|
|
|
 Re: تمبس -- The Lord of the Songs (Re: THE RAIN)
|
تمبوس رجل جميل يستطيع جلب الفرح لحظة أنقراض الأمل في إنقطاع الحزن
وهو رجل مسكون بالفن يتساقط من حضوره لحنٌ من زمن الإنشاد
وتعتريك نشوة الموسيقى بمجرد رؤية أسمه في صفحات الحضور ...
وتأخذك نورية الأشياء نحو وجهه الضحوك في الزمن العبوس
هو يستحق كل قول جميل ،،، ويالله ياجماعة تمبوس علينا جاي ...
| |
 
|
|
|
|
|
|
|
 Re: تمبس -- The Lord of the Songs (Re: THE RAIN)
|
المطر ..
وجب الشكر علينا نحن..
فما تفعله المزيكا ،، يقوم مقام الكلمة ...
نحن يا مطر دراويش سمع وانت لسان كلمة وشيخ طريقة ونحن حيرانك
بالجد يا مطر لاول مرة احس اني عاجز عن صياغة الكلام .. الكتبتو بيعني لي الكتير الكتير..
وطالما المزيكا في .. خلينا نحشد ليها..
واتحزم يا صديقي واذكر الايام الخوالي ..
فالمساحة مزيكا.. وكلمة..
انا جاهز .. ليك
| |
|
|
|
|
|
|
|
|
 Re: تمبس -- jukebox.asx (Re: tmbis)
|
أستاذنا وواحتنا تمبس إنعم بهطول المحبة بقدر السكون الذي منحتنا بلا منة ولا كلل من إسترقاقنا النظر ومن صمتنا الأسير بإختياراتك المتصاعدة دوماً..
سأعود برواقة إن شاء الله
وحتي ذاك الحين ركز علي الأغنية الثالثة .
و معذرة علي إختيار الرقم 13 المخيف علي ذمة أفلام هوليوود ...
وشكراً للمطر .
| |
|
|
|
|
|
|
|
|
 Re: تمبس -- jukebox.asx (Re: filan)
|
العزيز filan
شكرا لك وللمطر دائما.. والرقم طلطاشر على وجه التحديد
لاني بتعامل معاهو بي فهم خاس بتجاوز انو طلطاشر .. بتعمل معاهو كأنو أربعة 3+1
والرقم اربعة بعتقد فيهو كتير ..لانو ليه علاقة بي اربعطاشر..المقرونه عندي بي يوم الاتنين
اليوم المهم جدا في حياتي ..
ما تشتغل بي هضربتي الفوق دي ..
بس عايز اقول ليك انو الملف ده يا فلان قدرما دخلتو في اي مكان ما اشتغل معاي
كدي لما تجي بي رواقه
اديني المفتاح..
ومرحب بيك في البوست ده ..
وفي انتظار عودة المطر
لانو عندو مشكلة تقنية مواجهاهو ليها كم يوم..
محبتي ..
| |
|
|
|
|
|
|
|
|
 Re: تمبس -- The Lord of the Songs (Re: مريم بنت الحسين)
|
طيب النكمل ليك يا مطر ..
هذا التمبس من أسرة فنية متميزة ..
الوالد أستاذ موسيقي في موسيقى الشرطة تخيل بيكون كم واحد تخرج على يديه ..
شقيقه الأكبر موسيقي معروف ومشهور خريج معهد الموسيقى والمسرح ..
من أعمدة أوركسترا السمندل وفرقة وردي الموسيقية ..
وتمبس دا زي ما قلت ليك زول فنان دارس موسيقى يعزف على آلة الجيتار والعود ..
وزي ما إتفقنا إنت كمّل بالكلمات والشعر ..
ونحن بالمزيكا والغناء ..
| |
|
|
|
|
|
|
|
|
 Re: تمبس -- The Lord of the Songs (Re: مريم بنت الحسين)
|
مريم..
يازولة اول حاجه.. احي الروح الرياضية المغيره بيها شكل البورد..
بالتلقائية..
والبساطة ..
والله يا مريم الواحد بيدخل ليك البوست بيفتكر نفسو في السودان..
وفي السودان قاعد جوه البيت..
مالو . يكون في مساحة للدين ،، ومساحة للسياسة والغنا.. ومساحة ( للبلنجات )
لكن ما ممكن كلها تكون نكد .. وحرب ..
علشان كده بلاهي دوزنينا بي الحاجات دي طوالي ..
ومسألة الشباشب دي بتتحله..
..
.
وانا مصوت ليك قبل كده مرتين يا مريم
| |
|
|
|
|
|
|
|
|
 Re: تمبس -- The Lord of the Songs (Re: THE RAIN)
|
عندي اعتراض بسيط حكاية الاقتباس ... داك كله خرافات اما الحبيب ود المورده حقيقه ساطعه وانسان داخل انسان وروح نظيفه وجميله تملاك بهجه ورقي ... ربنا يحفظه لشبابه ولكم الف شكر علي المبادره ومساحات من التقدير والاعجاب للكل
| |
|
|
|
|
|
|
|
|
|
Re: تمبس -- The Lord of the Songs (Re: willeim andrea)
|
أبا ذر الغمام
| Quote: فهو صوفى يبحر الى الأعلى صعودا مع همسات السماء، ويغوص عميقا مع خفقات الأرض |
لقد أنصفت هذا الأمدرماني ...
تخريمة : علاء منصور عندما يكتب يكتب بأسلوب عقلاني و منطقي و يجيد التحليل.
و إن إلتفت إلى اللحن .. فهو من فصيلة (ياني ) و ( زمفير ) و ( خليل فرح ) ..
و إن قام جنو على الغنا ... بيفلفل مكتبة الإذاعة و التلفزيون و يجيب التايهة في الزمن المناسب.
فله الشكر
ولك مثله أضعاف
| |
|
|
|
|
|
|
|
|
|
Re: تمبس -- The Lord of the Songs (Re: filan)
|
العزيز المطر
لك التحايا
هذه الدوزنة ..تكشف عن خامتك قبل الرجل..
وتؤسس لمعاني جميلة ..
تمبس متحف الروائع ..بفتح راحة الميم ..
لما به من ابداع ..فرح.. وروح مرحة..
له كل الود كل الاحترام
| |
|
|
|
|
|
|
|
|
|
Re: تمبس -- The Lord of the Songs (Re: THE RAIN)
|
تمبس ... تمبس ... بسكويت
اسمع لو جات انتخابات انا داير معاك يا زول
الاهم ... مشتاقين لكل شباب الرياض
والغريب ... الكلام الكتبوا الناس فوق دا في محلو لكن كلو ما بعني لي حاجة لو ما نزلت لينا : سنه وزيادة .. كرهتنا .. بجي افلقك انا ....
تحية للاسرة
صداح
ماشفتو خضر يا ساري الليل
؟؟؟؟
| |
|
|
|
|
|
|
|
|
|
Re: تمبس -- The Lord of the Songs (Re: THE RAIN)
|
تقدير وتحايا خضراء
لكل الحاضرين فى إيوان علاء الدين
المشاركين فى إحتفاءنا به
وإعتذار للغياب بسبب لؤم التقنية ومراوغة الوقت
وعودة الى ربى اللقيا وساحة الكرنفال
على وجه الشمس
أقمنا عرش الحلم الأول
عالية عالية
كانت الممالك
على دفء الهمس
أزهر بوح الصمت هتافا
أناخ الحزن رواحله وترجل
خضراء خضراء
أضحت المسالك
على ترنيم الأمس
غنانا القمر وهلل
وتزين ليل الوجع الحالك
| |
|
|
|
|
|
|
| |
THE RAIN
معتصم دفع الله
tmbis
Sidig Rahama Elnour
filan
مريم بنت الحسين
nashaat elemam
محمد حامد جمعه
willeim andrea
ابو جهينة
خدر
waleedi399
فيس بوك
تويتر
انستقرام
يوتيوب
بنتيريست