|
من أزمات الشبكة ... ظللت خارج نطاق الخدمة .. معقوله بس!!
|
بما أنني كنت خارج نطاق الشبكة في الفترة السابقة، وعدت هكذا .. وذا .. وحيث كذلك بدون مقدمات (لا أحم ولا دستور) يا ربي اللي بتزوج ببقى يشخطوا ليهو كدا؟؟؟
نرجع لي موضوعنا ...
وأنا زول جاي فرحان ومبتهج .. من كاسات ودنون العسل الشهية التي أتناولها في هذه الأيام ولا يزال في (القعر) بقية ... المهم عدت إلى مسكني السابق لأخذ بعض الأغراض المرتبطة بالحقبتين السابقة والحالية حيث العنقالة ...
بعد السلام والتحية وانا اشاهد مباراة لكرة القدم في التلفزيون .. من الشفقة والاستعجال سلامي ما كملت يا جماعة دي كورة هلال مريخ؟؟؟ اجاب احدهم بسرعة ايوا وكمان اربعة/ صفر ... توجهت إليه بغيظ .. وصببت عليه جام غضبي ( يا أخوي أنت السألك منو؟؟؟) بطريقة تصاحبها بعض البسمات المفتعلة.. وانا اكاد أموت غيطاً من هول المفأجاة، ظاناً بالفعل ان الهلال قد تجرع كل هذه الهزيمة الشنعاء متسألاً: ( يا جماعة الهلال حصل ليه شنو يا جماعة؟؟؟ زي ما قال احد – السكارى – الهلال تموهو موية ولا شنو ) .. لووول
وانا منتقل إلى الغرفة التالية اقوم اسمع باحراز الهدف الخامس، ولا زال الشك يساورني أن هذا هو تيم الهلال العملاق .. لم أكلف خاطري حتى بمعرفة قمصان اللاعبين ولا حتى الجمهور المتواضع الذي شاهد المباراة ...
جاء الهدف السادس وانا ابحث في دولابي الخاص عن اشياء خاصة ..
يا زول سيبك بلا هلال بلا كلام فارغ .. يا زول اضرب المعسل بتاعي دا واعمل نايم كان سألني زول بقول ما عارف والكورة مدورة وحارقاني السته لانو هزيمة زي دي في تاريخ الكرة السودانية الحديث ما حصلت ؟؟؟
وبعد أن عدت إلى مملكتي الصغيرة لأجد الملكة تصب المزيد من الشهد على الدنان، حتى يتم اغراقي تماماً بالوحل العسلي .. فاذا بي اتلقى اتصال من احد اصدقائي القدامى .. وبعد التحية والاحترام .. اعني التهاني والمباركات دلف صديقي إلى الموضوع التالي مباشرة اسمع يا ولي بلو راسكم المريخ غلب الميرغني سته وجاي عليكم!!) قلت ليه : ( اسمع الكلام دا متين ) رد قائلاً ( الكورة انتهت هسع) .. يا اخوي اسمع انت متأكد من أنو الكان لاعب مع المريخ دا الميرغني .. ايوا مالك يا زول انت العرس دا قام بيك ولا شنو؟؟؟ طارت ليك يا عريس .. شكلك بقيت تجليها واقفه ..
ويبدو بالفعل اني بقيت اجليها واقفه .. الله يستر
|
|
|
|
|
|
|
|
Re: من أزمات الشبكة ... ظللت خارج نطاق الخدمة .. معقوله بس!! (Re: waleedi399)
|
Quote: فيصل .. خليك من رأي، انت زول متزوج قبالي رأيك شنو بشخطوا ليه ولا لا .. مفروض تكون عارف.. من ناحية مشخط دي انا واثق فيها ..
مشخط .. مشخط، الله يستر |
انت بس ما تعمل فيها عجوز وما تعمل اكبر منهم عشان ما يشخطو بعدين ما تذكرهم انك متزوج اعمل فيها عزابي خاصه في الاكل تهريجة تحت تحت كده ما تكلم المرا انك اكلت بره عشان ما تمرق من الشبكه خالص
| |
|
|
|
|
|
|
Re: من أزمات الشبكة ... ظللت خارج نطاق الخدمة .. معقوله بس!! (Re: فيصل نوبي)
|
Quote: انت بس ما تعمل فيها عجوز وما تعمل اكبر منهم عشان ما يشخطو بعدين ما تذكرهم انك متزوج اعمل فيها عزابي خاصه في الاكل |
نصائح غالية يا فيصل ... ستكون مسار اهتمامي وسأعمل بها,, نظام بخره، وحلول ممرره من اسفل (الكنبه)
Quote: تحت تحت كده ما تكلم المرا انك اكلت بره عشان ما تمرق من الشبكه خالص |
يعني ولا غداء او عشاء عمل برضو ح تكون خارج الخدمة... طيب مش ممكن تحول لي رصيد، ادخل بيه الشبكة,, لوووووول
| |
|
|
|
|
|
|
|