|
|
 وصفة سحرية للظلاميين , كيف تصبح مستنير في 10 أيام فقط
|
أعزائي الظلاميين دي آخر فرصة ليكم
إما أن تنضموا الى أي حزب معارض أو تحولوا دينكم : تصبح جمهوري أو مسيحي أو شيعي أو درزي أو تخترع دين جديد بعبادات جديدة وفرائض جديدة تناسب 2005 وتستبعد من القرآن والسنة كل ما أنزل على مسلمي القرن السابع وتنسب دينك الجديد للإسلام طبعاً .
أو أنكم تتبعوا هذه الوصفة السحرية
كيف تصبح مستنير في 10 أيام فقط
1. لا تكتب أي موضوع له أي علاقة بالله – سبحانه وتعالى – أو رسولنا الكريم –عليه الصلاة والسلام – ولا تقم بالرد على هذه البوستات.
2. إذا وجدت إحدى هذه البوستات , بإمكانك الدخول للسخرية من الكاتب أو من جهل هؤلاء المؤمنيين وإتهامهم بأنهم كيزان
3. لا تشغل بالك بالتنديد أو الغضب من أي شخص يسيئ لمعتقداتك الدينية ولكن أياك ثم إياك أن ترى بوست يسيئ لحزبك أو رئيس حزبك وتسكت, عليك أن : 1- تهاجم من أساء أو من أنتقد حزبك أو رئيس حزبك أو أي سياسي معروف وأتهم الكاتب بأنه كوز وأمنجي , 2- إذا كانت معلومات الكاتب صحيحة ( ووجعتك ) اسخر من جهله , واتهمه بأنه لا يعلم شيئاً في السياسة , 3- حاول أن تغير موضوع البوست بشتى الأشكال من خلال الهجوم على عضو آخر وحزبه .
4. استخدم هذه العبارات كثيراً في أي بوست ( ظلامي ( علشان تبعد الشبهة من نفسك ) , جلابي , كوز , نكرة , كاذب , مدعي , جاهل وما تنسى الكلمة الجديدة موضة المنبر العام 2005 " إرهااااااابي " .......إلخ ) من العبارات الإقصائية .
5. إذا وجدت بوست به تنظير في الدين يجب أن تهتف لصاحبه المفكر المثقف , بإستخدام هذه العبارات : واصل , موضوع رائع , واصل واما تهتم من المتخلفين الحيهاجموك .
6. يجب أن تهتف لمناضلي الكيبورد , وتعلن حضورك في أي بوست نضالي ( سنواصل النضال الكيبوردي , لن يقفوا أمامنا كيبورديا )
7. يجب أن تسجل حضورك ورفضك القاطع لأي بوست يهاجم الإرهاب والإرهابيين وإلا ( وهنا أحذركم يا ظلاميين) ستلصق بك تهمة الإرهاب , وستجد إسمك الحقيقي في المنبر , وبعد داك استنى بهدوء الإعتقال بتهمة الإرهاب .
8. ارمي كل مصائب السودان على الشمال وأبناء الشمالية , وأي واحد يفتح خشموا اتهمه بأنه كوز وما تنسى كلمة جلابي ( وما تخاف الكلمة دي قانون المنبر ما بيمنعا )
9. لا تنسى قلب الحقائق لما فيه مصلحتك .
10. يجب أن تدافع دفاع مطلق عن أمريكا وحلفائها , تدافع عنها لإحتلالها العراق , تدافع عنها لدعمها إسرائيل , وإذا دخلت بقواتها السودان استقبلها بالورود والترحيب .
بعد 10 أيام من اتباع هذه الوصفة ستجد نفسك تشع نوراً وثقافة , وعلى رأسك هالة من النور , حينها يجب أن تعرف بأنك أصبحت مستنيير
وأنا عملتا العلي و نصحتكم , سارعوا للتوبة أمام أحد شيوخ الإستنارة وأتبعوا هذه الوصفة قبل فوات الأوان
الموضوع بقى فيو إرهاب وأمن
تحياتي
(عدل بواسطة نهال كرار on 05-02-2005, 00:27 AM)
|
|
 
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
نهال بت الكرار:
الوصفة دي ما بلقا منها دوا شراب !!!؟؟؟؟؟؟؟؟؟؟؟؟؟؟؟؟؟؟؟
| Quote: سارعوا للتوبة أمام أحد شيوخ الإستنارة |
ياريت لو تدونا اللستة الفيها الشيوخ ديل ...
والله انا الأيام دي محل ما أمشي ألقا لي واحد يقول لي والله مشاء الله وشك فيهو نور ..أتاريني وصلت لي الخطوة رقم 3 في وصفاتك ..
تعرفي يا بت كرار..زماااان في دعاية في تلفزيون السودان بي الشكل ده :
صوت بت بتقول : سمييييييييييييييييييييرة !!!! وشّك جد مووووووووووووووووووووووووور ...
صوت البت التانية (سميرة) : أيوة أصلي بستعمل فير أند لوفلي
البت الأولي : فير أند لوفلي ؟؟؟؟؟؟؟؟؟؟؟؟؟؟؟؟؟؟؟؟؟؟؟
سميرة : أييييييييييييوة وفي أقللللل من إسبوعين !!!!!!!
صدقي يا نهال سميرة دي دقست وإستعجلت ودفعت قروش سااااااااااااااااااي ..
المفروض إنها تستخدم وصفتك السحرية دي ووشها حا يولللللللللللللللع مش ينووور..
- سمييييييييييييييييييرة وشك جد منوووووووووووووووووووووور ..
- أيوة أصلي إستخدمت وصفة نهال ...
- وصفة نهال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
- أيوة وصفة تخليك مولللللللللللللللللللللللعة ..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
يا حول الله !!
يا نهال اتاريك كوزة ميؤوس من استنارتك
استنيني عندك في الضلمة حقتك البتخوف الناس دي
وقبل ما يجوا ياكلوك المرافعين
حا اجيك راجع الوح بشمس الحرية والاستتابة الوعيوية وربنا يكفيك شر نجمة داوود
عندي ليك كلام كتيييير فعلا
انت الظاهر كدة كافرة بالمواثيق الدولية والحقوق الانسانية وحقوق المرأة العصرية
لا لا لا حالتك صعبة بدليل ان وصفتك تستغرق 10 ايام بلياليها الظلامية
انها لحياة طويلة قبل دخول جنة الليبرالية والنبؤات الفكرية
استنيني حبة
يارب كيف انا ما كنت منتبه
عموما حصل خير
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: محمد عبدالقادر سبيل)
|
| Quote: يا نهال اتاريك كوزة ميؤوس من استنارتك |
أهو طلعنا كيزان
Quote: انت الظاهر كدة كافرة بالمواثيق الدولية والحقوق الانسانية وحقوق المرأة العصرية
لا لا لا حالتك صعبة بدليل ان وصفتك تستغرق 10 ايام بلياليها الظلامية
انها لحياة طويلة قبل دخول جنة الليبرالية والنبؤات الفكرية |
 للدرجة دي , يعني ما في فايدة من المحاولة حتى كان كتبتا بوست يسئ للدين ؟؟؟
Quote: يارب كيف انا ما كنت منتبه
عموما حصل خير |
حصل خير وباب التوبة لسه مفتوح قدامك
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: محمد عبدالقادر سبيل)
|
Quote: ود الريح
علي الطلاق ما عارفك جادي وللا بتقرّق |
يبدو أنني يا عزيزي سبيل قد نجحت في أداء أول أدواري على خشبة المسرح،
فقد كنت أردد -بصوت مسموع- مقاطع من دوري في مسرحية (مين فينا الإرهابي؟)،
أقوم في المسرحية بدور شاب مستنير يحلم بان يصبح مناضلاً كبيراً عبر التصدي
لمجموعة من الشباب يدعون للالتزام بأخلاق الإسلام السمحة، وبدعم من جهات
مشبوهة يقوم الشاب بتنظيم ندوات في الحي يدعو فيها الناس لمقاطعة هؤلاء الشباب
بحجة أنهم يدعمون الإرهاب، وتصل المسرحية لقمة الأداء الدراميّ التراجيدي عندما
يحمل الشاب جهاز تسجيل لتسجيل اجتماع لمجموعة الشباب لتقديمه دليلاً دامغاً للسلطات
على قيامهم بنشاطات إرهابية لكنه يفاجأ بهم وهم في حلقة تلاوة للقرآن يقراون سورة
الرحمن فيبكي بحرقة ويطلب منهم أن يسامحوه ويقبلوه بينهم.
المسرحية جديرة بالمشاهدة وتعرض حصرياً على قناة (سودانيز اونلاين).
أحمد الريّح
| |
|
|
|
|
|
|
|
|
 Re: وصفة سحرية للظلاميين , كيف تصبح مستنير في 10 أيام فقط (Re: اساسي)
|
الظلاميه الامنجيه نهال بت كرار 
الشوق كمياااااات
انا متفائله جدا انو ممكن نغير مستنيرين البورد الى ظلاميين لانهم هم فعلا المحتاجين تغيير
فعندك وصفه تبقى المستنير ظلامى فى عشره ايام????
بجيكى بعدين بأقتراحاتى انشاء الله
عن علاقه الهلال بالارهاب فنحن لنا الشرف نكون هلالابين وارهابيين(بمفهوم اليومين ديل) لانو اى واحد لا يخشى فى الله لومه لائم يبقى ارهابى ...فمعناها نحن الهلالاب
واضحين وصريحين ولا نخاف الا الله...وعشان كده غالبيه المريخاب مستنيرين فيا نهال انتى
شكلك كده هلالابيه مائه فى المائه والمريخ ما بشبهك ولا بجى بجنبك ولا بعرفك , عشان كده ما تبارى ابوكى المستنير ده واحسن ليكى ترجعى لأصلك الهلال فأنتى منا ونحن منكى
p.s
بالمناسبه مامعنى امنجى وجلابى???
وفى امان الله
لا اله الا الله
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: bint_alahfad)
|
بت الأحفاد ( وفي رواية أخرى أميرة الظلام)
والله نحنا مشتاقين ليك بالأكتر
قلتي لي وصفة تبقي المستنير ظلاميي !!!!؟؟؟ يا عزيزتي دا الكلام البودي ورا الشمس , للأننا حنتهم بالتآمر ضد المنبر ورواد المنبر وبعدين نلقى نفسنا مطرودين 
Quote: عن علاقه الهلال بالارهاب فنحن لنا الشرف نكون هلالابين وارهابيين(بمفهوم اليومين ديل) لانو اى واحد لا يخشى فى الله لومه لائم يبقى ارهابى ...فمعناها نحن الهلالاب
واضحين وصريحين ولا نخاف الا الله...وعشان كده غالبيه المريخاب مستنيرين فيا نهال انتى
شكلك كده هلالابيه مائه فى المائه والمريخ ما بشبهك ولا بجى بجنبك ولا بعرفك , عشان كده ما تبارى ابوكى المستنير ده واحسن ليكى ترجعى لأصلك الهلال فأنتى منا ونحن منكى |
انتي صدقتي اني مريخابية , يا زولة أنا بكاوي في الهلالابية ساي
لا لي شغلة بمريخ ولا بهلال
معنى كلمة أمنجي : وكما وردت في صحيح الإستنارة تعني من يعمل في الأمن أو أي جهة حكومية
أما كلمة جلابي : وكما وردت في قاموس الإعجاز العنصري تعني شمالي
ومستنية اقتراحاتك
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
أحمد الريح :
Quote: طبعاً نفس المجموعة بقيادة الوهابي عمر الفاروق
جايين يباركو ليك شهادة الانضمام للعرب الما معترفين
بيك اصلا كانسانة...
|
طبعاً إنت قاصد بي نسبي للوهابي الفنان والملحن محمد عبد الوهاب مش؟؟؟؟ خصوصاً أغنية (أنت عمري الفاروقي)..
أصلو انا خلاص خشيت في الوصفة بتاعت نهال دي وجابت حقها والحمد لله ..
يازول تاني لا تقول لي محمد طه محمد أحمد لا محمود محمد طه (سبحان الله في تشابه مش؟)
أها يا أبوحميد نتلاقا في قهوة المستنيرين في المحطة الأوسطي أو البوستة عندنا جلسة إستماع للمستنير هناي يتحدث فيها عن نسب الرسول عليه أفضل الصلاة والسلام ...
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: عمر الفاروق شيخ الدين)
|
"أعزائي الظلاميين دي آخر فرصة ليكم
إما أن تنضموا الى أي حزب معارض أو تحولوا دينكم : تصبح جمهوري أو مسيحي أو شيعي أو درزي "
الأخت نهال،
شكـــرا على هـذه المعطيـات فإن الســؤال صعب بالحيل!
أصلـو من زمان دايـر أعرف معنى "ظلاميين" شنـو.. وهسى قربت منهـا..
حأستبعـد القلتيهـم ديل طبعـا وأفكـر فى الباقين.. مع إنو ما وصلت للإجابـة إلا إنك خليتى مهمتى أسهل شـويـة..
وشكــرا.
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Abureesh)
|
الضلامية نهال
طبعا البوست دا جا في وكتو تماما لأني شايف اليومين ديل المستنيرين
راحت ليهم وبقوا يلخبتوا المواضيع ويفتشوا عن إشتباكات مع خلق الله بأي طريقة
وأسئلتم كترت للناس في أمور ما بتخصهم .
لكن عشان ما يقولوا عليك كوزة ومتحيزة أثني الضلامية بت الأحفاد في إنك تشرعي فورا
في كتابة الجزء الثاني من هذا البوست وسميهو كيف تصيح ضلاميا في عشرة أيام
أنا علي ما مشكلة نضلم من هنا شوية وننور من هناك شوية ..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Abureesh)
|
الوصفه سحريه جداً
بس عايزين نعرف الاثار الجانبيه
الواحد خايف يبقى مناضل عديل كده
وتطلع ليه الاستناره في راسو
يقعد انضم كتر ساكت واتخيل ليك الناس كلهم امنجيه وكيزان
وانو مطارد
بس الخايف منو الواحد انقلب مريخابي اكان دي بتحصل استنارتكم طايره عليكم
او كما قال الشاعر
مااكثر الكيزان حين تعدهم لكنهم
تموها براكم ياحبايب الضلمه
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: زول ساكت)
|
Quote: بس عايزين نعرف الاثار الجانبيه
الواحد خايف يبقى مناضل عديل كده
وتطلع ليه الاستناره في راسو
يقعد انضم كتر ساكت واتخيل ليك الناس كلهم امنجيه وكيزان
وانو مطارد |
لا لا الوصفة دي ما عندها أثار جانبية خالص
بالعكس بتخلي الواحد يبقى شعاع على راي عمر الفاروق
جربوها ولن تندموا أبدا
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
بت الأحفاد :
ضلامك داااااامس حاولي تاني لمن تجينا هنا جيبي معاك بطارية وكشافة عشان نقدر نشوفك ..
Quote: بالمناسبه مامعنى امنجى وجلابى???
|
الأمنجي ده زول طييييييييييييييييييب ومسكيييييييييييييييييييييييييين ..شفتي الزول القالوا قبض علي إبراهيم بقال ؟؟؟بس ده ياهو زاااااااااتو الأمنجي ...
أمنجي يعني شغال في الأمن وفي رواية شغال في شركة (الهدف) ...
أما الجلابي :
دي معناها الزول البيحب يلبس الجلابية ....وفي هذا الصدد تغنت كثير من الفنانات للجلابية :
الجلابية بيضة مكويييييييييييية ..
حبيبي بيسحروك لييييييييييييية ..
الجلابية كده بس كده بس ..
الجلابية حاجة ما تخلص ...
شفتي وصفات نهال كرار دي عملت فيني شنو ؟؟؟؟
قال عشرة يوم قال !!!!!!!!!!!!! والله بس قريت الموضوع ساااااااااي بقيت كده انا كان واصلت عشرة يوم بي الطريقة دي بلحق ليكم سلمان رشدي
طبعاً حا يجوك المستنيرين ويقولوا ليك " جلب يجلب جلباً ففهو جلابي" وهو الذي يأتي بالتجارة أو يجلبها ثم يبيعها في السوق ...
تخريمة :
إستخدم وصفة نهال لمدة ثلاثة أيام لتصبح شمعة ...
وإستخدمها لمدة 5 أيام تصبح فانوس ..
إستخدمها لمدة 7 أيام تصبح لمبة ..
أما لمدة عشرة أيام فإنت حا تصير شعااااااااااااااااااااااااااااااااااااااااع ..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Abureesh)
|
Quote: الظلامي : شخص ما بعجبوا العجب
ما عجباو الديانات الجديدة موديل 2005 وعايش لسه على إسلام القرن السابع ( دقة قديمة خالص)
لا عجباو معارضة ولا عجباو حكومة ولا عجباو نفسو زاتها |
والله ده انا زاتى سبحان الله مافى زول فهمنا زيك يا ضلاميه
الجمله ده تنفع تتختا فى الديكشنرى دفنشن لمعنى كلمه ضلامى لانى ما وجدت وصف ابلغ من وصفك ده حتى الآن...ماشاء الله عليكى اول مره ا عرف ان الضلاميين بعرفو يفكروا كده وكمان بجيبوها صاح
شكرا للتوضيح يا امنجيه
بقيه الضلاميين بقياده الامنجيه عمر الفاروق وتبلدينا ونازر
جاياكم راجعه بأزن الله لما اشوفكم كويس انا حسه شايفاكم طشاش طشاش ولو ما
النور الدخل مع ابو الريش ما كنتى شفتكم زاتو
احمد الريح ما بسألك
والله انتا فتا المستنيرين زاتو
نهال بالله وصفه سريعه لاحمد ده لانو حالتو بقت صعبه خالص
وفى امان الله
لا اله الا الله
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Tabaldina)
|
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: خدر)
|
الأخ خدر
أول حاجة شكرا على الريل , أنا لحد الليلة مابعرف ليو
Quote: مصطلح ظلامي و مستنير لا يتعدي عندي اكثر من انه مصطلح للضحك و
الونسه البريئه بين البورداب كعاده المجتمعات في انتاج مصطلحاتها
الحياتيه .. اعني انني لم انظر له قط بأعتباره مصطلح جاد |
ياريت الكل زيك يا أخ خدر
المشكلة أنو في المنبر دا تسميات ظلامي ومستنير أتجاوزت الحد
وبقت تصيب كل شخص يشارك برأي مخالف
دا إذا ما تلقى سيل من العبارات إيها ( كوز , جلابي , ....الخ )
وطبعا الكلمة الجديدة في قاموس المنبر ( إرهابي )
في البداية كنا بنقول ديل أقلية , لقينا الحكاية منتشرة , حتى عند الأعضاء المشهود ليهم بالوعي والإحترام
وبما أنو الموضوع تجاوز مصلحات ظلامي ومستنير وبقى أكبر من كدا عند البعض
فأنا حقيقة ما شايفة أي حل غير اننا إما نبتعد عن أي موضوع سياسي أو موضوع يخالف رأي البعض
أو نتفق معاهم في كل أساليبهم , آرائهم , وحتى إختياراتهم للبوستات البشاركوا فيها
Quote: دعوه لتذويب مثل هذه المفاهيم لدي البقيه الباقيه و محاوله لتأسيس
اخلاق للاختلاف في سودانيزاونلاين |
كم أتمنى ذلك
ودي موسيقى تانية تحية لرأيك الحكيم
ربيع في العاصفة
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Tabaldina)
|
Quote: ياخى ياعمر قطعت مصارينا.. الله ما يقطعك من خلاف..
لقداشعتم النور فينا |
| Quote: loool@بالمناسبه مامعنى امنجى وجلابى??? |
الظلامى تبلديا ...شايفاك شمتان فينى ساكت من قبيل وهاك يا ضحك...انت نسيت انك ظلامى ذينا ولا شنو? والظلاميين لاذم يوازروا بعضهم وما يضحكو فيهم
ولا انت خلاص أتأثرت بكلام الظلاميه نهال وبقيت مستنير???
وفى امان الله
لا اله الا الله
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
أممممممممممممممممممممممممممك ...
ألحقواااااااااااااااااااااااااااا...
بت الأحفاد وللللللللللللللللللللللللللللعت
Quote: جاياكم راجعه بأزن الله لما اشوفكم كويس انا حسه شايفاكم طشاش طشاش ولو ما
النور الدخل مع ابو الريش ما كنتى شفتكم زاتو |
ده النور الأول ..
| Quote: احمد الريح ما بسألك |
وده النور التاني..
الليلة بت الأحفاد هظرت وضحكت ...........
غايتو بي نهاية البوست ده إنشاء الله بت الأحفاد بتجيكم بي دلوكتا وأااااااااااخر شعاع..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: عمر الفاروق شيخ الدين)
|
عمر الفاروق
انتا فى ده ولا فى الموسيقى السمعتنى ليهاالامنجيه نهال وامير الظلام الجديد خدر
غايتو الله يجازى الكان السبب
وشوف كمان بقيت اناديكم بأسماءكم حاف كده!!!
نهال ده باين عليهامدربه كويس وعميله مرسلنها لينا عشان تغيرنا فأبتعدو عنها فهى وباء عظيم
| Quote: غايتو بي نهاية البوست ده إنشاء الله بت الأحفاد بتجيكم بي دلوكتا وأااااااااااخر شعاع.. |
ده اخرتا كمان يا ودفاروق? لكين برضو بمشى وبجى واقول الله يجازى الكان السبب
وفى امان الله
لا اله الا الله
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Tabaldina)
|
يا خدر | Quote: اعني انني لم انظر له قط بأعتباره مصطلح جاد |
واضح يا عزيزي أن قلبك متعلق بالظلاميين بالفطرة، فقد عرفت كيف توصل لنا بذكاء أن جاد لا يستحق مصطلح الظلامي !!
لله درك يا خدر.
مرحب بيك ظلامي لا يشق له غبار، وإكراماً لمقامك كمستنير Senior فإنّنا سننصبك (ولي عهد أمير الظلام) وهو منصب استحدثناه تحسباً للظروف بعدما رأينا قادتنا يتساقطون الواحد تلو الآخر بعد أن تسودّ أسماءهم، وبالمناسبة فإنّ أمير الظلام هذه الأيام هو الدباب المفدي أساسي آل ظلامي، مما يعني أن تقلدك لمنصب أمير الظلام يمكن أن يكون وشيكاً فأساسي اشتهر بقيادته للمعارك بنفسه واحتمال اسوداد اسمه يتزايد يوماً بعد يوم.
أحمد الريّح
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Ahmed Alrayah)
|
الحكيم احمد الريح
Quote: واضح يا عزيزي أن قلبك متعلق بالظلاميين بالفطرة،
فقد عرفت كيف توصل لنا بذكاء أن جاد لا يستحق مصطلح الظلامي !!
لله درك يا خدر. |
المسأله عندي اكبر من ماقلت يا ابوحميد .. حسب تصنيفات البورداب
فأنا مستنير 100 واط لكني اعتدت في حياتي ان لا اُضخم الاشياء ولا
اخترع اعداء و اجهز عتادي للحرب .. انا بركز علي قضيه مُختلفه
الشباب هنا مُصرين ينسوها و هي سودانيتنا و تربيتنا السودانيه
مستحيل ان اصدق ان عدد كبير ممن يسمونهم ظلاميين في هذا المنبر
يكونو بالسؤ ده ..لذلك تجدني مصر علي ان الخلاف ليس بهذا العمق
و الجائزه لن يستأثر بها احد الاطراف فقط
لا خيل عندك تهديها ولا مال
فاليسعد النطق ان لم يسعد الحال
فالقضيه مجرد بورد لتبادل وجهات النظر ,, لا مجال في تقديري لي قومان
النفس و المناهده و الشتم .
من ناحيه اخري انا قلت
Quote: مصطلح ظلامي و مستنير لا يتعدي عندي اكثر من انه مصطلح للضحك و
الونسه البريئه بين البورداب كعاده المجتمعات في انتاج مصطلحاتها
الحياتيه .. اعني انني لم انظر له قط بأعتباره مصطلح جاد |
فأنا لم اقرب الصلاة و بي سُكر فلماذا تقربنيها انت
اعني اني استخدمت كلمه جاد كوصف لحاله المصطلحين و ليس ظلامي فقط
ده من ناحيه
من ناحيه تانيه لن افوت لقب امير الظلام و سأعمل جهدي كي ابدو ظلاميا
فوالله لن اخلع قميصا البسنيه ود الريح
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
الاخت نهال كرار
تعرفي اجمل اغنية بتتوافق
مع الوصفة دي اغنية للفنانة نانسي عجرم
اسمها اه ونص اصلها اغنية استايل وسحرية
ولها نفس تأثير الوصفة السحرية للظلاميين
لكن اكتر ناس سعيد عشانهم فى نص الحكاية دي
اصحابنا ال محمود محمد طه ديل
سجناء داخل كهفهم لاكثر من ربع قرن واخيرا
وجدوا عبارة تخرجهم من كهفهم الشتوي
وكانما لم تكن فى معاجم اللغة كلمة الإرهاب من قبل
ولا
يا ربي ما يكون شرحها ليهم صاحبهم قبل ان يقتل؟؟؟؟
عمر الفاروق
ياخ ما تجيب لينا اغنية نانسي عجرم
اهداء للجماعة ديل
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
الأخوات والأخوة الكرام
وهذه وصفة نبوية
دعاء كفّارة المجالس: قال النبي صلى الله عليه وسلم: من جلس في مجلس فكثر فيه لغطه فقال قبل أن يقوم من مجلسه ذلك: "سبحانك اللهم وبحمدك أشهد أن لا إله إلا أنت أستغفرك وأتوب إليك" إلا غفر له ما كان في مجلسه ذلك. رواه الترمذي وابن حبان والحاكم عن أبي هريرة رضي الله عنه.
فرانكلي
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Ahmed Alrayah)
|
Quote: انتي صدقتي اني مريخابية , يا زولة أنا بكاوي في الهلالابية ساي
لا لي شغلة بمريخ ولا بهلال |
شايف عندك يا ود فاروق??? شغلتنا ده عايزه الرزق يحب الخفيه..وافهمها وهى طائره وعايزه انتباه شديد...لو ما عملت حسابك بنشيلك من قائمه الظلاميين
طوالى...تمشى حالا وتمسح نهال ده من المريخ وتشطب القونين الجابتهم...البت اعترفت براها انها ما مريخابيه ويلقوها عند الغافل وقالت كمان انها بس حنت على المريخاب لانهم كانو بسيطين ومساكيين ويحننو...اها زول فيهم جاب ليها فتوى ان العطف على ناس مساكين زى المريخ بيديها ثواب فقامت قالت تاخد الاجر فيهم وتنضم ليهم...اهابعد اعترفا ده امسح اسمها طوالى
وفى امان الله
لا اله الا الله
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
Quote: نرفض بشدة دخول نانسي عجرم لهذا البوست الطاهر.
رابطة أبناء الظلاميين بنيويورك |
سيروا وعين الله ترعاكم ...
قف..
رابطة الظلاميين فرع الرياض تؤيد وتشجب وتندد في نفس الوقت ولا نامت أعين الجبناء..
وتهديك هذه القصيدة علي وزن " متشكرين ومقدرين " :
متحضرين ومولعين ...
بوردابياتنا وبوردابيين ..
هناك مشينا للحكم ..
شايلين شمعتنا والقلم ..
أدانا لينك من العدم ..
قال لينا يا متخلفيييييييييييين ..
متحضرين ومولعين ..
دكتورنا يا سيد الفهم ..
والله ما كان العشم ..
محمودنا طه إتعدم ..
ورونا ليه بس الندم ..
شاكننا ومتهورييييييييييييييين ..
متحضرين ومولعين ..
نهالنا أدت وصفتا..
والخلطة زادت جرعتا..
كبسولة قامت ختتا...
وبت أحفادنا بلعتا ..
وبقينا نحن مشعشعيييييييييييييييييييييين ..
متحضرين ومولعين ..
أحمد ظلامي ومستنير..
ونهال تقول شمس العصير..
وفرانكلي فانوس صغير..
وأساسي بي بي البونت الكبير..
ديل كلهم متدلعيييييييييييييييييييييييييين ..
متحضرين ومولعين ..
و
متشكرين ومقدرين ...
يا مدرساتنا ويا مدرسين ..
عفواً
يا مناضلاتنا ومناضلين ..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: كبسيبة)
|
يا جماعة الخير مضلمين مولعين ماعندنا معاكم شغلة بس المريخ ده خلوهوا بعيد ...
الزولة البتقول انو حنت علي المريخ حقو تسحب كلامه انا ماعارف هي ضلامية ولا مستنيرة لكن ان واصلت معانا كده كان لقيته في جهة بوديها الجهة التانية...
وبعدين المريخاب مريخاب كان شوية وكان كتار..
المريخ نجموا عالي
وسماهو حمره
وكورتو جمرة
ومابشرب الخمرة
اهمنننننننننننن
هيع هع عههعهع هيع
ارضو فوق رؤس الناس
وهو البجيب الكاس
لا كضاب ولا مجراس
اهمنننننننن الليل
هيع هع هيع هيع هعييه هع
زادو البحبوه
كي في الرشاشات
ونارو فوق نارهم
لا هزائم ولا درونات
وكان بيتاثر بي ضني السايبات
الرماد فوق رؤسكم يالشمات
ابشر .........هيع هيع هيع هيع هيع هعيهههوع هيع ..
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: ahmed babikir)
|
عمر الفاروق ..
Quote: دكتورنا يا سيد الفهم ..
والله ما كان العشم ..
محمودنا طه إتعدم ..
ورونا ليه بس الندم ..
شاكننا ومتهورييييييييييييييين .. |
شيل شيلتك مع الجماعة
أأييييي أنا بتاع فتن .. إنتا عاوزم ما يشوفوها ولا شنو
أتوقع بروز بوست بعنوان :
ما رأي عمر الفاروق وأخرين في إعدام زعيم المستنيرين
من هسي أمش ذاكر عشان تاني ما تتكلم ساي
تخريمة :
وأنا بجهز لي بوست بعنوان ..
عمر الفاروق نحن نفاخر بك الضلمة و نتحدى بك الشعاع
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
تحية طيبة للجميع ..
الاخت نهال كرار ... ليه كده طيب ...
بالمناسبة موضوعك ده فيهو بلبله و محاولة توجيه الرآى العام من الصالح العام للصالح الخاص، و ذلك بشغل الشعب عن مستحقاته!!!
لكن نحنا لسان حالنا بيقول زى ما قالت د. نجاة (بيان) ، فيما معناه :
ظلامى عديل و لا مستنير مكعوج
و اكيد برجع تانى
تخريمة:
عمر الفاروق نهال دى مريخابية ميه ميه ، و بت الاحفاد دى فى تيمنا، بس عامله تقيله
تحياتى
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
عمر الفاروق واحمد الريح
انا بحملكم المسئولية كاملة فى رفضكم لدخول
الناطق الرسمي باسم المستنيرين نانسي عجرم
انا شايف نهال كرار خافت من الشطب
لكن انتو لازم تتصرفو باي شكل خاصة انو
المبدع قوم اوقف وانت بتكلمني دخل ومعاهو
انوار دافو_فور
وبما انني من الرياض يا عمر اخوي اطالبك
بالابتعاد عن القرارات الاحادية
وان تتيح الفرصة لنانسي عجرم الناطق الرسمي
باسم مستنيرين بالمنبر الحــــــــر بالدخول
وتقديم عرضها الســــــــــاحر وتخلي الضلام
دا يخف شوووووووووووووية
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
الأخت بت الأحفاد :
طبعاً الأخت دي رجعناها بعد ما شكلك بديتي تضلمي تاني وتختي الألقاب بعد ما كسرتي الحاجز وكنتي شابكانا يا ود الفاروق ويا أحمد
| Quote: الاخ عمر الفاروق ياريت تقول لخاله بيان انها وحشتنا موت واطلب منها انها ترسل لى تلفونها ضرورى |
جاري التنفيذ وأسة الرقم بيكون وصل تركيا في طريقه من كوالالمبور مروراً بالرياض وصولاً لعاصمة الضباب ..(ياخ الرقم ده حا يتعب تعب) إبن بطوطة بس
سنجكنا :
Quote: عمر الفاروق واحمد الريح
انا بحملكم المسئولية كاملة فى رفضكم لدخول
الناطق الرسمي باسم المستنيرين نانسي عجرم |
كلامك ده ممكن يؤدي إلي شق الصف الضلامي ونحن ماااا صدقنا الضلاميين جو إتلموا بي هنا عموماً كلامك ده ممكن يزعلنا منك لكن وإيماناً منا بالدور الذي تلعبه لا نملك إلا أن نقول ليك :
نخاصمك ..أه ..
نسيبك ..لأ...
Quote: لكن انتو لازم تتصرفو باي شكل خاصة انو
المبدع قوم اوقف وانت بتكلمني دخل ومعاهو
انوار دافو_فور
|
يا سنجك هووووووووووووووووي:
وما تتكلم وانا بتكلم وإن غبت عليك سيبني و شتت ..
Quote: وبما انني من الرياض يا عمر اخوي اطالبك
بالابتعاد عن القرارات الاحادية |
أدين وأندد وأشجب هذه اللغة الصارخة وأتقدم بشكوي صريحة لأميرة الظلام نهال كرار لإجراء اللازم وبي المييييت كده تعمل لينا تركيبة تسخطك وتبقيك رتينة ..
الله أكبر ولا نامت أعين الهيفاء ..قصدي الجبنا ء
| |
|
|
|
|
|
|
|
|
 Re: وصفة سحرية للظلاميين , كيف تصبح مستنير في 10 أيام فقط (Re: عمر الفاروق شيخ الدين)
|
بما ان كلمة السلام عليكم ورحمة الله وبركاته اصبحت من مفردات الظلامين, سابادركم الهاي و الهاو آ ر يووو
و اقوليكم لازم تنتبهوا كمان للمفردات الظلامية و لا تستخدموها ابدا في كتاباتكم و احاديثكم واكثروا من الاستدلال بشهداء البكر سوري اقصد الفكر, وكذلك باستنادية التداعي الحر علي ارجوحة اللبرالية العصرية والتي تعلق علي حبال :
1 الريسيزم (لاحظوا جيدا هنا استخدام المصطلح الافرنجي حتي نبعد عن مسميات العروبه و الخصوبه)
2- البراغماتزم
3- الغيظتزم
نتهي بهذا علي ان الخروج من الظلام ليس بحل الشعر و ربط لفة العنق وانما هو حل صواميل الراس نواطلاق العنان للسان و الحنجرة ليتناطحان
وباي
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
صديق الموج :
Quote: عمر الفاروق ده لاظلامى ولا حاجتين..عاجباه ونسة الحريم ساكت
|
أسة علييييك الله وفي ذمتك ونسة حريم الضلاميين ما زي ونسة رجال الإستنارة ...؟؟
ونستنا هنا أرقّ كلمة فيها امريكا روسيا قد دنا عذابها ..
Quote:
يا اخوى امشى حضر لبقال شنطته الزول قرب يهاجر.لووووووووووووول،،، |
يا ود الموج يا أخوي ناس بقال ديل ما بيشيلوا معاهم شنط الجواز في الجيب الخلفي و تورينتو جاك بلا والله تاني ما يشوفوا السودان ده إلا مع ظهور سيدنا عيسي عليه السلام ..
غايتو جهزت ليهو جوابين لي أصحابي في فرانكفورت ينزل معاهم أصلو طيارتو حا تعمل كونكشن في ألمانيا ...
شفت زولك ماشة معاهو طحنية كيف؟؟؟
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: عمر الفاروق شيخ الدين)
|
Quote: إنهالت الدعوات علي أخوانا المضلمين خالص أحمد الريح ونهال كرار للإنضمام لمعسكر الظلاميين في فتاشة وذلك بعد أن بدأت تظهر عليهم بعض من ملامح الشعاع ..
الدعوة قدمتها الدكتورة بيان صراحة في إحدي المواقع التي لا تستطيع الدخول إليها إلا وأنت معك لمبة 999000 واط ..
إلي نهال كرار دعوة ... |
يا عمر دا خبر سعيييد جدا يعني بقيت لاعبة محترفة
أها ما تفقنا لسه على الملايين
تخريمة : قول للعزيزة د. بيان أني سعيدة جدا جدا بدعوتها لي وإن شاءالله حتلقاني نطيت هناك
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: Frankly)
|
| Quote: إنهالت الدعوات علي أخوانا المضلمين خالص أحمد الريح ونهال كرار للإنضمام لمعسكر الظلاميين في فتاشة وذلك بعد أن بدأت تظهر عليهم بعض من ملامح الشعاع. |
عزيزي عمر الفاروق
الحقيقة أنّ هذه ليست أول دعوة توجه لي وأقول هذا الكلام بكل تواضع، فقد جاءتني دعوة من (طالبان) رفضتها لضعف المقابل المادي، ودعوة من (حماس) رفضتها لانشغالي بالدراسة، ودعوة من (الشيشان) رفضتها لانشغالي بالعمل، ودعوة من (حزب الله) رفضتها لميول الحزب الشيعية، ودعوة من جماعة (التكفير والهجرة) رفضتها لأنهم طالبوني بترك سماع أغاني الحقيبة والمدائح!! والمدهش أنّ جهاز المخابرات الإسرائيلي (الموساد) اتصل بي وطلب مني التجسس على الظلاميين مقابل عقد مغرٍ يسيل له اللعاب ومداد القلم !! لكني رفضته حباً في العرب !!
أما أطرف الدعوات فكانت من منظمة (رفضت لي الكشف عن هويتها) لكن قادتها وعدوني بعشرة ملايين دولار إذا أسهمت معهم في اختطاف طائرة ركاب في الجو، وافقت على العرض المغري لكني انسحبت بعد أن اتضح لي أن الطائرة كانت تقل فريق الهلال متوجها لتونس لملاقاة الترجي!!
بخصوص دعوة الدكتورة بيان:
فهي دعوة على العين والراس أقبلها ولا أرفضها، لكن مع وقف التنفيذ، لأسباب عديدة يقف على رأسها التزامي (الشخصي) بالكتابة في سودانيز أونلاين فقط دون غيرها من المنابر، هذا فضلاً عن اعتراضي على مبدأ المشاركة في منبرين في آن واحد مما يبعثر الجهود الكتابية أو يوقع في حيز التكرار الممل فليس لدي الكثير لأوزعه بين منبرين، تحياتي الخالصة -عبرك- للدكتورة بيان الظلامية التي أبلت بلاءاً حسنا (رغم اختلافي معها في بعض ما كتبت وهذا ما بينته لها عملاً بمبدأ المصارحة وعدم التشيع) وأمنياتي لمنبرها بالتوفيق.
أحمد الريّح
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
| Quote: 9. لا تنسى قلب الحقائق لما فيه مصلحتك |
إكذبوا اكذبوا , حتى تصلوا لما تهدفون إليه اكذبوا
استغلوا نضال انسان رائع كالخاتم عدلان (رحمه الله ) حتى تلفقوا الأكاذيب
حتى الأموات ليس لديهم حرمة أو أحترام لديكم ؟؟؟
و تلفيقه الموسم , قال محمد حامد كان من ضمن المشيعين قال !!!؟؟
وهو وقت الجنازة كان قاعد في المنبر يكتب !!!!!??
المنبر بقى يطمم البطن
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: نهال كرار)
|
الغالية نهال كرار.
كيف أبقي ضلامي زيكم..
ومستنير زي الجماعة التانيين...
وصفة خاصة.. لو أمكن..
نحن جماهير الشعب المستقل... والمستغل..
حاجة غريبة...
| Quote: المنبر بقى يطمم البطن |
وأنا أقول القرف ده جاي من وين...
إتاري الطمام الأكبر لامن يجو ناس الشيخ الأكبر..
مع الناس البيفاخرو عين الشمس وحد الحسام...
ويعملو بنبر مطبلاتية يشيل اسم المغفور له..
وتبقي المسألة إنتهازية بدل صدقة جارية...
حتى لروح الأجساد...
وتبقي الشغلانة تطبيل ...
وكيل على التقيل...
وفاقدة للمصداقية ...
وما في زول بقول للتاني..
أعور جوه عينو...
وتبقي المسألة شعاع.. في شعاع..
ويحتاجو لواحد ضُلمة...
وما يلقوهو...
عشان يقلل الشعاع...
وفتك بعافية مستنيرة...
يا كبيرة الضلاميين...
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: محمد عبدالقادر سبيل)
|
| Quote: من بينها حكاية جمال هوبفل.. دا شنو دا ياخوانا !!!!! |
ربنا يهديو
| Quote: كان الزول مثلاً داير يتبع وصفتك السحرية الاستنارية هل يستخير اول حاجة وللا ما في داعي؟ |
مافي داعي
| Quote: رغم ان وصفتك لم تتضمن عناصر استنارية اساسية ولا غنى عنها مثل: العقل والعقلانية ومناهضة النقلانية الانغلاقية، ثم اين حرية التعبير ، وماذا عن مقولة ( هذا فهمكم انتم السلفي الوهابي القروسطي الذي تريدون ان تلزمونا به وكأنما الله قد اوكل اليكم مهمة الدفاع عنه ، وهل هو محتاج الى امثالكم للدفاع عنه؟ هذا هوسكم انتم، وهنالك ألف فهم للاسلام آخر كالمعتزلة والاشاعرة والباطنية والاباضية والشيعة ووهل هؤلاء ليسوا مسلمين أم أنكم ستكفرونهم كالعادة؟، |
أحول أسئلتك للمتحدث الرسمي بإسم قوى الظلام الأستاذ أحمد الريح
Quote: ان اكثر ما لفت نظري في بوستك ، هو انك قلت بالضبط ما كان يدور بخلدي بجانب العناصر اعلاه
كما انني حينما التفت الى البروفايل بتاعك وجدت مرجعية ذات طابع استناري تتويهي فقلت ( وبعدين معاك؟)،
وبعدين |
Quote: والله الظاهر حايطلع كلامك جد ( الاستنارة الواحدة دي) طالما جابت ليها جيفارا وشعراء متمردين،
داير افهم بس يا عالم
لقد انهكتني المفاجآت |
الأستاذ محمد عبدالقادر
أنا عندي أسئلة , ليه الواحد لازم يفصل توجهو السياسي عن الدين ؟؟؟
وليه مثلا مثلا لو أنا بميل للشيوعية كسياسة , أبتعد عن قناعاتي الدينية ؟؟؟
وهل لازم لأني ظلامية , أكره الفن ( من موسيقى ورسم ونحت) ؟؟؟!!
وهل الشعراء ديل أو الفنون حكراً على المستنيرين ؟؟
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: محمد عبدالقادر سبيل)
|
الأستاذ عبدالقادر
تحياتي
والله بالجد خلعتني !!!!
خليتني أحس إني بقيت من الجانب الآخر !!!؟؟؟ ودا مستحيل
يا أخي عبدالقادر أنا لم ولن أنضم لأي حزب سياسي
كلامك كله لا غبار عليه أبدا , وبتفق معاك مليون بالمية والله ( ماكلام ساي )
لكن أنا بؤمن بإن أي توجه سياسي ممكن يكون مفيد لو كان على أسس دينية إسلامية بحته
يعني حتى الشيوعية بماضيها السلبي والإيجابي
بعتقد أنو فيها أسس كثيرة مستوحاة من الإسلام , كالعدل والمساواة وحتى الثورة والحرية
تطبيقها بمفهومنا , أو بالمفهوم الذي يريده أي شخص
فالشيوعية كما قال فريدريك انجلس
هي علم شروط تحرر البروليتاريا
فالثورة البلشفية قامت أساساً بسبب انعدام العدل والمساواة وفساد الكنيسة والظلم الواقع على البروليتاريين
يا أخي عبدالقادر ما تحكم على أي توجه سياسي بحكمك على بعض الأعضاء
مازلت أؤمن بالثورة , ثورة الشعب الحقيقية وليس الثورات الكيبوردية
مازلت أؤمن بأنه مع إزدياد الفقر والمعاناة في السوادن لن يكون هنالك بديل عن الثورة
ومازلت معجبة حد الثمالة بجيفارا
ومظفر النواب وأحمد مطر وكتاب السوفيت قديما
ومع كل هذا مازلت لا أستطيع السيطرة على غضبي عندما أقرأ تنظير في الدين لشخص مدعي فكر وثقافة
ولا أستطيع أيضا أن أسيطر على غضبي عندما ينكر شخص بأن الصلاة مثلا فرض أو عندما ينظر شخص ويقول بأن الحجاب ليس بفرض !!!
فهل يمكن أن أفسر هذا بإنفصام في الشخصية مثلا !!!؟؟؟
| |
|
|
|
|
|
|
|
|
|
Re: وصفة سحرية للظلاميين , كيف تصبح مستنير في 10 أيام فقط (Re: ahmed babikir)
|
الأستاذ أحمد بابكر
| Quote: اولا لك التحية يااستاذه نهال علي مريخيتك التي اخجلت مريختنا وعليه نشكرك علي اعلان ذلك الحدث في وجوه القوي الضلامية |
لا شكر على واجب
| Quote: في الحقيقة اولا انا مامعاكم في موضوع الضلام ده لانوا انا مستنير جدا والدليل النور الباقي مني.. |
 ماهو باين
| Quote: ملامحكم بتتشاف من بعيد ضلام لكن البنفسج الفي فكركم نابع من اصل التقاء حاجب الضؤ مع حنان حروف جيعانه لي حشد التواتر من قلب وتر حزين جواكم..واظن الكلام المدد في خطي الايام البعيده استاهلك.. |
الإستنارة هنا بانت أكتر أصلي مافهمتش حاجة
| |
|
|
|
|
|
|
| |
محمد عبدالقادر سبيل
سجيمان
اساسي
bint_alahfad
Abureesh
ناذر محمد الخليفة
زول ساكت
خدر
Frankly
alsngaq
هاشم نوريت
محمد الامين احمد
ابوبكر الامين يوسف
محمد حامد جمعه
صديق الموج
A.Razek Althalib
فيس بوك
تويتر
انستقرام
يوتيوب
بنتيريست