|
نكات ادروبية بالله فكوا الكشرة شوية وخلونا نفرفش
|
بلدينا مسنسن وبايته معاهو وفى ناس مبلغين انو بيتو يستغل للمعارضة البجاوية ومع تباشير الصباح ناس الامن هجمو للبيت و ليقوه خشم الباب بره واحد من ناس الامن سالو ..
يازول انت من اهل البيـــــــــت ادروب/ لا " انا من كفار قريش
بلدينا كلو يوم يشيل من تراب الميناء جردل والشرطة فى البوابة تفتش التراب دا ماتلقى فيهو حاجة والحكاية اتكررت ويوم زعل الشرطى وكب التراب فى ا########## وفتشو ذرة ذرة وما لقى فيهو حاجة واحتار طبعا ادروب دا يعمل فى شنو.. الشرطى ادروب ليك الامان بالله ورينى بتعمل بالتراب دا شنو؟ ادروب الشرطة ليهو امان؟ الشرطى والله يا ادروب انا ما اعمل ليك حاجة بس ورينى تعمل بتسرق التراب ليه؟ اداروب بصراحة انا ما نسرق التراب انا نسرق الجردل.....
|
|
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
هاشم نوريت
دبايوا وعوجات كيتها.
عارف يعجبنى فيك الكثير
واكثر حاجه حرصك على ثقافتك
ومنها تحيتك لناس المنبر بدبايوا
وبعدين علمتنا انه فى( دبايوا للرجل) و( دبايتواللمرأه).
فالف شكر لك وشكرا على هذه النكات
وخد دى من ادروبات بورسودان
وقت انشاء مصنع الاطارت الكوريه ببورتسودان
كان لاول مره ادروب العادى يحتك بالكوريين
وكان الكوريين يقطعون المسافه مشيا كل يوم
من مناطق سكنهم فى اغصى جنوب بورتسودان الى موقع المصنع
فى اغصى الشمال (احتمال مسافة مائتين كيلو ذهاب واياب )
ادروب مبطوح يلعب فى (سفرجت) قال لى اخوه:
( اوشيك يا اخوى المصايب ديل شنو؟)
رد اوشيك (الله اعلم............ ديل افتكر تكاريين اخر الزمان ).
واحده ثانيه اوكير مبطوح فى رمضان صيفى حار وهو صائم
سأل اخيه باكاش باكاش يا اخوى من جاب الرمضان ده )
رد باكاش الله يجازيهم التكارين جابولنا رمضان و الطوريه).
ودمتوا رايقين
ودام الادروبات والتكاريين بالف خير نموذج للتعايش السلمى فى الشرق.
تراجى.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: Tragie Mustafa)
|
Quote: بلدينا كلو يوم يشيل من تراب الميناء جردل والشرطة فى البوابة تفتش التراب دا ماتلقى فيهو حاجة والحكاية اتكررت ويوم زعل الشرطى وكب التراب فى ا########## وفتشو ذرة ذرة وما لقى فيهو حاجة واحتار طبعا ادروب دا يعمل فى شنو.. الشرطى ادروب ليك الامان بالله ورينى بتعمل بالتراب دا شنو؟ ادروب الشرطة ليهو امان؟ الشرطى والله يا ادروب انا ما اعمل ليك حاجة بس ورينى تعمل بتسرق التراب ليه؟ اداروب بصراحة انا ما نسرق التراب انا نسرق الجردل..... |
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: غادة عبدالعزيز خالد)
|
ملاسى جنى تمبس تراجى غادة دبيانا اهلا بيكم فى واحة ادروبية وان شاء الله تعجبكم وياريت تشاركوا والكل يشارك مساحة للضحك ومافى اى ضغينة او اى شى يعكر صفو الجميع وكما تعلمون كل اشرطة النكات لا تخلو من الادروبات ينكتوا الناس بالفى والمافى وخلونا نفرفش......
بلدينا مرتين حكموا عليه بالجلد فى عهد الانقاذ عشان سكران والمرة التالتة القاضى زعلم منو وقال ليهو محكوم عليك باربعين جلدة ومائة وواحد يوم سجن بلدينا ضحك وقال ياقاضى عرفنا مائة يوم لكن الواحد دا دمغة شهيد ولا شنو؟
لما جات شركة سوداتيل جابت للحفريات صعايدة فى بورتسودان وفى بلدينا واقف يعاين فى الناس ديل لان الواحد ماسك رغيفة ناشفة وبصل وياكل وشغال وبعدين الصعيدى اضايق منو فقال ليه ياعم ما ماشوفتوش خبير اجنبى ولا ايه ادروب/ خبير اجنبى شوفنا لكن حفار اجنى ماشفونا قبل كدا.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: خدر)
|
أنتشرت سرقة البكاسى من ميناء بورسودان وقرر البوليس تشديد الحراسة وتكثيف عمليات التفتيش. أدروب لابس سربادوب وصديرية وسدروا مكشوف طالع من الميناء البوليس وقفوا فى البوابة للتفتيش , وبدأ يفتش جيوبو مسك البوليس الحقة من برة جيب الصديرى وسأل أدروب : " يها.. أون ناناتى ؟" أدروب : " أون ؟ , أون ... تايوتا ".
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: Dr Mahdi Mohammed Kheir)
|
الدكتور مهدى دبايوا
Quote: أنتشرت سرقة البكاسى من ميناء بورسودان وقرر البوليس تشديد الحراسة وتكثيف عمليات التفتيش. أدروب لابس سربادوب وصديرية وسدروا مكشوف طالع من الميناء البوليس وقفوا فى البوابة للتفتيش , وبدأ يفتش جيوبو مسك البوليس الحقة من برة جيب الصديرى وسأل أدروب : " يها.. أون ناناتى ؟" أدروب : " أون ؟ , أون ... تايوتا ". |
تسلم وهاك دى.
بلدينا ولودو فى المدرسة وبعدالامتحانات قاليهو يا ابوى انا نجحت وبقيت التانى لكن المدير قال لى ما حا ينقلنى للفصل التانى طبعا بلدينا زعل شديد ولدو يطلع التانى وما ينقلوا للفصل البعدو
بلدينا جا للمدير وقال ليه ليه ولدى يطلع التانى وماتنقلوا المدير اسف يااخوى لان الفصل التانى ما نجح منو الا واحد عشان كدا ما بقدر انقل الا واحد للفصل البعدو. بلدينا تنقل واحد ليه اصلو دا فصل ولا( كرتله)
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
بمناسبة المدرسة دى:
المطر طولت ما صبت على أهل منطقة فى الشرق.
وأهلنا هناك زى ما عرفن , الحمدو فى تلتلا .
المزارعين اتلمو وقالو يمشو يكلمو ناظر المدرسة أدروب عشان يخلى تلاميذ الصف السادس يصلوا للجماعة صلاة الأستسقاء.
الأولاد صلوا صلاة الأستسقاء بالضهر , بالليل .. صبت مطرة غرقت الحلة.
الصباح أتلموا المزارعين ورجعوا للناظر أدروب .. متذمرين.
أدروب الناظر : يا جماعة انتو ما كلمتونا من الأول ليه؟ , ما كنتو تقولوا عايزين شكشاكة .. كان أديناكم أولاد أولى .
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: نادية عثمان)
|
الاخت تراجى مصطفى دبايتو
Quote: دبايوا وعوجات كيتها.
عارف يعجبنى فيك الكثير
واكثر حاجه حرصك على ثقافتك
ومنها تحيتك لناس المنبر بدبايوا |
شكرا ليك وخلينى اكتب ليك تصريف كلمة دبايوا
المفرد المذكر/دبايوا المفرد المونث/دبايتو الجمع وهو يبداء من اثنين/دبيانا الجمع المؤنث/دبيتانا وعايز اكتب ليك عن الحياة الاجتماعية البجاوية ونشوف كيف يتم التزاوج البجاوى من طقطق الى بيت الزوجة وبعدها يمكن ان اسرد بعض التواريخ التى تؤكد على وجود البجا فى شرق السودان منذ الاف السنين يعنى حروبهم ضد المماليك فى مصر والنوبة فى الشمال ووو وحكايات وان شاء الله تشجيعكم والبوست يتوسع ومرة مرة ننكت برضو مالو عشان نفك الدبرسه
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
كيف يتزاوج البجا بجاوى نوى الزواج ويريد الزواج بفتاة من قبيلته مثلا هنا يذهب مع والده واخر من اسرته لجهة الاب الى اكبر الرجال سنا من اهل الزوجة وهناك يتقدم اهل العريس بطلب الزواج من بنت فلان ولايذكرون اسمها وان ذكر الاسم فهذه قضية كبرى وتفتح ليك هوا ولازم قبل الطلب تشرب الجبنة وتتسامر ولايتحدث العريس وبعد كل الواجب يتقدم كبير الوفد بالطلب وهنا يرد كبير الاسرة الذى جاء اليه الضيوف بانه سيقوم باستشارة باقى القبيلة وان شاء الله يحصل خير ولكنه يطلب منهم بالذهاب الى العمدة او اقارب له ليتقدموا بالطلب... فى الحقيقة كنت استاء من هذه الاجراءات ولا اخفى اننى مررت بها وعملتها ولكننى بعد ان كبرت عرفت الهدف منها لان البجا عندهم مفهوم الزواج ما لعب والبنت التى يزوجونك لها لا يعنى ان اهلها فى غنى عنها ويعتقدون بان تطويل الاجراءات يعنى بانك ستفهم قيمة الزوجة... وبعد كل هذه الاجراءات طبعا هنالك اجراءات اخرى اذا كان العريس من خارج القبيلة لابد من والد واخوان الزوجة عرض الامر على القبيلة وان قال احدهم لا انا غير موافق وساتزوجها طيارتك قامت... المهم نفترض انهم وافقوا تاتيك الموافقة عبر العمدة ولماذا العمدة لانهم يريدون تسليم الزوجة للقبيلة واى تقصير تسال عنه القبيلة فمثلا اذا حدث خلاف بين الزوجين والزوجة طلبت الطلاق ليس فى عرفنا الذهاب للمحاكم يذهب والد وعمدة الزوجة لعمدة الزوج الذى اعطى الموافقة عند الزواج والان دوره لرد الامانة وهو حر مع الزوج. هذا نظام عجيب عجيب والتفاصيل تطول.... وايضا هنالك نظام عجيب فيه خطوط طول وعرض وهمية والبجا دول داخل دولة.. اواصل ان شاء الله فى الزواج لاننا توقفنا عند موافقة اهل الزوجة ماهو المطلوب وكيف يتم الزواج تابعونا.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
فلاتى شقال عتالى فى سوق كسلا . ناداهو واحد " يا حاج بالله تعال شيل المقطف ده " صاحب المقطف طلع تاجر حشيش البوليس متابعوا من فترة. تاجر الحشيش شعر بالبوليس وزاغ من الفلاتى . البوليس مسك الفلاتى شايل مقطف الحشيش , والحاج المسكين أدبًس خمسة سنين سجن. طلع من السجن وجه السوق يواصل شقلو , ناداهو واحد " يا حاج بالله تعال شيل المقطف ده " الفلاتى " أ..آ , حاج تانى ما يشيل ألا أونكوليب .. بس "
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
اخى هاشم
ياسلام عليك يا اخى هذا هو الذى نحتاجه ان نستفيد من هذا المنبر ونثقف
بعضنا البعض, لاننا نشانا فى دوله تخلت عن دورها المفترض فى ربط الاثنيات
المختلفه,المهم لا علينا منها و البركه فى ( حوش بكرى )ممكن يبقى افيد
من اى جامعه.
و الله يا هاشم يعلم الله عندما دخلت هذا المنبر كان هذا هو هدفى ان اكتب بشكل مختلف
وانا اعتقد كل هذه التشنجات , سببها جهلنا بالاخر , فقلت دعنا نعرف بعضنا لكن البركه
فى الحريصين على استفزاز الناس , واخراجهم من طورهم.
عايزينك تكمل وخاصه الجزء بتاع البحث عن العروس المتخبيه وسط صاحباتها
ومتبلمه, احتمال يكون الوضع اتغير لكن حتى لو اتغير احكى لينا عما كان سائد.
ولك التحايا يا فارس الشرق.
هاشم يا ريت تحدد لينا انت من وين فى الشرق, وكمان تدينا نبذه عن القبائل
انا مثلا عارفه انه (القرعيب )مناطقهم جبيت وما جاورها , (البشاريين )حلايب وشلاتين,
(الكرباب )طوكر و الى سواكن ,( الحلنقه) كسلا ,و..........و............ الخ.
تراجى.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: Hussein Mallasi)
|
الاخ هاشم دبايوا
قال ليك في فلم هندي شغال في السنما وفي بدايتو فواحد فلاتي شاف البطل من خلفه جماعة عاوزين يقتلوه فوقف في الكرسي وقعد يصيح يابطل الجماعة وراك يابطل الجماعة وراك مايكتلوك الفلم بيخلص فقام البطل اتلفت وقتل الجماعة فصاحبنا جلس في الكرسي فجنبو واحد ادروب طلع سكينو وطعن الراجل قال ليه تكلم (البتل) مالك مالو
جمال
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: جمال هباني)
|
بلدينا لم ليك فيهو فلسطين ايام كانو فى سنكات واداه ليك علقة تمام ومافى حته فى جسمو ما مرضخة يازول مش البيت وقعد اسبوع مكمدات وعلاج والعلقة حارقاه لكن خايف كان هبش الفلسطين يدبل ليه العلقة المهم شاف الفلسطينى قاعد فى قهوة وقال ينتقم منو وقف بعيد ونادى للفلسطينى يافلسطينى يافلسطينى اتلفت الفلسطينى وقال نعم يادروب بلدينا اتنى كدا وقال ...اسرائيل كيييييييييييييييييف
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
تراجى دبايتو
Quote: ياسلام عليك يا اخى هذا هو الذى نحتاجه ان نستفيد من هذا المنبر ونثقف
بعضنا البعض, لاننا نشانا فى دوله تخلت عن دورها المفترض فى ربط الاثنيات
المختلفه,المهم لا علينا منها و البركه فى ( حوش بكرى )ممكن يبقى افيد
من اى جامعه.
|
فعلا ياتراجى نحن فى بلد يحاول مثقفوها وسياسيها طمس تاريخ شعوب استمر منذ اكثر من اربعة الاف سنة ويريدون حصر تاريخ البجا فقط فى عهد الثورة المهدية وعثمان دقنة.
Quote: و الله يا هاشم يعلم الله عندما دخلت هذا المنبر كان هذا هو هدفى ان اكتب بشكل مختلف
وانا اعتقد كل هذه التشنجات , سببها جهلنا بالاخر , فقلت دعنا نعرف بعضنا لكن البركه
فى الحريصين على استفزاز الناس , واخراجهم من طورهم.
عايزينك تكمل وخاصه الجزء بتاع البحث عن العروس المتخبيه وسط صاحباتها
ومتبلمه, احتمال يكون الوضع اتغير لكن حتى لو اتغير احكى لينا عما كان سائد.
ولك التحايا يا فارس الشرق.
|
طبعا فى متغيرات كثيرة وعندما حاولت اظهار الحياة الاجتماعية البجاوية انا اكتب عن الحياة فى الريف وليس المدينة وايضا عن اصل العادات والتقاليد وقد يكون هنالك فروق بين هذه المجموعة وتلك ولكن معرفة وتقديم هذا النظام الاجتماعى المترابط ربما يغير فى ذهن البعض الصورة التى يحملونها فى مخيلتهم عن البجا وطبعا لا يتفرد البجا بها وهذا هو النظام الاجتماعى لكل القبائل السودانية ولكننا نصر التعامل مع الاخرين حسب ما نحمل من صور لهم.
Quote: هاشم يا ريت تحدد لينا انت من وين فى الشرق, وكمان تدينا نبذه عن القبائل
انا مثلا عارفه انه (القرعيب )مناطقهم جبيت وما جاورها , (البشاريين )حلايب وشلاتين,
(الكرباب )طوكر و الى سواكن ,( الحلنقه) كسلا ,و..........و............ الخ.
|
حاضر ياتراجى ونخش فى سياحة لمعرفة القبائل ومواطنها
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: WadAker)
|
طالبات مدرسة باوارث الثانوية فى بورسودان طلعوا مظاهرة البوليس أعتقل مجموعة من البنات وركبن الكومر . أدروب لقى الكومر واقف ملان بنات زى الفستق فقرر أن ينضم للمجموعة المعتقلة بأى طريقة , وبدأ يهتف :
"عاش الحزب الشيوعى السودانى .. عاش نضال الطبقة العاملة"
الأمباشى مشلخ شايقى , واقف جنب الكومر , عاين لأدروب وقالو :
"يا زول أمشى من هنا .. والله إن بقيت لينين .. ما بتركب"
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: Dr Mahdi Mohammed Kheir)
|
حاتم زيكو ودابكر د.مهدى دبيانا شكرا للمشاركة واديكم دى.. بلدينا عينوه ناس الانقاذ والى بورتسودان وطبعا زولنا مبسوط من العربات والاضواء وبعدين يوم جاه مسئول من الخرطوم وفى المطار يقدم موظفينو للمسئول وبعدين فى زول قاعد فى كرسى والرجلين مقطوعين من فوق الركبة وبعد بلدينا قدم كل المسئولين فضل بتاع الكرسى وسال المسئول دا منو بلدينا احتار لانو ماشاف الزول دا قبل المهم فكر وداير يطلع من الزنقة المهم المسئول سالو تانى ياوالى الزول دا اسمو منو بلدينا/ مش عار اظن يمكن يكون الطيب النص
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
يعني دي ما عنصرية؟ ليه لا؟ === الساعة تسعة مساءً مواعيد حظر التجوّل. الساعة تسعة جات وأدروب لسع ما وصل بيته. لقى ليه شدرة غليدة اتوكل على الله ورقد تحتها. نص الليل جات مجموعة من بوليس السواري ولقوا أدروب نايم تحت الشدرة. وقعوا فيه رفس ولكّيز ونهّير. صحى من النوم مخلوع. قال ليهم: في شنو يا جماعة؟ قالوا ليه قوم من هنا إنت ما عارف إنه في حظر تجول؟. أدروب قال ليهم: هسّأ الـ بيتجوّل فينا منو؟ ==== أدروب سرق ليه عتود ولفاه في برش وختّاه تحت أباطو ومشى. مرّ قدام ناس بيتونسوا وفجأة العتود نطّ من جوة البرش الشايلو أدروب. أدروب اتحرج .. واتلفت على الناس البيتونّسوا وقال ليهم: هييي .. الـ بيجدّع بالعتـّـان ده منو؟.
=== قلتوا لي الكلام ده ما فيه عنصرية؟.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: هاشم نوريت)
|
هاشم نوريت
تحياتى وتقديرى
وشكرا يا اخى على كل هذه المعلومات القيمه
وعلى فكره و الدة ابى من (الحباب) و لا ادرى لماذا كنيتهم ( بالهباب).
وشكرا انك فكرتنى بالنوراب وهم فعلا اغلب سكان بورتسودان منهم.
نرجع للكرباب وانت عارفهم يا هاشم ما تعمل لى مولانا وما قاعد تتأمل فى الملامح
ده طبعا (هظار) المهم يا اخوى يقول اهل الشرق ان الكرباب اجمل نساء الشرق
وانا اعتبرهم اجمل نساء السودان , حسب تجوالى فى السودان , لاى البطون ينتمون
يعنى قد يكونوا فصيل صغير ينتمون لفصيل اكبر من التقسيمات التى ذكرتها.
وحدثنى عن العمده او الناظر الثائر (على منيب) و لاى الفروع ينتمى ( فهوصديق و الدى
رحمه الله) كانوا يكرمونناباحلى انواع البطيخ من منطقتهم الله يطراهم بالخير.
انا اعرف انه من منطقة ميناء (بشائر) الميناء الجديد بين سواكن وبورسودان
الله يا هاشم على الشرق واهل الشرق كم افتقد طيبتهم.
اعرف منطقتك الصغيره التى تحدثت عنها لكن و الله يا هاشم باين الكبر دخل النسيان بقى
خرافى , احاول ان اتزكر الان تلك المنطقه التى تقع خلف البيطرى بتاع بورتسودان
والتى صارت منطقة تدريب للدفاع الشعبى , كانت مشهوره بحلاوة بطيخها هل هى قريبه لمنطقتك.
اجمل مرحله فى حياتى عندما عملت مع برامج دراسات (الريساب) ( RSAP) وهى اختصار
Read Sea Area Program
لبرامج مموله بين جامعة بيرجن وجامعة الخرطوم ومتخصص فى توفير دراسات علميه
حول البحر الاحمر فى كل المجالات ,المهم كانت اول مره اتجول فى عمق ريف الشرق
وما اجملهم و ما اطيبهم اهل الشرق .
تراجى.
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: luai)
|
أخونا لؤى
ياهو حالنا, من 89 أنتو تضحكوا ونحنا ... نبكى . --------------------------------------------------
عمنا أوهاج راجل غنيان , حصل السبعين سنة .. وما مشى الحج . الجماعة فى الحلة سألوه " يا عم أوهاج مالك ما حجيت ليه هسة " أوهاج " والله يا جماعة كلما أحاول أمشى الحج .. يصادف العيد الكبير ".
| |
|
|
|
|
|
|
اخر نكتة ادروبية رواها عسكوري! (Re: هاشم نوريت)
|
اخر نكتة ادروبية رواها عسكوري حيث قال:
من الخطاء الكبير توصيل المياه الي بورتسودان من النيل! علي العكس تماما يجب ترحيل الناس من بورتسودان الي النيل!! هذا المنهج الخاطئ في التنميه هو الذي يقود الي تبديد الموارد!
هذا المبلغ الذي سيصرف في توصيل الماء الي بورتسودان يمكن استغلاله في مشروعات علي النيل وتهجير الكثير من سكان بورتسودان الي النيل لحل ضائقة المياه في المدينه. حل مشكلة المياه في بورتسودان علاجه يتمثل في تقليص عدد السكان في المدينه والحد من النمو السكاني فيها! هذا منهج خاطئ يجب وقفه! لانه ببساطه بعد عشر او عشرين سنه سينمو سكان المدينه وستحتاج الدوله لمشروع اخر ولن تجد ماء لايصاله للسكان! هذا مشروع الهدف منه تبديد المال العام ليس إلا !!!!
لا....... لتوصيل المياه لبورتسودان من النيل !!
| |
|
|
|
|
|
|
Re: اخر نكتة ادروبية رواها عسكوري! (Re: Hussein Mallasi)
|
أوهاج وأدروب أشتروا قندول بنقو ومشوا المقابر يسطلوا بعد السجارة العاشرة , لفوا سجارة جديدة .. الكبريتة خلصت أدروب شاف ليه جماعة من بعيد .. بحفروا فى قبر فقال لأوهاج " امش شوف الجماعة البيدفنوا ديك يمكن تلقى كبريت " أوهاج مشى وأتأخر على أدروب ... أدروب حصًلو هناك لقى "مقهى" فى الجنازة. أدروب: " شنو ياخى ! .. وين الكبريت ؟. أوهاج: " أنتا فى الكبريت ..ولا تعال شوف السيجارة دى لافنها بي كم كرت !!
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: نورالدين حسن نمر)
|
نور الدين دى جبتها من مجلة ماجد ولا شنو
هاك دى من الارشيف يا نوريت
Quote:
قالو ادروب مسافر من بورسودان بالباص الماشي الخرطوم
وراكبه جنبه امراه حلوه شديد وعندها طفل صغير شايلاه
الولد قاعد يبكي
قامت المره قالت للطفل تاكل البسكويته دي واديها عمو( عمو ده ادروب طبعا ) الولد ما اكل البسكويت قامت المره ادتها ادروب اكلها المهم الولد قعد يبكي ويبكي قامت المره قالت ليه ترضع ولا اديه ؟؟؟؟ ل عموووووووو( عمو طبعا ادروب )
الولد رفض ورفض المهم الام تحنس في طفلها لحدي ما وصلوا الخرطوم
ادروب زعل من الطفل زعل شديد وعاين ليه كدااااااااااااا
وقال لي الطفل لا رضعت ولا خليتني انزل في كسلا
|
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: برهان تاج الدين)
|
ادروب ساق زوجتو حامل ونسيبتو ومشى الخرطوم يشتقل فى التجارة ملا الدكان بضاعة لي السقف وبدأ يبيع .. . جاهو واحد ود حلال , أشترى منو كل البضاعة الفى الدكان وحًملا فى لورى .. وأداهو شيك . أدروب مشى البنك يصرف الشيك .. لقى الشيك طاير . رجع البيت الجن راكبو .. لاقتو نسيبتو جنب الباب: " أدروب الولد جبتا ..أنا نقول نسميهمو أوشيك " أدروب: " أوووو ..شيك !! , لا..لا..لا , أوشيك ما نسمى , أو كاش نسمى ".
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: Dr Mahdi Mohammed Kheir)
|
برهان الدين دبايوا الله يجازى محنك دى نكتها من وين......
Quote: قالو ادروب مسافر من بورسودان بالباص الماشي الخرطوم
وراكبه جنبه امراه حلوه شديد وعندها طفل صغير شايلاه
الولد قاعد يبكي
قامت المره قالت للطفل تاكل البسكويته دي واديها عمو( عمو ده ادروب طبعا ) الولد ما اكل البسكويت قامت المره ادتها ادروب اكلها المهم الولد قعد يبكي ويبكي قامت المره قالت ليه ترضع ولا اديه ؟؟؟؟ ل عموووووووو( عمو طبعا ادروب )
الولد رفض ورفض المهم الام تحنس في طفلها لحدي ما وصلوا الخرطوم
ادروب زعل من الطفل زعل شديد وعاين ليه كدااااااااااااا
وقال لي الطفل لا رضعت ولا خليتني انزل في كسلا
|
| |
|
|
|
|
|
|
Re: نكات ادروبية بالله فكوا الكشرة شوية وخلونا نفرفش (Re: bob)
|
بلدينا يشكوا من صداع ومشى للدكتور يادكتور الصداع بس مجننا خالص والدكتور بعد الكشف واسئلة كثيرة ياادروب انتا ما تحتاج لعلاج بس بليل نوم وشباك الغرفة مفتوح غرفة وين يادكتور انا ننوم فى حوش خلاص خلى باب الحوش مفتوح وتعالى بعد اسبوع اشوف حالتكــــــــــ بلدينا رجع بعد اسبوع الدكتور سالوا الصداع راح... الصداع شنو كل شى راح.... الدكتور كيف.. الغنم اكل كل شى.
| |
|
|
|
|
|
|
|