|
عاجل: احتراق طائرة سودانية بمطار الخرطوم ووفاة 5 ركاب
|
احترق الجانب الايمن لطائرة سودانية تابعة لشركة المجال
وهي تهب للاقلاع قاصدة مدينة الفاشر
وكان الطائرة بها 35 راكبا اضافة الي افراد طاقمها الذين نجوا
اما الركاب فقد توفي منهم 5 وجرح البعض والاغلبية بخير
وكفانا خصخصة وشركات قطط سمان ولعب بارواح المواطنيين
كفي كفي كفي
|
|
|
|
|
|
|
|
Re: عاجل: احتراق طائرة سودانية بمطار الخرطوم ووفاة 5 ركاب (Re: فخرالدين عوض حسن)
|
اخ وتاني اخ واخ طالما ما في اي جهات تخصص تحاسب بشده علي المعاير والمواصفات والجوده واجراءات السلامه الخ .... وكل في مجاله التخصصي فالحكايه عباره عن زريبه كبيره وكل حسب مقدراته البعيده كل البعد عن مجال الاختصاص... والحقيقه ان الطيران هو امن وسيله للنقل اذا طبقة فيه الارشادات حسب الكتلوج ... ولا مجال للوساطه والمحسوبيه ..... والا الكل يحاسب حتي الطيران المدني كجهه ذات علاقه .... اعلان تلفزيوني شركة ....... الاحسن(the best) والزبون اولا شعارات ترفع من الناحيه التسويقه ولكن اتمني ايضا ان تحاسب بشده وبيد من حديد في حالة التقصير ......ربما تنقصنا الخبره في هذه المجالات او العدديه المؤهله الخ الخ .... كل هذا لايشفع ان يتعرض المسافر لاطماع المشغلين او اصحاب الشركات ذوي النظره الضيقه ... اللهم استر علي العباد ... امين يارب العالمين
| |
|
|
|
|
|
|
Re: عاجل: احتراق طائرة سودانية بمطار الخرطوم ووفاة 5 ركاب (Re: jini)
|
أهلاً يا شباب وطولنا منكم غصباً عننا الخبر الأكيد إنو الطائِرة دي ماشة الفاشر وفيها 43 راكِب ولحدي هسة ماتوا ستة والباقيين معوقين بصورة متفاوتة ومعظمهم حروق بسيطة لأنو الطائِرة إتحرق جُزء منها وفي منهم مجموعة مقدرة كويسين جداً وما بهم شيء إلا الزهللة والخُلعة - لأنو تمرق من حادِث طائِرة دي مسألة الزول ما بصدِق إنو تحصل ليهو . على العموم المصابين الآن بمستشفى الشرطة ومستشفى الخرطوم - حوادِث وبعضهم بخير جداً جداً وحمداً لله على السلامة ... وزي ما بقولوا ناسنا الأصيلين قدر أخف من قدر ... وربنا ستر
هذا مع تحياتي وودي
| |
|
|
|
|
|
|
Re: عاجل: احتراق طائرة سودانية بمطار الخرطوم ووفاة 5 ركاب (Re: ALGARADABI)
|
عزيزي القادرابي
كل الود والتقدير
وتمشي وترجع بالسلامة انشاءالله
عموما:
لو كنت مسافر بسودانير الوصية ضروري
انصحك ونفسي بالاماراتية والبريطانية واللوفتهانزا
ارواح الناس عند الجماعة ديل عندها قيمة
وهنالك شركات تامين
واعلام
وسوق عالمي
ومنافسة حامية الوطيس
ولله درك يا وطني
وملعون ابو الانتينوف وكان غورباتشوف والحلوف
| |
|
|
|
|
|
|
|