|
|
 المعتمد عريس نص كم
|
الاخوة الاعزاء
سلام من الله عليكم ورحمة وبركات طيبات.
سيتم ان شاء الله يوم الجمعة القادم 22-07-2005 عقد قراني.
طبعا فى عريس كامل الدسم وهذا هو العريس البيكون عرسه كامل شيلة ومال ودهب وحفلات وشهر عسل وافراح ومباهج.
وفى عريس تلاتة ارباع كم ودا بيكون كل الاجراءات الا شهر العسل.
وعريس نص كم ودا بيكون العرس مجرد مراسم فقط وتؤجل بقية الاشياء الى وقت لاحق.
انا عرسى ممكن تقولوا عليه عرس (شبه كامل الدسم لا هو كامل ولا نص كم) بالنسبة لاجراءات العرس لانه ستكون فى دعوة وحفلة وسيرة (بدون عريس).
على كل حال الواحد سيفارق دنيا العزابة ويدخل دنيا العرسان قبل ان يدخل بعدها دنيا الرجال البطنهم طامة من نسوانهم ( وان شاء الله الفترة دى ما تجى قريب عشان الواحد ما يبقى زى ناس سجيمان لما يجيبوا ليه سيرة المرة تمسكه كاروشة).
على كل حال الدعوة مقدمة لكل من فى السودان لحضور مراسم الزواج فى قرية مناقزا الحلاوين (ما تخافوا من اسم مناقزا دا والله الحلاوين ديل حلوين ويبسطوكم بس انتو جربوا واحضروا ليهم عرس).
اما العريس (ربنا يكون فى عونه حيكون قاعد يتفرج (سماعا بالموبايل) على الناس وهى تضرب فى الضلع وتتشيك للحفلة وترقص فى رقصة القرد وهو ما لاقى قدامه غير طلب بريانى بالدجاج فى مطعم هندى.
لكن الصبر طيب وان شاء الله شهر عشرة افش الغبينة بتاعة عدم حضور العرس بى حفلة ليها ضل بعد ما تجى المرة هنا.
لكم الود
والف باقة ورد
|
|
 
|
|
|
|
|
|
|
|
Re: المعتمد عريس نص كم (Re: المعتمد)
|
| Quote: على كل حال الواحد سيفارق دنيا العزابة ويدخل دنيا العرسان قبل ان يدخل بعدها دنيا الرجال البطنهم طامة من نسوانهم ( وان شاء الله الفترة دى ما تجى قريب عشان الواحد ما يبقى زى ناس سجيمان لما يجيبوا ليه سيرة المرة تمسكه كاروشة). |
ياخ ده انت عريس متشائم بشكل غريب...  .. ياخي افرح واخلي الفرح يدخلك.. بعداك ناس دكتور سيجيمان ديل مرحلتهم ملحوقة... غايته مرتك دي كان لميت فيها كان حرشتها عليك.. عليك الله وفي زمّتك دي دعوة لفرح ولا عزا...
ألف ألف ألف مبروك... وربنا يجعله زواج مبارك.. ويظللكم الله بالمحبه والسلامه وتمام الصحة والعافية.. ويرزقكم من خيره .. ويبعد عنكم كافة الشرور... وما حاقول ليك (تغلبك وتغبلها) عشان ما بحبها..
بنت الحسين
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
اخوي المعتمد
الف الف مبروك مقدما
بيت مال وعيال بعد شهر عشرة
ما تنسانا نحضر العرس والعشاء معاك
لمن تجي العروسه
الف وردة لك ولها ولاهلنا في الحلاوين
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ حمد
سلام.
مشكور على التهانى والله يبارك فى وفى ايامك.
نسال الله ان يمنحنا وايامك العافية والسعادة وكان عزابى ربنا يديك العافية عشان تمكل نص دينك وكان معرس ربنا يحفظهم ليك ويسعدك.
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخت مريم
سلام.
والله يا مريم (ما بقول حرم عشان ما بحبها) انا من الفرحة داير اطير فرررررررررررر (زى ما بقولن نسوان بلدنا).
لك الود والتحية على هذه التهنئة.
وان شاء الله ربنا يحقق امانيك ونبارك ليك السمح.
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
أخي المعتمد
التحايا صادقات
كل الأماني لك بحياة زوجية سعيدة
مكللة بالحب والإنسجام
مزدانة بالذرية الصالحة
| Quote: على كل حال الدعوة مقدمة لكل من فى السودان لحضور مراسم الزواج فى قرية مناقزا الحلاوين (ما تخافوا من اسم مناقزا دا والله الحلاوين ديل حلوين ويبسطوكم بس انتو جربوا واحضروا ليهم عرس). |
من هذه القرية الوادعة عرفت إنساناً أعتز كثيراً بصداقته. جمعت بيننا مقاعد الدراسة وداخليات البركس . لطيف المعشر كان , بسيطاً وديعاً كان , دمث الأخلاق كان
حياك الله أينما كنت أخي المهندس محمد عوض عبدالله
أكرر التهاني
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
عريسنا وحبيبنا وقريبنا المعتمد
| Quote: قبل ان يدخل بعدها دنيا الرجال البطنهم طامة من نسوانهم |
وأنا أتمنى العكس عشان المعتمد الصغير وكدا
وبهذه المناسبة أهديكم
ولكما عاطر التحايا وللغالية مناقزا الحلاوين
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ عاطف عمر
سلام
لك الود والتحية على التهنئة والمباركة وان شاء الله ربنا يديم عليكم العافية ويحقق امنيكم.
الاخ المهندس محمد عوض عبد الله الان فى الدماموهو بخير والحمد لله.
لك الود
والف مليون باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
المعتمد ربنا يسعدك ويتمم ليك على خير ،،، ويجمع شملك مع زوجتك ، ويرزقكم الذرية الصالحة ،، والحلاويين حلوين فعلا ، ولو كنت في السودان لسافرت جريا إلى مناقزة للمشاركة في أفراح الحلاويين بزواج المعتمد ،،،
مش مناقزة بلد بروف قرشي ؟
ومش هي بلد المهندس محمد إمام .
ومش هي قريبة للمحيريبا بلد دفع الله الزين ، ومالك أبوسن ؟
ومش هي قريبة من حلة ناس عبد الله مصطفى ، وأخوه الأمين مصطفى ،،،
ومش هي قريبة من شرفت الحلاويين بلد محمد أحمد العجب ،،،
يا زول ديل أحسن ناس ...
ألف مبروك ...
أيووووووووووووووي ...
| |
|
|
|
|
|
|
|
|
 Re: المعتمد عريس نص كم (Re: mahdy alamin)
|
المعتمد العريس والله عجبنا ليك ..
يعني كده نقصتنا واحد ..
مبروك يا صديق ..
بس عليك الله كان ما غشيت شرفت الحلاوين ..
وخليت صديقي الجميل علي حمد يحضر المناسبة دي ..
وسلم لي على ناس مناقزا كلهم ..
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
النفيس معتصم دفع الله
| Quote: وسلم لي على ناس مناقزا كلهم |
وأنا كواحد من ناس مناقزا بقول ليك الله يسلمك ويعافيك يا معتصم وبالمرة كدي سلم لي على ناس حلتكم قلت لي إسمها شنو؟؟؟
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ بدر الدين
سلام
لك الشكر على التهانى (والامانى)
وان شاء الله كدة نفرح بى ناس اواب واخته واخوه.
تعرف يا بدر الدين طبعا لازم يكون اخر الايام فيها كبكبة وربشة. جيت ارسل رسالة لى المرة يوم الخميس لقيت الرسالة طفشت وراحت لى كمال قرشي. يعنى انا هسع طالبكم رسالة قاعدة عندكم فى عمان ترسلوها لى مع دفع التعويضات بتاعة التاخير لانه كمال قرشي ما برجع من السودان ويقراها الا بعد كم يوم.
لك الود
والف باقة ورد.
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ زول ساكت
سلام.
مشكور على الباقة وعلى التهنئة.
Quote: العريس المعتمد الف مبروووووك ليك ولي الصادق
ولي مناقزا والبويضه والعتمانه
وان شاء قريب تبقى كم طويييييييييييييل |
تعال هنا انت الحاجات دى جبتها من وين اكيد سرك باتع.
مدد يا شيخ زول ساكت. تحجانا وتنجانا ان شاء الله.
لك الود
والف باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
Quote: تعال هنا انت الحاجات دى جبتها من وين اكيد سرك باتع.
مدد يا شيخ زول ساكت. تحجانا وتنجانا ان شاء الله.
لك الود
والف باقة ورد |
شفتا كيف ايدنا لاحقه يااحمد عثمان
تعال بدري شيل البخرات والمحايه
بيت مال وعيال ان شاء الله
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
مبروووووووووووووووووووك
أها طمئني المسائل مشت كيف أمس أتمنى أن تكون زي ما هو مخطط لها
وربنا يجمعكم حسب الخطة ولك تمنياتي بحياة سعيدة وكريمة يا ولدنا
عاش الحبيب المعتمد .. عاش عاش
عيشاً كريماً مستطاب .. تيرا را را
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ ود قاسم
سلام
لك الشكر على التهانى والمباركة.
وان شاء الله نبارك ليك السمح ولى عيالك الجديد.
| Quote: المعتمد ربنا يسعدك ويتمم ليك على خير ،،، ويجمع شملك مع زوجتك ، ويرزقكم الذرية الصالحة ،، والحلاويين حلوين فعلا ، ولو كنت في السودان لسافرت جريا إلى مناقزة للمشاركة في أفراح الحلاويين بزواج المعتمد ،،، |
ما بتقصر يا ود قاسم وان شاء الله كدة نتلم فى اجازة فى السودان ونتقابل فى البلد السمحة ديك.
Quote: مش مناقزة بلد بروف قرشي ؟
ومش هي بلد المهندس محمد إمام .
ومش هي قريبة للمحيريبا بلد دفع الله الزين ، ومالك أبوسن ؟
ومش هي قريبة من حلة ناس عبد الله مصطفى ، وأخوه الأمين مصطفى ،،،
ومش هي قريبة من شرفت الحلاويين بلد محمد أحمد العجب ،،،
يا زول ديل أحسن ناس .. |
.
بالضبط هى بلد البروف قرشي والمهندس محمد امام.
ما شاء الله بتعرف قامات رائعة من ناس الحلاوين وهم خير سفراء للحلاوين اينما حلو.
Quote: ألف مبروك ...
أيووووووووووووووي |
اها كدة طالبنا زغرودة حارة وان شاء الله نردها ليك على الهواء مباشرة كان فى السودان ولا فى الرياض.
لك الود
والف باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ مهدى الامين
سلام.
لك الود والشكر على التهانى والمباركة.
مشكورين على الليلة الجميلة التى امتعتمونا بها وان شاء الله نستمتع معاك فى ليالي قادمة.
لك الود
والف باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ معتصم
سلام.
لك الشكر على التهانى
ولك الود على ما تقدمه لنا من فرح عبر الانترنت.
وان شاء الله كان ربنا قدرنى ومشيت اهلى اقابل ليك على حمد وكان ما مشيت اوصل ليه التهانى ان شاء الله.
لك الود
ومليار باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخت منى
سلام.
مشكورة يا اختي على التهنئة والروح الطيبة دى.
والله الواحد سعيد جنس سعادة لما داير يطير ما عارف هسع الواحد كدة بعد ما المرة تجى يكون احساسه شنو.
ان شاء الله ربنا يديك السعادة ويحقق امانيك
لك الود
والف باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
العزيز
المعتمد
تحياتى وآلاف التبريكات
وانشاء الله حياة جميلة وسعيدة
والتحية لكل ناس مناقزا وكل الحلاوين الحلوين فعلا
شكلا ومعنى
وعلى طريقة العزيز ودقاسم
مش مناقزا القريبة من مصطفى قرشى
أهل الصدقاء الحلوين
مجدى عبد الله ود. عاصم أحمد على ومحمد الشعرانى
وانشاء الله بالعديل والزين والفال الحسين
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ بدر الدين
سلام.
طبعا امس الربة لى الصباح فى الحلة وكمان كانت فى ربة تقيلة عند ناس العروس. حتى الان انا موعود باربعة شرايط لاربعة حفلات تمت فى العرس. ما تخاف برسل ليك منهن نسخة تقصر بيها يومك فى البلد البعيد داك.
العروس اسمها ما بيبدا بالكاف بعنى لا كلتوم ولا كتيرة.
تحية لكل ناس عمان.
لك الود
والف باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ على الحلاوي
سلام.
لك الشكر يا قريب قريبنا وان شاء الله ربنا يديك السعادة ويهنيك.
شنو يا زول طولت الغيبة كدة؟
لك الود
والف باقة رود
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ ابو ذر
سلام
Quote: تحياتى وآلاف التبريكات
وانشاء الله حياة جميلة وسعيدة |
مشكور على الهنئة والتحية وان شاء الله نبارك ليك السمح
Quote: والتحية لكل ناس مناقزا وكل الحلاوين الحلوين فعلا
شكلا ومعنى |
الحلاوين كلهم بسلموا عليك ناس مناقزا وشرفت وصافية وكتفية وحلة الشيخ والحليلة وبالاخص ناس مصطفى قرشي.
Quote: وعلى طريقة العزيز ودقاسم
مش مناقزا القريبة من مصطفى قرشى
أهل الصدقاء الحلوين
مجدى عبد الله ود. عاصم أحمد على ومحمد الشعرانى |
بس ياها ذاتها والله كتلتها كتلة. اتاريك عرافا فى الرقيبة.الشباب ديل انا ما اتشرفت بمقابلتهم ولكن بعرف اخوانهم ومن شابه اخاه فما ظلم واخوانهم ما فيهم كلام.
| Quote: وانشاء الله بالعديل والزين والفال الحسين |
وان شاء الله نبارك ليك انت كل ما هو جميل وسعيد
ولك الود
ومليون باقة ورد
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
المعتمـد،،
الف الف الف مبروك الزواج ..
ربنا يجعلوا بيت مال وبلـتون عـيال
والله انت رجـل تستحـق كل الخـير ..
وربنا يجمع شملكم في القريب العاجـل
ويأخي "نص كم، نص كم" الكحة ولا صمت الخشـم
برضو احسن من غيرك، العزابة "الكـت" ما لاقينو
| |
|
|
|
|
|
|
|
|
|
Re: المعتمد عريس نص كم (Re: المعتمد)
|
الاخ وليد
سلام
Quote: الف الف الف مبروك الزواج ..
ربنا يجعلوا بيت مال وبلـتون عـيال |
الله يبارك فيك ويديك العافية.
Quote: والله انت رجـل تستحـق كل الخـير ..
وربنا يجمع شملكم في القريب العاجـل |
امين ان شاء الله وعقبال عندك انت.
Quote: ويأخي "نص كم، نص كم" الكحة ولا صمت الخشـم
برضو احسن من غيرك، العزابة "الكـت" ما لاقينو |
هى مرحلة من مراحل الحياة لا بد منها وان كانت الظروف تضطرنا فى كثير من الاحيان لتاخيرها ولكنها مرحلة مهمة بمكان بحيث يجب التفكير فيها دون وضع اى عقبات وقيود مادية واجتماعية لان الزمن لا يمكن ان يعوض. والحمد لله ربنا وفقنا من المرور الى الحياة القادمة وعقبال لكل العزابة ان شاء الله.
لك الود
والف باقة ورد
| |
|
|
|
|
|
|
| |
المعتمد
حمد فتح الرحمن
مريم بنت الحسين
عاطف عمر
بدرالدين شنا
زول ساكت
عبد الحميد البرنس
ودقاسم
mahdy alamin
معتصم دفع الله
Muna Khugali
أبوذر بابكر
waleedi399
المسافر
يمكن البنية تكون رضية وهنية وتحلى ايامك 
فيس بوك
تويتر
انستقرام
يوتيوب
بنتيريست