|
Re: انظروا ماذا فعلت العضوة شيري !!!!!! (Re: NASERELDIN SALAH)
|
شيرى دى قدر مااقول امسك اطياف هترشتها بيدى القاها طارت مع العصافير المهاجرة !!
البت دى كائن من الزمن الحلو وهترشتها مدرسة بدون داخلية !!
بحبها جدا رغم انو مالمانا باب نقعد وراهو ونتاكيهو !
ولاشربنا الشاى ولاكرتعنا الموية الساقطة !!
بس ببارى هترشتها بين البوستات واقول الحمد لله البت قاعدة والباب ممكن يتقفل عشان ماتطلع ولاتطفش تانى !!
وارجع بعد شوية الاقى الباب الكان متاكى مفتوح على مصراعيه وكباية الشاى بتاعة شيرى مجدوعة فاضية بعد ماالهم كرتع الشاى بدلها !!
دائما شيرى بتختفى اكتر من مابتظهر ...وده البزود علينا الهترشة فى لحظة افتقاد المهترشة !!
ياشيرى ممكن ترجعى عليك الله ؟!!
والشكر اجزله لصاحب البوست الرائع ..
| |
|
|
|
|
|
|
Re: انظروا ماذا فعلت العضوة شيري !!!!!! (Re: NASERELDIN SALAH)
|
والله ياجماعة ناس كتيرة فقدناهم على راسهم شيري طعم البورد اختلف من زمان يمكن مع توافد اعضاء كتير جدد، وطبعا مش القصد التقليل من شأن الاعضاء الجدد بل بالعكس لكن في فقد وحنين للناس القدامى اللي اختفوا يعني ناس دفعتنا والدفع الورانا
واهلا بالجديد برضو
بس ياناس زمان تعالو تاني وما تختفي ياشيري ووووووووو...........
دمتم
| |
|
|
|
|
|
|
Re: انظروا ماذا فعلت العضوة شيري !!!!!! (Re: NASERELDIN SALAH)
|
الاخ نصر الدين صلاح ..
تحياتي ..
شيري دي ما آخر شعاع .. شيري دي البنت الحديقة ذاتها راسمه الوان في بريقها .. واضعة للناس الطريقة .. وللعصافير اغنيات
Quote: بس ياناس زمان تعالو تاني وما تختفي ياشيري ووووووووو...........
دمتم |
هوزي .. حلاوة العودة بنغنياها في موال .. عوداً حميداً انا برضو بنادي معاك .. ناس زمان ويا حليل زمان .. وسنين زمان
وليد
| |
|
|
|
|
|
|
Re: انظروا ماذا فعلت العضوة شيري !!!!!! (Re: NASERELDIN SALAH)
|
الاخ نصر الدين صلام وكل العزيزين الذين ملأوا حدقات العيون بعاطر كلامهم سلام مربع
ادفع حيائي منكم بيد وبالاخرى امد تقاذمي عسى ان يرتق عيوبي وتقصيري ليتمسح بسمو هاماتكم المديدة
سلمتم كلكم .. واعتذاري للغياب الذي ليس فيه ذنب .. لعن الله الشيطان الرجيم .. اذ انساني اياه .. فنسيت بوصلتي
وسلام مربع تاني بس بعنف متطرف لكل الذين نسيوني
| |
|
|
|
|
|
|
|