|
Re: أنـواع الديـوك ثـلاثة في زول بِعـرِف غيرهم (Re: إسماعيل حميم)
|
إسماعيل حميم كيفنك ...
في ديك إنت ناسيهو ودا اهم واحد من الديكة ديل ..
إسمو ديك الجيران ..
أها دا الديك بتاع الجيران البيكون حايم في الحيطة البينك وبين جارك .. فأنت بتكون بتعاين ليهو ومتنشن معاو وماقادر تتصرف .. لإنو لو خليتو حا يشغلك بالمعاينة ولو نهرتو حا تزعل الجيران ...
أها انا بس ما عارف بتطلق على الزول لييه !!! كدي حاول إجتهد فيها إنتا
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: ناذر محمد الخليفة)
|
ديـــــــك المـــاجي مرقة الدجاج المشهورة في السودان بعد البوش
ديـــــــك المـــكوه الذي يحكم به اغلاق مكوة الفحم او فتحها من خلال حركته .
وبرضو في الليلة(ديـــك)
وديك الحاجة بهانة ...
وحزب الديوك السودانية تكون بعدان جهجهو الديوك بحكاية البكور وتعديل الزمن ... فاصبح زمن الديوك فارق .
واخيرا في ديـــــــك كده الله ريحنا منو بعد زمن .....
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: gamal elsadig)
|
أنا ماعارفك يا جمال قاصدديكي ولا ديك تاني لكن علي العموم كان يا مكان في سالف العصر والأوان .. ديك ذا عرف وحلقوم .. يكاجرنا منذ الصباح الباكر في إذاعتنا الحبيبة.. ويستهل خطبتة العصماء ب ( أيها الداجن السوداني الفضل ............. ......................................................................................................... ززززززززززز ولا نامت أعين ديوك الناس التانين في حبلنا لكن ديك الجماعة إختفي بعد صهور ديك البكور وما عارف أحالوه للصالح الخاص ولا إتركن مع الروادي الديجيتال .. أفيدونا أفادكم الله ولله في ديوكة شئون
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: ABDELAZIZ MAHADY)
|
ود المهدي سلامات
Quote: أنا ماعارفك يا جمال قاصدديكي ولا ديك تاني لكن علي العموم كان يا مكان في سالف العصر والأوان .. ديك ذا عرف وحلقوم .. يكاجرنا منذ الصباح الباكر في إذاعتنا الحبيبة.. ويستهل خطبتة العصماء ب ( أيها الداجن السوداني الفضل ............. ......................................................................................................... ززززززززززز |
انا الديك ده عرفتو لانوا عوعاي في الفاضي .... والديك الانا قاصدو من نفس القفص ... بس لسانو اكبر من عرفو ... وبيعوعي بعد الشمس ماتغيب ودايما وراهو كارثة ... وممكن نسميه (ديـــــــك الكوارث )
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: Abdulla Ageed)
|
Quote: التحية للأستاذ اسماعيل حميم قال سيف مساعد علي: ""الله يديك العافية اها ديك العدة ديل ناس الجبهة الاسلامية في السودان أي حاجة تحصل الضرر يقع"" وأضيف أن ديك البطانة هم المحمولين على الهون من أفراد المعارضة في الخارج يأخذهم الأسياد والقادة (مدلدلين) في حال الخصام مع النظام، ويعودون بهم (مدلدلين) عندما تلوح أول بارقة لكرسي (جانبي) في السلطة. |
أخواني الأحباب سيف مساعد وعبدالله عجيب
بما أن الأوطان تتكون من حكـومة ومعـارضة وشـعب
عليـه فنحـن وطـن داخله ديوك عـدة ..... الجبهجية ديوك بطانة ...... المعارضة وديوك مسـلمية .... المتبقي من الشـعب
شـكراً للتوضيح
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: ADIL FAIT)
|
Quote: التحية يا اخونا اسماعيل فعلا المنبر يحتاج للدعابة وكمان الرمزية البتخليك تفكر في الكلام 100 مرة والله محتاجين يا اسماعين نطلع من الرتابة والحزن المسيطر يديك العافية ايها الرائع مع أكيد حبي وتقديري،،، |
الأخ الحبيب عادل فايت تحية إحترام وتجلّ
والله إنك ٌٌقرأت ما عنيت شـكراً علي المـرور
مودتي
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: زول ساكت)
|
تاني جبت سيرتو
في الليلة ديك...
أهم ديك هو
ديك عبد الكريم لا يرحم لا يخلي من يرحم
ويقال إن ديك عبد الكريم توقف عن العفس ولأنه يمتلك الثروة والسلاح منع جميع الديوك الأخرى من الإقتراب والتصوير
فشكت الدجاجة الصغيرة الحمراء أمرها لطوب الرض ويقال إن من خلف الحائط من سمعها تقول
ديك عبد الكريم لا يرحم لا يخلي من يرحم
فذهبت مثلا
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: waleed500)
|
حميم سلاماتي تحيتي من صيحة ديكي ......
في الديك الاساسي شايفك ما خاتي ليهو بالك ... وهو ما ورد في الاثر : ( منو البقنع الديك)
ذمان بت جيرانا استخدمت المثل دا ... اثناء نقاش عائلي في موضوع الايام ديك كان موضة تغيير التلفزيونات (ما القنوات!!!) عشان الصادق المهدي كان اربع وعشرين ساعة في التلفزيون .عاوزين اغيروا التلفزيون بتاعهم بواحد نوع مودرن لكن الحاج كان رافض ... يوم قاعدين قدام التلفزيون( بكون الصادق المهدي الوكت داك بتكلم، والترابي بخطط لانقلابو .... وهلمجرا يا سيف مساعد) المهم واحد جاء خاشي ... ما عجبو منظر الصادق في التلفزيون القديم ()قال لافراد الاسرة ... اتو ما في انواع جديدة نازلة السوق وغيروا التلفزيزن دا .... نطت البت وقالت : نحنا عارفين لكن منو البقنع الديك .... قام الديك مسك البت حلق ليها صلعة ... قام جاء العرس بتاع ناس (.............) مشوا ليهو الصادق ومبارك وفرح والباقين تكلوا في الجنينة زعلانين لانو ما عزموهم ... قام الترابي وعلى عثمان وعمار محمد ادم عملوا الانقلاب ... الصباح ولا ديك ما عوعاااااااااااااااااااااااااااااااااااااا
لكن الديوك بتاعتكم دي كلها محلية ..... من خارج الحدود انا بحوش ليكم ديوك روسية هو ديوك (رسول حمزتوف)*
شيئان في الحياة ... يستحقان المنازعات الكبرى: وطن جميل وامرأة رائعة اما ما تبقى من الصراع فهو من اختصاص ........ الديكة
: waleed
Quote: ديك ام بلينه ...... ده اخطر الديوك |
هو دا ديك ولا تور ........... امكن دود قريد!!! --------------------------------------------------------- * شاعر روسي
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: علوبه)
|
Quote: فى كمان .......... حلاوه ديك |
علوبة مرحب لكن ما تقول لي دي حلوة خالص صندوق كرتون مليان رملة مزروع فيها أعود صغيرة من جريد النخيل أشبه بقـش المقشاشة في رأسها ديك من الحلاوة بألوان زاهية شـفافة يا الله عليك يا علوبة رجعتني 35 سنة
Quote: وبرضو كمان ........ ديك فرنسا (شعار الفريق القومى للكره) |
دي الما فهم فيها أناQuote: وللمقريفين (أ.... ديك سفه ؟ |
واحد مسطول سأله واحد قدامه قهوة اديك جبنه؟؟ رد المسطول والله ما عارف لكن في جدادة نزلت ليها لوري طوب بي جاي
تشكر علي المرور يا حبيب
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: إسماعيل حميم)
|
.. . سلام يا حميم وبدري ،،، ديك المنبر نسيتو ... طبعاً به عدد من الديوك اشار ناذر لاحدهما وحددت انا الأخر ..
بس خلونا من الديوك .. مافي انواع جداد ان شاء الله محمر ..ومسلوق .. ومشوى .. بمووت انا فى الجداد .. خاصة الما بكاكي .. ويا جداتي كاك كاك .. الاكلك يصبو الهلاك .. الاكل الصدر يموت بالعصر والاكل الجناح يموت فى الصباح ..
يا الله ذكرتونا الجامعة وايام الرحلات ونحن فى البصات بنركب وراء .. ونحنا الخلطات بنخلط سوا ...
سلام .. تبلدينا .. رايق وفايق ،،،
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: Tabaldina)
|
Quote: سلام يا حميم وبدري ،،، ديك المنبر نسيتو ... طبعاً به عدد من الديوك اشار ناذر لاحدهما وحددت انا الأخر .. |
أخوي تبلدينا يذداد بي حضورك طربنا ودوماً مرحب بيك
تعرف يا تبلدينا ذكرتني القصيدة الحلمنتيشية يا عبدو عيب في مقطعها الـ بقول
يا عبدو عيب ياخي صلي علي الحبيب يا إخونا لا أنا داير اموت أقع البحر يا عبدو عيب الدنيا حر والموية بتسخن عليك ثلاثة ساعات كاملة زولنا يسب ويكيل ودموعو تتخرخر تسيل يبكي وينف ودموعو سايلات بالكفوف وشريطو تلمع في الكتوف بقي فيلسوف !! شئ كلام عن الدنيا أم قدود وعلاقة بين يوم السبت وعين الحسود ومقارنات بين الجمال والجهل وسوء الإختيار قال شينة قال!! فال شينة قال قلنا كلام صحيح وخطيبا زاتوا ولد قبيح ده كلام صحيح بس يا اخ الواطه صبحت دايرين ننوم قام تاني جاب سيرة البحر
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: إسماعيل حميم)
|
سمعة سلامات
بمناسبة الديوك دى عاوزة احكى ليكم نكتة بث
معروف فى الخيلج انوا الخلجين ما بشتغلوا بشتغلوا ليهم المقيمن او الأجانب زى ما هم بسموهم. فى دكتور بيطرى مصري شغال فى دولة خليجية فى مزرعة خليجى قام الخليجى جاء زيارة للمزرعة الصباح بدرى لقى ليك الديوك ما بتعوعى الحكاية دى زعلتوا جدا . قام طلب من البيطرى المصرى يحل ليه المشكلة دى . فقام المصرى اقترح للخليجى يجب ديوك من مصر علشان تعلم الديوك الخليجة العوعاى . فعلا جابوا الديوك من مصر وبعد شهر الخليجى سال المصرى كيف الديوك الخليجة قال ليه كلوا تمام قام المصرى قال ليه بس تعال الصباح بدرى زور المزرعة . وفعلا الخليجى جاء الصباح بدرى صلاة الصبح المزرعة لقى الديوك المصرية تعوعى والديوك الخليجة تقول ليهم احسنتم احسنتم.
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: وضاحة)
|
سلمكِ الله من كل شر أخيتي وضــاحة
تشكري يا سـتي علي النكته الشـهادة عربية وكمان علي المرور
دوماً إخوننا في شمال الوادي لهم المقدرة علي تسـويق كل ما هو مصري في داخل الوطن العربي. هل لنا أن نسـتفيد من هذا المنهج؟؟
مودتي
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: شرووم)
|
والدتي الله يضراها بالخير عندها مثل بالرطانه ذي الديك المابعرف الصباح يعني الشخص الذي لا يعرف ترتيب الامور.
ديك المولد.. لونه احمر بالسكر
ديك الكنيسه... ذي الهلال الفي مأذن الجوامع
ديك النصاري.. ده مابعرفه
عندي تعليق في ديك العده ديك العده لو نهرتو كسر (العده الفي النشافه من السلك النملي في شكل سرير كما اسلفتم ) ولو تركته يتبرز ويوسخ العده .يعني في كل الحالات ضرر لكم مودتي
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: عماد شمت)
|
Quote: والدتي الله يضراها بالخير عندها مثل بالرطانه ذي الديك المابعرف الصباح يعني الشخص الذي لا يعرف ترتيب الامور.
ديك المولد.. لونه احمر بالسكر
ديك الكنيسه... ذي الهلال الفي مأذن الجوامع
ديك النصاري.. ده مابعرفه
عندي تعليق في ديك العده ديك العده لو نهرتو كسر (العده الفي النشافه من السلك النملي في شكل سرير كما اسلفتم ) ولو تركته يتبرز ويوسخ العده .يعني في كل الحالات ضرر لكم مودتي |
أخوي عماد شمت من قبل البدء ربنا يطرأ ولدتك بالخير ويديها العافية ويديك رضاها .. آمين ونسـأله رضا الولدين لنا جميعاً .. آمين
ديك المولد البتاكل قبل ما يصل البيت كان بشتروه لينا بقينا نشتريه نحنا!!
وديك الكنيسة باقي لي هو زاتو بتاع النصاري لكن ما عارف بيضربو بيهو المثل لي شنو؟
والله إفادتك في ديك العدة أوقع أياني من الليلة مغيّر القصة
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: شرووم)
|
Quote: سلاماتنا الكتيرة يا حميم |
أخوي شرووم تسـلم ليك باقي سنونك إن شاء الله قول آمين
Quote: شكلك نسيت : الديك الرومي . ديك الحبش . ديك أحمر (( للفكي لزوم الكادوك وكدا ) . |
الديك الرومي اول ما أسمع سيرته إحساسي بيمشي شمالاً طوالي. والحبشي الظار بس. والأحمر لابد يكون معاهو ضب أعور وسحلية عرجه مطلّقه وجلد ناموسه ما يكون مقدد.
خالص مودتي
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: الصادق خليفة)
|
Quote: الديك النكتة ديك المصارعة |
يا عم الصادق مرحب بالمرور الديك ما نكتة الديك نوع من أنواع الطيور الداجنة ديك المصارعة دا مش بتاع الأمريكان؟
Quote: و الأثنان يا حميم الا الجماعة المعاك دول يغمدوا أعينهم عشان اكلمك بيهم في اضانك . سلامي |
أها... يا عبدو عيب تاني جبتْ سيرة البحر؟؟
أرسل ليك الإيميل؟
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: إسماعيل حميم)
|
Quote: ديك الجن ديك الجيران ديك الحضور ديك المكوة ديك الماجي ديك زيدان ديك الحاجة بهانه الديوك الحزبية السودانيه ديك وعيك ديك عبدا لكريم ديك أم بلينة ديك المجنون الما بيقتنع ديك المنبر الما ورانا ليهو ناذر ديك الحبل حلاوة ديك ديك فرنسا الديك سفه الديك جبنه
ونواصل
|
ياحميم شايفك نسيت (ديك)تشيني وهو أهم (ديك)حالياً في العالم لأنه محسوب على (صقور)الأدارة الامريكية. وأديك كده هسع.. الديك الفرنسى الشهير-ماعارف اتذكرت بلاتيني ليه! اكون بقيت (ديك)ــارتي ؟
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: عادل ابراهيم عبدالله)
|
Quote: ياحميم شايفك نسيت (ديك)تشيني وهو أهم (ديك)حالياً في العالم لأنه محسوب على (صقور)الأدارة الامريكية. وأديك كده هسع.. الديك الفرنسى الشهير-ماعارف اتذكرت بلاتيني ليه! اكون بقيت (ديك)ــارتي |
أخي الكريم عادل إبراهيم
تحيات طيبات
ناس ديكتشيني ديل هم بيديوك فرصة تنساهم إلا جلّ ساكت من الكيبورد هسه يقوموا يدوك كـد!!
أما المسكوكه من 22 دي عرفتي فيها متواضعة جداً لا بعرف ديكارتي ولا ديك فرنسا
تشكر علي المرور
مودتي
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: عادل فضل المولى)
|
Quote: اسماعيل بعد السلام شايف الجماعة ما خلوا ديك حايم الا جابوه ليك الا انا مشيت بي هناك جنب الاستديو بتاع هناي لقيت ليك الديك دا في صورة تذكارية هو وحرمو وأفراد العيلة ولو بقيت نجيض بتعمل ليك منهم مزرعة دواجن |
ود فضـل المولي
والله الجماعة حيّروني عدييل كده وطلعوني مسطّح في قطر يا اخ قلت ثلاثة أنواع لحدي هسـه ماشين علي المليون ديـــك.
بس ما قلت لي هنــاي ده قدر يقنع الأسـره الحلوه دي بالوقوف المرتب دا كيـف؟؟ لكـن صورة ختريه ميه الميه
مرورك يسـعدني يا جميل
مودتي
إسماعيل حميم
| |
|
|
|
|
|
|
Re: أنـواع الديـوك ثـلاثة في زول بِعـرِف غيرهم (Re: إسماعيل حميم)
|
يا جماعة الخير..نسيتو ( الديك الحجيري) والديك الحجيري هو ذكر الدجاج الحجيري.. ودا السودان كلو بعرفو.. يضرب به المثل.. يقول ليك والله فلان دا حجيري.. دلالة على أنو كبير في عمرو لكن محافظ...تقول ليهو والله فلان دا محافظ يقول ليك وين يازول دا عمرو سبعين سنة بس براه حجيري ساكت.. والديك الحجيري دايما محافظ وما بيكبر بسرعة.. ونحن في منظقة في الشمالية.. مثل بيقول ليك ( ديك عبوك البيبلع بلا لوك) وديك عبوك بفتح العين.. عبوك واحد مجذوب مدروش ساعي جداد.. وكلمة جداد دي بالمناسبة خاصة بينا نحن في السودان.. ماعارف القلب دجاج الى جداد شنو؟ الخليجين هنا يقولو( دياي) وعادل أمام لما جاء السودان وطلع مسرح مدني.. كان معجب بكلمة (جنى جداد) التي نطلقها نحن على البيض..سبب بلا سبب يكررها ويضحك ونادر ما يضحك عادل امام خارج مسرحية..والناس زمن العصر الذهبي للقطارات البييعة ما كان بيقولو بيض.. بيض..كان بيصيحو يقولوا جني جداد جنى جداد.. أها نجي لى ديك عبوك البي يبلع بلا لوك.. قصة طريفة حا نحكيها ليكم بعد شوية..
| |
|
|
|
|
|
|
|