|
ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
|
يتوجه ود الباوقة الي السودان يوم 20يوليو الجاري بعد غياب طال لاكثر من عشرة سنوات في الغربة وتنتظم الباوقة هذه الايام رحلات مكثفة الي الخرطوم لاستقبال ابنها العائد من الغربة وقد خابرني احد اقربائي ان شباب المنطقة وشيبانها سوف يخرجون عن بكرة ابيهم لاستقبال عمر محمد عبد القادر بعد ان فقدوا الامل في عودته .....نتمني لود الباوقة اقامة طيبة و اجازة سعيدة بين اهله وعشيرته .
وليد شريف
|
|
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: حمزاوي)
|
Quote: وتنتظم الباوقة هذه الايام رحلات مكثفة الي الخرطوم لاستقبال ابنها العائد من الغربة وقد خابرني احد اقربائي ان شباب المنطقة وشيبانها سوف يخرجون عن بكرة ابيهم لاستقبال عمر محمد عبد القادر بعد ان فقدوا الامل في عودته |
يا وليد إنت ودالباوقة كان في ياتو فصيل ؟ .. أظنه طول المدة دي كان بجهز في التوابيت عشان كده غتسان بره البلد .. أها زولنا دا عنده نية يمشي يعمل ليهو ورشة توابيت هناك لي ناس الحكومة ..
ربنا يوصلك بالسلامة أخي عمر .. سوف نفتقدك في الفترة القادمة .. ولكن عزاءنا أنك سوف تكون بين أهلك وأحبابك وفي الوطن الحبيب ..
شكراً وليد .. خلينا نتصل بالوزير المقاتل أحمد حنين عشان يعمل حفل إستقبال ضخم هناك .. طبعاً البداية حا تكون بالساحة الخضراء ..........
| |
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: Ibrahim Adlan)
|
الليلة الليلة وأزاي الليلة وحرقنا حراق بنار الكمائن ديلة
حريقنا حريقة وحراقا شين شالو بالمزيقة
مشيت للعمدة قال لي ما بمضى وحليل الرايق حماني الغمضة
نسد الساحة ونشيل مفتاحة وعليك يا لباوقة اللذيذ تفاحة
بهذه الكلمات هبكت الدلاليك وطنبرت الطنابير ولعلعت العكاكيز وانزلقت الفرك فوق عصب العواجيز .. في تكية شمس اتكت الفروع ظللت الترى يوم عفر تنيات الأصابع ليلك يطول يخجله الدعاش وهبهاب دغاش من بين الهواتيب وزيفة خماير الخبز من فوهات المخابز .. حيت نار الشميسة وتجهم الرقراق وتقطعت حروف الكلمة كان بقت سلبة لدلو الفراق ...
الزينين كان راحو والحارن فاتو مراحو باقي الطير كيفن بتحاحو
ود الباوقة موعود بالهمبريب والكسرة بالملح الشمار والجبنة في نص النهار
تمشي وتجي بالسلامة وسلامنا لكل الناس وولاد الناس الباقي فيهم إحساس كيف أصبحتو أصبحنا زي الناس
تسلم يا عائد للدار المتقاة بشويش هواء مسنودة بالجدر الصبورة مركوزة بالعدد القديم وكم أثر من نفر مضى
| |
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: معتز تروتسكى)
|
قريبى عمر
أهلاً بك ومرحبا...بعد هذا الغياب الطويل
سمعت من مصادر موثوقه أن هناك لجنة تكونت لأستقبالكم واحده بالشرق والتانية فى مشرع الباوقه بفيادة مخمد العوض ربان بنطون الباوقة وود الكديو مجهز ليك اللنش فى حالة أى عطل طارئ للبنطون الزينات والأنوار من المشرع لغاية الدويحيه....مع أنغام عبد الكريم الحورى كما أن نحاس أهلك الأتقرياب لن يغيب عن هكذا مناسبة مرحب بيك يامانجل.....وأم نخيل متشرفه
يامسافر........سجيمان بسال عن التفاح الراى شنو ا
| |
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: حاتم الياس)
|
Quote: قريبى عمر
أهلاً بك ومرحبا...بعد هذا الغياب الطويل |
ابن العم الاستاذ حاتم الياس .. شكرا على حفاوة التكريم وحسن الاستقبال .. ضروري من مقابلتك هناك ان شاء الله .. مولانا اسامة حسن عبد القادر هو اقصر الطرق لوصولك لنا ...
Quote: سمعت من مصادر موثوقه أن هناك لجنة تكونت لأستقبالكم واحده بالشرق والتانية فى مشرع الباوقه بفيادة مخمد العوض ربان بنطون الباوقة وود الكديو |
الله يبشرك بالخير يا حاتم تصدق كنت داير اجيب معاي ( عوامات ) لو اصاب البنطون عطل .. لكن ود الكديو صديق عزيز وما بقصر معانا .. اللهم بارك له في ( لنشه )
ود الباوقة
| |
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: وليد شريف)
|
العزيز عمر اجازة سعيدة وان شاء الله بعد السنين دي كلها يعجبك حال البلد وتقضي أيام جميلة والجو مايعمل معاك عملتو معاي طبعاً أنا قضيت أسبوعين هناك سخانة وغبار بشكل غير عادي لكن شكلك فكي بتمشي تصلحو على العموم تحياتنا وتمشي وتجي بالسلامة
أحمد حنين والله كان نفسي ألاقيك هناك عشان أقيس الروح القتالية مابين هنا وهناك لكن للأسف الفترة كانت صغيرة جداً وماكنت عارف ليك درب هناك ... مدسوس وين كنت ياحنين
| |
|
|
|
|
|
|
Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!! (Re: وليد شريف)
|
ابو سجى يا وجيه .. ياخي انا نفسي اشوف اول انطباع لي ود الباوقة بعد عشرة سنين غربة ..
اول انبطاع حين يرى اول كوز راكب فارهة سافي الخلق.. واول انبطاع لامن يشوف اول فيلا لي اخر كوز سف البلد .. واول انبطاع لامن يلقى الايات الكريمات خرجت من نفوس اخر الناجين من الذبح وعلقت في الشوارع ..
واخر انطباع لامن يلاقي المكبرتات اللواتي تكربتن من عرق الرواعية في الخليج .. المكبرتات صاحبات الحظوة رافعات المصاحف في اسنة رماح جهاز شؤن المغتربين .. المدخنات اللوائي بقدرة قادر حولن رائحة عرق الرعاة الى رائحة دلكة في غرفة نوم باردة ..
ماشي توجع قلبك وتجي ياعمر ؟؟
ود الباوقة احسبك الان تقشر لرحلة من الشوق.. والان انت متوجه الى المطار ... اقولها لك ..
راجع نفسك..
ان البلاد ليست لنا...يا تمشي ما تجي يا ماتمشي وبالتالي ما تجي .. الجية خليط من الشوق والوجد والذكريات ..
وربنا يكتب سلامتك ..وعديلة شقيش تقبل ..
| |
|
|
|
|
|
|
|