|
|
 هـــل مـا أزال مقـــيمُ بينكم ؟ ..
|
أحبتي في هذا الوطن ..
التحـــيات النضرات ..
حوالي الشهرين من الزمان أو أكثر لم تسقني خطاي إلى هذه الديار لظروفِ خارجة عن إرادتي ..
لم تكن بيدي ولا بيد عمر ..
لم يغب عني هذا الوطن فقد حملته بين جوانحي إينما حللت ..
وها أنا أعود ويقيني أنني أعود لبيتي وأهلي ..
وقد فاتني الكثير من الأحداث ..
وكانت هناك الكثير من الأفراح والأحزان ..
أقول لكل صاحب فرح وعرس ألف مبروك ..
ولكل صاحب حزن ربنا يتقبل موتانا وموتاكم ..
البركة فيكم وفي الجميع ..
محبتي الخالصة ..
|
|
 
|
|
|
|
|
|
|
 Re: هـــل مـا أزال مقـــيمُ بينكم ؟ .. (Re: معتصم دفع الله)
|
مراحب معتصم
الحال من بعضو
مثلك ساقتني خطاي لمنافي جرداء من كي بورد ولكنها كانت مليئة بفئران الوحشة وفيروسات الرتابة والروتين وربما قدومك كان دعوة لنا بظهر الغيب أو لنفرش لك بساط من الذاكرة الممتدة بجميل عطاءك السابق .
نعزي معك كل من فقد عزيز
ونهنيء كل من فرح بلحظات او دهور سعادة
و للجميع التحية
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: filan)
|
الحبيب فلان ..
والله ليك وحشة ولذاك الزمن الجميل ..
أصابتني لعنة الكيبورد مثلك فكان الإبتعاد لحين ..
لو كنت أعرف أن دعوتي هي حضورك الجميل هذا لإستعجلتها من زمان ..
شكراً لأنك هنا ..
وألف مرحب بهذه العودة الجميلة ..
دم أخي ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: حمزاوي)
|
ود دفع الله
| Quote: لم تكن بيدي ولا بيد عمر .. |
يا أخوانا عمرو دة كناية عن عصابة عزابة الرياض. لذا لزم التنويه
| Quote: لم يغب عني هذا الوطن فقد حملته بين جوانحي إينما حللت .. |
دي ما عاوزة كلام .. فأنت معجون بهذا الوطن السايبري ..
| Quote: وها أنا أعود ويقيني أنني أعود لبيتي وأهلي .. |
حللت و نزلت ..
أنا أعتبرها إستراحة محارب و إتكاءة بين خطبتين.
واصل
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: ابو جهينة)
|
أستاذي أبوجهينة
أها دا مربط الفرص عزابة الرياض ..
ديل ياخي يضيعوا الزول عديل كده ..
كان ما ودرو روحو كلو كلو ..
نحن من نستمد منكم كل هذا الجمال ..
وكل هذا العطاء ..
وعلى خطاكم نسير ..
سعيد أنا لأنني هنا بينكم ..
أرقد عافية ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: THE RAIN)
|
يا مطر العشم ..
يعني دي معاقبة مع سبق الإصرار والترصد ..
أها أنا حا أجيب ليك كل الناس الحلوة دي ..
رأيك شنو ؟
بس الملف العلاقي دا ما كتير شوية ..
أخاف ينقطع عشان ما حا يشيل كل الناس الجملين ديل ..
دم أخي وصديقي يا مطر ..
وخليك هنا معانا ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: زول ساكت)
|
عباس الزول الحبوب
يكفي هذه الزغرودة الجميلة ..
سعادتي لا توصف وأنا بينكم الآن ..
ما تشيل هم من ناحية الدروس حا تكون خصوصية غير مدفوعة ..
شكراً جميلاً ..
والأغنية أعتبرها وصلت وأنا سمعتها ..
لك خالص مودتي يا قريبي ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: معتصم دفع الله)
|
الحبيب معتصم دفع الله ..
انت اصـلك فـينا باقـي ..
مهما طال زمـن اغترابـي ..
اصلي راجـع لـي ديـارك ..
مامصـيرو الحـي بلاقــي ..
مرحب بعودتك سالماً غانماً بعد غياب طويل عن هذه الديرة التي ظلت تشكو الحرمان والهجر واللوعة وأهلها ..
كـن واثقاً أيها المعتصم الغالي .. أن نوائب الزمان لن تبدلنا ابداً، وانك كنت ولم تزل وستظل مقيماً فينا وبيننا إلى دونما إلى ..
عـوداً حميداً مســـتطاب .. معـتصماه
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: غادة نصر)
|
لقد دخلت ظلالك ايها المشتول فينا
عيوني ليك
لك روحي ايها المشتول فيني
الشقى المكتوب حروفك يا نداي
عذرا لانقطاع التواصل
صورتك محفوره في جواي حفر
انها حمى الشوق
انه التوق بعينه ثم ترحيل الغمام
و
انا بيك صلاتي مع النجوم ..
جوا الجوامع ..في الكنايس..
ارتل الطين .. واشهد ان الله حق..
اتوضى بيك ..
شان الله بس يسمع دعاي ....
حتى لو رجع الدعا....
معناهو بسمع صوت صداي ...
ضايقو كما المشروق هو بيك ..
متوسدك .. مدفون معاك...
يوم اتولد..معناها تاوق لي سماك...
بنفي الشهيق جواي ..واتنفس هواك...
اتهجدك..واستغفرك بس اغفر اوزار القراك...
نفسي يوم تفرد خطاك ..
واتغطى بي طيفك معاك ...
واترتلك..
واتشقا انهار في رباك...
و
الله جابك شان اتوب..
يامعتصم
شقيقى الاكبر..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: معتز تروتسكى)
|
كل الحروف تسبق خطاي ..
عشان تجيك ..
غنوة وفال ..
زغرودة فرح ..
سايقني الحنين ..
يحملني ليك ..
يا زول هناك ..
متوسد المطر العشم ..
راجي الهطول ..
في الأرض اليباب ..
وأنا بيك ..
واقف هناك ..
أتحدى الصعاب ..
أهتف بإسمك ..
وأنادي ليك ..
وأنده وأقول ..
إنت الحبيب ..
في كل ساعة هم يطول ..
ما أنا أصلي بيك ..
معتز شقيقي الأصغر ..
مشتاق ليك حد الشوف ..
سأنتظرك عند منتصف القلب ..
| |
|
|
|
|
|
|
|
|
 Re: هـــل مـا أزال مقـــيمُ بينكم ؟ .. (Re: Omayma Alfargony)
|
حبيبنا وعزيزنا : (( أبو الدفاع ))
يأخوانا ادونا فرصة اشوف الراجل ده كدي شوية كده زح رجلك ياحمزاوي
عشان ابقي لي جوه شوية يأخوانا الزحمة دي شنو الراجل ده ماكان في فترة
نقاهة وبس وانا عارفه ما بخون العشرة الحلوة
وخاينة العشرة جليته
مرحب بيك حبيبنا معتصم وعوداً حميدا وسط احبابك وعشيرتك
وبالنسبة للأقامة انا بتبرع ليك بالفحص لوووول ....
مع كل الود والأحترام ليك يارائع
((اصلي لمن ادور اجيك بجيك لا بتعجزني المسافة لا الظروف تمسك بايدي ))
كرمــــــاوي
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: كرماوي)
|
العزيز الغالي كرماوي ..
اصلي بدور اجيك لا بتعجزني المسافة لا الظروف تمسك بايدي
وما أنا إلا إنتو يا الحلوين ..
أفتقدك بشده يا صديق ..
كيف أخون العشرة وأنا ألقاكم وين ..
شكراُ جميلاً لا تكفي ..
فقد كانت أحضانكم دفء لي ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: شتات)
|
صلاح يا إبن عمي ..
ماذا أكتب بعدك ؟ ..
وبماذا أحدث عنك ..
يا سمح الخصــال ..
ستجدني عاجز عن الكلام يا قريبي ..
أو لنقل تواري خجلاً منك ..
سلمت يا صديق المشاوير الطويلة ..
فأنت أخي وصديقي وكل شئ في حياتي ..
دم لي ..
| |
|
|
|
|
|
|
|
|
|
Re: هـــل مـا أزال مقـــيمُ بينكم ؟ .. (Re: Tabaldina)
|
صديقي تبلدينا ..
كم نفتقدك هنا يا صديقي ..
إنه الشوق ..
والوطن ..
سنكون معك عما قريب يا عزيزي ..
نشتاق لكل شبر في أرضنا الطيبة ..
ولكل أهلنا الرائعين ..
Quote: كلو هنا في الجكس والبيبسي والفستو البي ام دبليو والكتاحة والمكيف
والدُش والدِش والجردل والعطالة والإدارة والنوم والقوم والريده بالكوم والردوم.
وبالأقساط كمااااان |
هذا هو السودان نحبه بكل هذه التفاصيل ..
شكراً صالح ..
تحياتي للأهل ..
وللرمال وعروسها ..
| |
|
|
|
|
|
|
| |
معتصم دفع الله
filan
تولوس
humida
ابو جهينة
abuguta
THE RAIN
أحمد الشايقي
زول ساكت
سجيمان
walid taha
Sidig Rahama Elnour
waleedi399
عمران حسن صالح
معتز تروتسكى
Omayma Alfargony
شتات
zola123
محمد حامد جمعه
A.Razek Althalib
فيس بوك
تويتر
انستقرام
يوتيوب
بنتيريست