|
|
 واحد واربعين موقع للزواج ولقيت عروس أسمها وداد لعطايا صاحبى فى كندا ما جندريه
|
http://www.do7a.com/?showcat=32&styleid=4
الوصله اعلاه
كلفنى صديقى المقيم بكندا عطايا ان اختار له عروس لفقدانه السيطره على الاختيار لطول غيابه عن السودان وعزمت على مساعدته بحكم استقرارى فى السودان وامتلاكى مفاتيح الحل لكل المشاكل المستعصيه
حملنى المواصفات والكتلوج الذى يحتوى على الاتى
ان تكون وديعه
تقدس الحياه الزوجيه
تجيد طهى ملاح القرع
بت حله
مايقول ليها انتى طالق تقول ليهو دا ما موضوعنا بتاع النقاش نكمل نقاشنا ونرجع لموضوع انتى طالق
يعنى بصراحه ما جندريه وما مثقفه
تعرف الواجب
تسقبل الضيفان خاصه اللوارى القادمه من الشماليه ليلا
تعرف العواسه
رومانسيه ورومنطيقيه ومنطقيه وكلاما شويه
قلت ليهو خير
اتلفت شمال يمين لقيت انسب زولا وداد جارتنا فى الحله على درجه من الكياسه والفطانه والرزانه والنضافه ودايما بيتهم ملاياتو مغسله ومكويه ودايما بتكشح فى مويه البلاعه مما يدل على نظافه حمامهم ونظافتها الشخصيه وبالتالى نظافه ذمتها الماليا خاصه فى الزمن الصعب دا
وداد منتصف عمر وتبدو لى من عائله عاليه الخصوبه لانها السابعه فى الترتبيب من الاسفل الى الاعلى
ودائما فى المناسبات فى الكواليس خلف الطباخين
وداد وداد وداد
عطايا صاحبى
ارعن
عديم الاحتراز
زى ديك العده
بشخر
بياكل اى حاجه الا الجمكسين
عندو بنطلون جينز واحد من ايام الجامعه
ما حرامى لكن شحاااااااااد
مرزق
كرعينو مشققات
بشرب بى خشم الباقه
كرعينو معفنات دايما بعد ما يقلع الجزمه
عندو جواز كندى
طويل اخضر قيافه
لا بدينك ولا بتدين منك
عطايا عطايا
عطايا
رايكم شنو الناس ديل مناسبين لى بعض قبل ما اتهور اشربكهم
_______
|
|
 
|
|
|
|
|
|
|
|
Re: واحد واربعين موقع للزواج ولقيت عروس أسمها وداد لعطايا صاحبى فى كندا ما جندريه (Re: فرح)
|
وحاتك يافرح السرور
وداد دى خليها لينا هنا مسفرا مالك..واحسن حاجه فيها انها (نسخة) وطنية وبت حيشان
لا(بتفتكر) لاقضايا(نوع) لامجتمع مدنى براك عارف بنات اليومين ديل
والغريبة يافرح تاريخ ماقديم يوم كانوا البنات بيقبلن على الحيطه فى بيت العرس وينتظرن هبشة العريس لريسينن عشان يقومن يرقصن من الوقت داك لى هسع زمن ماهو طويل
شوف هسع (أفتكاراتن) كترن كيف
واحكى ليك التانية ..دخلته على فاطنة أحمد ابراهيم سألتها (ياستاذه رايك شنو فى الجندر)
الساعه الهزت ليك توبا الأبيض داك ورفعت أيدا وقالت ليه كلام مافى داعى أقوله هسع
لكن كانت غاضبه غضب جميل مثلما فاطنه وتاريخهاوتوبها الأبيض مثل سحابه بيضاء تتهادى جيئةً وذهابا
عرفته طوالى أنو فاطنه دى سودانية تشبه ملامح تاريخنا وتفاصيل يومنا.....كك
بس كنت عاوز أقول ليها يافاطنه عليك الله المره فى الكويت للأن ماعندها حق أنها تصوت
وفى السعوديه عربيه ماقاعده تسوقها ..وأنتى دخلتى البرلمان سنة خمسه وستين
قبل مايكون ده نضالكن ونضال الحزب الشيوعى والقوى الديمقراطيه كان برضو فى المقام الأول
تفهم ناس حزب الأمة والشعب الديمقراطى وباقى الناس الكانو فى الجمعية التأسيسيه
عمد..مشايخ..رؤساء أدارات أهليه لو ماهم كانو برضو مدركين دور المرأة وناس واعين
ماكانو رحبو بيك معاهم...ماننسى جبهة الميثاق (باقى التاريخ..عيب الناس تتنكر ليه)
فيجب على كل نساء السودان يذكروهم بالخير
قبل ماافوتك...وداد دى أنشاء الله تكون زى قريبتنا البتدق الحراميه (فاطنة.الأخرى)
راجلا زول فارس لك بيسكر (لط) يوم صحى من النوم وغالبو يتحرك من السكره القوية لقاها ماسكه حرامى وبتجلدو ليك جلد شديد..قعد فى طرف العنقريب يكورك..
أى يافاطنه دقيه ...هيع
عفيت منك يافاطنه أرميه...هيع
اضف هذه الى ميزات وداد..وشيل( كوبى) من أوراقنا
أما زولك البره ده أنساهو..................كرهتى فى الدنيا الكرعين العفنات
ومابنرضاها (لودو)..دلع من هسى
| |
|
|
|
|
|
|
|
|
 Re: واحد واربعين موقع للزواج ولقيت عروس أسمها وداد لعطايا صاحبى فى كندا ما جندريه (Re: فرح)
|
..
.
سلام يا فرح
| Quote: بحكم استقرارى فى السودان وامتلاكى مفاتيح الحل لكل المشاكل المستعصيه |
ولمن أنت فاتح ليك مكتب زى دا !!
ما تقدم لينا الخدمات مجاناً يا ( ثمين ) 
تصدق بصراحة أنا والله المشكلة دى مأرقاني شخصياً
ياخ الله يقطع الإغتراب وسنينونه .. تجي تلقي كلو ماركة مسجلة
وشوية براعم
بالله ما تشوف لينا حل معاكم .. دا ناذر غلبو يحلها معاي
وكمان حجتي !!
ولو طلبت مواصفات قول ليها نفس مواصفات العطايا بس بالمقلوب
عدا ( مرزق/وجواز كندي )
زايد سجارة بنسون .. بس
وبالله ما تتنكر للخوة..
| |
|
|
|
|
|
|
|
|
|
Re: واحد واربعين موقع للزواج ولقيت عروس أسمها وداد لعطايا صاحبى فى كندا ما جندريه (Re: Tabaldina)
|
تبلدى عندى لك عروس لقطه
مقيمه فى الولايات المتحده الامريكه فى شيكاغو
بتعمل فى البى اتش دى - بتزا هوت دلفرى اختصارا
من العمارات شارع 62
والدها شغال فى السلك
يعنى السلك الدبلوماسى
والدتها شغال فى اليونسكو فى باريس
الاخ الوحيد موجود فى ليبيا
ليهو 13 سنه ما جا السودان
خالا الكبير فى اللجنه الشعبيه
خالا الصغير زارع فى القضارف
حنونه
جاده
ما بتعرف تطبخ
بتشغل 15 ساعه فى اليوم
وعندها شروط اضافيه فى القسيمه الزواج
اها رايك شنو
| |
|
|
|
|
|
|
|
|
|
Re: واحد واربعين موقع للزواج ولقيت عروس أسمها وداد لعطايا صاحبى فى كندا ما جندريه (Re: فرح)
|
Quote: حملنى المواصفات والكتلوج الذى يحتوى على الاتى
ان تكون وديعه
تقدس الحياه الزوجيه
تجيد طهى ملاح القرع
بت حله
مايقول ليها انتى طالق تقول ليهو دا ما موضوعنا بتاع النقاش نكمل نقاشنا ونرجع لموضوع انتى طالق
يعنى بصراحه ما جندريه وما مثقفه
تعرف الواجب
تسقبل الضيفان خاصه اللوارى القادمه من الشماليه ليلا
تعرف العواسه
رومانسيه ورومنطيقيه ومنطقيه وكلاما شويه |
فرح كان لقيت المواصفات دى في واحده قابلنى
| |
|
|
|
|
|
|
| |
فرح
مريم بنت الحسين
حاتم الياس
smart_ana2001
عبد المنعم سيد احمد
ناذر محمد الخليفة
فيس بوك
تويتر
انستقرام
يوتيوب
بنتيريست