|
Re: نحن يانا ... و إنتو ياكم (Re: ابو جهينة)
|
Quote: و إنتو ياكم بي صيامكم و خم رمادكم معفّرة بي أديم الأرض جِباهْكم سديدة في قلب الهدف رمية سهامكم و كل البلاوي الجات مسامحانا و مسامحاكم في المال و الولد ..و في هامات مقامكم
و عشان داك و كل دة و عشان كدة أركز يا بلد .. |
نحنا يانا
وانتو ياكم !!
وتسلم ياابو جهينة ياراااااااااااااااائع
| |
|
|
|
|
|
|
Re: نحن يانا ... و إنتو ياكم (Re: ودقاسم)
|
عمدة بورداب السعودية ابو جهينة
والله انها ملحمة تجسد معاني كبيرة راسخة ... وقولي هذا قول من راي وليس من سمع كم انت رائعا ايها العمدة وما زلت اتشرف بذلك اللقاء وما زلت اتشرف بهذا الجوار الجميل حتي لو انه في منبر لك الود اجمله وزي ما بيقولوا السعودين .. الكبير كبير
| |
|
|
|
|
|
|
Re: نحن يانا ... و إنتو ياكم (Re: اساسي)
|
عزيزي جدا أساسي ( الأساسي )
تحية طيبة و تقدير
سعدت بمداخلتك كثيرا. و نحن الذين كنا قد هللنا بمقدمك للرياض حتى نكسبك عضوا فاعلا بيننا. و لكن رغم أن هذا لم يحدث إلا أننا نجدك قريب منا .. بل أقرب من لمسة كيبورد. فلك الشكر أرقد عافية
| |
|
|
|
|
|
|
Re: نحن يانا ... و إنتو ياكم (Re: Ahmed Daoud)
|
عزيزي و صديقي أحمد داود
تحايا مقيمة و مودة ثابتة
Quote: حصاد التجربة والحكمة والخبرة |
أضف إلى ذلك كله .. خلايانا المشبعة بموية الدميرة .. و رطب موسم البلح .. و هفهفات سعفات النخيل في عصرية صيفية .. و ونسة تحت ضل راكوبة .. و شاى عصرية في مصطبة ( Togo ) .. يااااااااااااه يا أبوحميد .. الحصاد دة كلو يخلي راس الواحد يفور .. أرقد عافية
| |
|
|
|
|
|
|
Re: نحن يانا ... و إنتو ياكم (Re: ابو جهينة)
|
ابوجهينة .. التحية لك .. لا شيء ثابت حيث هو .. والعقود الاخيرة كانت سنوات الزلزله في العالم وفي السودان فهل مازال أمر:
غيب وتعال تلقانا نحنا يا نحنا لا غيرتنا ظروف ولا هزتنا محنة قائما .. لا أدري ربما تبقى الوجوه .. وإن أصابتها بعض القترة وكلماتك زي نخلة حميد: النخله في الليل المهول وحيدا بتقاسي الرياح فارح يدارق في الرماح لا انه لا رمى للسلاح لا خان بصيرتو الانتباه
ولعلها دعوة منك بأمل أن تقابل إستجابة فلا يخون بصيرتنا الانتباه .. ولك الشكر
محمد عبدالجليل
| |
|
|
|
|
|
|
Re: نحن يانا ... و إنتو ياكم (Re: Mohamed Abdelgaleel)
|
عزيزي محمد عبدالجليل تحايا و مودة
شكرا على المرور
Quote: ولعلها دعوة منك بأمل أن تقابل إستجابة فلا يخون بصيرتنا الانتباه |
البصيرة و الإنتباه متلازمات تلازم الليل و النهار .. بل ألصق من ذلك ( كالشهد و غذاء الملكات ) .. فلا يجب أن أن يخون أحدهما الآخر أو أن يتقدم على حساب الآخر و إلا إختلت الموازين .. دعواتنا جميعا للوطن .. أن يركز و نحن معه بحوله و قوته لراكزون .. أرقد بألف عافية
| |
|
|
|
|
|
|
Re: نحن يانا ... و إنتو ياكم (Re: ابو جهينة)
|
Quote: و نرجع نحن يانا و إنتو ياكم تلاقونا و نلاقيكم : يا حشاى و حليلك إنتي يا حبيبة قساى .. يا بعد جوع روحي الطويل .. طاعم عشاى نفس السؤال الما بارح خيالاتنا و خيالاتكم يا ألف مرحب و يا حبابكم حالكم و أحوالكم ..؟ وليداتكم ..؟ غنيماتكم ؟ نعل ما في زولا حِرِد عشاهو فلانة عساها .. و فلان داك عساهو لا تكِلّوا من كتر السؤال .. لا نحن من الردود بِنْمِل
|
العزيز ابو جهينة
إن بقيت تلك الحنية وذلك الود الجميل فانه يكفينا عزيزى
تسلم يا من تصور لنا همس الوطن الدافى فى اعماقنا كلمات تثير شجوننا
وبهذه المناسبة هل لى أن أسال عن شاعرتنا الاستاذة سومة
تحمل منك وتحمل منها كل دفء الاهل والاحباب هنالك
ابقاكم الله وابقى لنا الوطن الحبيب بأهله وناسه
| |
|
|
|
|
|
|
Re: نحن يانا ... و إنتو ياكم (Re: قرشـــو)
|
عزيزي العمدة قرشو
تحياتي و سلام كبير
شكرا على المرور في ربوع هذا التغني بالوطن .. الوطن يا عمدة هو بهار طعامنا هنا في الغربة .. هو بخورنا المعبق في ثنايا ملابسنا .. هو أوكسيجننا المخلوط في الهواء الذي يدخل الرئتين .. إنه الوطن .. كل غنانا ليهو تسلم يا عمدة
| |
|
|
|
|
|
|
|