.. . بكري أبوبكر .. تلقيت رسالتك بأننى تجاوزت وكسرت القوانين والحدود فى هذه الفقرة بالتحديد....
Quote: موضوع خاص بالديك العوعاي :
الرجل المشاطه هو ذلك الرجل الذى يكثر من الدسائس و الفتن بين بنى البشر يحب العيش فى الجو العكر يمشى بالنميمة بين الناس يكثر الحديث عن عيوب الرجال و يفضل الحديث عن هفوات العمالقة للنيل منهم. عموما هو شخص لا يحب المواجهة كثير التدهن و التملق يدعى المعرفه عن كل شئ تجده يجيد الحديث عن أحداث الساعة و ليس هذا من تفكيره طبعا انما من احتكاكه بالاخرين و التنقل بين المجالس فيسمع هنا و ينقل الى مكان اخر بصفته المتحدث أذكرا انا الرجل المشاطه فى حلتنا كان يحب الجلوس فى قعدات نساء الحله منتصف الظهيره حيث القهوة و البخور و حيث يتناقل الحديث عن بيوت الحله أذكر انه كان يلبس الجلباب السعودى ذى الكم القصير و الرقبة المشغوله بالتطريز و غالبا ما يلبس فقط سروال حتى الركبه من تحت الجلباب أما اذا تحدث الى الرجال فتجد معظم حديثه عن مشكلته من فلان الفلانى و كيف انه أوقف ذلك الشخص عند حده و عليك ان تحذره اذا انفرد بك لانه سينقل لك كلام عن شخص أو سيبث سم كلامه فى ان علان قد قال فيك كذا. الرجل المشاطه يحلو له الحديث اذا وجد جماعه تتحدث عن ان فلان العلانى قد أخطأ فى التصرف الكذا فما كان يليق به هذا الفعل عندها سينبرى ليذكرا لهم جميع ما يعرفه من مساوئ هذا الشخص و تجده يوافق الرأى عندها مع أكثرهم تعصبا ليزيد نار الفتنة و غالب حديثه عندها يكون خارج النص و ليس بعلاقة مع الموضوع الأساسى الذى تجمع من أجله الرجال و ان غاب فكرهم عن موقف ما لهذا الرجل تجد الماشطه هذا قد أسرع لتذكيرهم كيف ان هذا الرجل قد فعل و فعل.
دائما لا يشكل الرجل المشاطه خطر عظيم لانه ليس له المقدرة على المواجهة و التنقل الا بين أفراد عائلته المحيطه لانه ليس بصاحب فكر محدد و لكن الخطر الحقيقى يكمن عندما يكون هذا المشاطه فنان أو سياسى يستطيع ان ينشر ثقافته هذه عندها يعم البلاء و تكثر الفوضى و يستدر عطف المطبلاتيه و انصاف المشاطات. و مهنة الرجل المشاطه هذه تطورت مع تطور العالم فنجدها قد تخطت البنبر و البرش و الابره و الزيت و الموية بل انها دخلت الى عالم الانترنت و لكن طبعا اختلفت الوسيله أدى الرجال المشاطات الى أختراع طرق جديده للمشاط و لكن النتيجه فى النهاية واحدة لافرق بين الرجل المشاطه فى الحلة و الرجل المشاطه فى الانترنت
تعليق : يمكننى هنا ان اتلاعب بقوانينك حيث أننى لن اشر مباشرة لكوستاوي . هذا الموضوع او الفقرة التى استحقيت عليها الإنذار نقلتها من بوست اخر . رغم ان الإشارة ضمنية للمذكور وبها اعترف لا خوفاً من انذارك او فصلك ولكن لطبع جُبلت عليه ومما يبدو طبعاً وبلاشك انذارك ترضية له ( كوستاوي) . من هو كوستاوي هذا !!؟؟ لاشئ فى نظري وكثيرين هاهنا ولكن صار شيئاً فى نظرك لما تمد لها حبل الصبر وحرية التصرف !؟؟ لقد تجاوز الحدود والقوانين باساءات شخصية وانت لم تهش ولم تنش ولم تبت فى امره . اساء للجميع وانت تقراء ولا تعقب ولا تتخذ قراراً .. عندما دخلت فى صراعي معه كنت قررت ان اغادر منبرك هذا .. لاننى توقعت ان يقوم بفصلي شخصياً . ولكننى كنت اصر على حسمه ولا زلت . ارجو ان تنبه كوستاوي وامثاله بمغبة تصرفاتهم .. نصيحة أخوية صادقة : ان صرت فى ركب المجاملات لانه صديق ومن الساحل الشرقي البعيد عن اريزونا فسوف تخسر الكثيرين كما فعلت .. انتبه... يكفيك عمالقة وشخصيات اعتبارية يشار لها بالبنان غاجرت بلا عودة ولا رجعة.. ولا تكيل بمكيال الصداقة ضد الحقيقة .
اعتذاري للقراء والاعضاء ولك .. وليبق هذا ....... بعيداً عنى وعن تصرفاته الغير مسؤولة .
مع تحياتي ،،،،
08-29-2005, 07:40 AM
قرشـــو
قرشـــو
تاريخ التسجيل: 02-05-2002
مجموع المشاركات: 11385
تتصور لقد أنذرني صاحب الموقع .. ذلك الذى تقدم لى بدعوة منذ اكثر من أربع سنوات .. عندما كان هذا المنبر فى طور الطفولة وعشنا الشباب وها ينذرنا فى شيخوخته وشيخوختنا .. ولكن عادي ... لاجل كوستاوي يحرق المنبر ومن فيه.. ولتبق اصوات الديكة ،،،
لا ادري هل اللوائح تسمح بنشر الإنذار !!؟؟ ولكننى سوف اضع قائمة الذين تم فصلهم وانذارهم.
تحياتي وخالص مودتي ،،
08-29-2005, 08:06 AM
tmbis
tmbis
تاريخ التسجيل: 10-19-2002
مجموع المشاركات: 24862
الاخ تبلدينا سلام...كيفك يا راجل انا تابعت مشكلتك الاخيرة مع كوستاوي هنا لكن لا ادري الخلفيه لباقي المشاكل ان وجدت بريمه....إنته خاشي توش...دي نبله بتاعت إستك عجله رالي? البوست فتحو كوستاوي لي بريمه لكن انت خشييت تووووووش و حلفت بالله يا تعقل كوستاوي يا تتوشح السواد
Quote: والله يا اعقلك يا اعقلك .. فاهم
طيب...بديت معاهو في اول مداخله بالكلام ده...لاحظ ما تحته خط
Quote: جاي يا كرومبا توعظ وأنت البوعظك منو من تصرفاتك الصبيانية
قام في ردو قال ليك
Quote: تبلد دي نا
يا رهو
How are you
اها انت رديت بالاتي
Quote: تمام يا أبوجهل .. يا غرنوق .. لسه حاصل ليك انفصال شخصية
جاك كوستاوي راجع
Quote: ما تزعل يا أبو الرهو أنت حاسد وله بقران و في رواية أخرى بغران يا سمبر ود البخيت كشف ليك وله لسع مرهرو
Quote: عارف يا حلوف انا الليلة بساهر بيك .. كنت بحترمك لانك راجل كبير وابو وليدات ومدعى أنك اعلامي .. ودارس اعلام لكن طلعت .. فسية ديك ..
شايف يا تبلدينا النار تبدا بي مستصغر الشرر...و بعد داك تبقي تنابذ بالالقاب عديل كده و الناس تبدا تفقد احترامها لي بعض
Quote: هذا البوست ليس لي اولاً .. يعنى انا منحشر خصصياً هجوماً عليه ودفاعاً عن بريمة بلدياتي جغرافياً وقبلياً وخصوصاً انى بقيت عنصري جداً من يوم الاثنين 1/08/2005 الاسود ثانياً مداخلاتي ليست لتحديد الكلوز فريند من الفيميل لكوستاوي ثالثاً كوستاوي يا سيدتى اساء لي شخصياً بغض النظر عن الاخرين. اساءات لفظية ومشخصنة لم تكن حوارية او فكرية .. ودا فى قاموسي ياخد على راسو لو اولاده فى سني .. لانها دى حقارة وقلة أدب ..وانا ابو الدقيق فى الحاجات دي ..
السؤال يا تبلدينا هل اخطرت الاخ بكري بتجاوزات كوستاوي معك؟؟انا شخصيا اذا في حد اساء لي ارفع شكوي للاخ بكري..و ان لم ينصفي سوف اغادر هذه الساحه غير ماسوف عليها احتراما لذاتي مع حبي و تقديري ناصر
08-29-2005, 01:52 PM
waleedi399
waleedi399
تاريخ التسجيل: 08-20-2003
مجموع المشاركات: 2767
Quote: انا تابعت مشكلتك الاخيرة مع كوستاوي هنا لكن لا ادري الخلفيه لباقي المشاكل ان وجدت
مادام وضعت كلمة ان وجدت فكأنك تعني انها لم توجد .. او اننى ادعيها أدعاء !! للتوضيح لاننى احس فى طرحك دفاعاً عن ذاك ... الرجل .. المشكلة منذ ان اصبح فحلاً لعزراوات البقارة .. وانا انسان قبلي لعلمك .. المشكلة منذ أن اساء للعم هشام مدني .. بلا احترام ولا استيحاء وانا ضد هذا المشكلة منذ ان اتهم أساسي بانه حرامي وسارق ادبيات وانا انصر اخى ظالماً او مظلوماً المشكلة منذ ان وصف مجموعة من اعضاء المنبر وانا ضمنهم فحوجتهم للفسيوجكال جيك وهذا اما انهم ( مخنثون ) واما انهم مجانين ومتخلفون فأختر الأخف منهاجيك وهذا امر مهين. المشكلة منذ ان فصل عبدالرازق الطالب فقط لسؤاله عن اموال اطفال دارفور واين ذهبت ؟؟ المشكلة منذ أن اساء لتمبس وارجع لمستنداتك او البوست المعنى وستجد الوصلات للتفاصيل المشكلة منذ أن شعر المعنى بحرية التصرف امام مرائ من صاحب المنبر . المشكلة ان كل هذا ليس بمستصغر الشرر . المشكلة أن ننصف الحق وندين الباطل . المشكلة ان الشلليات التى تقف مع الباطل تكاثرت كتكاثر الذباب .
Quote: السؤال يا تبلدينا هل اخطرت الاخ بكري بتجاوزات كوستاوي معك؟؟
أخيرا المشكلة أن بكري لا يسمع ما يريد ويفعل ما يريد .. وليعلم ان كل ما نخسره هنا نيك نيم وحروف تسمي الباص ووورد ..
ختاماً : لك ان تلم بالخلفية ومن ثم تأتي بهذا التحليل الدفاعي ..
تحياتي ،،،
08-29-2005, 02:18 PM
Abdulla Ageed
Abdulla Ageed
تاريخ التسجيل: 07-31-2005
مجموع المشاركات: 803
يوم الكعّة في الخرطوم، الاثنين 1/8 التلفونات اتقطعت.. والدنيا جاطت وانا شفقان علي اخواني.. ما عارف حصل ليهم شنو.. .... في المنبر لقيت تبلديناالما بعرفو ولا بعرفني فاتح بوست وبيوصف في الحاصل.. تووووش جيتو داخل..بدون مقدمات قلت ليه اتصل بي أخوي فلان تلفونو كِدا.. وطمنّي عليهم.. اتصل مرتين .. وكتب لي النتيجة بالتفاصيل انا قلت ليه شكرا..
حاجة غريبة والله اخونا بكرى والله الواحد اصبح ما برقد ليه فى امان دخل بى انقلاب عسكرى واطاح برئيس البورد هشام شيخ الدين سكتنا واكلنا الامر ..وابعد اخونا قرشو من مجلس الوزراء وما عارف حصل مع الاستاذ الصادق والاخت تغريد وحاليا اصبح يرسل فى الانذارات لقائمة الشرف امثال الاستاذ اساسى والاستاذ تبلدينا وهم من رصو البنيان طوبة طوبة..كلمة الحق اتعودنا نقولها فى اى زمان ومكان يا استاذ بكرى كده غلط تبلدى نديدى دخولنا كان فى يوم واحد الفرق ساعات فقط استفدنا منو كثيرا صاحب راى سديد واخو اخوان وما بحب الغلط ولو كان الانذار مزدوج ..كان بنقول ده عدل
لقد اتتنى اصوات فى حلمي ذات ليلة من الليالٍ عابرة المحيط وهى تتسأل .. قائلة هناك بعض من تبني مشروع كتاب الخاتم عدلان وتم تحويل مبالغ بقيمة 100$ للنسخة .. ولكنها تتسال لم تصلهم ا هذه النسخ حتى ليلتنا هذه .. تلك الكتب التى بيعت بشكل رمزى لدعم عائلة المرحوم طيب الذكر ..
يا تري أين نسخ اولئك وأين ذهبت 100 فى 100 فى 100= مجموعات ميات من $ ..!!؟؟
وصاح ديك الصباح وسكتت شهرزاد عن الكلام المباح ،،
08-30-2005, 06:32 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
الاخ تبلدينا سلام اولا: يبدو انو في سوء تفاهم ... شايفك رديت علي و استخدمت ال ICON بتاع الزول الالسنة اللهب طالعه من خشموا...عشان كده اخترنا ليك ورده
Quote: ناصـــر جامع ،،،
Quote: انا تابعت مشكلتك الاخيرة مع كوستاوي هنا لكن لا ادري الخلفيه لباقي المشاكل ان وجدت
مادام وضعت كلمة ان وجدت فكأنك تعني انها لم توجد .. او اننى ادعيها أدعاء !!
لو انا اتهمتك بالادعاء معناها انا بتهمك بالكذب ... و حاشا لله ان اتهمك بذلك ... من ايام سودان.نت ما شفت ليك كذبه...كل مافي الامر انني حقيقة لا ادري خلفية خلافاتك مع كوستاوي ...لذلك قلت ( ان وجدت) اي خلافات قبل البوست المذكور اعلاه ، وهذا لا يعني انني اقصد انها لا توجد...كل مافي الامر انني اقر بجهلي بطبيعة خلافاتكم و حقيقة لم انتبه لها الا عندما قرات بوست كوستاوي المعنون لبريمه...علي كل... لك العتبي حتي ترضي
Quote: للتوضيح لاننى احس فى طرحك دفاعاً عن ذاك ... الرجل ..
احساسك غلط...ليس هناك ما يدعوني للدفاع عنه
Quote: لك ان تلم بالخلفية ومن ثم تأتي بهذا التحليل الدفاعي ..
هنا يكمن سوء التفاهم الثاني....يبدوا انني فشلت في توضيح وجهة نظري...ما اسميته انت ب (التحليل الدفاعي) هو عباره عن سرد للاساءات المتبادله بينك و بين كوستاوي...لقد كان الغرض من ذلك هو توضيح ان الاساءات دائما تبداء بالاساءات البسيطه...ثم تتطور في بشاعتها للاسواء...مثلا خذ هذا المثال الاول: بلاهي شوف الراجل الغبي ده الثاني: غبي انا يا كلب؟ الاول: انا كلب يا ود الحرام ... انت ناسي امك منو؟(هذا المثال للتوضيح فقط) و هذا ما قصدتة عندما قلت
Quote: شايف يا تبلدينا النار تبدا بي مستصغر الشرر...و بعد داك تبقي تنابذ بالالقاب عديل كده و الناس تبدا تفقد احترامها لي بعض
يعني انا اقصد انو رد الشتيمه بدي غريمك فرصه انو يرد ليك الشتيمه باسواء منها...و يفقدك انت احترام الاخرين...و لذلك ايضا قلت
Quote: انا شخصيا اذا في حد اساء لي ارفع شكوي للاخ بكري..و ان لم ينصفي سوف اغادر هذه الساحه غير ماسوف عليها احتراما لذاتي
Quote: (مشاركة المرأة) في انشطة المجتمع، تعادل (هوسهم) التاريخي بـ(مشاركة المرأة).. في الفراش!
كده رشحو لينا واحدة من نسوانكم (يعني محارمكم من الدرجة الأولى) عشان تيجي تاخد حقها ناشف... من مملكة الفحول الضكور.. الظالمين.. الظلاميين ديل... ده إذا فرضاً لقت ضكر واحد بصلي خلفها...
و رجع تاني
Quote: ما تطنش ... أنا في الإنتظار... وراجي ترشيحكم
و ثالت
Quote: بعد ما عرفت معني خمس المشكلة... سنين الغربة البتنسيك حتى إسمك...
حترشح منو... ولن تنال البر والتقوى حتى تنفق مما تحب...
بالمناسبة لو ما جاوبت على سؤالي... حتكون آخر مداخلة لي معاك... كإستجابة لرأي ووجهة نظر بنت الأحفاد... آهه.. ها.. حترشح منو..!.
يا أخي ما تطعم الناس مما تحب....
ان كنت انا مكان الاخ كوستاوي كنت طلبت من الاخ عبد الرازق ان لا يتعرض لمحارمي و ان يناقشني في موضوع امامة المراءة و محاورتي ما شاء بعيدا عن اهل بيتي و محارمي لكن رد عليه كوستاوي بلاتى
Quote: يا رازق إنت ما بتفهم و له شنو أسأل عني عزراوات البقارة و بعدين نتكلم و المرجعية حنتوب يا الأخو Note: إنت ليه ما داير تتكلم عن حنتوب بتخجل?
اتمني ان اكون قد اوضحت وجهة نظري...وهي باختصار الرد علي الشتيمه بالشتيمه بدي غريمك فرصه انو ينابذك و لو نابذتو حتفقد احترام الناس ليك...دي وجهة نظري و طبعا اي زول يتصرف بالطريقه البتعجبو و لا وصايه علي احد
مع تحياتي ناصر
08-31-2005, 02:21 AM
salah elamin
salah elamin
تاريخ التسجيل: 04-07-2005
مجموع المشاركات: 1423
الصديق تبلدينا انا حاولت ادخل صورة ولدي في البوست بتاع ملائكة المنبر والبوست بتاعك( تمنع) رغم محاولاتي العديدة وانا وانت اكلنا الملح والملاح والرغيف البلدي والعنب في الزقازيق عموما دا حق ولدي عشان كده تستاهل ثم ثانيا انت قلت ادوك كرت اصفر فقط يعني لو ادوك كرت احمر كنت حتقلب لينا الحكومة ولا شنو ؟ لك تحياتي
شكراً ليك كتير على التوضيح واللينكات والذى سيجعل الذى لم يعرف حقيقة الصراع سيعرفها .. ومجدداً اشكرك وصدقنى ساتبع وصيتك .. فقد قيل القلم ما بزيل بلم والجهل مصيبة .. والأسواء العبط والهبالة وانت تراها هنا ..
حتماً سافعل بتوجيهك ..
احترامي ،،،
08-31-2005, 10:51 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة