنعرفه نحنا لو دايرين يكتروا اللبن بتاع الغنم البقت حايمه فى الاحياء ذى الشماسة ما عليهم الا بتوفير اكياس النايلو وحث المواطنين على التبذير فى استخدام الاكياس لتكون تربة خصبة للرعى والعلفة للغنم لانو البرسيم ناس البطيخ بيقوا يستخدموه موكيت للبطيخ الامريكى المعروض لليبيع فى شوارع الخرطوم لعدم تحمله الحصحاص السودانى وكمان الفتريتة نسوان الشاى وقهاوى الولاية بقت تستعملها فى صنع القهوة بعد تحمير الفتريته واضافتها الى شوية بن وانا الخبر ده لسه عنده معاه كلام لكن رمضان سخن وشايف حسه نحنا فى السودان بنلعب فى الزمن الضايع فى انتظار صفارة الحكم (الاذان)
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان بيحصل انا خايف بعد شوية يقوموا يقسموا البلد وحقى يروح ساكت لانو الخواجات ابان عيون خضر مالين الشوارع وكما فى نهار رمضان راكبين عربيات الامم المتحدة العاملة ذى كشك الجميعابى المعروض فى محافظة امدرمان لزوم البيع واصلو حكاية الكشك والاكشاك الاخرى المعروضة امام المحافظة قالوا جابوها عينات لناس الليمون والفاكهة والمكتبات وكمان من اليونان لكن انا عافى من ناس امدرمان حرم واحد فيهم مشى عليها مافى واصبحت معروضات الى الان ولمن الجيعابى لقى الموضوع مطرشق قبل على اكشاك المرطبات ومنع الخلط للفواكه بالله ده ما حكاية عجيبة الحكومة تعمل فى المنتزهات والميادين لتسهيل الخلط وعلى فكرة الخلط بقى ببلاش بس مطلوب منك تذكرة والباقى انته وشطارتك المهم ناس المرطبات وقفوا الخلط وبقوا بتاعن قزاز ساكت والغريبه انو امدرمان بقت مدينة المشروبات الغازية وطبعا ده بمصانعها ورخصها لكن المشروبات الروحية التانية ماركة ابو نخلة ياما مالية البلد وما حصل جات كشه راجعة لاى قسم بوليس فى امدرمان ورائحة العرقى مشعللة وشوف عينى بعدد مرات عساكر الكشه الواحد تلقاه راكب فى سياج اللورى ومدومس التقول قرد والعرقى اصبح فى السودان انواع بتاع الانناس والقرين والبرتقان والعرديب والبطاطس والاخطر من كده اضافة بنج الحصان والاستون اليه والكلام ده انا ما قلته من فراغ لو عملنا احصاء فى شلليات العرقى بنجد ارتفاع نسبة الاصابة بمرض السكرى بين الشباب وطبعا العرقى ده مبيد فعال ضد الملاريا والظاهر ناس الملاريا بس خجلانين ما خلوا شارع ما علقوا فيه شعارات الخرطوم ولاية خالية من الملاريا وذالك باستعمال الناموسيات المشبعة ورش المكيفات ووو وده بس خجلوا منها الظاهر.
نرجع الى موضوع الامين العام البقول فيها لكل الموقفين مرحبا بكم بدون شرط او قيد بس المطلوب من العضوالمحترم ارسال بريد الكترونى وطبعا ده يا عالم انا عارفه بطير مننا ناس لكن ذى ما بقول المثل دخلو الحمام ماذى خروجه الاخ بكرى مشكور بتنازله وثورته الرمضانية التى عصفت بقوانين المنبر العام التى تحدثنا حولها كثيرا ولكن الحمد الله من جمدها هو الامين العام وفى نهاية الامر لابد من عودة الزملاء والزميلات وبعدين لابد من وجود ضحايا ومحظوظين ولو خطينا كل عضوية المنبر اكيد بنلقى فى ناس مفروض يكون خارج الشبكة والعكس هو صحيح البعض يكونوا داخل الشبكة وعلشان الموضوع الناس ما تعمل له توم وشمارات انا برشح نفسى مع ناس خارج الشبكة رايكم شنو سيد جرسة يناشد كل الزملاء والزميلات العوده الى الحوش الكبير لننداح جميعا ونعمر البورد وما ينسوا المناسبة عظيمة وهى شهر رمضان حقيقة الكلام فى الموضوع ده كويس لكن بينى وبينكم الجمرة قربت تلحق ام طه علشان كده بقول ليكم مع السلامة
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان ب%E
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان بيحصل انا خايف بعد شوية يقوموا يقسموا البلد وحقى يروح ساكت لانو الخواجات ابان عيون خضر مالين الشوارع وكما فى نهار رمضان راكبين عربيات الامم المتحدة العاملة ذى كشك الجميعابى المعروض فى محافظة امدرمان لزوم البيع واصلو حكاية الكشك والاكشاك الاخرى المعروضة امام المحافظة قالوا جابوها عينات لناس الليمون والفاكهة والمكتبات وكمان من اليونان لكن انا عافى من ناس امدرمان حرم واحد فيهم مشى عليها مافى واصبحت معروضات الى الان ولمن الجيعابى لقى الموضوع مطرشق قبل على اكشاك المرطبات ومنع الخلط للفواكه بالله ده ما حكاية عجيبة الحكومة تعمل فى المنتزهات والميادين لتسهيل الخلط وعلى فكرة الخلط بقى ببلاش بس مطلوب منك تذكرة والباقى انته وشطارتك المهم ناس المرطبات وقفوا الخلط وبقوا بتاعن قزاز ساكت والغريبه انو امدرمان بقت مدينة المشروبات الغازية وطبعا ده بمصانعها ورخصها لكن المشروبات الروحية التانية ماركة ابو نخلة ياما مالية البلد وما حصل جات كشه راجعة لاى قسم بوليس فى امدرمان ورائحة العرقى مشعللة وشوف عينى بعدد مرات عساكر الكشه الواحد تلقاه راكب فى سياج اللورى ومدومس التقول قرد والعرقى اصبح فى السودان انواع بتاع الانناس والقرين والبرتقان والعرديب والبطاطس والاخطر من كده اضافة بنج الحصان والاستون اليه والكلام ده انا ما قلته من فراغ لو عملنا احصاء فى شلليات العرقى بنجد ارتفاع نسبة الاصابة بمرض السكرى بين الشباب وطبعا العرقى ده مبيد فعال ضد الملاريا والظاهر ناس الملاريا بس خجلانين ما خلوا شارع ما علقوا فيه شعارات الخرطوم ولاية خالية من الملاريا وذالك باستعمال الناموسيات المشبعة ورش المكيفات ووو وده بس خجلوا منها الظاهر.
نرجع الى موضوع الامين العام البقول فيه%
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان بيحصل انا خايف بعد شوية يقوموا يقسموا البلد وحقى يروح ساكت لانو الخواجات ابان عيون خضر مالين الشوارع وكما فى نهار رمضان راكبين عربيات الامم المتحدة العاملة ذى كشك الجميعابى المعروض فى محافظة امدرمان لزوم البيع واصلو حكاية الكشك والاكشاك الاخرى المعروضة امام المحافظة قالوا جابوها عينات لناس الليمون والفاكهة والمكتبات وكمان من اليونان لكن انا عافى من ناس امدرمان حرم واحد فيهم مشى عليها مافى واصبحت معروضات الى الان ولمن الجيعابى لقى الموضوع مطرشق قبل على اكشاك المرطبات ومنع الخلط للفواكه بالله ده ما حكاية عجيبة الحكومة تعمل فى المنتزهات والميادين لتسهيل الخلط وعلى فكرة الخلط بقى ببلاش بس مطلوب منك تذكرة والباقى انته وشطارتك المهم ناس المرطبات وقفوا الخلط وبقوا بتاعن قزاز ساكت والغريبه انو امدرمان بقت مدينة المشروبات الغازية وطبعا ده بمصانعها ورخصها لكن المشروبات الروحية التانية ماركة ابو نخلة ياما مالية البلد وما حصل جات كشه راجعة لاى قسم بوليس فى امدرمان ورائحة العرقى مشعللة وشوف عينى بعدد مرات عساكر الكشه الواحد تلقاه راكب فى سياج اللورى ومدومس التقول قرد والعرقى اصبح فى السودان انواع بتاع الانناس والقرين والبرتقان والعرديب والبطاطس والاخطر من كده اضافة بنج الحصان والاستون اليه والكلام ده انا ما قلته من فراغ لو عملنا احصاء فى شلليات العرقى بنجد ارتفاع نسبة الاصابة بمرض السكرى بين الشباب وطبعا العرقى ده مبيد فعال ضد الملاريا والظاهر ناس الملاريا بس خجلانين ما خلوا شارع ما علقوا فيه شعارات الخرطوم ولاية خالية من الملاريا وذالك باستعمال الناموسيات المشبعة ورش المكيفات ووو وده بس خجلوا منها الظاهر.
نرجع الى موضوع الامين العام البقول فيها لك الموقفين مرحبا بكم بدون شرط او قيد بس المطلوب من العضوالمحترم ارسال بريد الكترونى وطبعا ده يا عالم انا عارفه بطير مننا ناس لكن ذى ما بقول المثل دخلو الحمام ماذى خروجه الاخ بكرى مشكور بت%E
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان ب%E
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة حقيقة وفى نهار رمضان السودانى الرهيب وعند الدخول الى المنبر العام الذى كان خاص ولكن تمشيا مع سياسة العولمة والانفتاح تعولم (عام) وجد بين البوستات دعوة الامين العام للمنبر لكن تعالوا انته كلمةالامين العام البيقولها لبكرى ده منو الاول الجابه الانقاذ والله بكرى لانو الواحد ما يكون ماشى اطلع ليه جنسية الا يقابل الامين العام وطبعا الجنسية فى السودان بقت صعبة لناس وباردة لاخرون اليوم دالك انا قلته امش اطلع لى جنسية لزوم الاحتياط لانو الشايفه فى السودان بيحصل انا خايف بعد شوية يقوموا يقسموا البلد وحقى يروح ساكت لانو الخواجات ابان عيون خضر مالين الشوارع وكما فى نهار رمضان راكبين عربيات الامم المتحدة العاملة ذى كشك الجميعابى المعروض فى محافظة امدرمان لزوم البيع واصلو حكاية الكشك والاكشاك الاخرى المعروضة امام المحافظة قالوا جابوها عينات لناس الليمون والفاكهة والمكتبات وكمان من اليونان لكن انا عافى من ناس امدرمان حرم واحد فيهم مشى عليها مافى واصبحت معروضات الى الان ولمن الجيعابى لقى الموضوع مطرشق قبل على اكشاك المرطبات ومنع الخلط للفواكه بالله ده ما حكاية عجيبة الحكومة تعمل فى المنتزهات والميادين
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
وعودة مع سيد جرسة ولكن فى موضوع اخر جائنا للتو وهو تخوف العالم من انتشار مرض انفلونزا الطيور .....
Quote: قرار بايقاف استيراد الطيور الداجنة والبرية ومنتجاتها
الخرطوم في 17/ 10( سونا ) اصدرت وزارة الثروة الحيوانية قرارا بايقاف استيراد الطيور الداجنة والبرية ومنتجاتها من كل دول العالم تحوطا من انتقال مرض انفلونزا الطيور للبلاد
وقال العميد م قلواك دينق وزير الثروة الحيوانية لسونا ان الوزارة ستعمل علي مراجعة التصديقات التي تمت سابقا لرفع تقرير بشانها حسب الموقف الوبائي لدولة المنشا وابان الوزير ان صدور القرار جاء استنادا لقانون امراض الحيوان عام 2001 وقانون الحجر الصحي البيطري للعام 2004
|
المشكلة يا عالم ما دايره قرار وزارى او رئاسى فالسودان بلد غير مستورد للطيور عن طريق المطارات اوالموانىء البحرية وكان على شوية الجداد البيجنا من بره خليهم ينسوه ويا دار ما دخلك شر لكن المشكلة الكبيرة انو السودان بلد مضياف لكل فصائل الطيور وعن طريق حدوده وفى هذه الحالة على وزارة الداخلية اتخاذ قرار بتحويل كل الجهات الامنية من الخرطوم عاصمة الكاكى المابنوم الى حدودننا وذالك على ابادة كل ما تسول له اجنحته بالدخول الى اراضى بلدنا على وحداتنا الامنية فى الشرق اصطياد السنمبر والقطا والحبالة التى تسسلل من الاراضى الاريترية والاثيوبية وناس بورتسودان وسواكن والله ده فرصة على الاقل تتخلصوا من الغراب وبينى وبينكم لو الطاؤوس فىاندونسيا عنده انفلونزا حرم الغراب لو جاب لينا يعملها سل عديل لكن الشى المجننى الغراب ده وصل الى الجنوب كيف وخاصة فى ولاية بحر الغزال الكبرى فلقد رايت بام عينى مجوعات من الغربان تتجول فى مدينة واو ونسبة لمكوثى بالمدينة لفترة جاوزت العام ولم ارى الغزال ولكن تعجبي للغراب الذى يسكن معنا فى استراحة نهر الجور بمدينة واو وكنا نلهو ونطلق على مديينة واوا ولاية الغربان الكبرى نسبة للعدد الماهول منها والخوف ان تتمرد الغربان فى كل السودان وتبدأ فى محاربتنا بانفلونزا الطيور بصراحة الشافته عيونى فى القنوات الفضائية العساكر الخواجات يطاردوا فى الطيور فى الجو بالاسلحة علشان يتخلصوا منها اصبح حالتى صعبة وانا اتذكر طيور السودان التى تدخل حتى الى بيوتنا دون استئذان بل تشاركنا الشرب من السبيل( الزير) ممثلة فى الزرزور وقدوم احمر وطير الجوافه ابو زرقة قيافة واتخيلو كمان معاى وجود طيور اخرى تشاركنا زنك اللحوم من بينها الصقور التى اصبحت تحلق فى السماء لتبحث عن عضة وعلى فكرة واحد صاحبنا يوم الجمعة ماشى للصلاة ولابس ليه طاقية حمره وما يشعر ليك الا بحاجة ضربته فى راسه بلغة اليوم ممكن نقول عملوا ليه مس كول بوقوع براثن الصقر فى الطاقية وخطفها اهى يا ناس ذى صقور امدرمان ده لو مسكة المرض نعمل معاه شنو ......
يا جماعة بصراحة قطعته عديل موية ونور وكدا اجيكم بعد الافطار
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
عمك تنقو
ازيك يا راجل يا مبدع الحاصل شنو شايف خميساتك بقت ذى سيد جرسة يا زول كده ادينا مدحة من بيت الكلاوى وعلى فكرة المدائح الزمن ده حيرتنا الواحد ماعارف يذكر والله يرقص
| Quote: وملاح تقليتو الما مفهوم. |
تحياتى الى عم صابر بس خليه يكتر ليكم من اللقمة ده
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
Quote: حانت لحظة الهجوم
وبعد أن أخذ الوباء بالانتشار في روسيا تحققت نبوءة العالم الروسي في علوم الأوبئة غينادي اونيشتشينكو، الذي أقر بأن دول حوض البحر الأبيض المتوسط على موعد مع الوباء فى خريف 2005، لتنقله الطيور المهاجرة التي تقضي الصيف في سيبيريا، متخذة دور الوسيط، حيث أظهر تحليل مسارات هجرة الطيور أن فيروس "اتش.5 ان.1" سينتشر من غرب سيبيريا إلى بحر قزوين والبحر الأسود.
وأضاف أنه بخلاف جنوب روسيا، قد تنشر الطيور المهاجرة الفيروس إلى دول مجاورة، مثل أذربيجان وإيران والعراق وجورجيا وأوكرانيا ودول البحر المتوسط، لأن مسارات الطيور المهاجرة من سيبيريا تمر بهذه المناطق في الخريف" ، وبالفعل دلفت أخطر سلالات المرض إلى تركيا، وامتدت لرومانيا، واليونان، الأمر الذي دعا المفوضية الأوروبية لمطالبة دول الاتحاد الأوروبي بالاستعداد لاحتمال تفشي وباء أنفلونزا الطيور عبر تخزين كميات من العقاقير المضادة للفيروسات ، وبذلك أصبح الوباء على أبواب المنطقة العربية، ليبقى الخطر قائماً بقوة، خاصة مع إطلاق منظمة الصحة العالمية، ومكتب الأوبئة الدولي عدة تحذيرات حول تعرض المنطقة العربية لمرض أنفلونزا الطيور.
|
------------
اه يا جماعة الكلام دخل الحوش وانا لو كنته المسئول لطالبت بتطويق قرى ام الطيور ا لانو ده بيت الكلاوى والبتجيب لينا المشاكل لانو الطيور الراجعة فى سكتها وصلت تركيا وذى مافى الخبر جاى على دول البحر الابيض المتوسط وكمان الاخطر على ابواب المنطقة العربية وبما ان قرية ام الطيور تعتبر مضيافة للارتال الطيور المهاجرة وطبعا الاسم براه كفاية لكن ما تنسوا ام الطيور ده قرية سودانية واكيد ما بتقصر فى الحفاوة والكرم ويكفى كلام اسماعيل حسن طيب الله ثراه وحتى الطير اجيها جعان تلقاه شبعوالشاعر اسماعيل حسن الطاهر كلامه يادووب حنشوفه على الطبيعة يعنى من حسه تلقى ديك العدة والمسلمية على ام الطيور لاعداد الاستقبال وكمان طيور شارع النيل البتبلع الفستك وحب الزيتون تحت المهوقنى بتاع الناس القيافة القال فيهم الاستاذ وردى
فى الناس القيافة حبينا الطافة برضو مصيرها تمشى لكرنفال الاستقبال وما تنسوا اسرى زنك الفراخ انا قصدى الجداد لانو حرام اقول على جداد زنك الاسواق فراخ والله لافى شبه وحتى لو حجبوه برضو ياهو سودانى .. جداد الزنك قبال ما يذبحوه تلقاه حالك طبيعى لريشه وفى ناس قالوا سبب عدم الريش مرض سمير والديك من ديل تلقى تاجه ذى لمبة عربية الاسعاف على طول مولعه احمر وانا اتخيل لى لمن يذبحوه الدم بطلع من تاجه لكن لو دايرين الحقيقة ناس الزنك ديل الواحد لازم يكون معاه علبة بوماستيك او سادولين او ديكسوين لزوم جعل التاج احمر لانو فى ناس ما بتشرى الديك الا اذا شافته احمر وطبعا ديل اخونا تاج السر مع معاهم ولا شيرى لكن اكيد سامى مكى وراكوبة المقصودين . .. وكمان لو وصلنا الجزيرة اسكتوا ساكت جنس طيور (طير الجنة - طير النار- طير البقر- طير التيوس- وحبيب بلاع الدبيب ) وحبيب بلاع الدبيب حقوا ناس الحكومة من حسه يعملوا ليه معسكرات دفاع انفلوزى وعلشان الطيور المهاجرة قربت تصلنا يجب ان يكوم مشرفين المعسكر من الحركة خوفا من دخول ناس الدفاع الشعبى ويعملوها ليهم فى المعسكر
مجاهداتوالكويسة انو وزيرة الصحة حركة شعبية وده مكسب وطبعا تدريب حبيب بلاع الدبيب ممكن يصطاد الطيور المهاجرة المصابة بالفيروس لانو متعود على اصطياد الدبيب واسالوا ناس الجزيرة العندهم شجر دووم معتق شوف عينى مرة كنت فى قرية بالجزيرة ما اسمع ليك الا صوت هلوكبتر فى السماء حقيقة احترته وانا عارف البلد ده لافيها معسكر تدريب ولا منطقة عسكرية بصراحة الخوف ملكنى لانو الرحلة كانت مع احداث 11 سبتمبر وقلته الظاهر ناس بوش جايين يفتشوا على اسامة ابن لادن بحكم انو عاش فى قرى منطقة سنار المهم لمن رفعته راسى فوق شجر الدومة ما اشوف ليك الا صاروخ جاى على جرى من فوق لتحت وعديل اشهوته لكن بعد ما فتحته عينى لقيت قدامى دبيب اسكوت وبالقرب منه راجمة صواريخ ماركة حبيب بلاع الدبيب وهاك ياجرية حرم حصلته اخر لورى والمبيت كان فى مدينة مرجان وده براه موضوع تانى كده انسوه علشان نشوف حل لمشكلة والله نحنا مع الطيورالمابتعرف ليهامنفى لكن بعدانفلوتزا الطيوراكيد لقيت ليها منفى وطبعاكل طيور الجزيرة برضوا ماشيه للاحتفال والعجب كمان طيورالغرب طبعا ده بعد حرب دارفور متعوده على الحرب وخاصة الحبارى وحمام الجبال واكيد كمان بتكون فى طيور جنجويد والظاهر وقت حوبته جات علشان تقتل لينا طيور اروبا. والله بصراحة الموضوع ده جننى ومرات بقول والله مش شمسنا الحاره ده اول ما الطيور تصل السودان بدل ما حيكون عندها انفلونزا بتصاب بمرض سمير وده مقدرو عليه واسالوا ناس الشويات الفى الخرطوم عن سهولة تحمير الجداد المصاب بسمير وكل البيحصل للزول البياكل الجداد ده ما بعمل ليه حاجة خلاف ما تلقاه طول الوقت فاعد فى الحافلة او المناسبات او المكتب او البيت وتنلقاه حاشر ايديه فى مناخيره ولمن الكمية تكون كبير تلقى الزول بحك فى راسه ولو زادت الجرعة تلقى الزول بحك فى محلات تانية بعرفه سيجمان .
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
هوزى
اهلن بيك يا مبدعة ولى شرف التكرم بمروك على يوميات سيد جرسة بس انا عارف سيد جرسة بهذى كتير لكن والله معاك مواصل فى المسلسل الجميلة والمغرور يالله بالله دايرن استمراية المسلسل حتى اخر يوم فى رمضان وانا عارفك قدراه يا صاحبة الخيال الواسع وتسلسل الحروف بكل ما يميزها من حنكة وحبكة وبلاغة وفصاحة وبيان .........
شكرا ليك
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيدجرسة ما زال مشغولا بموضوع الطيور المهاجرة وكمان بانفلونزتها والمشكلة كمان تكون بتعطس وده البخوفنى لانو مع صلاة التراويح فى ناس عجيبة الواحد يعطس ليك قدامه التقول ضاغط فتيل بخاخ ريحة ولو مرة وحده نقول ماشى لكن الواحد تلقاه جاى من بيته للتراويح وعادن نخرينه مسخن ومدفق موية وبرضو مصر على الصلاة فى الجامع وما ان تنتهى صلاةالتراويح تكون المحصلة اصابة بقية افراد الصف الذى يقف عليه والصف الامامى والخلفى وفى وراية اخرى قد يصاب الامام او المامون ان كان العاطس متواجد بالقرب منهما بس بعد د كله ربنا يتقبل وتلقاه بعد الصلاه مادى ليك ايديه وقد تشبعت من الحك واللك وهلماجرا نرجع لموضوعنا الاصلى وهو انفلوزا الديوك (الطيور) بصراحة انا ذى ما قلته فى الاول نحن فى السودان وذى ما غنى الراحل احمد المصطفى نحن فى السودان نهوى اوطانا وعلشان كده ربك ياماشايل مننا بلاوى العالم من جنون البقر الذى اصاب البشرية بالذهول وان كان لدى تعليق فى وجود هذا المرض فى السودان منذ امد بعيد لكن شمسنا الله يخليه لينا اتذكر مرة مشيت سلخانة امدرمان الحولها حسه غرب امدرمان بالسوق الشعبى وقبل ان ادخل البوابة ما اسمع ليك الا كع وكععع وكوع وكع قلته يا سيد جرسة انت داخل ميدان نقارة والله سلخانة بصراحة اتلعثمت ولولا ريحة عطر سلخانة لرجعت واول ما دخلته اشوف ليك افلام الكابوى السودانية لاول مرة على الطبيعة وحصريا على سلخانة امدرمان بس كابويات السودان الواحد بدل الحصان راكب كرعينه وبينى وبينكم الكراع الواحده حرم لو ربطه ليها حمار بتكون كاروى وبدل البندقية شايل ليه عكاز مضبب البدور عضلات تبش علشان تحمله بس الشىء الماعرفته السوار الافى الايد ام عضلات تبش (حجاب)البذكرنى بنجمة الشريف المهم الناس ديل واقعين ليك فى التيران نجر صاح والتور يكورك والزول يكوريك والتور يقع والزول يكتر من ضرباته والتور يفرر والزول يعالجه بسكينه وفى نهاية الفيلم يصبح البطل( الجزار ) مصاب بمرض جنون البقر وكلما وقع ثورا جد بالتكرار ثورا وده خلاف التور ابو نظرة استعلائية وده كان مربوط فى خيمة عرس ودالعز اى زول يجىء جنبه يرمقك بنظرة وتتبدل جفونه لتصبح حمراء وسوادعيونه يصبح اغبش ويتحرك فى اتجاهك ولكن الحبل كان اسرع التور ده حلفت يمين الا احضر ذبحه وكانت لحظات عصيبة لو كانت فى اوروبا لاتوا بمنظمة الصحة العالمية واطباء بلاء حدود نسبة لجنون التور الذى يفوق التصور من زبد وهزات جسدية ونظرات شريرة وتطاول حتى على اطول الساكين واجودها واكثر الايادى حنكة وخبرة فى عالم الذبح وده الجاب لينا اشاعة العراق البتقول بعض السودانيون يقومون بذح المختطفين بصراحة التور ما خلى ليك زول واقف والله بس التقول مظاهرة وساكيها تور (وما اكثر التيران فى المظاهرات ) كانت لحظات لتسجيل اصدق حالة لمرض جنون البقر والتى انتهت بركوب صاحب الفرح عربته الفارهه لانكروز والتحرك سريعا والجرى وراء التور الهائج حتى تمكن من صدمته وحينها نزل ابو عضلات تبش(الجزار) وحلله وبروضو تقولو مرض جنون البقر مافى .
وتناقلت الاخبار قرب وصول طيور الانفونزا للسودان وقد خرج علينا بيان من قرية كاب الجداد يندد بالتحضيرات التى تقام فى ام الطيور للاستقبال وختم البيان بوجود العديد مجاهدى طير من طيور ابو مركوب والسمبر وطير الرهو وجداد الخلا الذى عدل فى نجيريا ليواكب عيشة السودان ويصبح وولوف ولا ننسى طير الوطواط الذى يتمتع بذبذبات عاليه فى كشف العدو ودون شك سوف يلعب دور كبير فى ضرب المارقين ........... اللحظات تمر رهيبة عى سيد جرسة وتتعطل لغة الكلام والحروف وتصبح الجرسة سيد الموقف حتى ميعاد الافطار
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
اليوم الجمعةونسائم الشمال المشبعة بالطوبة تطل على السودان وسيد جرسة استعاد القليل من لياقته بعد ايام رمضانية شديدة الحرارة والتى تعرف فى مناطق الزراعة بسخانة الدردوللذين لا يعرفون هذا .. فالدرد هو شهر تكون فيه الشمس عمودية على قناديل العيش والدخن وبمعنى اخر فى يمكن اعتبار كل المحاصيل الخريفية فى حالة صيام فطرى حيث تجف السماء وتصعب المياه وتتمحور سيقان الذرة والدخن فتصبح كسيحة من العطش ولكن الناتج قناديل من المحاصيل تسد جوع القبش .. وبما ان النسائم الشالية ماان يتنصف النهار تصبح متقطعة وعليه يكون سيد جرسة قد بدا فى العزف على موسيقى بتهوجرسن الرمضانية وينطبق عليه قول الشاعر ....
متى شتت النسائم وانت جالس
ومالت الشمس الى الاضان
فلقد اشتد الصوم والعناء
فاعلم ان الوقت للمحترفين هناء
وللمتجرسين طرد من الميدان
وهنا قال سيد جرسةانا بس الشىء المحيرنى حكاية مستشارىء الرئيس ال 13 وديل شغلهم حيكون شنو البعرفه انا فى واحد بتاع تاصيل ويستفاد منه فى الزواج الجماعى بتاع النظام او ان يكون فى عرس فى احد بيوت العائلة الحاكمة(الانقاذ) وانا لو كان عندى فرصة لكنت قد اعطيت كل مستشار وظيفة تمام ورايكم شنو فى الحل ده..
مستشار لشئون المرور ومهته الحفاظ على شيكات المرور التى لا تتحمل التاخير او التاجيل وعلى فكرة ناس المرور بشتقلوا بالنهار وما ان ياتى الليل يصابوا بالعمى الليلى نتيجة التخمة النهارية من كثرة الايراردات
ومستشار لشئون النفايات والتى اصبحت تهدد جيوب المواطنين فلقد اصبح كل بيت عليه ان يدفع مبلغ 5الف جنيه شهريا مع ملاحظة ان البيت لو كان فى جاردن سيتى والرياض او كرور والثورات والحاج يوسف تعرفوا ناس الحكومة ديل فعلا بتاعن توجه حضارى. فى الدفع بساوى بين الناس لكن فى حاجات تانية حرم البعملوه شارون ما يقدر عليهاما بالنسبة للدكاكين والكافتريات والاكشاك فى الاسواق والاحياء النفيات شهريا26 الف جنيه حتى اكشاك المكتبات مطلوب دفع شهريا 15 الف جنيه طيب ديل ذنبهم شنو انا بقول ليكم اصلو المكتبات بتجيب الجرائد والمواطنين اصبحوا مصابون بداء الصحافة (على فكرة مافى واحد ينط على يقول انا قاصد ناس الصحافة)والداء ده اعراضه كألاتى المواطن يعمل فى الحكومة ويستمع بكل الجرائد على مكتبه ويلحوقه كشف الصالح العام وما ان يتحكر فى الحلة لا شغل له غير الجرائد والزول ذى ده قبال ما يصل بيتهم بيكون شرط ليه اكثر من جريدة فى الشارع العام واخرون مرضهم جريدة الدار وشوف عينى واحد من النوع ده اشترى الدار وجلس يقرى فيها وبعد شوية اصيب بانفلونزا الصحافة فمزق الجريدة ونعله ليك وقبال ما يشتت من المكتبة وبصوت عالى قال بالله شوف ناس الدار ديل الليلة ما جابوا اى حاجة عن ندى القلعة وصور الموبايل حتى صورة ندى القعلة مافى انشاء تدخل عليهم بالساحق والبلاء المتلاحق وعمل شتات يا فرده وصفحات الجريدة تتطاير الامثال كتيرة لكم كمان المستشارين كتار واحسن نوزعهم
ممكن كمان مستشار رئيس لشئون السكر وخاصة انو اليومين ده السكر اتمرد علينا ودخل الغابة اوعه واحد يجيب لينا مشاكل ويقول انا قاصد حاحة تانية قصدى غابة الخرطوم وعلشان المستشار ده يضبط لينا حكاية مراكز توزيع السكر للتجار عبر امرار جوالات السكر للمواطنين وكما يقدر يوقف لينا بعض المراكز التى تتحول ما بين الفنية والاخرى وانتو عارفين التجار ما بقى عندهم شىء خلاف سك السكر ومراكز بيعه لانو الواحد بشترى الشوال ب 98 الف ويبيعه للمواطن ب 130 الف بسعر الرطل والفاضى خارج الحساب وتجار السكر ما شدة حبهم للسكر كملوا شريط كابلى البقول فيه
سكر سكر وحيات عينى سكر
كل الشافه .........
ولمن سالنا عن السبب قالوا عندهم نية بعد ما رمضان ما ينتهى يحتكروا الشريط ويواصلوا بيعه فى العيد واهو كل سكر فى سكر والافزع ولامر مرض السكر الذى اصبح منافس للملاريا ما تمشى لبتاع معامل الا يطلع ليك بالسكر وينزل ليك بالملاريا وان كنت سعيدا لتم تحوليك لعمل صورة مقطعية ورنين مغنطيسى وده بتكون على الجيب وانتوا عارفين الجاتك فى جيبك سامحتك انا داير مستشارالرئيس ده يضبط لينا اجهزة المعامل والمحاليل الاخرى امكن تكون مصابة بانفلونزا السكر والملاريا وطبعا ده وباء سودانى ولا يجد حظه من الاعلام نسبة لوجود السودان فى منظومة دول العالم الثالث وكان على انا بقول نحنا فى منظومة العالم التحت.
وكمان دايرين مستشار رئيس لشئون الشرائح والموبايلات على ان يركز تواجده فى المستشفيات والاسواق وفى المواصلات والمواقف لوقف السرقة التى اصبحت داء العصر السودانى فى حقبة العولمة بس بصراحة بعد مرات انا ما بلوم الحرامى لانو وحده من الحناكيش تلقاه داير تركب الحافلة وعلى طول بالشباك تلقاه خطت الموبايل على الكرسى لزوم الحجز وانا مستغرب السودان ده زمان كان فيه حجز فى محلتين الاولى الدايات والاخرى بلكونة السينما لكن حسه كل شى بالحجز وده موضوع كبير انسوه
ونمشى لقدام ودايرن مستشار رئيس لشئون المديدة ودكاينهاالتى اصبحت تنافس المطاعم وقدر الفول فى الدكاكين وماان تصل الى اى منطقة الا و تسمع اصوت الخلاطات فى السماء لانو االمديدة ده ناس الخرطوم كانوا لمن واحد داير يعمل ليه شكلة بين اتنين بيقول المديدة حرقتنى وبيكون شايل ليه تراب فى ايده وبقيف فى نصهم وبعد شويه تلقى المديدة اشتقلت والتراب علل والبنية دورت بس الكويسة انو زمان الواحد فى الشكلة بيكون محترم نفسه وقافل خشمه لكن حسه الزمن ده الشكل كله بقى بالخشم والمديدة بقت من السره لى تحت وعلاقة المديدة بالمديدة بتاعت المحلات انو مكوناتها من الدخن البنطحن بترابه والمكسرات التى تحتوى على فول فلاته وبقايا الزبيب من جبل طورية وما اكثر الاصابات التى وردت الى المسنشفيات وهى فى هستريا المديدة
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
كديسة الوالى وخروف السعد وبرضو هارك يا مريخ
سيد جرسة اليومين التى مرت كان متابعا لاخبار القمة الكروية السودانية وانا ماعارف الناس تكتب فى الجرائد والمنبر مافى كورة وما بتساهل الناس تتابعه متفقين يا حلويين لكن بس اول ما يجىء يوم المباراة تلقى كل واحد ركب ليه نجمه وانقلب علينا او هلال وبقى ملاك وهاك يا ردح تانى يوم للمباراة طبعا مباارة ليلة الاحد كانت بالنسبة للهلال مباراة دفاعية وللمريخ هجومية وبصراحة اقدر اقول ان المدرب البرازيلى نجح فى زيادة وتيرة قلق واصبح النونو كما يقول امير العود نونو يا نونو فكان السعودى يحاول الوصول الى المطار ولكن لم يستطيع الافلات من دفاعات الهلال الارضية بجانب تحليق ميراج ونفثات الهلال المقاتلة فى منطقة الوسط ويرجع الفضل الى ريكاردوا البرازيلى الذى التهم خروف محمود السعد مدرب المريخ الذى ذبحه فى نجيلة استادالمريخ ليلة السبت وانا مستغرب املدرب ده مصرى شعن عرفه بناس انطوان وناو الماركة المريخابية الشهيرة فى عالم الكرة ..الجماعة الشافو لحظة ذبح الخروف قالوا اتى السعد ممسك بخروف اسود الجلد احر العينين ابيض الاضان يرتدى شراب ابيض وازرق يحمل نمرة 10 والخروف متروم القرن والناس الكانوا قريبين من الحدث قالو لحظة الذبح جرى مدرب المريخ السعد وهو يقول ده كله علشان نشيل النحس ونغلب المريخوانا متخيل لحظة الذبح اكيد كانت بتحتاج الى كاميرا الجزيرة الفضائية اصلو ديل اصبحوا متخصصين فى تصوير ما يذبح حتى ولو كان قطع راس .. واحد من المدسوسين من الهلال قالوا اول ما شاف دم الخروف جارى على النجيلة كب فيه ظهرة لزوم تفشيل العمل وقالوا بعد ان تم سلخ الخروف وتحميله بالعارضة الجنوبية ثم اخذ الى منطقة غير معلومة وما زالت المتابعات تواصل البحث عن خروف محود السعد بس انا البهمنى انو الخروف ده كباشى والله مصرى اصلو المصرى ضنبه ذى كرفتة شارلى شابلن وعلى فكرة اخر مباراة للقة كانت النتيجة خروف /صفر لصاح المريخ اقصد 1/صفر لانو سبب الهزيمة للهلال كان الخروف الاول لمحود السعد انا ماعارف ده مدرب والله جزار بينى وبينكم اكيد المدرب المصرى ده يكون بياكل ام فتت ويمص عضام النيفة والدليل خروف نجيلة استاد المريخ ليلة السبت .
اما انطوان ماركو ناو ده قديم عند اهلنا المريخاب وانا ماعارف كديستم ده لا بتعجز ولا بتموت ولا بتفوت كل ما يكون فى مباراة مع الهلال فى استاد المريخ تظهر.. واحد من المتابعين للامر قال الكديسة ده مهمتها صد الكور البتصل الى مرمى الحارس (شيكوزى ) وانا بفتكر هى ما كديسة اصلو الانطوان قلب العارضة وعمله كديسة والدليل كرتى قابيتو وهيثم بس اتذكر فى قصة عن الانطوانات والفكى قالوا فى فريق مشى للانطوان علشان اغلبه والفكى قال ليهم كلوا تمام تغلبوا 4/ صفر بس المهم القون بتاعكم يشيل معاه الفيلم ده ويحفر ليه جنب العارضة الواقف فيها ولكن انتهت المباراة بالتعادل 2/2 رجعوا للفكى وحكوى ليه بالحصل قال ليهم السبب القون بتعاكم كان من بداية الشوط الثانى يحول معاه الفليم وده السبب يعنى لو ناس الهلال فاتوا للفكى ده اكيد الكديسة كانت بتحفر وتشيل الفليم لكن يا مريخاب انتو الكديسة ده الظاهر تبع الشركة الهندية علشان كده فليمها كان قوى لكن برضو بقول كديسة الوالى وخروف السعد لم يعطى المريخ النتيجة وكل التهانىء لهلال الملايين بالانتصار وهارك للمريخ واحسن حاجة انو الدرون كان نتيجة ايجابية فى كفة وفى الاخرى كديسة الوالى وخروف السعد .
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة يتجول فى السوق لزوم العيد وطبعا اليومين ده الجو فى السودان ممكن نطلق عليه رمضان الجو الرطب واثناء مرور سيد جرسة بالسوق العربى لفت اتباه وجود العديد من تجار الواطه والببيقول عليهم ناس الخرطوم الفراشة وانا ماعارف الكلمة ده جابوها من وين لكن سيد جرسة الظاهر سمع كلامى وعلى طول دخل فى تفسير الكلمة وما معناها والبقول فيها انو كلمةالفراشة جات من زمان للسودان عن طريق باخرة حلفا لانو بعض السودايون اللذين سافروا الى مصر شاهدوا شارع الموسكى الشهير وطبعا شتان مابين زقاقات السوق العربى والموسكى حتى كمان لو تمعنا فى كلمة موسكى بتلقاه بتعنى الجمال للناس الحلويين وبعض الناس تزكرهم بموسكو وحليلك يا موسكو .. اما العربى بتذكرنى بكلمة عربى وتعنى التخلف عند الكثيرمن السودانيين وماان يركب الواحد منهم الحافلة ويصادف ان يعفصه واحد وفى لحظة غضب يطلق عليه يا عربى سيد جرسة اصبح من جماعة الجو الرطب فى رمضان والان يتجول واكثر شىء جذبه دكاكين قدر ظروفك التى اصبحت تنافس حاجات الفول فعلا حاجة عجيبة وهنالك علاقة بين مجموعة قدر ظروفك وحاجات الفول وللتاريخ أول من ادخل مصطلح قدر ظروفك الحاجات وطبعاالحاجات خشم بيوت والقاصدهم انا بتاعت الفول المدمس وفى حاجات برضو بتاعن قدر ظروفك لكن بالكباية .. وبعدين تعالوا انتو كلمة المدمس ده فى بلاد كثيرة بتطلق على الفول المصرى لكن فى السودان اصبحت مرتبطة بالفول السودانى وانا بقول انوالاسم ده سببه انو ستات الفول بيقعدوا من الصباح وحتى الدور الثانى ايام المشوار بالطرحه والهلمان ابو مكوى ونسبة لعدم وجود انوار ذى حسه فى السوق العربى كانت حاجات الفول يبيعوا على ضوء العربات وهنا غالبا ما تكون فى بعض اللحظات دمسه وهى عدم النور اكيد فهمته سبب التسمية ونرجع الى علاقة قدر ظروفك .. فالتسالى والفول عبواته صغيرة وقروشه كذالك وعندما اتى زمن العولمة استفاد التجار من العلاقة واصبح كل شىء بقدر ظروفك واشهرها الكريمات والتى اصبحت وجوه بعض البنات تحمل لون قوس قزح عن انعكاس اشعة الشمس عليها وهنا اتذكر كلمة اشتهرت فى مغازلة البنات وخاصة السمراوات فماان تطل على الشارع وحده من ديل تلقى واحد ماشى وراه ولمن يفتر من المجابده معاهااقيف قدامه ويقول ليها...............
بالله شوف ده الوش خواجية والكرعين عباسية لكن حسه الغزل بقى برضو قدر ظروف ومثال لذالك ( ما تعملى لى مس كول- الجميل ماشى وين- اضحكى - جسمى انتحل) طبعا ده امثال رمضانية خوفا من الخروج من النص .
مملكة قدر ظروفك وصلت الى صيدليات الادوية اول ما تدى الصيدلى الروشته على طول يعاين ليك من فوق لى تحت انا ماعارف ده صيدلى والله ترزى ويخش عليك على طول ..لو ما عندك تمن الادوية بديك جزء ولمن تلقى القروش تعال شيل الباقى بصراحة حاجة تزعل حتى العلاج اصبح اختيارى وكمان من ناس دارسين الصيدلة بدل ما يحاربوا الحكايه ده بقوا عايشين عليها وياما فى حالات مرضية كتير كان السبب فى الوفاة العمل بسياسة قدر ظروفك اتخيلوا واحد عنده ملاريا وده بتنطبق عليها اغنية وردى البتقول
يا جميلة ومستحيلة
وانت دايمن ......
ومعروفه الكورس بتاعه .. والله كورس الفنان الشعبى يبقبل النفصان لكن الملاريا فى السودان طوعت وادخلت فى معسكرات الدفاع الشعبى ومنحت الايزوى السودانى لتصبح احد مشتقات قدر ظروفك . لكن الشى العجيب فى اجزخانات السودان بدون خجل تلقى اليافطه مكتوب عليها ادوية بشرية- بيطرية بس اوعه اليومين ده تمشى لاجزخانة وتقول عندى التهاب على طول الصيدلى بفتكروا انفلونزا طيور وبديك مضاد حيوانى مرة اتذكر واحد صاحبى كتبوا ليه رشته عنده سعال ديكى وعلى حظه مشى يشتريه ومالقى غير صبى الصيدلية بقفل وعلى عجل شاف الرشته واداه دواء حرم انلقب من سعال ديكى الى سعال حمارى بقى يهنك عديل وياما فى حاجات عجيبة واحد تلقاه فى موقف الشهداء فجاة يترع(معناه خروج الهواء من البطن واصتدامه مع الحبال الصوتية واحداث صوت ) التقول مركب ليه لستر موية وبعد شوية يقد مكنة وما تشم الا غاز النحلة الفطرى ولمن تساله يقول ليك والله انا اصلو عندى مصران اكيد ذى الزول ده بيكون وقع فى صبى صيدلية وادوه مركب حيوانى وبذكر كمان واحد راكب بص سفرى ودخل فى كومة كحة الى ان وصلت الى درجة عواء الكلب البقول عليه ناس الاقاليم ده نحس ومعناه انو فى زول بموت فى الحى واجزم انو الزول ده برضو يكون خسائر صبيان الاجزخانات وبصراحة ده مشكلة كبيرة فى السودان الصيدلى تلقاه ذى المدرس الخصوصى شغال فى اكثر من صيدلية حتى يستطيع صاحب الصيدلية التهرب من رخصة الصيدلية البتطلب وجود صيدلى مقيم ومشكلة تانية التقاء العنصر البشرى والحيوانى فى صيدلية واحدة بس يا جماعة لو قلته تعمل فيها بطل وتسال المختصين بالامر يقول ليك السوق بقى محرر منعول ابوى التحرير الخلى فريق التحرير البحراوى ينزل الثانية والمواطن السودانى يرجع الى اصله الحيوانى عبر الامدادات الطبية وفروعها .
معليش يا حماعة طولت عليكم لكن عزائى الدنيا رمضان وده كله كلام زولن صايم وكمان فى السودان ولو تم ادخال شدة الصوم فى الموسوعة العالمية لاصبح كل من يصوم فى السودان محترف ويمكن ان نكون فريق محترفى رمضان العالمى .
نواصل
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سد جرسه يتابع التطورات الرسمية لمحاربة انفلونزا الطيور بالسودان والتى تقول ..
Quote: وزارة الصحة تهييء جميع مراكز الابلاغ التابعة لها حول مرض انفلونزا الطيور
الخرطوم في28/ 10( سونا ) هيأت ادارة الوبائيات بوزارة الصحة الاتحادية جميع مراكز الابلاغ التابعة لها حول مرض انفلونزا الطيور الذي اصبح يهدد كل العالم وتم اصدار تعليمات لجميع الموانيء البرية والبحرية والجوية للقيام بمراقبة القادمين من الدول الموبؤة. اوضح ذلك (لسونا ) د. بابكر مقبول من ادارة الوبائيات بوزارة الصحة الاتحادية مبينا ان وزارة الثروة الحيوانية منعت استيراد جميع انواع الدواجن ومنتجاتها وطيور الزينة كما ستعمل المحاجر الصحية بالتنسيق مع المحاجر البيطرية لتنفيذ هذا القرار |
انا بس الشى المجننى البيان قال مراقبة القادمين من الدول الموبؤة الكلام ده ما صاح المفروض يراقبوا الطيور المجلوبه من الدول الموبؤة مش الناس القادمين الظاهر دكتور بابكر مقبول بتاع الوبائيات ده لمت فيه عطشه وبينى وبينكم متل ديل ما بعطشوا لانو الكندشة تمام س سبب الجرسة بتكون جوعة نتيجة الافراط فى التكيف .. وانتوا لو جينا للحقيقة نحنا بنستورد الجداد من السعودية واغلبية الاستهلاك ناتج محلى طبعا السودان يعتبر الدول الافريقة الوحيدة القريبة من الاكتفاء الذاتى للدواجن لا بسبب الانتاج ولكن بقلة الحاجة وتلعثم الجيوب كما تعلمون لدرجة انوا الاعراس فى السودان اصبحت تميزها بوجود الجداد فى الصحن وتتدرج الى حجم الجدادة وكلما كانت الجداد من الشركة العربية هذا يعنى ان العريس ود عز وحرم ونسة النسوان البتكون فى بص السيرة الراجع بعد الساعة 11 من النوادى يلعب الجداد فيها حيز كير وتجد الاطفال تقول ..
جدادى يلقط الحب ويجرى وهو فرحان .....
والكبار تقول ..
يوم وزعوك يا جداد ما كتبوا عليك صحنى انا لو رضيت بالبفتيك ما تبكوا الحوقنى
بس تعالوا شوف البيان بيقول منع استيراد طير الزينة اتو يا ناس نحنا الظاهر قاعدين فى السودان ساكت حرم محل ما مشيت مالقيت لى طير زينة خلاف طيور الجزيرة الملونه ومن كترتها فى الخريف وانتشارها فى البيوت بقينا نقوال عليها طيور العوض يا حليل زمن كنا بتستورد الطيور لزوم الفرجه فى حديقة الحيوان بالخرطوم التى اصبحت الان كتلة من الاسمنت والبلاستيك الليبى والتى اتمنى من فى اول جليسة للبرلمان الجديد ان يسأل حكومة الانقاذ التى مازالت متواليه فى حكومة الوحدة الوطنية عن اسباب تسريح الحيوانات من الحديقة وتطبيق سياسة فائض العلمالة الحيوانية ..
اكرر اسفى لعدم المواصلة نسربة لتداعيات الجمعه اليتيمة وطولها واحسن ما اقوم ادق ليكم الجرسة افوتكم وبرجع ليكم علشان نشوف حكاية مشتقات الطيور الممنوعة من الاستيراد .زز
تحياتى
| |
|
|
|
|
|
|
|
|
|
Re: يوميات سيد جرسة (3) (Re: بلدى يا حبوب)
|
سيد جرسة والهترشة الرمضانية تقوده الى الحديث المنبر العام الكان زمان خاص ولكن فى ظل العولمة التى اصابته تغير الى مسمى العام وانا بس داير اعرف امين المنبر العام العضو بكرى ابوبكرى غير الاسم ده ليه والله اقول ليكم الكلام ده الظاهر بجيب الهوى واسالوا العضوية التى ما زالت متمسكة بعدم الرجوع وعلى فكرة المنبر العام اصبح يتكون من ثلاثة طوائف الاولى وهم اهل البيت وديل الواحد فيهم بنزل البوستات وكل الدايره استمرارية المنبر بالرغم بعض البوستات بتكون محتاجة الى فاتحة علشان تترفع وأهل البيت متوافقون مع سلحافية المنبر فى بعض الاحيان كماانهم لهم المقدرة على ركوب الامجاد البوستية فى حالة حركة دوران المنبر السريعة والناس ديل اغلبيتهم فى الشتات ومحتاجين الى اللمة بسبب البعاد وانا عارف فى مجموعة منهم ما عندم غير الدوام والمنبر السريرى واضيف اليهم كل منبرتيه الداخل او الناس الدخلوا المنبر من السودان عن طريق بركات العم بل صاحب شركة مايكرسوقت التى منحتنا الانترنت وبقول ليه بلغة اهلنا فى السودان ايام المجاعة ربنا يديك حجة يا حاج بل بورداب السودان لولا المنبر لكانوا طرشقوا من عدم التنفيس وانته عارفين الحاصل والماشفه سمع ربنا يسترنا... والعجيبة بعد ده كله ينزل بوست يقول ما دايرين الملثمين فى المنبر وديل كلامهم زين لكن البحرق كلام تانى بقول ما دايرين الظلاميين فى المنبر المهم يا ناس عمنا بكرى ابوبكرى وطبعا عمنا ده لزوم التكبير والاحترام وصح يستاهله غايتوا عن نغسى انا من اهل الداخل وكمان من مجموعة النيجا الملثميناستفدنا من المنبر كتير وبعمل مع المنبر بسياسة العندى انا بدى وحق الناس بزيده لو فى شىء .
نرجع الى الطائفة الثانية وهى أهل المشورة والدعوات والتبريكات بمعنى انو الواحد لو جابوا ليه طفل تلقاه منزل بوست علشان يعزل ليه اسم يعنى المنبر العام اصبح مرتبط بدايات امدرمان للناس التحت لكن الدايات حسه بقت رهابات عديل فى ناس الواحد يلدو ليه طقل يكلف 2 مليون جنيه فى الجناح الخاص وطعاالجنى الذى ده اكيد بمشى حضانة خاصة وتعليم خاص وقدامه حاجتين يا شهادة عربية او مأمون حميده والاهلية وفى قول اخر مجوهة البرير للتقانةوكمان لكل قاعدة شواذ ..انا عارف فى جماعة معانا فى المنبر ده ناس حبل عديل لكن برضو فى النهاية ولادة ونرجع الى بوستات المشورة وده الزول يكتب فيها عن كيف السفر الى امريكا وعلشان ما تقولى انا بخرف والله انا ذاتى اتذكر يوم كنت برلوم منبرى كتبت بوست عن المشورة لزوم السفر لكن كل زول عامل اضان الحامل طرشه وللناس الماعرفين المثل ده بشرحه وبفول اصلو قالوا الحامل لمن تجىء لحظات الولاده وعسرته تحلف تقول تانى ما تلد لكن يمر الزمن وهاك يا حمل وده المعنى بمفهوم سيد جرسة الذى جعل منه رمضان مصلح اجتماعى .
نجىء للطائفة الثالثة ديل ناس من دقنه وفتله يعنى الواحد تلقاه دخل المنبر وبدل ما يفتش فى المواضيع تلقاه يفتش للاسماء واول ما يلقى زيد او زيدة كاتبه بوست على طول تلقاه لو حتى الكلام ما عجبه يمسك الكى بورد ويكتب لقدام UP بعنى المقصود زوله بزوله وعلى فكرة الطائفة البتعمل كده تعتبر من ضمن موسوعة جنون المنبر التى تعصف به احياناواخرون مصابون بداء انفولنزا المنبر وده اعراضه العضو تلقاه فاتح نيران وقبال ما يقرأ البوست تلقاه ولع لو قلته ليه ده تور يقول ليك احلبه ولو قلته ليه ده مجرد اجتهاد بقول ليك شوف يا زول دخول الحمام ما ذى خروجه .....
بصراحة المنبر العام برغم هذه الاختلافات جميل وحلو وروضة تجمع كل الشتات ولو قالوا لى شبه حاجة بقول هو يمكن ان يكون
الحلم الذى نحلم به وهو السودان الجديد
نواصل
تحياتى
| |
|
|
|
|
|
|
| |
بلدى يا حبوب
فيس بوك
تويتر
انستقرام
يوتيوب
بنتيريست