|
|
 بخاري بشير..صقيلا وسميناً
|
الاستاذ بخاري بشير, سكرتير تحرير الرأي العام, ورفيق الكيبورد, وشاعر الدوبيت المدسوس, وعضو المنبر النشط, عاد من اجازته السنوية صقيلا وسميناً وعلى محياه شريحة من الاناقة التي لم تبعثرها الكتاحة بعد.. رحبوا معنا بالزميل بخاري
|
|
 
|
|
|
|
|
|
|
 Re: بخاري بشير..صقيلا وسميناً (Re: salma altijani)
|
Quote: يا نادية انتي قاصدة بخاري بشير؟
سكرتير تحريرنا؟ |
سلمى التيجانى
سلومة العسل
يازولة هو انا اسألك تسألينى ؟!!
انا اقايتو فى زول دوبااااااااى وغناااااااى وبكاااااااااى بى هناك فى بوست المسادير اسمو بشير لكن ماعارفة ياهو بشيركم ولا تشابه بشائر !!!!
| |
|
|
|
|
|
|
|
|
|
Re: بخاري بشير..صقيلا وسميناً (Re: عبد الحميد عوض)
|
عزيزي عبد الحميد عوض
ويينك ياراجل ...والله مشتاقين..أما الدنعو لو ما وسعنا معه المكان تسعنا أشياء أخرى!!!!
//////////////
الأخت الفاضلة سلمى التجاني
يكفينا فخرا أنك من أسرة الراي العام,,بكل ذلك الألق والقدرة الفائقة على الإدهاش....ومادتك أصبري عليها شوية.
| |
|
|
|
|
|
|
|
|
|
Re: بخاري بشير..صقيلا وسميناً (Re: Abdulla Ageed)
|
الزول السمح يوم الخميس واعدنا
في ديم كسلا ان سافرنا منو بعدنا
ياعبد الامين ما شفتو كيف واددنا ؟
الدرعة ام شلوخاً ستة مالكا عشقنا..!
* اها يانادية ..بخاري ده مطمورة دوبيت مرشوش بموية مطرة في صقيعة البطانة , رغم انو جعلي الا قليلاً., أو: لو اتزحلق غادي شوية كان طلع شايقي..!
قال يرتاح الليلة شوية وبكرة يجي..
| |
|
|
|
|
|
|
|
|
|
Re: بخاري بشير..صقيلا وسميناً (Re: Abdulla Ageed)
|
الأخ الكريم والأصيل عبد الله عقيد لك التحايا
/////////////////
يا ود عقيد إت فائق جمعنا شهامة
فارع في الشعر باقيلنا ساس وعلامة
مشتاقين كتير وكايسين نضمكم ياما
ومابنفوتو ربعك كان تطير الهامة
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
العزيز جدا وجدي الكردي
لك آلاف التحايا
فعلا كان فقدي لرفقاء الكيبورد قاسيا, وأنا في ارتحال وتطواف لا بفتر أثناء الاجازة السنوية..في بلاد ليس كما قال الطيب صالح تموت من البرد حيتانها,ولكن في أصقاع من السودان إن وجدت فيها وسيلة اتصال هاتفي فأنت محظوظ..دع عنك وجود انترنت أو بوستات دافئة ,كما هوالحال ونحن بينكم.
أحبتي لكم افتقدناكم ,,ولكم تقاذفتنا الأشواق في تحنان الى اللقيا.
عزيزي وجدي لقد أدهشتنا بمفردتك الرائعة والفارعة برغم انك من منابت أخوتنا الحلفاويين..لك الود وأنت تنثر علينا هذه الرياحين..
ودمت
| |
|
|
|
|
|
|
|
|
|
Re: بخاري بشير..صقيلا وسميناً (Re: بخاري بشير)
|
على طريقة مايكوفسكي حين وضع مسدسه على جبينه ـ الايسر او الايمن, ما عارف _ وقال قولته الشهيرة:
الى الجميع: ها أنذا أموت الان..!
ثم فعل فعلته ورحل.
وها أنذا بكامل ارادة لساني النوبي اتنحى من هذا البوست.. بعد ان وصل سيد العربان لاترك المساحة للعرب العاربة والغاربة والمستغربة من الـ حيحصل للدوبيت في الحتة دي..!
مرحباً اخي واستاذي البخاري بشير.
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
مرحبتين حبابو ود البشير الجانا
طالت فرقتك والليله جيتنا حدانا
تايهين بي وراك وقلوبنا فاقدا حنانا
الليله النور غشانا وحروفنا تم بيانا
يا كردي الجمال بان عديل في حرفك
نورت المنتدى وهداك مخدر جرفك
كملت البيان والكان بجهلك عرفك
بخاري خلاص وصل الليله هجدو طرفك
| |
|
|
|
|
|
|
|
|
|
Re: بخاري بشير..صقيلا وسميناً (Re: محمد عكاشة)
|
Quote: لو ما الغنا السويتو ما بوصلك
يا الدهب المجمر الناس تجيك في محلك
يابت العزاز لي زمن من دلك
أبقي أدينا غشوة عند الجماعة المتلك |
عاد بالغت جد ياود بشير الليلة
ايامنا الخلت ياراقى ياخى حليلها
ود الكردى أضبح وسوى لينا بليلة
كرامة وفرحة بالاستاذ مكانتو جليلة !!
| |
|
|
|
|
|
|
|
|
|
Re: بخاري بشير..صقيلا وسميناً (Re: محمد عكاشة)
|
العزيز دوما محمد عكاشة
آلاف التحايا,,,نورت البوست
نتمنى أن نتواصل ..مع محبتي ,,وسلامك وصل الى الجميع..وستظل مكانتك دائما شاغرة بيننا الى أن تأتي بالسلامة.
لك أشواقي ,,ونحن منتظرين طلتك
| |
|
|
|
|
|
|
|
|
|
Re: بخاري بشير..صقيلا وسميناً (Re: بخاري بشير)
|
يا ود عقيد ارواحنا ليك ملهوفه
طليت دارنا جيت ياخي بركه الشوفه
كتيره الجيه منك تكفينا منك طوفه
والخوه البقت بيناتنا ياخ معروفه
رحب بيك بخاري وزاد في الترحيب
معروف قلبو ضمه في الغرام حبيب
في فراقكم ايامو كساها ديمه نحيب
والليله بوجودكم اشواقو باقه لهيب
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
بخارى كلامو نقط
فوق الخلوق الشهد
ويا نشات طربنا
من الحروف بالجد
ات يا ود عقيد
بيك العدد والحد
بس يا نادية خبى
فسراع تعالى حدانا
ماب نبقى بلاك
كيفن بتبقى بلانا
ما تنكرمى تب
بحر الشعر مرسانا
ان غربنا منو
نسماتو ماب تغبانا
ست البنات .
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
يا اخوانى تب
الدنيا ما سايعانا
من مطر الشعر
البس رزازو كفانا
عطر للمجالس
بالسرتية غشانا
وبى توب السرور
وفيض السعد غطانا
نادية أقدل جاى
فاقدين غناك معانا
زمردة العقد
حباتو ناقصة بلاها
ست البنات .
| |
|
|
|
|
|
|
|
|
|
Re: بخاري بشير..صقيلا وسميناً (Re: بخاري بشير)
|
والله حيرتونا
اعترف بأنني من المؤلفة السنتهم.. وبالكاد اتحدث العربية.. والبوست ده حقي.. برضو ما عايزين تدونا معاكم فرصة؟!
عملتوها لينا دوبيت ولغة شلعوها العربان
اكتبوا بالعربي ياجماعة يا نسحب البوست..!
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
تهديدك وصل
يا كردى
كيف تطردنا
من دارك نفوت
وطيف الشعر جمعنا
ماك من الغبش
أهل القداحة معلا
الفارشين بروشهم
فى السهلة
على باب الله
يغشاها الحزين
يملأ المخالى مسرة
ومن تمر القرير
يدوهو كمين ملوة
اتلومنا تب
من غير اذن زرناك
قبيل قايلين
يمين بالفرحة تتلقانا
ما كان العشم
يا كردى تتغابانا
وتحرج ناس بشير
ونشأت ونادية معانا
ست البنات .
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
بخارى ونشأت انتو
اللوم يمين عداكم
فتشتوا العذر
للكردى
بس بيناتكم
اتأفف وفات
ما صد
ما قال اسف
ولا عقب كلام
كأنه ما كان عارف
النضم الكعب
يوصل بلود ومشارف
لكن برضو نحنا
سامحنا شان خوتكم
لو يظهر يقول
أدونى طيب خاطركم
ماب تخمر قلوب
والله فى حضرتكم
ست البنات .
| |
|
|
|
|
|
|
|
|
|
Re: بخاري بشير..صقيلا وسميناً (Re: وجدي الكردي)
|
وهاك دي يا بخاري، كان تتطرا ايامنا:
الخبر الأكيد قالوا بخاري رجع
من الإجازة الطالت أيامها بلا وجع
لو كت طاري صحابك ما ظني تجمع
بين الغاب في الخليج والطنش ما استرجع
ومعاوية بسلم عليك...
****
رد خاص لنشأت:
سلام مربع ومن أبو خالد العجماني
"يسلمولي هالشوارب" "كتير واحشاني"
إن غلبك تترجم، ولا جهجهتك المعاني
إيميل صغير بحلك لو كت تتطراني
| |
|
|
|
|
|
|
|
|
|
Re: بخاري بشير..صقيلا وسميناً (Re: nashaat elemam)
|
الخاتم حبيبنا أريت أيامنا ديك طاريها
وكت نطرى أم خدود ,, اللحظة بنعديها
يارب يا كريم تجمعنا في واديــــها
والاحباب عموم بيناتنا وإت دخريــها
///////////
العزيز الخاتم لك آلاف التحايا ,,وكل الأحباب طرفكم أبلغهم عنا السلام..وإن شاءالله تكون معانا قبل العيد خاصة ورمضان على الأبواب...نفطر فيهو فطرة مندكلة ونجر الشريط.
| |
|
|
|
|
|
|
|
|
|
Re: بخاري بشير..صقيلا وسميناً (Re: serenader)
|
رغم اننا لسنا من اهل الشعر والمسادير والدوبيت، لكن المساجلات الرائعة جعلتنا من اشد المتابعين لهذا البوست التحفة الذي كشف لنا جوانب اخرى متألقة لاخواننا الصحافيين غير متابعة الاخبار والتحقيقات واللهث وراء السبق ..
تحية للكردي الذي اخرج اجمل ما عندكم .. وليتكم تواصلون ..
استاذنكم اخواني الكردي وبخاري ونشأت ونادية في توجيه تحية من القلب للاخ الخاتم المهدي .
| |
|
|
|
|
|
|
|
|
|
Re: بخاري بشير..صقيلا وسميناً (Re: حسن البشاري)
|
الى الرائع البشاري "العالم"
حسن البشاري الليلة زار بوستاتنا
جانا العالم النحرير وزاد فرحاتنا
ساءل الله الكريم تتم جميع ونساتنا
نرجع من جديد نفرح نعيد الفاتنا
///////////
الى الراكز في الذاكرة الخاتم
يا الخاتم يمين ذكراك دوام تنشم
ويوت طيب حديثك عطورو تتنســــم
السودان جميل فاقد بدور التـــم
شاحدنلو الإله خطواتو تتقـــــدم
///////////
الى "العالم" البشاري
ليك مني السلام يا العالم النحريـر
وبلغ عني "مالك" أصلو شوقو وفيــر
قول ليهو القصيد ما شاف بعدكم خير
يا سيد البلاغة اليك بطول الســـير
| |
|
|
|
|
|
|
|
|
|
Re: بخاري بشير..صقيلا وسميناً (Re: nashaat elemam)
|
العزيز نشأت الامام
يااجمل الناس خلقا واخلاقا.. كيف لكلماتي التي لا تمتطي فرسا من الشعر ان تلحق بمقامكم .. غير اني على يقين من انكم تحسون بما اعجز عنه من نظم.
لكم حديقة من الورد فيها ما تشتهون.
| |
|
|
|
|
|
|
|
|
|
Re: بخاري بشير..صقيلا وسميناً (Re: حسن البشاري)
|
العزيز اللذيذ، والعالم الفذيذ: حسن البشاري
تلك ايام خلت.. ما بين "شباككم" المفتوح على قلب ردهتنا، وصياح "الحاج" يتعالى، وغلاط ونزاعات.. وآخرها مطبعة.. وتلفون من الما بجيب اسمو خوفي الهوا يقسمو.. يرفع ضغط أعلى محولات الراسخين في المبنى...
يعلم الله أني أطراكم ذات أشواق، ويتعالى عندي النداء:
حليل ناس ليلى ساعت الليل يجن... (إلى آخر المناحات)
لك شوقي وافتقادي.. واحملك تحية مضخمة و"مضببة" لفحل الدوبيت مالك.. وللاستثنائي محمد الربيع محمد صالح.. وذلك الثخين عديم العشرة ابن عبد القادر.. وجميع من عندكم جاور..
| |
|
|
|
|
|
|
|
|
|
Re: بخاري بشير..صقيلا وسميناً (Re: serenader)
|
الاخوان بخاري ونشأت والكردي
اسمحو لي اولا ان احي الاخ الخاتم الذي لا يحلو الحديث ولا تحلو المجالس من دونه .. نفتقد ايامه بيننا وطلته المحببة الى النفس .. والتحيات وصلت للاخوان بالدوحة.
اعود اليكم بخاري ونشأت بهذه الرسالة التي حملني اياها اليكم الاخ مالك :
بسم الله الرحمن الرحيم
الاخ بخاري بشير
السلام عليكم ورحمة الله وبركاته
ما يزال اخوك يعاني من متلازمة العلاقة العكسية بين الوفاء (لحلفاء) ودادي, وبين البنان المتأبي لما يوجب ذلك من الكتابة والتواصل والتراسل. هذا مع ما كنت اعتقد – غير محق- انني عقدت مع الكلمة عهدا ان يظل الوفاء بيننا – مثلما هو الحال معكم حقا – سمة لا ينال منها الزمن .
اعتذر لهذه (الدخلة – بفتح الدال)المعقدة مثل راهننا السياسي , ربما دفعني اليها شوقي لكم الذي لايعلوه إلا تهالك الحزبيين على الوزارة (اظنها من الوزر بكسر الواو وليست من الوزر بفتحها).
تحياتي لمنتسبي الرأي العام من لدن الاخوان في الاستقبال الى قمة الهرم التحريري. يجب الا انسى القاعدة محمد الفاتح وحسن كوكو وكير وكوال اؤلئك الذين يسدون خدمات (اسناد) للصحفيين بعضهم يلتمسها في صحن فول شهي , وآخرون ينشدونها في سيجارة (نشوى) وبعضهم يطلبها في زجاجة بارد يمرئ بها الطعام , او لبانة لبنات حواء.
اعتذر للاطالة في الاطلالة وارجو الاقالة لما تراه من اخطاء في المقالة.
وفي الختام .. السلام
اخوك زول الله -- مالك
| |
|
|
|
|
|
|
|
|
|
Re: بخاري بشير..صقيلا وسميناً (Re: حسن البشاري)
|
الاخ الأكرم والعالم الجليل حسن البشاري ..
لك التحايا والأشواق الندية..
أستأذنكم أخوتي ,,في أني سأرد هذه المرة بالحديث المباشر وأترك الشعر والمسادير لتعليقات قادمة..,,ربما ما دعاني لهذا التغيير عمق الحديث والمداخلات بين العالم البشاري والراجل الضكران الخاتم ذلك الذي هو نسيج وحده,,,ثم أصبحت المداخلات في عمقها القوي بحديث زول الله مالك محمد طه,,هذا الرجل الإستثنائي في كل شئ..
أخي البشاري لك الحق المطلق في هذا البوست أن تحادث من تشاء متى تشاء..,والخاتم أيم الله لقد افتقدته الديار السودانية قاطبة..بكل أطيافها فهو علم في فنون الصحافة وقلم مع الشعراء ,,وكلمة مع الأخوان وفوق هذا وذاك أديب صاحب عبارة راسخة وعقل متقد..
عزيزي البشاري تحياتي
كنت فعلا منتظر لكلمات الأخ مالك هذا البدوي القح الذي تقاذفته موانئ الإغتراب ..وهذا العالم بضروب العربية وفنونهاولو عايشه المتنبئ لقال "أن ابن محمد طه أعلم بشعري مني"
لقد تقاذفتنا الحياة أخي مالك بكل جبروتها ,,وأخذت منا كل جميل ,,واصبحنا نسترق منها ما نستطيعه من لحظة حلوة ..أو تعليق يخطف الالباب,,هكذا أصبحنا ولاأدري الى أين نسير..
عموما هذه هي الحياة لمن أرادها تؤخذ غلابا..
اليكم جميعا أخوتي التحايا والاشواق ...
والى لقاء آخر في دروب النيت
(عدل بواسطة بخاري بشير on 10-05-2005, 11:31 AM)
| |
|
|
|
|
|
|
| |
عبد الحميد عوض
بخاري بشير
Abdulla Ageed
محمدين محمد اسحق
nashaat elemam
محمد عكاشة
ست البنات
حسن البشاري
فيس بوك
تويتر
انستقرام
يوتيوب
بنتيريست