|
عملية بيع الوهم في انضمام (القري) و (المدن ) في السودان (للمؤتمر الوطني)!!
|
لقد ظللنا نسمع طيلة سنوات الانقاذ العجاف بان الكل مع الانقاذ ما عدا الخونة و المارقين و الخوارج و اليهود ...الخ , و ها نحن نسمع الان بان القرية الفلانية بأكملها قد انضمت الي (المؤتمر الوطني) و ان المدينة الفلانية عن بكرة ابيها او امها قد التحقت (بالمؤتمر الوطني) ... هذا بعد ان سمعنا بانضمام احزاب (للمؤتمر الوطني) في الفترة السابقة ... سؤالي للناس هو ما هذا الهردبيس يا عالم؟
|
|
|
|
|
|
|
|
Re: عملية بيع الوهم في انضمام (القري) و (المدن ) في السودان (للمؤتمر الوطني)!! (Re: برير اسماعيل يوسف)
|
العزيز برير
التعبير الجاري لوصف الهوس دا في الخرطوم هو خم الرماد،، و الخم دا بخموا بيهوا ناس و قروش و اراضي لتكبير الكوم استعدادا للتغييرات القادمة. المؤسف انهم بسخروا كل امكانيات الدولة لهذا العبس و جماعتنا البجهزوا معاهم للفترة الانتقالية ما جايبين للدنيا خبر بل بالعكس في واحدة من نوع المسرحيات الهزلية دي علي عثمان بتكلم مع تجمع قبائل في دارفور قال ليهم اننا حققنا السلام مع الحركة الشعبية و الان جبناهم معانا عشان نأكد ليكم الكلام دا و فجأة الموضوع اتحول لمبايعة كل قبايل دارفور للمؤتمر الوطني!! و ناس الحركة ولا عليهم. غايتو محن و الاختشوا ماتوا و كدي النشوف الحركة و التجمع بعملوا شنو بعد يوم 9 يوليو.
| |
|
|
|
|
|
|
Re: عملية بيع الوهم في انضمام (القري) و (المدن ) في السودان (للمؤتمر الوطني)!! (Re: عبدالماجد فرح يوسف)
|
الأخ برير
لك التحية
تصور واحد يقيف يعلن - دون أن يرف له جفن - انضمام قبيلة بكاملها للمؤتمر الوطني . وبعد يومين تجد بيان من أبناء القبيلة نفسها معلنين انضمامهم للعمل المسلح أو تكوين جبهة مسلحة ضد نظام الجبهة القومية الإسلامية . وناس الانقاذ مصدقين بيعة شيخ أو ناظر القبيلة لهم رغم علمهم المسبق بأنه قد يكون خليفة أو خليفة خلفاء لهذه الطائفة أو تلك . ويا برير حبال الليل الممدد قصااااااااااار والأيام مناجل .
| |
|
|
|
|
|
|
|