|
Re: لأول مرة منذ خمسة وعشرين عاما ،، ودقاسم ،، عزّابي (Re: Yasir Elsharif)
|
الاخ/ودقاسم تحياتى وسفراوعودا حميدا لاسرتك ان قطار العزوبية من نزل منه من الصعب ان تعوداو تتعود له بسهولة تبدا مشاكلك من اول الصباح وانت صاحى من النوم تحس كانك كنت نائم فى صحراء تفقد دفء اسرتك وتنظر لاطفالك وهم نيام وتغطى من يحتاج للغطاء من الصغر واحيانا تتحرك بحذر حتى لاتوقظهم . بعد انتهاء وقت العمل يكون هاجس العودة للمنزل ضعيفا عند عودتك للمنزل تحس كانه مقابر من صمته ترتمى على اقرب كنبة اوسرير لاتوجد رغبة حتى فى تغيير ملابسك مهما كنت مرتبا سوف تعم الفوضى ماحولك فردة الجزمة بالمطبخ والحلة تحت السرير والجلباب ملقى على الارض لمدة ربما اسبوع
وتعزى نفسك بزيارات والزيارات مهما كانت هى مجرد برنامج مهما كنت اجتماعيا رغبة انت تكون لوحدك هى الاقوى الطعام والاكل مهما اكثرت من الملح والتوابل تجدة ماسخ جدا هذا ان تحمشنت ودخلت المطبخ تعمل حاجة تاكلها طبعا دا بعد ما حلل ام طلال تنتهى اذا ماضربت ليس هناك رغبة فى زيارة المطاعم ان كنت متعودا على اكل المنزل كمية من الكسل تنتابك مهما كنت نشطا
فاتورة تلفون ضخمة جدا عزاء مع الكيبورد ثم ملل تفتح التلفزيون الرموت لايفارق يدك طوال جلوسك امامة ماتقول دا كلام وليدات صغار
هذه خلاصة تجربتى مع العزوبية العابرة التى لن تتكرر فقط قام بجماعته ونزل بجماعته ولكن الظروف بتحكم ربنا يخليك اسرتك واسر الجميع
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
العزيز د.ياسر ابننا أحمد أبوقوتة الصديق صلاح الدين عبد الله لكم التحية والشكر لمواساتنا ، وتمنياتكم الطيبة لنا وللأسرة ،،،
هناك سيسأل الكثيرون أولادي : أبوكم حا يجي متين ؟ وأولادي يعلمون أن الرد لن يوقف سيل الأسئلة . والله السنة دي ما جايي خالص . كيف ؟ مالو ؟ لا مافي مشكلة ، بس هو ما عايز يجي . ما أدّوهو إجازة وللا شنو ؟ لا والله هو عندو إجازة بس مسافر بلد تاني . ده ياتو بلد ده ؟ والله لسة نحن ما عارفين . وكل إجابة تسحب وراءاها عددا من الأسئلة ، وتتوالى الإجابات ، وتتبعها الأسئلة ، وكأنها دائرة شرّيرة ، يدخلها أولادي وأمهم ، ويفقدون بسببها جزءا كبيرا من وقت إجازتهم ..
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
ود قاسم الحبيب
باين حتنضم لناس معتصم وتشوف غذاباتهم ومعاناتهم كيف اجازة سعيدة اتمناها للحبيبة ام طلال المرأة الحنونة التي تقابلك وكانها تعرفك سنين فتحس بالامان عندها وتذكرك بطيبة اهلنا الاصيلين - مثال للمرأة السودانية التي تماسكت ولم تؤثر غبار الغربة على اصالتها
والله ليك حق تبكي عدييييييييل وانشاء الله ربنا ما يفرقكم من بعض
اسالني انا من الفراق.. زي ما قال ابو جهينة- ربنا يطراه بالخير - لا تشكي لي أبكيلك
تحياتي ود قاسم ومودتي
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
حمزاوي عميد العزّابة سلام كثيف ،،، كيفك من سهرة الخميس مع حبيب بلدو والنوبيين وإيقاعاتهم الساخنة ... بختك يا عم أهو لقيت ليك زميل في العزوبية ..
الغالية أم سهى لك التحية وربنا يجمع الشمل ، ويعود زهير سالما معافى ، وترجع فوزية لتملأ البيت كما كانت ،،، ( يعني كلنا في الهوى سوا ) وشكرا لك على هذه المشاعر الطيبة ،،، وإن شاء الله نصمد أمام كل تيارات العاطفة وعواصفها ،،، بس طبعا البهدلة لابد منها ،،،
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
الخال الحبيب
يرجعو بالسلامه
واول حاجه بتعرف تعمل الحله
ودي ليها نكته
في برنامج في تلفزيون دبي كان عن الاكل السوداني اتصل واحد مواطن وسال اسامه السيد عن هل بتعرف تعمل طبخة الحله السودانية والسبب انو كان بيمشي لي عزابه سودانين وسامع الحله
فانت هل بتعرف تعمل الحله
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
يمشوا ويرجعوا بالسلامة يا عمو ود قاسم... انا برضه بعاني من نفس التجربة.. لأول مره أكون في بلد والجاح والجاحه في بلد آخر... يمكن حصلت لما كنت بعمل في الماجستير .. لمدة أربعة شهور.. لكن وقتها كنت مشغوله لدرجة اني ما لاحظته كتير.. حسي اشيل واتكلم مع الحيطان.. لكن انا محاولة آخد الأمر بصورة إيجابية... عارف كيف؟ بحاول أعتبر ده وقت لنفسي.. وقاعده أعمل في أي حاجه نفسي أعملها .. وما كنت لاقيه ليها وقت... وزيك كده.. ما عندي رغبة أمشي السودان.. وما شغاله اساساً.. بس انا عندي أسباب حايماني ...
Quote: باين حتنضم لناس معتصم وتشوف غذاباتهم ومعاناتهم كيف |
أم سهى.. سلامك وصل ... وقلت "للرسول" البلّغ الوصية واداني الخبر الحلووووووو بتاع نجاح العملية اني بكره حأعمل اللقيمات... كرامه وسلامه...
عمو ود قاسم... رجعه تانيه.. ناس معتصم والشباب ديل منتظرين أم رقيقه بتاعتي... دحين نعمل حسابك معاهم؟ ..
بنت الحسين
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: سجيمان)
|
العم / ودقاسم لك التحيات مارِس الفوضى في اليوم الأول .... واستمتع بوجبة (بالمايونيز والكتشب ) في اليوم الثاني .... ونام بدري في اليوم الثالث ... ومن ثم أبدأ في الترتيب .... والبحث عن المفروك .... وسهرة مع النت أو فلم أمريكي .... وسيبدأ الملل والهواجس والشعور بالوحدة ... .... وخذ إجازتك وسافر الحقهم فهذه البلاد ملحها ( عيالك جنبك ) والله يعينك ... وزي ما بيقولو أهلنا ( قبلك ووحدك ) ......................
ربنا يرجعهم ليك بالسلامة
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
الأعزاء والعزيزات قرجة abas بلدي يا حبوب نادية مريم سجيمان عمران مساء أمس سافرت الأسرة ، وودعتهم في المطار ، ثم انتظرت حتى رأيت الطائرة تقلع وترتفع في السماء ،،، وكان هناك العديد من الأسر السودانية ينتظرون ويودعون وآباء وأمهات يرسلون فلذات أكبادهم إلى الوطن ، وهم لا يملكون إلا أن يتابعوهم بدعواتهم ، علّ الله يحفظهم ويعيدهم سالمين ،،، وقد جعلني ابني الأصغر قاسم حين ودعني فخنقته العبرة ، جعلني أنهزم ، وأفكر ألف مرة فيما نحن فيه من الشتات ... ثم آويت إلى البيت ، وحبست نفسي جوار التليفون ، ولما لم يتصلوا بدأت أرسل الرسائل الهاتفية ، وأخيرا جاءني صوت فدوى وهي تقول : خلاص يا بابا الجماعة وصلوا البيت ،،، ربنا ما يشتتكم ولا يفرقكم عن من تحبون ... وربنا يردنا إلى أهلنا سالمين غانمين وبأسرع ما يكون ...
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
Quote: مساء أمس سافرت الأسرة ، وودعتهم في المطار ، ثم انتظرت حتى رأيت الطائرة تقلع وترتفع في السماء ،،، |
اكمل بالاتى فانا اتخيلك:ــ ترتفع الطائرة فى السماء تهبط دمعة ساخنة صمت يلف المكان رغم ضوضاء المودعين خطوات ثقيلة فى اتجاة العودة الى سيارتى اين سيارتى ؟ لااجدها يبدو انى دخلت الى موقف سيارات غير الذى به سيارتى
اكمل حتى انقضاءاليوم الاول
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
الحبيب ابوطلال لك خالص التحيات وينك مختفى خاصة بعدبدايات التحالفات الجديدة والوضع السودانى الجديد انتو اعرضوا ونحن بننتظر الدور وربنا يخلى الحفلة تستمر ما تجوط . ربنا يعود الاولاد بالسلامة ونحن قد سبقناك منذ شهروالان الجرح بدأ يبرا الله يصبرك حالة صعبة شديدخاصة لما تخت راسك فى المخدة انا ما داير اهول ليك الامور ولكن فراق الاهل قطعة من نار ربنا يخفظهم والسودان هذه الايام جو حلو شديد. متى نراك بعد سفر الاحباب ارجو الا تطول الغيبات ساحات كثيرة منتظرة الى اللقاء ابوالصادق
| |
|
|
|
|
|
|
Re: لأول مرة منذ خمسة وعشرين عاما ،، ودقاسم ،، عزّابي (Re: ودقاسم)
|
ده اليوم الدايرو ليك يا ود قاسم ..مبروك عليك..
بتذكر قصيدتك السمحة ديك بتاعة رسمة حنتك ؟؟
حاول لحنها في هذه المرحلة الطيبة من حياتك..
دي الفرقة الوحيدة الممكن تلحن فيها ابداعاتك تجاه الطرف الثاني الجميل اب بسمات ورد..
ود قاسم ايها الكريم .. اقدل سااااااااااااااااااي
| |
|
|
|
|
|
|
|