امس وحياتكم ركبت مواصلات امدرمان راجعه العربى لمن وصلنا الموقف والله العظيم وماطالبنى حليفه الناس الكانو معاى فى الحافله بعد ما شفتهم نازلين لقيتم طالعين تانى والله الناس شايلين الناس وداخلين بيهم الحافله تلقى الواحده شايله ليها طفل زى الشايله ليها شنطه يد تدافر بيهو زى الماحاصل حاجه وبعد مسافه تقول ولدى زحو شويه كتمتو نفسو عليكم الله المابكتم نفسو شنو وهى مدافرة بيهو فى جنس ده
احكي ليك النكتة دي عن المواصلات : قال واحد رايح الثورة لقى الباص ملان ملية شديدة وفي واحد متشعبط في السلم ما ظاهر منه غير طرف قميصه أها صاحبنا قام لكزو وقال ليه الباص ده ماشي وين رد عليه : قول ماشي سريرك حا تركب وين !
08-25-2005, 02:26 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
الأخت نجود لمن دخلت في البوست بتاعك الفات وقميصي طايرات منو زرارتين وشبشبي مقطوع وعرقان لمن كرهان نفسي وشئ عرق شخصي وشئ عرق بقية الركاب ولأنني إنسان وطني إعتبرت الموضوع واحد أها لمن حكيت ليك الموضوع ده كحيتيها معاي وقلتي لي والعبارة التالية "حالتك صعبة" وبالضرورة ما زعلت لأنو حالتي دي نابعة من حالة ناس السودان في سوادهم الأعظم حتى أنه واحد سايق ركشه كاتب عليها "الما عندو القرش القرش ... وبعدين راسم دموع أو عيون بتبكي" أها بعد مجهود وشوية ذكاء عرفت ليك المعني. وزي ما بقولو هذه بتلك ، يعني يا تشتري عربية بشرط تكون مكندشة يا تستحملي يا تدفعي ماهيتك لي ناس أمجاد والركشات والتاكسيات.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
wadahmed
Badri
almulaomar
عبدالرحمن عبدالله أبوشيبة
فيس بوك
تويتر
انستقرام
يوتيوب
بنتيريست