|
نطلب الترحاب أختي نور تاور
|
اسمعوا يا أهل المنبر أنا فضيت ليكم ودخلت منبركم بعد ما أدآني أخوي بكري الإذن. أول هام يا بكري يا خوي المركب الفيها ريسين بتفرق. دحين يا خوي إما تبقي نائب الريس وتمسك المقداف وأنا امسك الدفة أو تشوف ليك منبر تاني غير المنبر ده تاني هام يا سي.جي. ما تقول براك البتعرف تشعر أها شوف الشعر ده
أمس وقت العصريه لبست الجلابية وركبت الجمل أب حويه ومشيت السوق وجبت الشعيريه
أها رأيك شنو في الشعر ده؟
ندخل في الكلام الجد
أحبتي لكم مني عاطر التحايا وأتمني أن أجد متسعاً من الوقت للمشاركه
ألأخت العزيزة نور تاور لك مني خالص الأماني وأتمني من الله أن تكوني بخير و ياحليل تلك الأيام الطيبة. في أحرفك أسمع دوزنه الباقر لأوتاره. وقفشات النعمان مع عمنا السر في النشاط. وصدق عشاري في حنيته مع عبدا لقادر في الميدان الغربي. وكل طيبة أهلي في الجبال تحملها ابتسامة المرحوم حسن محمد علي أبو البشر ( عقارب).
نطلب الترحاب من الجميع
|
|
|
|
|
|
|
|
Re: نطلب الترحاب أختي نور تاور (Re: Mohamed E. Seliaman)
|
حسي عليك الله يا دكتور راكب جملك وماشي لحدي السوق عشان تجيب الشعيرية ؟؟
عندنا واحد معانا في الميز قدانا بالشعيرية كل يوم ضابي ليهو كيس وجاي مولع الحلة
الف الف مرحب بك في ديارك ونصيحتي ليك رئاسة المنبر دي زي رئاسة السودان بتودي التوج طوالي امسك من ناس د نصر وخالد الحاج وعادل ووو الخ ياخوي ابعد عن الشر وغنيولو ماشفاينا حسي نغني نساااااااااي وندوبي ولعت نولع طفت نطفي وهلمجرا
تراحيب المطر وبشائر الخير بقدومكم الجميل
| |
|
|
|
|
|
|
Re: نطلب الترحاب أختي نور تاور (Re: Dr. Abdalla Siddig)
|
د/عبد الله الف مرحب بيك ومنور..
لكن شايفك يا اخوى طوالى اخترت سجيمان عشان دكتور وكده
شن الدكترة لا لادا لا عياده ياها دكترت المعيز دى والله حبوبتى بتعالج فيهن
مما قمنا ما شفنا غنماية ماتت بى سكرى والا ضغط والا فى ولادة
عموما منور وكان ما شالك البورد يشيلك الراس ولنور تاور التحايا،،،
| |
|
|
|
|
|
|
|