|
Re: يبدو انني من اهل الكهف والرقيم؟؟؟ (Re: abuguta)
|
بل قولي ابلغ انواع الرغامه يا شيري
إذا كانَ سمعُ المرءِ عرضة َ ألسنٍ فما هوَ إلاَّ للخديعة ِ وَ الختلِ رُوَيْدَكَ، لاَ تَعْجَلْ بِلَوْمٍ عَلَى امْرِىء ٍ أَصَابَ هَوَى نَفْسٍ؛ فَفِي الدَّهْرِ مَا يُسْلِي فليستْ بعارٍ صبوة ُ المرءِ ذي الحجا إذا سلمتْ أخلاقهُ من أذى الخبلِ
وربنا يسلمك من اذي الخبل...
ومن يبرقها بالميقابايت والقيقابايت
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
ولماذا يمسي الليل أو يبرد كما فعل الليل ذات ليلة للذكار فدارت بهم كؤوس اللالوب ، فنحن في عصر أصبح صبحاً ومعظمكم أعزائي تدخلون النت نهاراً جهاراً فيكم من هو مملح أى داخل ملح كشخصي وفيكم من ينتظر. لذلك أطلب من الشاعر الفحل وسيد قومه أب قوته قنبلة الود الموقوته ان ينشدنا شعراً نهاري فقد طالت ليالنا وأخشي ما أخشاه سوادها خاصة مع إحتمال إنقطاع التيار الكهربائي دون سابق إنذار. صبح اليوم مشيت أمدر وأتعسم لوري البصل حلف ما يتر يا الصلاح جميع الليله أنا أتوكر وشفوا لي دباره كان ركشه كان موتر المشوار مهم وعلى تأجيلو ما بقدر ودنانيري القبيل ماشي لها طارت فر تخريمة أولى: نزار حسين مش الكهف طلع في مخطط درجه أولى ويا بختنا إنت وأنا
| |
|
|
|
|
|
|
Re: يبدو انني من اهل الكهف والرقيم؟؟؟ (Re: almulaomar)
|
ود حسين .. بركة الشوفة إت ذاتك وينك .. الظاهر فعلا النومة طويلة .. حليل جماعتك أهل الكهف وأهل العوض .. تلك الاشراقات التي تماثل أهل الكهف في نقاء السريرة والكلام الحلو .. نمك سمح .. مش أهل الكهف كان معاهم كلب ..
شدينا السروج وكلب الحر يجض بارينا عقبان السمايم ... عكرن صافينا باقي النمة أظنها عندك نحن الذاكرة بقت مدفوسة بالخرماج ونسينا الكلام الطيب داك
الله يدينا فيها مهلة .. ونشوف الخيمة منصوبة في ضل العمارات تاني
أبقوتة .. يديك الفي مرادك إن شاء الله الشفناه في البورد الأسبوعين الفاتو .. خلاني نتاوق ساهي ..
بحر أبيض وصلناهو .. وقطعنا جزايرو داك شدر الوزازيك واليهودي بضايرو غير أب كسرة والقربين وز ما دايرو تعبك يوت على الشالن حجولو وزايرو
الملا عمر .. شيخنا .. تسلم يا أخي ذكرتني قول أحد شيوخ السجادة الحلمنتيشية
هناك في سوق أم دفسو نشال يسرق جزلانا مكتوب فيه بالعربي هذا من باقي معزانا الفاجر يرمي محصنة والبنت نغازل مولانا سبحان الله وسبحانا
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
يا أهل الكهف هووووووي
سلام
انتو زعلانين من الدخلو جُداد؟ يمكن ياخي الناس ديل دخلو عشانكم!
انا شخصيا.. دخلت جديد وانتو سبب من أسباب (دخولي) أول حاجة سيف كلي ونزار حسين شامّي فيهم ريحة أهلي واب قوتة (قنبلة الود الموقوتة) انفجرت قنبلته في وجه كل من قرأ له وصار يكن له الود. وعقاب الجماعة.. شرحو وبعدين ياخي عمّنا ود ضحوية دا.. وكت تلطشو منّو جيبو سيرتو ما تاكلو حنك.
ولكم كل ما تم تخزينه في قنبلة ابقوتة من ود
ود عقيد
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Abdulla Ageed)
|
ود عقيد أخوي .. سلام مربع تسلم يا أخي .. طبعاً نزار من تالا شندي ونحن من تالا المتمة يعني .. الريحة ولا جر النم دة .. تسلم يا أخي قبل دحين كانت هناك خيمة الحاردلو المنصوبة في ضل العمارات في هذا البورد أيام كان زاهي على رأي قريبك ود ضحوية:
وكت الدنيا زاهية وأنا عندي فيها بصارة ما بتدبى لى عنز الفطيم والجارة شاحد الله الكريم تطفي الحبش نقارة من عدو لى صليح نبسط صليليح جارة
وكان فيها أهل الكهف الذكرهم نزار .. وكوكبة أخرى .. فنجان القهوة مدور طوالي:
اسقيني جبنة تاني وبكري وأنا في لجة مو معروف صفاي من عكري ديفاتن بخت فوقن نميمي وشكري تذكارن بشيل نومي وببرجل فكري
تسلم يا للطلة .. بس .. أجدع اتنين تلاتة من نمات أمرؤ القيس البطانة قريبك دة
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Abdulla Ageed)
|
ياود عقيد اخوى اعقد الدايرو انت هلونا عديل و مراعنا وحفايرو البورد فيه ناس كتيرة كلامه مغايرو مش زى ناس زمان محددنو... مصايرو
كلامى الاول لود شاورانى رجل العتامير الكلامو معانى سيف كلى اخونا كلامو تانى جدو ود ضحوية جعلية الديوانى
مرحب بود كلى عميد الخيمة وين اهل العوض المتذكرنو ديمة شايف الملا عمر اخوك ياحليمة بكرة بيجيك سنجاوى وبتم الليمة
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
يا سيف كلي
أسمع اللحدسك
أنا قريبو مو ود ضحوية براهو
قريبي دفع الله العسيكري القال:
القبلي جاب لي نسايم خاتي العجاج وسمايم حوّيتك الله الدايم يا كلينا ام ريلا عايم
وقال: ليش يا ابو اللغا تأيد نعيم في عتابو قلبك من حديد ولّا انحسب جوستابو حلف بالله العظيم وكتابو العارضني أفرش لومو واتغتابو
وقريبي التوم اللغا القال: ما دام حبيبي حبّا يتناساني مافيش فايدة للبكا والنويح يا لساني أنا في حوجة لي فُقرا وطبيب نفساني كونو غميدي قلّا ونومي زي حسساني
وقال: شالا السريع رصّابا بالله العظيم يا سايق اتوصّابا صلِّح هودجا الفوقو الخلوق تتصابى واحذر من شعاع الشمسِ لا يكون صابا
وبعدين ياخي إنت ما من نواحي المتمة إنت من: كلي المعروفة المنصورة مي مكسوفة
ولّا مو كدي؟!
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ياود عقيد اخوى اعقد الدايرو انت هلونا عديل و مراعنا وحفايرو البورد فيه ناس كتيرة كلامه مغايرو مش زى ناس زمان محددنو... مصايرو |
ود ابقوتة وٌدك طال جميع الدايرو صوتك جابني ما جيت لي بكانكم غايرو قولو نضمكم السمح البِدورو بِسايرو وخلو البورد لي كل زول يقول الدايرو
ود عقيد
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Abdulla Ageed)
|
كلامك سمح ياود عقيد وديمقراطى نحن ناس عاشقين للجميل والشاطىء كان فى البورد رجال ..حق وانبساطى اسعد ود ابراهيم وعادل عبد العاطى
فقدهم الحوش بكلام.. مو زين فاتو طريقنا وتركو فينا حنين فى الارشيف سطروهم قاعدة تمكين ولليلة مكانهم فى الحوار. حزين
| |
|
|
|
|
|
|
Re: يبدو انني من اهل الكهف والرقيم؟؟؟ (Re: abuguta)
|
ها ناس...امانه ما بهلتو كلام هنا...يعلم الله زي الرشيتوني بي كلونيا زمن الكلونيا كلونيا...
حبابكم شيخنا الملا عمر....وسيف كلي وودعقيد...وشيري... واب قوته ان شاء الله آ اخوي يوم شكرك ما يجي....
البارح في خلانا
متونسين برانا
شن جاب اللوم
يا مطيرق الخيدرانه
............
امانه ما اقولكم قول...
ود عقيد حرم ما تمشي...يا زول انت عندك نضما كتر بلحيل نضما يملا الخشم لامن يفضل...مرحب بيك والله...ولم يكن القصد من هذا البوست...سوي محبة وود صادق...لاصدقاء ...معنا.. وذات الود حبله مدود ...لكل الاصدقاء والزملاء هنا...انا زولا ما بعادي طب احمد ربي...
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ود عقيد حرم ما تمشي...يا زول انت عندك نضما كتر بلحيل نضما يملا الخشم لامن يفضل...مرحب بيك والله...ولم يكن القصد من هذا البوست...سوي محبة وود صادق...لاصدقاء ...معنا.. وذات الود حبله مدود ...لكل الاصدقاء والزملاء هنا...انا زولا ما بعادي طب احمد ربي... |
مرحب ود حسين الـ بالوداد مذكور شايفك جيتنا زائر تاية المنصور كلماتك جميلة وبالشعر مبهور مليان بالجمال ومحبّة فايضة بحور
ود عقيد
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
مرحبتين حباب سيف ود علي المتخفي مرحبتين حبابو النارو موقدة تدفي يرحمك الله يا (صبري) الختر متقفي و ين أيام زمان نشرب عسـل متصفي ... قول ابقوتة زي زولآ بريد ومجاهر و إسمك يا الحبيب ذكرني حاج الطاهر أهلآ بيك حباب نـمـك قصيدك ظاهر النور الشلع منك شديدآ باهر .... كان لي ود حسـين تغيان علي بي حقو شان عارفنا بنريدو و بنحمـل دقـو عودآ بين ايديك عاجبنا شقو و طقو و السمعوك .. لي نيران خبارك بــقـو
| |
|
|
|
|
|
|
Re: يبدو انني من اهل الكهف والرقيم؟؟؟ (Re: الطيب بشير)
|
والله يوما جاب الصديق الطيب بشير...يوم ابيض عدييييييييييل...والله العظيم ليكم وحشه كبيره
ومرحبتين ابو بشير....
الحق كلو فضلة خير بشير وابوه الطيب فعال وسما ولا بقاربوه
ادبك فطرة نديان ان بقت شربوه ينسوا العود عديل حرم يمين يابوه
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
"أبو البشير جليس البرمولا وضيبا صالت قلبك طفلان حلة ما ساليبا" دام عزكم يا أهل الجمال والطيبا "صبري" أخونا فات وفراقو بقالي مصيبة
حليلو الهميم الدايما بجيك متباشر حليلو ود الأصول الما بلوم قدر ما نشاتر يرجع لى أصولوا .. أصحاب المسيد الطاهر دام عزكم يا عزيز .. والبركة فيك يا ذاكر
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
مرحبتين نزار زول المنامة الغالي نمـك يا الحبيب طاريو دوام في بالي بكري أخونا قال غناي و حسـك حالي و العود خبرتك دايمآ (مقامك) عالي .......... سـيف كـلي يا حبيب نمك غلبني أقلبو و الحزن الكبير بتلفحو و بقدل بـو الزمن العجيب يسرق فرحنا يسـلبو يا حليل (صبري) خوساية زمانناو تلبو
| |
|
|
|
|
|
|
Re: يبدو انني من اهل الكهف والرقيم؟؟؟ (Re: saifkeli)
|
يا سيف دار كلي المنصورة مي مكسوفة امس رسلت ليك رسالة واضحة حروفة في إيميلك المذكور كدي اسرع شوفة بلدي قريبة تب بالنسبة ليك معروفة
انا من الحليلة قريبة لي المكنية سافل شندي غرب النيل حليلة هنية اصلنا من جعل (رؤساها) مانا دنية جدنا ود عقيد في (العاصمة) ليه بنية
ود عقيد
| |
|
|
|
|
|
|
Re: يبدو انني من اهل الكهف والرقيم؟؟؟ (Re: munswor almophtah)
|
Quote: [مرحبتين نزار زول المنامة الغالي نمـك يا الحبيب طاريو دوام في بالي بكري أخونا قال غناي و حسـك حالي و العود خبرتك دايمآ (مقامك) عالي |
نما كان ختاك يا ابو البشير شن طعمو توزن للحروف لي ابان قلوبا بعمو
ماذونا الحبيب زاد في كلامو ودعمو شان الخوة كان لا زم يؤكد نعمو
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: نما كان ختاك يا ابو البشير شن طعمو توزن للحروف لي ابان قلوبا بعمو ماذونا الحبيب زاد في كلامو ودعمو شان الخوة كان لا زم يؤكد نعمو |
نزار حسين
الدنيا ام قدود مليانة شـر و مصايب سمح الزول يفتش لي زمانو حـبايـب زي بكري المحامي الفي بلدكم غايب آآ ود الحسين إتا الضـرس و النايب
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: بوستك ياود حسين ثماره نضجت وجابت.. عمت سودانا وهطلت هنالك فى طابت.. ود نور الدائم شمسو لليلة ما غابت.. فاقدنك ياود بشير فى الايام الحابت
ياحليل عمك الكان فى ابقوتة ظاهر كل صعيبة وقاسة.. ما بحلها غير الطاهر ودعها ام قدود دار الفجور ومظاهر وخلى ذكرى جميلة .. للماضى والحاضر |
أبقوتة
أبقوتة الحبيب و الذكريات لي بلدو زمن الجار يحاسبك زي كأنك ولـدو و الغلطان عديل ناداهو مسكو و جلدو والضيف الهجوع تلقاهو عزمو و قلدو
| |
|
|
|
|
|
|
Re: يبدو انني من اهل الكهف والرقيم؟؟؟ (Re: abuguta)
|
Quote: الدنيا ام قدود مليانة شـر و مصايب سمح الزول يفتش لي زمانو حـبايـب زي بكري المحامي الفي بلدكم غايب آآ ود الحسين إتا الضـرس و النايب |
الدنيا ام قدود لعبتبنا الفرتيته كل ما نلقي خيت تلقاها شالت زيتا
الزي ود اللمين صاحبا حمش كبريته بتلقي في النوايب والفرح والكيتا
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: بوستك ياود حسين ثماره نضجت وجابت.. عمت سودانا وهطلت هنالك فى طابت.. ود نور الدائم شمسو لليلة ما غابت.. فاقدنك ياود بشير فى الايام الحابت
|
التمره وين تنجض بلا امثالك ابقوته العفيف حرم تأمّنو مالك
تبسط في الحروف والمعني من اجمالك راجلا مو سهل تتمنا يوت في شمالك
| |
|
|
|
|
|
|
Re: يبدو انني من اهل الكهف والرقيم؟؟؟ (Re: زول ساكت)
|
Quote: الاف سلام اهل الكرم والنمه بي هذا الحديث الليله كيفنا انتمَ نحن البي عيونا كفانا فيكم لمه يا نسل الكرام الفي القواسي مهمه |
مرحب بالسلام تاج الخلوق لا حدها ومرحبتين حباب الزول سكاتو موده
اللمه آ بتتم كان ما قعد تتغدي والدوبيت دا اطعم من خروف ناس جده
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: الاف سلام اهل الكرم والنمه بي هذا الحديث الليله كيفنا انتمَ نحن البي عيونا كفانا فيكم لمه يا نسل الكرام الفي القواسي مهمه |
زول ساكت
أبقوتة و نزار كيفن تهملوا ضيفنا (زول ساكت) دخل عاجباهو قعدة كيفنا يا مفتاح أخوي نحن المخرف صيفنا ناغم ود عقيد درقة غتانا و سيفنا
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ناس ابقوتة والطيب واخوه نزار قبيل انا كنت ناوي اكون مقيم في الدار لكين يا الحبايب دربكم ودّار كلامكم ضمة قاطع وحُرفا في المسدار |
ود عقيد
الدرب إن صعـب ما بغلـب القصاص يا ود العقيد سيد مدفع الرصـاص الماجابلو قون كيفن يعدل الباص والدوبيت وراكم فص ملح و انماص
| |
|
|
|
|
|
|
Re: يبدو انني من اهل الكهف والرقيم؟؟؟ (Re: اساسي)
|
اساسى العريس وينك ياوناس اشتقنالك خلاص ومعنا عوجة راس اياك الفحل فرتاق الجن والناس وكان للعديلةانت فى القبائل راس
(زول ساكت) اخونا ياودالبشير كيف ننساهو حبيبنا وقريبنا لو لا هو كان القافى تاهو مين.غيرو. خبير العتامير فى الليالى..براهو قائدنا ودليلنا..من اهل النسب والجاهو
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ن خلانـي بـن البنـات يقلنـي جمعن محفلن فـي فندقن هرسني أو خلاني زيت في بشرتن مسحني أو مسواك أراك قامن فجر مضغني
|
حياك الله يا اساسي
عمك الحاردلو زماااان قال فيهن
أنس امات رشوم كم ضقتي فيه ونلتي متين ما سمعتي ذكرو من الملوك تنفلتي المعزي الغيّهن بطلت ليه شغلتي يقول ود اب دبل من المسيد لي ألتي
الملوك دي الملك بضم الميم واللام بس الضمه الخرابه ما لقيتها؟ وهو هنا يخاطب نفسه وعلي لسان صديقه موسي ود اب دبل العارف بمكان الجكس ...بلاي شفت يا اساسي البنيات بسون في الناس شنو...وان شاء الله تنعدل في بيت العدل يا صاحبي
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ناس ابقوتة والطيب واخوه نزار قبيل انا كنت ناوي اكون مقيم في الدار لكين يا الحبايب دربكم ودّار كلامكم ضمة قاطع وحُرفا في المسدار
|
يا ود عقيد
المسدار تركتك من نشيت تبيت ومن فطموك غزولك درب دوبيت
الدار هي دارك ماك غريب في البيت نم..اخلف كراعك...ما بتقوم كربيت
| |
|
|
|
|
|
|
Re: يبدو انني من اهل الكهف والرقيم؟؟؟ (Re: إسماعيل وراق)
|
Quote: حليل شـدر القرض وحليل صـمغو حليل الفوق طلحة أبو زمام نزل دمعو حليل أبو ظريفة المافي زولاً سـمعو حليل زمان أبو قوته ونزار ود عمو |
سمعاين اخوي وين الهشاب والسنطه ووين ميجر بحركن والشعير والحنطه
مقداف الزمن بقانا تجار شنطه نضرع في الهوي ونحسب حسابنا اوانطه
| |
|
|
|
|
|
|
Re: يبدو انني من اهل الكهف والرقيم؟؟؟ (Re: إسماعيل وراق)
|
حليل شـدر القرض وحليل صـمغو حليل الفوق طلحة أبو زمام نزل دمعو حليل أبو ظريفة المافي زولاً سـمعو حليل زمان أبقوتة ونزار اللمعو
كسرت القافية يابو محمد لكن شفعت لك اللمحة الابداعة فى دمعة ابو زمام
خالص معزتى ..لك وقول لود خليفة تعال اجدع ... كفاية عناق ولقدام
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
ود عقيد اخونا فى القوافى خطير ونمك بليغ.. ياولدة جعل والمناصير لو حضر زمانك.. شيخ العرب شنتير كان ضبحلك جزرة. وحلبلك ضكور الطير
أبوقوتة
ود ابقوتة حيّاك ربي خالق الطير يا سيد البلد نضما بلاكَ يطير سهمك في الغناوي عجينو ما هو فطير يا أهل الكَهَف عدوني زي (قطمير)
ود عقيد
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Abdulla Ageed)
|
Quote: يا ود الحسين العمدة سيد البيت تأمر يا أمير كيفن بقول لك ابيت فيك سماح خُلُق مطبوع علي اتربيت وزي ما قال لك الطيب "حريف دوبيت" |
ما شفت السحاب يا ود عقيد في جبيت تقول تلفاهو بي نبله وحصاية وخيت
يوم يهرج يبش قبال يموص البيت نعرف قولنا كان ونسه وحكي وهقيت
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: ود حسين اخوى سيد الجلسة والخيمة فوق.. نمك بهز. ياالجعلى اخو حليمة ابواتك تلوب بحور...الكرم ديمة ولو قلنا( النم) وارثنوا واصبح شيمة
|
يا اب قوته اخوي النم بقالك طبعه متشمر عليه وعايم بحورو السبعه
اقدل فوق عديل بل قوم اصل بير شبعا كونك ود اصول والناس وراك بس تابعه
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Shinteer)
|
Quote: يبدو انني من اهل الكهف والرقيم؟؟؟ |
والشئ الأمّّّّر انك لا تملك دراهمهم والا لبعتها فى سوذبى وصرت من عداد الغنياء! ولعلك من الذين قيل فيهم: لا تبقى أنصارى وتكبر عزبتك ولا تبقى ختمى وتخنق رقبتك ولا تبقى شيوعى وتجهجه رقبتك
وتحمد ربك انك لست من الذين قيل فيهم:
ابقى جبهة وأرمى شالك ربي دقنك وكبر .. بتك تنفعنا وتنفع رقبتك جنى
| |
|
|
|
|
|
|
Re: يبدو انني من اهل الكهف والرقيم؟؟؟ (Re: jini)
|
Quote: ولعلك من الذين قيل فيهم: لا تبقى أنصارى وتكبر عزبتك ولا تبقى ختمى وتخنق رقبتك ولا تبقى شيوعى وتجهجه رقبتك
وتحمد ربك انك لست من الذين قيل فيهم:
ابقى جبهة وأرمى شالك ربي دقنك وكبر .. بتك تنفعنا وتنفع رقبتك |
اخوي جني تراني مكجن الساسه الدروبهن سوس والغواصة والدبابة والدقنية والمجروس
واحمد ربي فعلا ما بقيت جاسوس ولا اتحشرت ما بين الحلوق والروس
| |
|
|
|
|
|
|
Re: يبدو انني من اهل الكهف والرقيم؟؟؟ (Re: taha)
|
Quote: ود حسين مرحبتين حبابك والسعد الجابك يجيب عقابك اصلك معروف دون نقراه كتابك النضم السمح والعقل شهدبه العدو قبال اصحابك |
حباب طه الضرس الفي الصهيباب راس
وحباب طه التلب الفي العلم كرّاس
اهلا وسهلا بيك اخوي
| |
|
|
|
|
|
|
Re: يبدو انني من اهل الكهف والرقيم؟؟؟ (Re: الطيب بشير)
|
Quote: يا ناس عندي ليكم زي سؤال جاوبـوهو السوداني كيف أخوانو يوم يابـوهـو إن بقى جبهة و لا شيوعي ما يعابوهو الناس تختلف و(الآخر) آآآ بزابـوه |
يا ابو بشير
السوداني الاصيل لا بعادي لا بعابي وما بتحفر تلاقيه جوه الدفان دابي
النيل العظيم ما شفتو كيف كابي
راويهن سماح المهدي وترابي
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
Quote: nazar hussien
.
تاريخ التسجيل: 04-09-2002 مجموع المشاركات: 2002 |
أعجبتني هذه قبل المشاركة في هذا البوست
فوددت ايرادها هنا هذه الملاحظة اخي نزار
تطابقت سنة الاشتراك
ومجوع المشاركات 2002
شكراً للسؤال عن الغائبين
ودي دعوة لهم جميعاً بالعودة
على وجه السرعة .. وانا معك سوف اتفقد الباقين
باذن الله تعالى
أين وأين؟؟؟
| |
|
|
|
|
|
|
Re: يبدو انني من اهل الكهف والرقيم؟؟؟ (Re: Tumadir)
|
Quote: اقوم من نومى
انضف كهفى
واقول لى ماما
كيف اصبحتى |
بل كيف اصبحت انت يا ست الناس لا حدهن....حقيقي مشتاقك جدا يا ام ساريه ونحتاج كتاباتك العميقه ديك.....والظريفه جدا....نحتاج نكهة استوائية يا قول شيري
| |
|
|
|
|
|
|
Re: يبدو انني من اهل الكهف والرقيم؟؟؟ (Re: singawi)
|
Quote: أهل كهف المـودة انا شوقي ليهُم أهل ودي وهَنـاي ساعـة أجيهُم تحييك مـن بعيييد فرحـة وِجِيهُم منـاي مولاي يجمـع شملي بيهُم |
حباب سنجاوي اخوي سيد الصعيد ومصبو اب نضما سمح زي نيلنا دافق صبو
ركازا نجيض حافر المحاص لي صبو صنديدا قديم تايتنا تتقصّبو
القصابية يا ود عقيد ...مارن الواطه دي
| |
|
|
|
|
|
|
Re: يبدو انني من اهل الكهف والرقيم؟؟؟ (Re: taha)
|
Quote: الحمد الاف الحبان اتلموا من تاني يا ربي الكريم بي سمح الكلام تطلقو لساني اجيب لي كلاما سمح افوتبو ود شوراني يا الحردلو بشراك خيمتك اظنها ظهرت تاني |
اهل الكهف بيك عامرين لسانهم حامد وشاكرين ضمه لي نم ناس ديار ودحامد
سادة العزه في الساحات قلبهم جامد وهيلهم من قديم الشكره فوكا محامد
فوكا دي يا ود عقيد هيل بطانه....
ما سمعت بي عمك
الليله طاري السمحه هيل دليك وفوكا براطما تتملكن مليك
| |
|
|
|
|
|
|
Re: يبدو انني من اهل الكهف والرقيم؟؟؟ (Re: nazar hussien)
|
الحبيب ابن العم نزار حسين لك التحية والتقدير
معذرة للتأخر.. فالقصّابية تتعطل يوم الخميس، وتعقبا الجمعة.. وجانا السبت قمّحنا، البورد شال صوتو ولبّخنا بي الأخبار السوداء والبوستات المقيتة يعصر أنفسنا ويجعلنا في حالة لا يعلمها إلا الله..
بجيك صاد... خلّني اللنجم شوية من بوستات السجم والرماد دي
أرقد عافية
| |
|
|
|
|
|
|
|