|
زرعــــــت ـــــــــ إلى محجوب شريف
|
زرعــت ======= إلى محجوب شريف
ومن زمن الغُنا الأوّل ومن شوق الضنا الطوّل زرعتَ جنينة من آمال سقيتا من الشعِر موّال وبي مطر العنا الهطّال ومازلتَ ... وقاومت الجروح بي فال ومازلتَ ... ومرّت بي رياح في يوم شمالية وفي أيام جنوبية وشرقية وغربية وبرضي زرعت ما كلّيت ولا ملّيت ... ولا في يوم نسيت حبّك وما إتزحزت من دربك وما بمرق من إحساسك ومن قلبك ومن يوم قمت وإتربيت على وترك دوام غنيت على حبل الصبر شبيت وما كلّيت وما ملّيت هواك نسّاني أحزاني وغيرك مافي زول تاني **** ومن سهر الليالي غزلت ليك طرحه مطرزة ليكي بالفرحه وليكي براكِ يا السمحه وقمت زرعت ليك قمحه سقيتا رويتا بي حبي وشلت دماي من قلبي سقيت قلبك بعزك وبلقا في حبّك حنان الدنيا وأزهارا وروح الغنية و أوتارا دعاش الغابة وأمطارا ****** زرعت وشلت شبّالك وكل جميل على بالك جريت جبِتو وما كلّيت وما ملّيت على وتر الوطن غنيت وما هماني لو جنيت بحبك جد وما إهتزيت ---------------- مهندس/ محمد تاج السر علي الشيخ 18/5/2005م
|
|
|
|
|
|
|
|
Re: زرعــــــت ـــــــــ إلى محجوب شريف (Re: almohndis)
|
هكذا يكون الشعر وهكذا يكون النزيف الحق. لله درك يا محمد تاج السر..أشهد أنك ما زلت الفتى المسكون برنين القافية وعطر الحرف المموسق! ويستحق منك ومنا الصديق الشاعر حقاً محجوب شريف مثل هذا الغناء وأكثر.
كانت الجامعة زمانها واحة أدب ومعرفة. تصور يلتقيك بمدرجاتها وميادينها الخضر الفساح في يوم واحد علي عبد القيوم، كامل عبد الماجد، محمد تاج السر وغيرهم من المبدعين ولا يغالبك هوس الإبداع، كيف تحسب نفسك مبدعاً إذن؟
| |
|
|
|
|
|
|
Re: زرعــــــت ـــــــــ إلى محجوب شريف (Re: almohndis)
|
يا لروعتة محجوب شريف الرجل المسكون بحب هذا الوطن متعه الله بالصحة والعافية ..اعطانا فأجزل العطاء ما اجمل ما قاله مهموما يعاتب في نفسة …اخواني ختو الساس انا طوبة ما ختيت ديل من زمن تاتيت لامن كتبت قريت اللقمة والكراس لي قشة الكبريت وتقولي جيتا جيت يا ولدي جيتا جيت حارس مع الفرسان فايت الحدود واسيت وتغني يا مريوم لينا وتجري النم….
الشكر الجزيل للباشمهندسين عثمان و محمد تاج السر
تحياتي غادة
| |
|
|
|
|
|
|
Re: زرعــــــت ـــــــــ إلى محجوب شريف (Re: غادة نصر)
|
ود عازه مره كتب بوست بعنوان لماذا لا يصبح محجوب شريف رئيسا للسودان
ازيد ان محجوب ينتمي الي العظماء ، امثال مانديلا والام تريزا وغاندي
محجوب شيف ولي من اولياء الله الصالحين كما قال ذلك الصفي يوما ما
شكر يا باشمهندس
| |
|
|
|
|
|
|
|