|
الطريفى زول النصيحة ... وعلى كيفكم !
|
بسم الله والصلاة والسلام على رسول الله .. صباح الخير وصباحات الله بيض يا جماعة ... بالجد عاوز اتكلم معاكم بامانة كدا وبدون ضيق نفس ولا نظرات ضيقة ، يعنى وسعو المدارك وظنو بمقالى دا الخير ... يا جماعة حقو نعترف اننا شعب وامة ما بتحب النصيحة ويعنى بالعربى كدا عاوزين بس نسمع نفسنا ونشوف نفسنا صاح على طول ولو كنا غلط ... و لو عاوز تبقى شقى فى وسط بتاع سودانيين ابقى واضح وعديل ودغرى وما بتملس الكلام وتضاريهو وتغطغط فيهو طوالى مشاكلك تكتر والمن السما تشيلها يا حبة . هسة شوفو جنس القومة والناس الهاجت وماجت على محمد محمد خير لمن مشى ابوجا وكتب مشاهدات عن حركات التمرد فى دارفور شبكوه ليك عنصرى وبتاع فتن وانو ما قال الحقيقة رغم انو الراجل جاب من الاخر وختاها للناس رج كدا وما كان غلطان لمن قال واكد فى كلامو انو الحركات المسلحة فى دارفور حركات قبلية - وقبيليتن بس كمان - ودى حقيقة اى زول عندو راس وبيشوف وبيسمع بيدركها لكن برضو هجتو على المسكين وطلعتو زول فى السوق الحكومة لحستو (بيت ) بعد وساطة من كمال حسن بخيت ! وقبال محمد محمد خير كتبت الصحافية سلمى التيجانى فى قصتها بتاعة ملالات ابوجا ديك وهاج الناس ونعتوها ليك بشنو وشنو ما عارف - كويس انو فى بعضهم اعتذر ودا مسلك حميد - واليومين دى وما عودة قرنق والحركة الشعبية للخرطوم ظهرت كمان افعال واحداث حقيقية وتقع فى الخرطوم ... الكتبو اسحق ولا بعض الناس هنا فيهو شى حاصل ... بعض الاخوة الجنوبيين ضربو الناس فى الشوارع وبقو (نار منقد ) الواحد بقى متردد يقول للزول منهم ازيك يركب فيك سكين وشخصيا وامس القريبة هذه رايت بعض المواطنين يعملون كحرس متطوع مع بعض الفتيات وكبار السن قبالة ملاعب الكمبونى وفوال ابو العباس بعد ان تحرش بعض الاخوة الجنوبيين ببعض الفتيات وبقسوة والفاظ نابية ولو لا تدخل بعض احد كبار السن - اظنه سلطان - من احد ابناء النوير وزجره للشباب الهائج لوقعت مشاجرة لا ادرى كيف كانت ستنتهى ، هذه احداث وحقائق ووقائع تجرى الان ولا علاقة لها بخط اعلامى مناهض للسلام تقوده الحكومة ولا الجن الاحمر ان هذه الاحداث لها علاقة وطيدة بالاستسهال الذى يدعمها حين يصمت عنها الراى العام فيكرسها ويزيد عنفها من حيث لا يدرى ولو كنتو امناء بصدق وبحق لانزلتم انفسكم منازلها الصحيحة بالعدل فى النقد والتقريع واقول لكم فى هذا المنبر لو ان المعتدى عليهم فى الساحة الخضراء والسوق العربى كانوا هم الجنوبيين لقامت القيامة وعلقت بيانات الشجب والتنديد ولكن حين انعكست الاية صمت الجميع الا من همهمات خافتة وتعالوا برضو لمسالة بيان تكفير كل من يتعاون مع الحركة الشعبية المسكوه الناس وقالو وثيقة على رفض الاسلاميين للسلام عشان شنو شان الشيخ عطية محمد سعيد والشيخ محمد عبد الكريم وكم شيخ تانى طلعوا فتوى ما بالمقابل الشيخ الهدية مشى نيفاشا وقعد مع قرنق وضحك وقرقر ومعاه وفد من هيئة علماء السودان فيهو البروفسور حسن الفاتح قريب الله والشيخ البرعى والبروفسور محمد عثمان صالح واخرون ... ديل شنو ما علماء ورجال دين برضو اذن المسالة اجتهاد ممن افتوا بحرمة التعاون مع الحركة الشعبية لكنو قطعا ما راى جمعى لكل العلماء والطوائف والرموز المهم يا جماعة والخلاصة حقو الناس تتعامل مع الحاجلات دى كلها بالنظرة الموضوعية والمنصفة لكن مش عشان انا معارض ولا شامى الوضع اصم اضانى عن اى حقيقة واحاول اجير اى مسالة عشان اقراها بالطريقة البتريحنى وتكسبك نقطة فى صراعك العقيم مع خصومك صدقونى فى حاجات كدا فى البلد دى وتطورات وقضايا احسن الناس تعاين ليها بشمول وشفافية وحياد كبير عشان ما يجى وقت تقعدو تقولو والله زمان سلمى التيجانى ومحمد محمد خير واسحق احمد فضل الله كلمونا وادونا النصيحة لكن ابينا برانا وحتقعدوا كدا تغالطو وتنظرو وتلفو وتدورو لمن يصبح يوم تقولو يا ريت لو لو كنا اخدنا كلام كتير ماخذ جد او على الاقل قيمناهو وكنا عادلين فى النظر فيهو
|
|
|
|
|
|
|
|
Re: الطريفى زول النصيحة ... وعلى كيفكم ! (Re: محمد حامد جمعه)
|
الاخ محمد حامد جمعة عاطر التحايا فى بوست اخر تناول نفس الموضوع وكتبت
Quote: ياخى الخرطوم دى من زمان فيها جنوبيين وغربيين وشرقيين الاحساس ده غير موجود وتعايش الجميع فيها بسلام وعلاقات اجتماعية فى احسن من ما يكون والعلاقات مازالت مستمرة . |
لا ادرى لماذا اصراركم على هذا الطرح ووضع الامر فى قالب ارى انه غريب حقا !!!Quote: بعض الاخوة الجنوبيين ضربو الناس فى الشوارع وبقو (نار منقد ) الواحد بقى متردد يقول للزول منهم ازيك يركب فيك سكين وشخصيا وامس القريبة هذه رايت بعض المواطنين يعملون كحرس متطوع مع بعض الفتيات وكبار السن قبالة ملاعب الكمبونى وفوال ابو العباس بعد ان تحرش بعض الاخوة الجنوبيين ببعض الفتيات وبقسوة والفاظ نابية ولو لا تدخل بعض احد كبار السن - اظنه سلطان - من احد ابناء النوير وزجره للشباب الهائج لوقعت مشاجرة لا ادرى كيف كانت ستنتهى ، هذه احداث وحقائق ووقائع تجرى الان ولا علاقة لها بخط اعلامى مناهض |
ارى ان المقصود من البوست اعلاه وان كنت خطاء ارجو التوضيح مع تحياتى
| |
|
|
|
|
|
|
Re: الطريفى زول النصيحة ... وعلى كيفكم ! (Re: هشام مدنى)
|
ياخى الخرطوم دى من زمان فيها جنوبيين وغربيين وشرقيين الاحساس ده غير موجود وتعايش الجميع فيها بسلام وعلاقات اجتماعية فى احسن من ما يكون والعلاقات مازالت مستمرة .
المحترم هشام مدنى :
نعم قلت ذلك معلقا على مسالة ادعاء البعض انه مضهد وربما مسترق وغيرها من الترهات وهو مالم يكن قط حادث على الاقل فى المنطقة التى اسكنها والتى تجاور فيها كل اهل السودان
فى هذا البوست انا اتحدث عن ظواهر وتوترات حادثة الان لا علاقة لها باستحقاقات السلام ومن المفترض ان تحاصر وترفض دون النظر لاية اعتبارات من اى طرف وجهة
| |
|
|
|
|
|
|
Re: الطريفى زول النصيحة ... وعلى كيفكم ! (Re: محمد حامد جمعه)
|
الأخ الغالي محمد حامد جمعة إن نصيحةً تكبّرك ،،، هل يمكن أن تأتينا بأمثلة على النصائح المرفوضة والتي تم تقديمها للإنقاذ ،، أم أن الإنقاذ وحدها هي أهل النصيحة ( يعني الطريفي ) والبقية هم رافضي النصيحة ،،، مش قلنا خلاص الأمور تكون واضحة ، ومافي داعي نلف وندور على بعض ،،، ومش قلنا كل ألأمور بقت مكشوفة ، واللعب بعد كد لازم يكون على المكشوف ،، ومش جماعة الإنقاذ كل يوم بيصرحوا تصريحات تؤكد ما كان يقوله المعارضون ( راجع تصريحات وزير الخارجية التي كتبت هنا بالمنبر قبل يومين ) ... منو الطريفي ، ووين النصيحة ، ومنو الأبى النصيحة ؟
| |
|
|
|
|
|
|
Re: الطريفى زول النصيحة ... وعلى كيفكم ! (Re: محمد حامد جمعه)
|
Quote: مع بعض الفتيات وكبار السن قبالة ملاعب الكمبونى وفوال ابو العباس |
الاخ محمد حامد .. عليك الله ابو العباس لس فولو شغال اوع يكون خربو .. غايتو زمان تشم ريحتو من تحت كبري المسلمية ... اما عن الموضوع اعلاه تجدني جاهلا في السياسة وعدم ابداء الراي في شيء لا اعرفه ... لك الود ..
ود الباوقة
| |
|
|
|
|
|
|
Re: الطريفى زول النصيحة ... وعلى كيفكم ! (Re: فخرالدين عوض حسن)
|
فخر الدين ويبدو انك قريبا ستضيف الى قائمة اعداء الرجل والحركة الشعبية الفصائل الجنوبية - فاولينو والتوم دلدوم والبقية - الذين وضح انهم مع الحركة الشعبية على طرفى نقيض وفى حال انفجار ايما احتكاكات بين كل هؤلاء فان على بقية المواطنين ( اكل نارهم بس ) وما يغيظنى ان كثير من الناس والاقلام تدرك هذه الحقائق واضعاف غيرها وتصمت وان تحدثت فانت تقود خطا اعلاميا اسلامويا - بالمناسبة تخريج هذه الكلمة اشتر - وغايتو ... ربك يهون
| |
|
|
|
|
|
|
|