|
|
 منبر تتلبده السكينة والغباء ولفتات الوداع
|
غابت الدهشة ... العادية تسود المكان ... المنتدي اصبح يقوم مقام الجوابات والتلفونات وايضا الاميلات ..الموضوعات ( تطرح في شكل حمام ميت) لا يكتب له الطيران ... غاب صقور المنبر ... او غُيبوا.. لا يهم فسيان الامر ... اذا كانت النتيجة واحدة ...حصة الانشاء ( السخيفة ) اكتب عن الربيع : هو فصل جميل ياتي كل عام فتزهر الورود وتخضر الاوراق نقطة سطر جديد ويكون النسيم عليلا ... النتيجة اربعة من عشرة انتبه لعلامات الترغيم او الترقيم ولا تكتب اقل من مائتي كلمة ...الحوار
ما هو الحوار ..!! النقاش ؟؟ الكل متربص .. قد يجوز .. موضوعا ناريا يغير شكل المنبر يخرج الي السطح كتابا جدد ذوي مواهب كامنة .. اراء حادة ..مفاجئة .. مواقف صلبة صامدة علي المبدأ والروي ... هذا من الذكريات ..
الركوض ... المنظر هو نفس المنظر .. كانه ديكور استديو برنامج الرياضة الذي لم يتغير منذ ان كان يقدمها طه حمدتو .. افتح الصفحة الاولي .. الموضوع الوحيد الذي يشدك عنوانه وكاتبه هو ( المتواجدون الآن) وثلاثة تحديثات للمنتدي وبعدها الانتقال الي منبر اخر او الي جريدة سيارة كتب لها ان تكون اثيرية .. او الي مراجعة الاميل بعد ان كان يقوم المنتدي مقام قهوة الصباح وكوب شاي اللبن المقنن .. وللِكيفة سجارة الصباح ...
موضوع دارفور هو موضوع دارفور قتل حوارا الي ان (انسحك) وهدأ وصار اغبشا والنتيجة النهائية عدآت شخصية وبضع مرافيد وما يزال البعض يكتب عن دارفور ولكن الموضوع لا يشد كاتبه ... رحم الله الخاتم وكتابه ..
الرائع الي الفاتيكان .. المبدع كتبت له السلامة بعد نجاته ..سلامات صديقنا..مرحبا بالعزيز ..الميدان بتقراها؟؟ الميدان الشرقي لجامعة الخرطوم؟؟؟ ولا قصدك شنو؟
عاجل وجدا وجدا هام بخصوصنا ..مدرستي يا مدرستي اشيل فطوري واجري اجري تحت الكبري القديمة المؤتمر الشعبية الجديدة الاهلية والشارع فاتح في بيت ست الكسرة ..
المنبر العام .. كان حر لمن مر .. بقي عام ..عام ساكت ..
المنبر نشف .. يبس .. تك حيتكسر ..
دايرين زول شوات وفنان في الضفاري ... يخت الرحمن في قلبه ويصرجها لينا ..
وبسم الله ..
|
|
 
|
|
|
|
|
|
|
 Re: منبر تتلبده السكينة والغباء ولفتات الوداع (Re: Mohamed Suleiman)
|
Quote: والنتيجة النهائية عدآت شخصية وبضع مرافيد وما يزال البعض يكتب عن دارفور ولكن الموضوع لا يشد كاتبه ... رحم الله الخاتم وكتابه ..
x |
يا خي أنا زمان قلت ليك لو رجعت ليك زولك دا بتدفع كم؟ وإنت ما هببتو لي.
بطريقتك
عندك خيارين
الأول : إنك تمسح لي شنبي وأرجع ليك الزول دا عشان تضقلوا مع بعض وتباصوها وان تو في خط ستة يا مقددنها.
الثاني : إنو تشتروا مني النك نيم والباص وورد حقاتي ويخش بيهو فردتك داك. نأنو أنا عايز أبيع الكمبيوتر حقي.
أها قصرت معاك؟؟؟
ويتبعني سنور الكيمياء
| |
|
|
|
|
|
|
|
|
|
Re: منبر تتلبده السكينة والغباء ولفتات الوداع (Re: اساسي)
|
اساسـي هـذه واحـدة ..
| Quote: غاب صقور المنبر ... او غُيبوا.. |
أمـأ الاخـــرى ..
| Quote: دايرين زول شوات وفنان في الضفاري ... يخت الرحمن في قلبه ويصرجها لينا .. |
طيب يا اساسي ما كان عندكم لاعبين محترفين ومعروفين لدى الجميع ..
الصريج حقهم والضفاري لا اله الا الله .. ضفر شديد ..
ومعرفة الوصول لشباك الخصم تخصصهم في ثواني تلقاهم جابوها في التمنيات ..
عموماً ضاعـوا .. او ضيعــوا ثم طالهم الشطب ..
هسع بقى يدوروا في الهواة .. والكورة الان في ملعب بكــري .. ماذا سيقرر؟؟؟
| |
|
|
|
|
|
|
| |
اساسي
خضر حسين خليل
Kostawi
Mohamed Suleiman
حمد فتح الرحمن
waleedi399
عبد الحميد البرنس
معتز تروتسكى
.
ترهاقا
فيس بوك
تويتر
انستقرام
يوتيوب
بنتيريست