|
|
 لماذا لانعمل بهذه الوصايا ؟؟؟؟؟؟؟؟؟؟؟؟؟؟؟؟؟؟ قصيدة لحميد
|
سوقني معاك يا حمام سوقني معاك للسلام
سوقني محل ما الحبيبه قريبه تراعي الغرام
قريبه الاشواق حبيبه تجيها منام في منام
سوقني محل ما المحنه ايادي تقطر سلام
سماحة الحياة فوق اهلنا بلادي تقرقر وئام
غلابة وامان ما الطيابه بكارة ضكارة وكرام
حباب الحبان في بابه تدخلوا علي الحرام
فقارة ولكن غناية
غنايه بهذا الغمام بهذا النيل كم تقايه وترابا نرويهو قام
ارادة القمرة البتقدر براها تضوي الظلام
وشعاع شمسا ياما خضر واذا يبس يلام
يابا خرابة الحرابة خرابه فكر سوسي وسام
خرابه الكل نفسو تابه عقابه يلم عم سام
وليد مخلوق للقراية خزين مدخور للجسام
تدمر نيتو التخاية إلامه مزهلل ..... إلام
درب من دم ماب يودي حرب سبه حرب حرام
تشيل وتشيل ماب تدي عقب اخرته انهزام
بطانة شيطان قديمه قبل ده منو العرشو دام
أذا الانسان ما لي قيمه اليش خلفوا سام وحام
تعالوا الدم ماهو مويه ولاهو تراي المسام
خباري بحمر في اخوي وطراوة الخوه ابتسام
تعالوا نحانن بعضنا نخل قلبو علي التمام
بيها نشهد ارضنا ارضنا تجم العضام
تعالوا بدل نبني ساتر نخيب ظن الصدام
نطيب للعازه خاطر نقوم لي ىاطفاله سام
اخير كراكتا بتفتح حفير وتراكد الركام
ام الدبابه البتكشح سعير الموت الزؤأأأأأأأأأأأأأم
تعال لي غابتك يا خيره تعالها يا اسدا الهمام
بدل دوشكا يغني طيرة بدل قنبله عش نعام
بلد صمي وشعب واحد عصيه علي الانقسام
ابيه وبكراها واعد صبيه ومشهاده تام
بساط احمدي كم يشيلنا يشهدنا علي الدوام
نشد حيلنا تقوي خيلنا دليلنا تمام التمام
تعال نلقم سقف المتاهه نجم هداي في الظلام
نطعم حرف النزاهه لايلافك يا حمام
ديمقراطية وامان سوا سوا عالي المقام
مواريثنا المن زمان محصنه في اروع نظام
بريدك يا زول بريدك اعشقك حتي الهيام اريحيتك بتزيدك مهابه وليك القيام وعهدي معاك يا حمام يا حبيب الرسل الكرام
يا رسول الامراء العظام عصامي علي ما يرام
ما تهدل فوق خنادق ولا بتقدل فوق حطام
ولابتنزل في فنادق وسطنا مراعيك قدام
يا مجروح من اديس ومعوق في كوكدام
تعال عمر فينا ميس كفانا طشيش الكلام
جناحيك جنوب شمال وامش طوف يا حمام
محل غصن العزة مال عليهو وعليك السلام
يا حكيم الطير يا مهبر شراك الخونه اللئام
لا متين باسم الحق تكبر وبالرحمه تصلي امام
فلاحتو العالم يعمر محبه مودة ووئام
يقص الايد التدمر يشمر ساعد السلام
سوقني معاك يا حمام
سوقني زمن كلو عافي نتاجو علم خيرو عام
براي يمه من المنافي وطن وافي علي الدوام
|
|
 
|
|
|
|
albagir altahir
فيس بوك
تويتر
انستقرام
يوتيوب
بنتيريست