تقوم فكرة العنصرية على اعتماد المجتمع للعنصر الاثني او القبلي في التعريف بمؤسساته ونظمه الاجتماعية كوحدة واحدة غير منفصلة وتعتمد على علاقاتها الاجتماعية ومصالحها الداخلية على اساس الانتماء لهذا الدم وتتميز بالانغلاق وقدتتميزبالنظرة الفوقية لما هم ليسوا من هذا العنصر ... والانسان العنصري هو الشخص الذي ليس لديه انجازات خاصة به في المجال الانساني العام .. فهو يعتمد على انه ينحدر من اصل بيولوجي نقي .. ونادرا ماتجده يؤمن بالقيم الانسانية مثل الايمان المطلق بالمساواة بين البشر .. والعنصري هو الذي يعتمد في تعريفه على انحداره الاثني فمثلا .. كأن اقدم نفسي بانني منال النوباوية او منال شايقية اومنال الدينكاوية... فانا اذآ اعتمد على عنصري العرقي في التعريف بنفسي .. ومثل هذا الشخص تجد ان علاقاته الانسانية العميقة والفاعلة في حياته فثلا في اختياره لاصدقائه وشريك حياته يدخل فيها الاصل العنصري كاساس للاختيار او حتى للتعامل الانساني المميز.. .. ولعل الانتماء العنصري هذا جاء في وطننا نسبة للتركيبة القبيلة التقليدية في تركيباتنا الاجتماعية وكثير من قبائل السودان تعتمد على القبلية في تفاعلاتها الاجتماعية ولكن نظرتها قد لا ينطوي على نظرة تعالي على الاخرين وقد ينطوي .. ولكنه بالضرورة يحتوي على انغلاق وان اختلفت مستوياته... وبالضرورة يظل انسان المدينة الذي يعتمد على قبيلته في التعريف بنفسه و يتعامل مع المؤسسات المدنية في تفاعلاته وضماناته الاجتماعية شخص به انغلاق.. ويفتقر الى حد ما الى الانجازات الخاصة على الصعيد الحياتي اوالعملى او العلمي وهو لا يؤمن بقيم المساواة المطلقة .. فهو اذا صدف وان رجع التاريخ فهو حتما كان سيكون من ملاك العبيد والخدم والحشم.. وهو من اكثر الناس عرضة للنظرة الفوقيه للاخرين ..هو شخص تسهل تعبئته ضد الاخر باساليب تعتمد على ان عنصره هو الافضل والاخرين هم الرعاع .. وهو من اكثر الناس حكما على السلوك الفردي بصورة تعميميه على العنصر الاخر ... اتمني ان يقيم كل منا منهجه على اساس انساني حر ويسأل نفسه الاسئله الصعبه هل انا عنصري؟ .. لا تجيب احدا غير نفسك هذا سؤال خاص.. اجابته لك وحدك ...وكن صادقا مع نفسك.. متال
08-02-2005, 01:42 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
Quote: اتمني ان يقيم كل منا منهجه على اساس انساني حر ويسأل نفسه الاسئله الصعبه هل انا عنصري؟ .. لا تجيب احدا غير نفسك هذا سؤال خاص.. اجابته لك وحدك ...وكن صادقا مع نفسك..
ربـمــا في برليــن
يوجــد الوقــت للتسـاؤل والإجــابة
ولكن في الخرطــوم
الأمــر جــد مختلــف
صـدقيني لا يحتاج الأمــر لســؤال النفس والتملي في الإجـابــة
فبصــورتك هــذه (التي أعترف أنها بهـيـة).
والفرز اللوني - العرقي
يتم تصـنيفـك وتستلمي شهادة عنصــرية عملية وتدفعي مقابل رهــق كل السنين
في لحـظـة فاجـرة لا تميزها الأعين
والله يستر ويحفــظ شبابهــن وعفافهــن
08-02-2005, 03:42 PM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
العزيزة منال لكم نحتاج لمثل هذا الكلام الآن، شكراً، وسماحاً لمداخلة صغيرة مع احمد الشايقي. العزيز احمد الوضع كان جد مختلف في الجنوب، وكذلك في الغرب، وحتي في الخرطوم منذ سنين،وكان لناتسعة وخمسون عاماً لنتساءل لماذا يحدث ما يحدث، ولكننا لم نسأل أنفسنا هذه الاسئلة، ولم نكلف نفسنا بالبحث عن إجابات، مكتفين بقدرية اسطورية (يا زول الله يستر) ناسين (في انفسكم افلا تبصرون)، اعرف تماماً ما يحدث الان في الخرطوم وانا جالس هنا في امريكا، لأنه كان سيحدث حتماً، رأيته وأنا احمل السلاح لمدة سبع سنوات، رأيته وانا أتحدث في اركان النقاش في مختلف الجامعات السودانية، رأيته وانا عضو في سكرتارية التجمع (كاتب محاضر) لمدة خمسة سنوات، زكانوا كلهم يعرفون ويرفضون الاجابة على الاسئلة، وأسهلها ما أوردته الرقيقة منال. احمد صدقني الشعب الذي صمت عن مقتل مليوني مواطن من مواطنيه (بجميع اعراقه) هذا شعب محيّر، ولكني أعرف انه سيتكلم ويهيج إذا عثرت صبية (مهما كان لونها او عرقها) في الخرطوم، هل تعلم لماذا يخضع السودان لمن يسيطر على الخرطوم، لنفس الاسباب التي يذهب بها كل الناس الآن للخرطوم، ولسان حالهم يردد مع درويش:
كأننا اسلافنانأتي الي الخرطوم كي نأتي الي الخرطوم. صادق
العزيز الشايقي لك ان تعرف انني اعمل في الاراضي المحررة في الجنوب وجبال النوبة ..وانا بذات الطلعة التي قلت انها بهية ....بين الجنوبيين وانا امنة على نفسي من كل شر... منال
08-04-2005, 09:31 AM
طلال عفيفي
طلال عفيفي
تاريخ التسجيل: 06-20-2004
مجموع المشاركات: 4380
ومن قال لك ان جموع المتضررين في الخرطوم هم من مؤيدي أفاعيل الحكومات السودانية ودكتاتوريات العسكر المحضة والمقنعة بالعقائديات
ومتى اعمل المهاجمون الفرز بين من يؤيد التجمع أو حتى من يؤيد الحركة الشعبية
يا عزيزي
الذين تضرروا هم نفس الذين أقاموا ثورة اكتوبر لسبب واحد هو منع العسكر من تنفيذ خطة حرق الغابات بالجنوب
وهم ذاتهم الذين فجروا الغضب الدامي في ابريل وهم الذين ظلوا يصارعون كارثة الانقاذ احتجاجا واصطبارا وهم الذين سجلوا في عضوية الحركة الشعبية بالملايين
الذين هاجموا هم لصوص وقتلة محترفين لا أكثر ولا أسف عليهم لو قتلوا أجمعين فمتى كان ذبح المدنيين بلا تمييز هو ناتج طبيعي لما حدث من تهميش؟؟
ولعلك لا تعرف أن معظم المتضررين هم مواطنين اضطرهم التهميش الذي تتحدث عنه للنزوح للعاصمة والاسترزاق على (الهامش) وفي المهن الهامشية من أطرافها.
المهــم عزيزي أن تعرف المؤامرات طريقها للفاعلين الحقيقيين أما عملية التعميم في اطلاق الشــر فلن تحدث إلا تقوية الحكومة الظالمة ومزيدا من الالتفاف حولها لأن خياراتها المتطرفة ستصبح هي الخيارات الصحيحة الوحيد بحكم غريزة البقاء
أنا لا أعتقد أن الأمر متعلق بالسذاجه .. بل هي مجرد خفة دم .
على العموم أرجو من الاستاذه منال السماح لي بالتوضيح السريع ..
الأراضي المحررة مصطلح سياسي وجغرافي للاراضي التي تم إنتزاعها من سيطرة القوات الحكومية لصالح قوات معارضة , من ضمنها وعلى رأسها مايعرف بالجيش الشعبي لتحرير السودان.
ويتم التعامل إدارياُ وقانونياُوإقتصاديا في هذه المناطق بقوانين خاصة ومختلفة ( وبمنظومة حرة عن مركز الدولة ) .
________________
للحركة الشعبية علمها وشعارها , مثلما لكل حركة سياسية علم وشعار , فحزب الأمه له علم , وشركة مرسيدس عندها علم , ونادي الهلال عنده علم ..
بعد أن قارنت لي الحركة بالهلال والمريخ وكل واحد عندو علمو ، ياداب وقع لي.. طبعاً بعد شوية حتقول لي الهلال عندو عملتو والموردة عندها بنكها وشركة الفيات عندها....
Quote: اتمني ان يقيم كل منا منهجه على اساس انساني حر ويسأل نفسه الاسئله الصعبه هل انا عنصري؟ .. لا تجيب احدا غير نفسك هذا سؤال خاص.. اجابته لك وحدك ...وكن صادقا مع نفسك..
دمت ذخرا للوطن
08-04-2005, 07:06 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
ربما لانك تعملين مع منظمة اجنبية ولأنك تقدمين العون لاهالي المناطق التي أسميتها محررة فإنك في مأمن وفق الاحترام والتقبل والمصلحة والحماية المسبغة عليك من الجهــة التي تعملين بها.
لكنك , لا قدر الله إن كنت في طريق الغوغاء باثنين الخرطوم لكنا افتقدناك رغم دواخلك الجميلة
ليس هناك أدنى عنصرية في تعليم الناس حقوقهم الاساسية والقانونية المكفولة لهم (حق الدفاع الشرعي) ولو سمعت بالفظائع في الكلاكلات والجريف لعرفت أن الذين ارتكبوها هم ممن غرهم الصبر والاحتمال وعدم التكتل فالناس في الخرطوم يعيشون عيشة البندر ولا يرتبطون ببعضهم كارتباط الناس في الارياف
هــذا الذي حــدث تسبب فيه عدم التوازن بين شماليين ناعمين هادئين يتصرفون بفردية مفرطة وجنوبيين متكتلين ومنظمين ويتصرفون بموجب حقد أعمى وثقــة كبيرة في التفوق الجسدي والنوعي
لا غير وتوقفت الاحداث بمجرد حصول التوازن
لك الاحترام
08-05-2005, 02:36 AM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
أحمد الشايقي حينما كتبت ما كتبت، كنت أتساء ل عن الصمت الذي خيّم على الناس حين كانت دعوات الجهاد تخرج من (التلفزيون القومي) حينما كانت الدولة تعطي الحق لمواطنيين عاديين أن يحملوا السلاح (دفاع شعبي) ليقتوا ويحاربوا في حربِ أهلية (دفاعاً عن العِرض والوطن)، وحين أعطت الحكومة السلاح للجنجويد ليقتلوا المواطنيين العاديين في الغرب ويغتصبوا نساءهم ويحرقوا قراهم، ألم يحدث هذا في دارفور لمدة الثلاثة سنوات الماضية، والآن حدث في الخرطوم لمدة 48 ساعة وهانت تطالب المواطنين بالدفاع عن انفسهم وحمل السلاح (حق الدفاع ليس الشرعي بل الشعبي). عزيزي لا شئ ينبع من الفراغ، هل سمعت بما حدث في الأهليةأذكرك (طلاب المؤتمر الوطني حرقوا الجماعة ووقعوا ضرب في الناس) وينكم انتو ما كتبتوا ليه وقتلوا ( حق الدفاع الشرعي للطلبة) وليه ما هتفت الجوامع (الجهاد يا طلبة الاهلية) هل سمعت بما يسمي بالبيت الأبيض في جوبا، كيف تتم تصفية الأسري، رأيته أمامي في شرق السودان المقاتل جبلين من ابناء النوير يقتله أعضاء الدفاع الشعبي وهم يهتفون الله اكبر وهو أسيرهم. ولكني أراك أخي تتحدث عن شماليين ناعمين وجنوبين منظمين، وهذه غواية كبري، وما حدث ليس توازن قوي، وأنا لمن قلت ليك قبل كدة أنا شفت الحصل دا من زمان إنت ما صدقت. لكن نقول تانن الحكومة دي لمن قالت في إنقلاب بتاع ناس الترابي، في زول قِدِر اتحرك ولا يقول بِغِم في العاصمة دي، الناس قعدت في بيوتها وإتفتشت وما قالت كلمة، هسه الإتغير شنو، والجنوبين منظمين أكتر من الحكومة، وهل قرنق مات والحكومة ما كانت عارفة، ولا الحكومة هي الأعلنت للناس وفاة قرنق، وليه لمن الزبير مات ظهر البشير في التلفزيون، ولمن مات قرنق خلي الكلام لعبد الباسط، ونيال دينق قاعد في الخرطوم كان ممكن يظهر ويقول للناس انو قرنق مات، وبعد داك كان نشوف. لكن أنا نسيت (ياتو يوم شفنا لينا جنوبي مذيع ولا مقدم برامج في تلفزيون السودان القومى هم بيعرفوا عربي كمان). الغواية طويلة يا شايقي ياصاحبي.
وأديك المثال وكدي اول حاجة إترحم معاي علي سيدنا ديزموند توتو. القسيس الإنسان، رئيس لجان المكاشفة والمصالحة في جنوب أقريقيا، عارف الكان بيغفر للتاني منو السود كانوا بيغفروا للبيض، ومتين بعد ما مسكوا السلطة، وأرجع اقرأ شوف البيض قتلوا كم طفل من جنوب افريقيا، واغتصبوا كم؟ لكن، مانديلا ما قال لي الناس اقتلوا واقتصوا من البيض عشان يحصل توازن قوي، بين السود المنعمين، والبيض الخقدين والمنظمين ولعلمك يالشايقي البيض في جنوب افريقيا ما كانوا حتي داسين حقدهم ديل كاتبنوا في دستورم، وما بدسسوا، ولمن يكونوا في ونستم الخاصة يقولوا (والله العبيد ديل حادين وحقو نطردم من العاصمة)، لا ديل كانوا بيقولو عديل نحن عنصريين.
الله يرحم صديقي نصر الدين الرشيد، عارف هو في روسيا خلى اي حاجة وجا عشان يقاتل الجبهة، عندو قرحة الروس قالوا ليهو اقعد نعمل ليك عملية، قال ليهم أهلي هناك بيقتلوا فيهم ما لاقين زول يدفنم، عارف دا كان بتين، ايام مجاعة بحر الغزال، جاء الميدان وقاتل لحدي ما استشهد. عشان كدي أنا برفض لمن زول يقول دا حاقد ودا محقود عليهو. صاحبي يا ود الشايقي منال دي زولة دايرة تقول ليكم الإنسان ياهو الإنسان وما تقعدوا تقولوا جنس الكلامات بتاعت ديل شماليين ناعمين وديل جنوبيين حاقدين وقصة توازن القوي دي مسألة كبيرة، ومعليش انا تاني بقول ليك الحصل في الخرطوم دا عادي بيحصل كل يوم في محلات كتيرة في سودانك دا، والناس لو عايزة ليها حل ما بزي كلامك دا. وممكن نبدأ النقاش في الحل، وأول حاجة النقعد في ا########## ونخلي منال دي التدرسنا، لأنها ما بتقول الكلام دا ساكت، يا ها ليها سنين شقيانة وعيونا اتقددت من القراية عشان هي ذاتا تفهم الكلام دا.وانا معاك في الحوار، وما تزعل مني انا بقول كلام حار ولسة أنا ربع الداير اقولو ما قلتو, صادق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة