كتب الكاتب الفاتح جبرا المتوفرة بمعرض الدوحة
|
|
 تبلديــــــــــــــــــــنا
|
كيف هناك بدت الضفاف
تتلاشى فى زمن الضياع
لما الشمس لمت نوافير الشعاع
والضفاف بعدت كتير
وخوفنا من سفراً بودى
للمسافات القصية ؟؟؟
|
|
 
|
|
|
|
|
|
|
 Re: تبلديــــــــــــــــــــنا (Re: اساسي)
|
..
.
مدخل إندهاش ..!!
عندما اراه فى القمة ..
يقودني خيالي لصراع وهمي ..
لم اجده الا 3 مرات وهذه الرابعة ..
توقفت هنيهة قبل أدلف .. متسائلاً لماذا !!
وهل أنا المقصود ام هى تلك الشامخات فى بلدي .
وليكن...
لابد انه خطب، شوق ، حضور، تساؤل الذى جعلك تفعل ..
وتسائلت ولما الضفاف بعدت كثيراً ..
اهو الخوف من سفر لمسافات قصية
لا اظن ..
فطرقت الباب ولسان حالي يقول :
ما كنت أحسب أنني أحـيا
لأبعث من جديد
الشمس .. الدم والطـريق
الشــعر .. القصص الحكايا
نازفة
من يجاهــر !!؟
من ذا الذي أوحي اليّ
ذبدُ هى اللقيا .. نـَعَمْ أن كان
فى الشك حقيقة
صوت شكى يتعالي
تعمر الساحات دوماً بالأحاديث
بأسمار الليالي ..
لكن الأشعار تخبو حين يشتد
التوتر من خـتفاء الأفق ..الون الرماد
تتعفف الأشواق من ذكر التخيل
والتحاف السوح رهبان الحياد
استدعني يا صيف ليلتها
أجيب محاكم التفتيش أفقأ عين شمس الأرتياب الدون
مطموسة الهوية
كل ما اعرفه أن السحب
هاتيك الوديعة
تمطر الخصب النبيل على شرايني
اليبيسة ..
يؤرق الأمل المخبأ
يورق الرمل ويصفو مقرن النيلين
رغم البؤس فى مــٌدُني
مــُدُني تسربل أبيضاً
مفتوق من لون الحقيقة
مخرج :
أعود اليك فى كفي حصاد العمر
كل سنابل الأشواق ،،
| |
|
|
|
|
|
|
|
|
 Re: تبلديــــــــــــــــــــنا (Re: اساسي)
|
..
.
أيها النقئ ..
عندما يقولها أساسي ..
وعندما احسها هناك وهنا ..
فلاشك أنها حقيقة بائنة ..
لماذا نثير تراب المواجع .. ننبش ركناً
ركعنا عليه ،، وكنا نداوم فيه الســجود ..
اما حان أن نستقبلك بين امسيات الهلتون وشيشة الدوار
وسهرات العفراء وماكولات الامواج ..
صدقونى عندما اقول لكم فاتكم وسيفوتكم الكثير فاننى احزن لكم وعليكم ..
متى تعودون ..
فأنا اعلم انكم لست موهومون بساحل شرقي ولا جواز يطلع بشق الأنفس ..
ولا تبتقون فتات البنادر .. ومنظمات العون الإنساني ..
لكم شوق بحجم الوطن ،، الشمالي ..
| |
|
|
|
|
|
|
|
|
 Re: تبلديــــــــــــــــــــنا (Re: Tabaldina)
|
يبدو اني بحاجة للافصاح اكثر
مبتدأ:الي صديقي وشقيق روحي تبلدينا
هو لك انت تحديدا (ولا امانع)ان امتد الحب الي الشامخات ..
هو افتقاد مبكر ..
فما بين الساحل واريزونا تكون العتمة..
هو شوق مركب للبلد..
وسؤال عن حالها..
وحنين الي تلك الايام الخوالي
حينما كان المكان للحرف لا للسيف الغادر..
اردت ان نتجازب اطراف حنيننا
اردتنا ان نخرج من هذا النفق
فلم اجد سواك من ياخذ بيدي..
الي حين صديقي لي عودة اكثر بوحا
| |
|
|
|
|
|
|
|
|
 Re: تبلديــــــــــــــــــــنا (Re: اساسي)
|
..
.
أساسي ..
صديق الوهلة الأولي ..
رجعت اليكَ فى كفي حصاد العمر
بعض مقاطع منقوشة بالدمع ..
جرح نازف يغلي .. وسبع سنابل خضــراء
رجعت اليك فى صدري غمام البنج
ظل مدينة تبكي وتاج الشمس والأضــواء
...
..
.
يا وطني .. المبعثر
فى المسافة ..
فى لساني ..
بين فكي ورمحي
وإبتــلاء الخارطة
تتعثر الكلمات
خطــبة عصماء
بل عمياء تجفل من عماها
هــذا أساي
على الرصيف
أتابع الأحقاب
جعجعة ولا طحناً اري
لكنهم فصــحاء
تخرج من عبائتهم
قباب للتبرك
والعشى الليلي
والوهم الســـحيق ..
| |
|
|
|
|
|
|
|
|
|
Re: تبلديــــــــــــــــــــنا (Re: nasiradin)
|
العزيز ابو النصر
قد يكون توجس مبكر فصديقنا يدفع دفعا الي غياهب صحرا اريزونا من قبل الساحل الشرقي
ولاني اعلم ان مثلث برمودا في تلك المنطقة (غتيت)
لك كامل ودي صديقي نصر الدين
فانا احبك في الله صديقي
| |
|
|
|
|
|
|
|
|
|
Re: تبلديــــــــــــــــــــنا (Re: Nour Kamil)
|
اسـاسـي
تبلـدينا
هل اجـد موطـأ قدم
في هذا الحوار
ربما كان
مخــرج..
من هذا النفق
الذي يضيق ويتسع
وليكـن ما يكـون فيكفيه
صحـبة هذه الخطــي
على أية حـال...
هذه اولى خطاي
..
.
أحطها هنا معكـم،،،
فدعـوها تتواصل
..
و
^
^
^
يتواصل المشــوار
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
كنت جد..ناوي الرحيل
الا شايل ذكرى منك
خفت في الغربه البعيده
المسافات يبعدنك
العيون الشايله سيرتك
بكره يبكن ..ويفقدنك
والاماسي الحالمه ..ترحل
والمشاوير يتعبنك
...................
الاعزاء عندي..الكرام اســاســي وتبلدينا
..ينعم صباحكم خير..ويسعد مساكم نور....هي اشواق ..ليكم
وللزمن الجميل..جعلتني اكتب هذه السطور..تقديرًا لحروفكم
التي اسعد بمتابعتها..تقديري واحترامي.
....نورالدين.
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
الحبيب أساسـي
Quote: وخوفنا من سفراً بودى
للمسافات القصية ؟؟؟ |
وزي ما بتخافي من الرياااااح
بنخاف كمااااان
نحنا الضيااااع
يا عصافير الخريف
حبيبنا تبلدينا
كل ثانية وانت طيب
عاجبني صدرك المفتوح
وتأشيرك لموضع القلب لمن أراد الطعن إن استطاع
فهكذا أحببناك
ولكن ...
نحن عارفين الله أعظم
والرزق بنزل مقسم
للبجاهد والمعسم
..
إلا يا عشاي
الذم فوق كم
شايلنك للتقيلة.
تحياتي
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
شفتي كيف
لما الشمس لمت نوافير الشعاع
والضفاف بعدت كتير
والريح..ملت جوف الشراع
كيف هناك بدت الضفاف
تتلاشي في زمن الضياع
..وانتي ساعة المغربيه
وخايفه من كلمة وداع
..............
الحبيب اســـاســي والاحبه في ملتقاك
عاطر الود.....
ابعدتني ظروف قاهره في الايام السابقه عن الحضور الي واحتك
الظليله..فمعذره
تقديري لمداخلتك الانيقه..والوصلات التي ابعدت عني عناء الوصول
اليها..شكرًا كثيرا
زي ماجا..في المداخله الفوق..كنت منتظر اقابلك..شخصيا..عشان
اقول ليك..ألف ألف مبروك..مع دعواتنا وكل الطيبين..بحياه
زوجيه ســــــــعيده...وعقبال عندنا.
بجيك صادي..لقيت لي مكان..استريح فيهو..واستلم البوست
منك ومن تبلدينا..فهل تسمحوا لي؟
.........البريدك موت...انقر منو؟
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
والـلـه ياريحة التراب
شديتني للماضي البعيد
عبر الزمان
في اللامكان
عبر البكون
جوه اللي كان
مشوار غريب
حفيان
وطيت جمر أم لهيب
الروح تهيم
فوق النجوم
والفاني
مطمور في التراب
والـلـه ياريحة التراب
كيفن يكون درب الوصول
لي ساحه ماشقاها زول
من دوني دونك
ألف باب
وكم حجاب
وكم سـتور
مندلي ياريحة التراب
أصلي مليت العذاب
جيتا خايد في الضباب
شوق ليالي الغربه
في اعماقي داب
الحنين
جوه جوفي
قصه ما شافت كتاب
الصغيرون..
بي شقاوة الدنيا..يايمه شاب
والـلـه ياريحة التراب
.......................اسماعيل حسن
مخرج الي ..مدخل جديد
...ونتابع باذن الـلـه
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
والـلـه ياريحة التراب
لازم اوصل مهما كان
حتي كان
سدت سواعد الليل
دروب الكون وما خلت مكان..
حتي كان جار القدر
شداني في قاع الزمان..
مو ضلام الليل بشيلو
وبمشي لي فجر الامان
ياسلاسل القدره
ما برضى الهوان
بمشي فوق المستحيل
بقدل وبتبختر كمان
لازم أوصل
لي مشاتل ريدي
في ارض الحنان
والـلـه ياريحة التراب
............................اسماعين
الخطاب نصف المشاهده
....نادي مربع خمسه بعد ما الاداره قطعت منهم الكهرباء
لعدم تسديد الفواتير..ناس الضمنه..عمك ابراهيم وعم محمدعبدالـلـه
وجماعتو.شالو التربيزه وانتقلو بكامل معداتهم ..حتي المتفرجين
والحاجزين الي الشارع..تحــت العمـــود..وتبعهم مرضانين ..الوست
ناس علي وعبدالـلـه وامبدي ..ناس كونكان 14 ..وكت شافو المساله
جاطت..شالو عدتهم ولحقوهم..عمك محمد الحسن..اصلو ما كضب..شال
منقده..وكبابيه بتاعت الشاي وقال ليهم قلتو نرحل...الحكايه زي
ماتقول بقت ..انفتاح علي الشارع..وقد تاقلمو علي جو الشارع بسرعه
ومارسو نشاطاتهم بصورة طبيعيه..حتي عادت الكهرباء الي ..اسلاكها
ورجعو مضمنين..وقافلين علي كرت غطا..بعد ان دفع بعضهم المبلغ
..مربوطين..بولائهم ..للوست..وسقط بعضهم في هذا الامتحان.......
بســـبعه ايادي.
.............................
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
الجواب نص المشاهده....اسماعيل حسن
...................
.....
والخبر المهم
ماقلت ليكن
قبل ما أنسى
في آخر ..جوابي
دا شيتن
أصلي
ما فكرت فيهو
وحاتك
ُضـمه
ما كان في حسابي
ارادة المولى
مو..
خافي عليكن
وكان دسيتها
لابد
يوم ..تجيكن
خبيري
مع البنات
والليل يهود
أهز ضرعاتي
وأرفع في حجابي
بقيت...غناي
آي...غناي
بلعلع
في البنادر
متل ناس
ود صليليح..طنبرابي.
..............................
أكتب ليك من الحبيبه البقعه ام درمان..البلد ذات الالف مئذنه وزاويه
وقبه..بعد ان فارقت..امتداد ناصر..والنوم التقيل والحوامه والكوره
..وجينا امدرمان بلد الجوطه ..والضجيج والضباب
طبعا الاسبوع الاول دا مافيه حاجه..نمشي الجامعه كل يوم ونلاقي الاصحاب
والصحاب..ونقعد نتونس وندردش لغاية ما نرجع الداخليه عن الاجازه
وحكاويها..وزملائنا العزاز الجايين من كل بقعه في الوطن..جايبين معاهم
البلح ..والقرقوش..والعسل..والنبق..وباقي الزوادات..والايامات دي
نحنا شغالين ...حملة نضافه...واباده..للكراتين والصفايح..جمركه
اخبارك كيف؟
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
العزيز اساســــي والاعزاء في ملتقاك
..اعلاه جوابات من الوطن..وتبلدينا العزيز في انتظارنا..
....وهنا..هنا ..يعصف بي الشوق ويشتد
اتخيل وطني......
جروفًا..جبالاً..نيلاً
ســهل ممتـــد
.....
ونلتقي باذن الـلــه.
| |
|
|
|
|
|
|
|
|
|
Re: تبلديــــــــــــــــــــنا (Re: shatat)
|
وليد الأنيق تسعتين
لديك كل المساحات مشرعة
وقلوبنا معلقة بأطراف نجمة
هلم نغتاب الجميع جمالا
دعنا نتيقن من حضور القمر في موعده
سنجاوي الأغر
زي صباح العيد
لا ادري كلما اردت ان اكتب شيئا هنا
اقرأ كلماتك
فابتسم
واكتفي من الكتابة بالابتسامة
لا ادري هل اتذكر صمتي
ام اني اعود بحثا عنه
احبك يا رجل
ناصر البطل
أخر الرجال الشفيفين
دعني أثرثر في صمتك الهامس
دائما أقراك فينبعث في نشاطا
لا تصمت صديقي في الصمت خيانة
في الله حبنا
وليد القيافة الفايت الناس مسافة
هاك شكري
ليس كأي شكر
دمت جميلا
الحلاوي الصاخب
تاريك لابد لي بي شيتن كتر
لك الود اجمله وجعل الله ايامك كلها افراحا
اين انت يا رجل؟
نور
هو كما الافراد يحى
هو كما الافراح يعم
هو صديقي الذي افاخر
كم من الفرح يهدينا؟؟
شتات
نكره الغربة ولكن أيضا نتمنى الارتحال
المكان ..
هو لك كما تشائه
افعل به الجمال كما يحلو لنا
وُدم جميلا
بالله عليك من هذا الراقي الذي يحيا بي  (شفت اللخبطة) هاهاهاها
قل يا رجل فقد شوقتني
ولكن مهلا؟
| Quote: ....نادي مربع خمسه بعد ما الاداره قطعت منهم الكهرباء |
لا تقصد نادي خمسة في ناصر لعلك؟
لا تقصده اظن؟
او تقصده؟
دعنا نكمل هذه الاحرف ونزيد عليها ..
لما انت جميل هكذا يا رجل؟
واتمني ان تعمك الافراح وتغشاك السعادة مستقرة بديارك
وتهنا بها وتفرح بها وعقبالك يا اصيل
تبلدينا العتيق
الفرح يسكننا بك يا رجل
وانت تسكنه
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
الاخ الحبيب أســـاســي
...صباحك نور..ومساك شذي الياسمين..وليلك فرح
...وأيامك ســعيده.
وأما وبعدها....
اجابة السؤال الاول:
أنا..وآخرون في هذا المنتدي...تستاهل..ودنا
اجابة السؤال الثاني:
بري المحس..بري الدرايسه..بري ابوحشيش..بري اللاماب..بري الشريف
كوريا..امتداد بري..ناصر..نادي مربع خمسه..وبيتنا..وكل الاحباب
والاهل الذين عشت بينهم عمري ..وقضيت بينهم أجمل اللحظات..ما بين
بري الدرايسه..حوش الخليفه عبدالدافع..الي حين رحولنا وامتلاكنا لقطعة
أرض بناصر ..بري الاوليه..ثم جمال عبدالناصر الثانويه..ثم..المرقه
الياها..للجامعه..والترحال في بلاد الـلـه.
.........
.نورالدين..ونلتقي باذن الـلـه
| |
|
|
|
|
|
|
|
|
|
Re: تبلديــــــــــــــــــــنا (Re: shatat)
|
ياااااااااه شتات
بالنسبة للاجابة الاولي بالجد اتحفتني ويسالني ربي اني ابادلك واخرون هذا الود..
الاجابة الثانية كانت صاعقة بالنسبة الي .... صاعقة بحق وكانك تتحدث عني نشأتي لو استبدلت جمال عبد الناصر بالخرطوم القديمة ومربع خمسة بستة ... حتي حوش عبد الدافع لم نكن بعيدين عنه وابو الناس ..دفعتي من هذه الاسرة باسل وهندي زاملوني في بري الاولية ولكن صديقي حيننا كانت الابتدائية (لوووول) عهد استاذ (حميدة) وبري الاميرية الي الخرطوم القديمة .. وناصر وما ادراك ما ناصر ومربع ستة وخمسة ومحطة ثمانية وعشرة ومحطة الرابطة تسعة واجزخانة ناصر وشارع النادي قبالة نقطة البوليس في ميدان المستوصف .... الطريق الذي يصل حتي (الردمية) بري الشريف وبري اللاماب و ( البتش) وجناين الشريف حتي القرين فلدج وفندق النيل الازرق شارع المعرض منزلنا قبالة معرض الخرطوم الدولي جوار فرن علي ( العربي) الي دكان (نور الدين ) ومنزل وداعة وابنائه محمد ومجدي وعاطف زاملني منهم مجدي حتي القديمة ... ولفة منزلهم الي بيت عابدين حتي شارع بري بالنص ومحطة ستة الي حي كوريا
ونلتقي باذن الله في
| |
|
|
|
|
|
|
|
|
|
Re: تبلديــــــــــــــــــــنا (Re: اساسي)
|
الاخ العزيز أســاســي
......تحيه طيبه
...ياسلام عليك...جوله في البراري الحبيبه..لو تعرف الطوله كيف
من بري..وعهدي بها بعيد..كان مشيت بي كل الدروب..ولو تعرف شوقي لي ناسها
كان كتبت لي كل الاسماء..ولو عرفت الروضه زمنا كان اسمها شنو..كان
ضحكت زي ما ضحكتني..بالاوليه...وطبعا بري الاوليه كان ناظرها المرحوم
الموسيقار والملحن علي ميرغني رحمه الـلـه ..وعشان كده معظم اناشيد
وردي القديمه..زي..اصبح الصبح..ويقظة شعب..كان الكورس بتاعها طلاب
بري الاوليه..ووردي كل يوم في المدرسه وكذلك الفيتوري...اما بري
الاميريه فكانت نموذج للمدارس الراقيه..لمدارس العاصمه ..من حيث
النشاط الادبي والاكاديمي..وارتبط هذا النشاط ارتباطا وثيقا بالحي
واولياء الامور..كانت بحق مدرسه.
...اما ابوالناس فقد كان لديه مخبز راقي في سوق بري..والذي يقع
في الخط الفاصل مابين بري الدرايسه وبري المحس..السوق في ولا اتلحس
...شفت الطوله كيف؟
بري عجيبه خلاص..في ايام الجمع..كانت تقام في الساحه..الهناك..هسه
ماعارفها بقت شنو..المهم..قبل ما تصل بري الشريف..كانت تقام حلقات
للرقص ..لكافه القبائل السودانيه..كنا نزور كافه بقاع السودان..ونحن
في بري..في مشهد لامثيل له..
كان عندنا فريقين في الدرجه الاولي...فريق بري وفريق بري ابوحشيش
وكان الفريق القومي يضم الكثير منهم..أقولهم ليك..هاها ها
في بري كنا بنعرف اصبح الصبح..بالاذان..ويازول انت وين ماشي..عساكر
سلاح الاسلحه وتمرين الصباح..عند مرورهم بالشارع الرئيسي..قدام بيتكم
..واقلاع الطياره البريطانيه......كل يوم خمسه صباحا
وعن بري الحبيبه يحلو الكلام..ليهو باقي.
...مربع سته..تفصلنا حيطه..جيران يعني.
.......................................
تبلدينا الحبيب بالجوار...مرحبا بعودته
شكرا لمداخلتك الظريفه ..وقويه..وانت تناشد الاخ العزيز ناصر
بان يظل بيننا...ونحن معاك نقول ليهو..فايت مروح وين؟
بعد المداخله دي ..ناديني الجد شتات..علي وزن الجد شعبان
..لك مني ما اتمناه لنفسي..وأكتر
؟....SHATAT
| |
|
|
|
|
|
|
|
|
|
Re: تبلديــــــــــــــــــــنا (Re: shatat)
|
Quote: وليد الأنيق تسعتين
لديك كل المساحات مشرعة
وقلوبنا معلقة بأطراف نجمة
هلم نغتاب الجميع جمالا
دعنا نتيقن من حضور القمر في موعده |
اساسي،،
انت بي صحك ولا مجرد مكعبات ثلاجية ..
لزوم الكسير وكـدا 
أنا داير اعرف انت تنقا دا بمشي وين (تبلدينا)
| |
|
|
|
|
|
|
| |
اساسي
معتصم دفع الله
nasiradin
Nour Kamil
waleedi399
waleed500
ناذر محمد الخليفة
فيس بوك
تويتر
انستقرام
يوتيوب
بنتيريست