|
كتب الكاتب الفاتح جبرا المتوفرة بمعرض الدوحة
|
|
 Re: ذبابة كبيرة تتسبب في إرباك مقدمة برنامج سهرة الأمس السبت24/9/2005في قناة السودان (Re: منصوري)
|
صحفينا القدير خالد عويس.. كدي اولاً بالتبادي .وينك يا راجل؟ كم إفتقدناك والله في الآونة الأخيرة.. إشتهينا تحليلاتك للأخبار وتقاريرك الأخبارية الدسمة ولغتك التي لاتقاوم وسحر بلاغك وبلاغتك.. شنو الحكاية شغلك الكتير دا معقول يحرمك من الطلة... صاح موش منقطع مرة واحدة عن المنبر. تداخل هنا وتعلق هنالك .. لكن الشغل المنظم ودقيق إفتقدناه منك منذ زمن.. ماعارف غاتيو ظروف المنبر أم شغلك. مرات المنبر لمان يكون جايط في الفارغة والشكل.. كل هذا يقلل إبداع المبدعين ويشتت خيوط الفكر ويناثر مابين إشعاعها.. ولكن تقول شنو حقو المبدع يعمل بالمتاح ..
قلت لى يا خالد ضحكت في موضوع البوست شديد.. عمرك ما ضحكت ضحكة من الأعماق زي دي...
الضحكة المن الأعماق مفقودة يا خالد في الغربة لهول الغربة والإغتراب والواجبات الكثيرة والهم والحزن.. فما بين هذا الركام الكثيف تأتي ضحكة صادقة وفرحة صادقة دا هو الشى المطلوب ويكون البوست هنا قد حقق غرض من أغراضة والضحكة الصادقة من الأعماق علاج وعلاج متقدم جداً ينفع من حاجات كتيرة جداً ليس هنا الآن مجالاً لشرحها..
.............................................
أخونا ود الباوقة.. قلت لى كيف..؟ خليك في الباوقة ونخيلا وحورا وتفاحا.. هسه اقوم اغنى ليك أغنية من الباوقة احيرك؟ إنت ماعارف ود الحوري منصوري..؟ والله اغني ليك من عبد اللطيف؟ والله للباوقة وقع خاص في نفسى لما كنت بعطبرة الثانوية.. واصدقاءنا واساتذتنا منها.. بس هسه قالوا اتشلهتت ياخى مازي زمان..
| |
 
|
|
|
|
|
|
|
|
Re: ذبابة كبيرة تتسبب في إرباك مقدمة برنامج سهرة الأمس السبت24/9/2005في قناة السودان (Re: منصوري)
|
المنصــــــــوري
هذه الضبانة مشهورة جدا في التلفزيون وتكاد تكون شهرتها تفوق بعض المزيعين و المزيعات في التفزيون واحتمال يكون الارباك الذي حدث لمقدمة البرامج بسبب الغيره فحقيقة هذه الضبانة تشارك معظم مقدمي البرامج الظهور على الشاشه منذ فتره طويله فهي تشارك كمال حامد في اعداد وتقديم عالم الرياضه وتحاول كشف ارقام الاسكراتش الملح لبقية الضبان من مالكي الموبايلات وتشارك ايضا في نقل المباريات على الهواء مباشرة من داخل الاستادات فهي ضبانه من حملة البطاقات وبتخش الكوره ملح وايضا تتواجد عند تقديم النشره الرياضية فهي تحب سابقات الفورملا ون ومعجبه شديد بمايكل شوماخر ... ودائمة التواجد في استديو الاخبار وبتبكي بحرقه عند الاخبار العالمية وخاصة اخبار فلسطين و العراق ورايتها عند اعلان تشكيل الحكومة الجديده في غاية الفرح و الطيران عكس الشعب السوداني المحبط و السبب معروف لفرحها واحباطنا ومبسوطة جدا خاصة من امين حسن عمر لان كشف الصالح العام في التلفزيون لم يشملها .. وتشارك الضبانه باستمرار في برامج الاطفال لانها بتحب الحلويات و الشيتوز كمان وتتمنى ان تعرض لها صورة ضمن صور الاصدقاء وتهديها لماما وبابا و تشارك الاطفال في نشيد الســــــــلام .. وتشارك عمر الجزلي في اسماء في حياتنا ولهل رغبه ان تكون ضيفه حقيقيه في البرنامج لتكي تاريخها وتاريخ اسرتها في التلفزيون وكيف كانت بدايتها ووقوفها لاول مره امام الكاميرات ... وان جدتها ضبانه الاولى كانت مشلخه وبتحب سماع سرور وكرومه وركت على انف المفتش الانجليزي عندما انزل اسماعين الازهري العلم وشاركت في وداع الجيش الانجليزي عن محطة السكة حديد ولم تنسي ان تشير الى اعجابها بالفنان الكبير الكابلي وخاصة اغنية سكر سكر ... وهذا لضمان استضافتها في عدة حلقات متتالية ...
سنواصل بعد الفاصل الاعلاني ....
| |
|
|
|
|
|
|
|
|
|
Re: ذبابة كبيرة تتسبب في إرباك مقدمة برنامج سهرة الأمس السبت24/9/2005في قناة السودان (Re: منصوري)
|
يا جماعة دى اشهر ذبابة فى العالم اسمها ذبابة الربط
وبعدين ملاحظين بتريد العمم البيضاء ريدة ..ما تشوف ليها عمة بيضاء والا
تحوم حولها..يا سلام انا ما شفت ضبانة بتحب الاضواء زى الضبانة دى الله يحفظها
بعدين الحاقد القال يجيبوا بف باف ده منو؟ اين جمعية الرفق بالذباب
اناشد برجيت باردو ونانسى عجرم وكل الذين يهتمون بحمايةالحياة الفطرية
ادركو ذبابة التلفزيون من المتامرين من امثال منصورى وخلافه فهم يتابطون شرا
بذبابة التلفزيون ..لا اتخيل برامج التلفزيون بدون هذه الذبابة ولن يستقيم
برنامج بدونها لدرجة ان المخرجين يسالون عنها لو غابت عن برنامج واحد
فتبا لاعداء الديكور فى التلفزيون منصورى وصحبه ودامت ذبابتنا الاثيرية ولا نامت
اعين الحاقدين.
حاشية:
قالوا لما طلبوا من المديلر يجيب بف باف اجاب هو عبدالرحيم محمد حسين خلا
فيها حق بف باف.ربنا لاتؤاخذنا بما فعل السفهاء بنا،،،
| |
|
|
|
|
|
|
| |
منصوري
gamal elsadig
صديق الموج
فيس بوك
تويتر
انستقرام
يوتيوب
بنتيريست