|
|
 عذرا تامبا و لك العتبى حتى ترضى
|
الاخ تمبس
عيد ميلاد سعيد و عمر مديد
لو كنت اخبرتنا من بدري لاقمت لك احتفاليه تليق بمكانتك في دواخلنا. لكن معليش و ما فات شئ و ان شاء الله الجايات اكتر من الرايحات.
|
|
 
|
|
|
|
|
|
|
 Re: عذرا تامبا و لك العتبى حتى ترضى (Re: Esameldin Abdelrahman)
|
Quote: الاخت رانيا
معليش للخرمجة
تامبا ده اسم الدلع لي تمبس ؟
تعرفي ذكرتيني نكتة البنت العرفت ابوها بواحده وقالت ليه دي صحبتي من القروب group .
برضو بنقول ليه عيد ميلاد سعيد
وعقبال مية شمعة . |
الأخ عصام الدين عبد الرحمن..
سلامات
وانت بألف خير..إن شاء الله ؟؟
ربطت بالمداخلة اعلاه ومداخله لك في بوست آخر أييضا تخص طبية الاسم
Quote: اتاري تماضر اسمها تماطر
و تمبس بنية ظريفة ونحنا ما عارفين
بارك الله فيك يا بريمة ووضعها الله في ميزان حسناتك
انك كشفت لينا الحقيقة دي |
فياريت لو تديني معنى واضح لي عباراتك في الاقتباس الأول والمقصود شنو بالنكته الذكرتها دي ؟؟؟؟؟؟؟؟
ومرحب بيك هنا مرة تانية..
والشكر الجزيل لي رانيا بابكر..
| |
|
|
|
|
|
|
|
|
 Re: عذرا تامبا و لك العتبى حتى ترضى (Re: tmbis)
|
الاخ العزيز تمبس
ليس هناك اية علاقة بين هذه المداخلة والاخري غير المزاح والذي فيما يبدو كان ثقيلا، فموضوع هذه المداخلة اني عندما قرأت عنوان هذا البوست عذرا تامبا لست ادري لماذا انتابني احساس قوي بأنه قصة منقولة من ادبيات احدي الشعوب ، فعند دخولي البوست اكتشفت انا تامبا المعني بالبوست هو شخصكم وان الامر تهنئة بعيد ميلادكم ، فشبهت نفسي بوالد الفتاة في النكتة المحكية والتي تقول تفاصيلها : واحدة ابنة بسطاء اتحنكشت في الجامعة ، مرة ماشة مع ابوها قابلت صحبتها صدفة ، بعد ما سلمت عليها عرفتها علي ابوها وقالت لأبوها دي صحبتي فلانة من القروب group ، اها بعد ما البت مشت الاب قام سألت بتو قال ليها : يا بتي عيال القروب ديل خشم بيت في ياتو قبيلة ؟.
اها دي الحصل فيني انا زاتي لمن جيت داخل البوست ، ما كنت عارف انو تامبا هو تمبس ، ومرة تانية اجدد تهنئتي بعيد ميلادك .
واذا كنت تري في مداخلتي تلك ما لا يرضيك ، فانا علي اتم الاستعداد لسحبها والاعتذار عنها .
مع الود
| |
|
|
|
|
|
|
|
|
 Re: عذرا تامبا و لك العتبى حتى ترضى (Re: Esameldin Abdelrahman)
|
الأخ العزيز عصام..
هون عليك ياخ.. المسالة بسيطة جدا وما ح تشيل اي حاجة من هنا بالعكس اكتب كما يحلو ليك..
بالجد ياعصام البورد الايامات دي الواحد بقى يجي داخل وشايل معاهو ( سيخه ) تعرف انا ما مرت على المرحلة دي إلا الايامات الفاتت الواحد بقى يكاتل ضلو والله..
بعدين قصة ( القروب ) دي حلوة والله عندي جدي برضو ( بيحكها ) شديد كده انت ود ناس منو بيتكم وين ؟؟ اهلك ناس منو ؟؟ اها والكلام ده كلو وبيكون ماسك يدك لحدي ما يخلص كلامو كلو وانت ما عليك إلا الاجابة بس ( اها مرات لما احب اتحاشاهو بجي بمسكو من يدو وجهجهو ليك اسئلة )
المساحة مشرعة يا عصام لاي نوع من اي شي يخطر على بالك عندك ( كورة شراب ) رايحه ليك حاجة .. داير تبدل ليك اي حاجة نحن جاهزين ..وصدقني بقدم دائما حسن النية علشان كده كنت حريص لما اتلخبتت علي المداخلات قلت اسأل وبعدين اشوف مويتك شنو ؟؟ كان فيها ( حرب ) نمشي نعمل لياقات ونجي
شكرا ياعصام مجددا ولي اختنا العزيزة رانياالجمعتنا في البوست ده وعلمت لينا Group
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: tmbis)
|
الاخ الكريم تمبس
تعرف انا مشيت اهابش لي في بوست كده عامل فيها الود داير يخفف دمو ،آي ده البوست الانت جبتا منو المداخلة ديك زاتها ، و عينك ما تشوف الا النور ، انا ما زعلان من الكلام الاكتب بقدر ما انو مندهش و مستغرب ، ياخي انا حتي ختيت الايكون icon بتاعة البسمات عشان اوضح ليهو الحكاية هزار وما اكتر ، لكن الزول مشي بعيد ووصل مرحلة الزول البطير فوق وبيقع في ا########## داير يخنق ضلو ، ياخي انت بي ظرافتك واغانيك البتنزلها دي كلها ما ظنيت يكون في زول عندو النية يشكالك والا يكون متلقي حجج .
وحاة الله دي ما عرفتها شنو ؟ بفتح الكاف و الشين ولا بضم الكاف و الواو والشين وتشديد الراء ؟
| Quote: كان فيها ( حرب ) نمشي نعمل لياقات ونجي |
ها زول ها وحاة الله الحرب دي الا كان تدرعني براها ، ياخي عليك الله حرب في شنو زاتو ؟
اختنا رانيا ليك الشكر الجزيل الفتحتي البوست ده الخلانا نقترب اكتر من تمبس برغم اقامته في الخاطر .
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: رانيا بابكر)
|
اختنــا العزيزة
رانيــا بابكر..
في البوست المجاور كتبت لمعتصم:
Quote: معتصم ..
تعرف احسن حاجة في الدنيا تحس انو هناك من يهتم بتفاصيلك الدقيقة.. الاحتمال تسقط عنك في زحمة الحياة ..
( اربعطاشر تمنية ) من كل عام وانا هنا في الغربة بتمثل لي مع نفسي الكثير وبحسب فيها الثواني المضت من عمري والباقي منها كم يا ربي .. وبقيس بيها بعد المسافة ما بيني وبين اعز ناس بفتقد وجودهم حواليني وزي كل مرة بيكون عزاي شي واحد ( قصاصة ورق ) مطبقة بعناية كتب عليها بخط فرحان كل التفاصيل الاولى لحظة ميلادي بخط الوالد المكان ، الساعة ، الاسم ، وتفاصيل عن اول لحظات لي في هذه الفانية..
اهداني الوالد هذه القصاصة كذكرى حميمة ( وتميمة للاشتياق ) عند أول مغادرة لي السودان في ذلك المساء الكئيب كأنه كان يعلم بماذا تخبيه لي الايام من شوق لهم وشوق لإسترجاع ماكينة الزمن للوراء لتعيدني إلى ذلك المساء..
كان رسالتها اجمل مافي يوم الامس ( كل سنة وانت طيب وترجع بالسلامة مشتاقين ليك وبين قوسين ( انا وناس البيت ) .. وللصدف العجيبة برضو زهرة |
هنــا يا رانية تمر ايامنا برتابة عجيبة منزوعة الدهشة .. واللحظات السعيدة تمر كالطيف أو كومضة البرق الخلب ،، تفتح الوحشة شاشة كبيرة... كبيرة لتعرض شريط من الذكريات للحظات يمكن أن تعيدك إلى حيث يتم ترتيبك معنوياً..
شكرا يا رانيا أن تشاركيني هذه اللحظة التي اقف فيها كل عام مع نفسي ( للجرد السنوي ) لما مضي وأتحفز في إيمان لما هو مقبل وفي طي الكتمان ..
وشكرا أن تاتيني محملة بكل البهاء فحضورك رقم مهم في الحظات السعيدة.. ودعوة للإنسانية
شكرا لعركي
وشكرا لعبير زهورك.. الفواح
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: رانيا بابكر)
|
حبوبتي الله يرحمها كانت حكيمة جدا ،،، ولما زول يسوي زي سواة رانيا بابكر دي كانت بتقول :
فلان ده بيسوي للحنابر قنابر ... كل سنة وإنت طيب يا تمبس ،،، والله يخلي ليك إنت وصاحبك القنبور السوتو ليكم رانية بابكر ،،، بس نحن عارفين لا إنت ولا صاحبك ما عندكم شهادات ميلاد .. يعني تقدير عمر ساااااكت .. بالله يا جماعة ما تعملوا لينا فيها أولاد الزمن ده ..
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: ودقاسم)
|
Quote: حبوبتي الله يرحمها كانت حكيمة جدا ،،، ولما زول يسوي زي سواة رانيا بابكر دي كانت بتقول :
فلان ده بيسوي للحنابر قنابر ... |
( ترى ذبحتنا ) بحبوبتك ياخال
| Quote: والله يخلي ليك إنت وصاحبك القنبور السوتو ليكم رانية بابكر |
 آميييين يارب
وبعدين ياخال شنو الرجعيات دي يعني مفترض تدعوا بشدة لمزيد من دعاة ( القنبرة ) والناس البتحرض على الافكار الجديدة دي ومن البوست ده تسعي ليك رابط ( القنبرجية ) بالسودان الجديد فرع سودانيز اونلاين بحي المربع وتدعوا فيها لمحاربة الحاجات القديمة المتعلقة بالسودان القديم وأول حاجه فيها تحي ( سنة ) قيام اعياد الميلاد دي للناس الخارج الزمن زينا ديل ..
لكن فنجرية مني ياخال ح ( اقنبرك ) كغدوة ونواة المشروع بالسعودية عندي زولة قريبتنا ليها علاقة بي دار الوثائق ح اديها خبر تفتش في الحاجات الكانت بتتكتب في جلد التور من زمن ( التسوي تلقى ) بس كدي ادينا إشارات واضحة كده تساعد في البحث يعني من زمن ( النجمة ام ضنب ) والا من زمن شنو؟؟
قال قنبور قال
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: ودقاسم)
|
| Quote: لا إنت ولا صاحبك ما عندكم شهادات ميلاد .. يعني تقدير عمر ساااااكت .. بالله يا جماعة ما تعملوا لينا فيها أولاد الزمن ده .. |
يا خااااااااااااااال ..
تعرف يا خال عشان أعرف تاريخ ميلادي إجتهدت في الحكاية دي شديد ..
كنت حريص أعرف كل التفاصيل الحصلت في اليوم دا ..
وكنت دائماً ما أحتفل بيهو داخل نفسي ..
لكن تغير شكل هذا الإحتفال ..
وسعيد إنو في ناس كتيرة يشاركوني هذا اليوم ..
بهم إكتلمت فرحتي وبهم ستزدهر كل الأيام ..
التحية للغالية رانيا بابكر هذه الزهرة الجميلة ..
السوت لينا قنبور ..
نتقنبر بيهو كم يوم ..
شكري بلا حدود ..
وكل سنة وأنت بألف خير يا خال ..
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: Sakotaweya)
|
| Quote: بدرالدين و ساره وحنين |
أختى العزيزة سارا
..
.
أول قبل كل شي خبر حنين الاخير ده مفرح والف مبروك عليهو
وتتربى في عزكم يارب أنت والعزيز بدرالدين
يعني فوتو علينا خروف السماية وعملتوها براكم..
الف الف مبروك
حاولوا رسلو لي الصورة على الايميل..
وربنا يمد في اياكم يارب
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: Hussein Mallasi)
|
Quote: | Quote: Quote: فلان ده بيسوي للحنابر قنابر ... |
و لا يسعني الا ان اتمنى للحنابرالعمر السعيد و المديد. |
واخشى ياعمو أن المقصود بالحنابر جمع حنبرة والتي مفردهــا احيمر
ومع خشيتي أرجو أن ألفت كريم عنايتكم إن الخال الايامات دي ما مضمون خصوصا مع سفر الجماعة والحالة ( الشعرية ) المتغمصاه من وقتها.
وعمر مديد ليك ياعمو
| |
|
|
|
|
|
|
|
|
|
Re: عذرا تامبا و لك العتبى حتى ترضى (Re: رانيا بابكر)
|
العزيز تمبس
هابى بيرث داى تويو..وانشالله السنة الجاية زى ما عايز.. ولو ما عايز قول لى
وشكرا للاخت رانيا على الاضاءة
غايتو يا ودقاسم انا حبوبتى كانت داية عشان كدا ما احتجت لى ناس الاحصاء..بس اقلب الدفاتر القديمة القى فيها تاريخ الميلاد..ما زى ناس واحد واحد
| |
|
|
|
|
|
|
| |
رانيا بابكر
tmbis
ودقاسم
معتصم دفع الله
Sakotaweya
Hussein Mallasi
waleedi399
nasiradin
bint_alahfad
ahmed haneen
bushra suleiman
فيس بوك
تويتر
انستقرام
يوتيوب
بنتيريست