سلامات الاخوه البورداب فى الخرطوم وكمان الجماعه فى الخارج
لم يكن هينا على الغياب عن لقاء الخميس واعددت العده للحضور بكل ماتحمل الكلمه من معانى نفسيا وماديا وكلمتة محمد عثمان وامه عشان يكونو حضورا معى والجماعه رسمو اخر حنه واصروا على ان نشترى لى محمد لبسه جديده وقد كان لكن الصحافه وتقلباتها حالت دون ان يتم لقاءنا مع البورداب ولما ام محمد شافت الاسى الذى كان على حلفت يمين ان تدعو جميع ناس البورد عندنا فى البيت المهم لما نرتب الحال ونقدم هذه الدعوه نقول والله كنا عايزين نلاقى محمد حامد وعبير خيرى والمهندس وكمان كنا دايرين نشوف صاحب الحوش الكبير بكرى ابوبكر وكمان هميمه الهميمه وناس الرياض الذين حسب افادات ودالامام شكلو حضورا ذاهيا وغيرهم من جماعه الخميره عموما ناسف لعدم تمكننا من الحضور..... الباش مهندس فقدته تلفونك بعد ان تعرض جوالى للسرقه اتصل على والاتفاق بينى وبينك مازال قائما ولم ينتهى بانتهاء القاء حكايه مختلفه تحل ضيفه على الخرطوم هذه الايام القاصه والمخرجه الاذاعيه سلمى الشيخ سلامه رؤرحبوا بها معنا سلمى قدمت اليوم محاضره بمعهد الموسيقي واجرت حوارا ثرا عن تجربتها فى المهجر اجراه معها الصحافى البوردابى الصميم احمد يونس سلمى ستظل فى الخرطوم لعدة ايام اخرى ومن ثم تعود لوطنها امريكا ... سالتها عن فكرة الاستقرار فى السودان فكان ردها ان الامر لايزال بعيدا عن شاشة التفكير رحبواااا معنا بالاستاذه بت الشيخ
يا عثمان مراحب كثيرة 1- مرحباً ببت الشيخ في البلد 2- فقدناك بالجد وكنا دايرين شوفت محمد عثمان 3- الشباب شكلوا حضور رائع وكمان ضياء الدين ما قصّر 4- البرنامج كان لذيذ وألذ ما فيهو انو البدوي كان مبسوط جداً من قون العجب - الرحلة مهمة وضرورية وحتكون يوم الجمعة -- يعني ما في عذر بي الشغل ولى كدا ابو المقتدى
07-23-2005, 08:41 AM
عثمان فضل الله
عثمان فضل الله
تاريخ التسجيل: 03-22-2005
مجموع المشاركات: 529
الأستاذ أبو عفان ,, تحياتنا بالكوم ,,برغم تواجدنا في مؤسسة واحدة .. لكن جد فقدناكم فيلقاء بورداب الخرطوم ..لان القاء هناك كان ليهو طعم ولون ورائحة...عموما موعدنا في الجايات القالو أكتر من الرايحات وتحياتنا للأبن محمد ووالدته
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة