الشكلة في نصها .. المصارع شايل اخوهو وداير يجدعوا في الحبال والكهربا.. طق.. قطعت بكل بساطة.. لا عرفنا المصارع (عضلات تبش عروق عجور) هو الختاها لي زميله ولا المصارع (رأس صهريج شعر سلوك) هو الأكل العلقة ... بكري رسل لي رسالة أول مرة من قبل خمسة سنوات شرف بريدي برسالة خاصة قال لي ( فتح عينك قدر الريال أبو عشرة ) ودا أخر إنذار ليك ..أول إنذار وأخر إنذار طوالي كدا ؟؟ مافي في النص أي حاجة ...!! اها انا أكلتها النصيحة في ( حناني) وبلعتها عادي وعملت فيها زي المافي حاجة وقلت ادخل المنبر وانشغل ببوستات ما عندها علاقة بالإنذارات والكروت دي ... اها حلف بالتقطعتو انه ما يدخل معاي جربت الباسويرد ومفاتيح البيت ومفتاح انجليزي ومفك صواميل كلو حلف ما يقول لي أنت اسمك منو .. منظري الوقت داك بصراحة كان بايخ شديد .. المشكلة لكن مافي منظري المشكلة في احساسي الجاني ... حسيت ليك وقتها كدا بي ولا حاجة .!! مافي أي احساس سلبي ولا ايجابي مافي مشاعر وقتها ... ما زعلت ولا فرحت ... كنت زول ساكت .. قرصت نفسي قلت امكن انصدمت ؟؟ تاني شوية كدا بعاين للمنبر زيه زي أي صفحة في النت بتمر عليها سريع ... سالت نفسي وين الارتباط بتاع السنوات والولاء والقضية والانتماء .. وحاتكم دا كله ما جاني ... قلت امكن محبط من المنبر والعملة حقت بكري دي ... مافي حاجة برضو مافي احباط مافي فرح مافي أي حاجة كهربة وقطعت ... نفسي انفتحت للكتابة النصيحة وقتها ... فكرت وقدرت ثم فكرت وحكيت راسي وما لقيت زول اكتب ليهو الا بكري ... وحاة الله قعدت ليك في البريد حقي ووقعت ليك في بكري دا شكر علي الايام الخوالي وانه اتحملني الفترة الفاتت دي واول مرة اديتو ليكم اسمي الحقيقي وتلفوني وقلت ليهو لو اتذنقت في جدة قول عوك بنحلك .. وخلاص وادعته وقلت ليهو العفو لله ورسوله والحنك دا ...بكري طلع عنده مشاعر وعاطفة جياشة ... اتخيلتو ليك عيونه رقرقت ليك من رسالتي دي واني اتقبلت الموضوع بطيب خاطر واكلتها عادي .. حك صلعتو يكون واتذكر الخمس سنوات دي البينا وقامن دميعاتو جرن شوية كدا قام شفطن وقشقشن ليك كدا وقام رسل لي رسالة مبلولة بالدميعات قال لي خلاص معليش يا اساسي انا شفتك الوقت داك زعلان وطالع من طورك قمت مسكت منك الباس ويرد وعشان ما تتهور وتكتب حاجة تندم عليها قمت وقفتها ... لكن اسع وكت هديت والناس بدأت تنق نق دايراك ودايرة رجعتك هاك دي باسويرد جديدة (ملح ساكت) ادخل والمنبر منبرك واكتب لينا المفيد للسودان والثقافة وحاجة تانية كدا ما متذكرها ... النصيحة لله الوقت دا فصلت عادي واتكيفت كيف ... اها في وسط الكلام دا وقبل رسالة بكري كانت محرقاني انه يوقفوني لكوستاوي .. قلت يعني انا شاكلت الناس ديل كلهم بكري ما لقي الا كوستاوي دا يوقفني ليهو ؟ اها طبا دا بداية ما عرفت اني خلاص اتختت لي .. اها بعدين العصر كدا قمت فكرت شوية وقعدت مع نفسي .. وقيمت ليك الحاصل دا كله ... ياخي لقيت الدنيا دي ما فيها كم رطل زاتو ... سالت نفسي انا داخل المنبر دا من البداية لشنو .... النصيحة لله انا عارف نفسي ما عندي قضية ولا عندي حزب ولا عندي انتماء ... في ناس عندهم قضية وعندهم حزب وعندهم تصفية حسابات وفي ناس دايرين اعداء لله ورسوله كدا دايرين زول يعادوهو يطلعوا فيهو قرفهم من واقعهم الزي الزفت العايشنو ... اها لقيتني ليك ما عندي شغلة بي دا كله ودخلتي للمنبر دا لتقضية وقت وونسة وحبة هظار ولو لقيت طريقة افكها في زول بفكها فيهو ولو لقيت طريقة اهرش لي زول بعملها وانا بضحك عليهو اها الموضوع دا كله بالنسبة لي ما جايب همه ... اها وسط دا كله وقبل بكري ما يرسل لي دميعاتو قمت قلت ما دام انطردت من البورد اصافي الزول العملت معاهو شكلة دا لانه مافي لي طريقة القاهو تاني وما معروف الحياة من الموت وقمت رسلت ليهو رسالة بريديه برضو وقلت ليهو العفو لله ورسوله ومافي ضغينة والموضوع ما شخصي والحنك بتاع الزول لمن يكون مسكين داك ... اها رسلتها لكوستاوي اها قام بكري رسل لي اميله ابو دميعات ... اها يا اخوانا في قعدتي اليومين ديل في السلك برة عرفت ليك الفرد الصاقعات وعرفت ليك الحمام الميت الانا كنت قايله نسور ....للدنيا والزمان . اها الان بصراحة انا داير اخليها مفتوحة كدا بصراحة ما عندي احساس بيكم ولا بالبورد بعدين زي ما قلت في ناس عندهم قضية وانا زول ونسة وضحك ... فما عارف هل اقعد ولا امشي ولا اعمل شنو غايتو ما فكرت في الموضوع دا كتير .. طبعا بي سببي ما ساكت ... ( البوست برعاية : تضامنا مع سجيمان ضد حبوبة الناظرة) كل الاخوة الذين تضامنوا معي كامل تقديري وحبي
07-18-2005, 08:41 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
.. . حسع بعد دا أنا ما فهمت العفاك بكري ولا كوستاوي .. ولا كوستاوي دخل ليك واسطة .. اتاريهو ود هجام دا ماهو هين .. أعمل ساتر ... وامسك لسانك عليك وبطل فصاحة وتنطط من شجرة لبوست .. أعرف المسالة ما اقدمية المسالة علاقات حميمة وانت لا شفت امريكا لا عندك لوتري ولو سالوك عن الساحل الشرقي بتاشر على حلة بشاشا .. وديل اولاد فريق واحد .. احسن تقعد مع ناس معتصم وتامبا .. وتصلحوا فريقكم .. حتى لا تعود الى تابوتك الرعديد ..
07-20-2005, 02:19 AM
اساسي اساسي
تاريخ التسجيل: 07-20-2002
مجموع المشاركات: 16468
ومن يقنع الديك.. كنت اظن ان الساحل الشرقي لا يتجاوز ام دوم .. قبالة الجريف غرب حتي وجدته يتجاوزني بعيدا بعيدا جدأ.. معتصم وتامبا ناس الزمن الساهل في الوقت الصعب رجال يكرمونك ضيفا وميتاً ولا يعبرونك وانت مديون... احتاج احيانا اصدقاء يدفعون عني الايجاراللعين.. ايصدقني بشاشا في الايجار واصدقه في الولاء.؟
07-18-2005, 09:06 AM
luai luai
تاريخ التسجيل: 02-27-2002
مجموع المشاركات: 2251
Kostawi <a href="http://www.sudaneseonline.com/cgi-bin/sdb/2bb.cgi?seq=profile&nickname=kostawi" target="_blank">http://www.sudaneseonline.com/cgi-bin/sdb/2bb.cgi?seq=p...ile&nickname=kostawi تفصل يا كبير (....)
طبعا الرسالة امتدادا لنبلي وحسن منبعي ... ولا ما كدا؟ النصر حالة استثتائية والهزيمة قاعدة الكل يستطيع أن يمارس (الهزيمة ) وبتفوق !!احييك علي تفوقك !! أما الذين يمتلكون القدرة على الإنتصار فهم الاستثناء ..(احم احم) الانتصار في كل شيء .. والمعركة الاهم هي معركة النفس .. حين نتغلب على أنفسنا فنحن نهزم كل شيء بل اننا حين نتغلب على انفسنا فانه لا يصبح لنا اعداء!! الرابط http://www.sudaneseonline.com/db/attention/100_Balloons.gif
(عدل بواسطة اساسي on 07-20-2005, 02:31 AM) (عدل بواسطة اساسي on 07-20-2005, 02:32 AM)
07-20-2005, 02:20 AM
اساسي اساسي
تاريخ التسجيل: 07-20-2002
مجموع المشاركات: 16468
Quote: فما عارف هل اقعد ولا امشي ولا اعمل شنو غايتو ما فكرت في الموضوع دا كتير
ولا تفكر كتير ذاتو... و لو اصريت انك تفكر فليكن تفكيرك في الغاليه و اهلك في السودان .. فهم قطع شك اولي ....
Quote: بعدين زي ما قلت في ناس عندهم قضية وانا زول ونسة وضحك
كن باريت البان ودث ده .. و الجماعه الافتراضيين ديل علي بلقسم تلحق عسمان... ولا كمان القصه يبقي فيها ضغط و سكري و الاخيرين _حتما_ ما لا تستحقه... واصل ضحكك و ونستك بشكل طبيعي ... البورد دا مفروض يكون منحه ... نوع من الانفلات من زمن الحضورالمجدول للمكاتب... وأن نعيش نصف العمر فى انتظار (شيك) ماحايق.... اذا خرج من كونيتو دي... لف عمتك و اللبس نعلاتك و اديهو ضهرك....
متي ينضج عقلك....
خارج الفورمه... انا الايام دي مشغوله بلتغيير المفاجئ لمجري النيل الازرق... ... القصه داخله فيها شركة شقيناها ترع ...
07-18-2005, 09:42 AM
سجيمان سجيمان
تاريخ التسجيل: 10-03-2002
مجموع المشاركات: 14875
Quote: خارج الفورمه... انا الايام دي مشغوله بلتغيير المفاجئ لمجري النيل الازرق... ... القصه داخله فيها شركة شقيناها ترع ...
قاتل الله الطمي انه يلعب بالفيضان كيفما شاء حبوبتي كانت تطيل الدعاء والاستغفار بعد كل صلاة .. يوما ما سالتها : حبوبة حفظيني الدعاء حقك دا .. ولانها تحبني (مثل غيرها ممن يعرفوني) سردت لي الدعاء من البداية ..كان دعاء جميلا في بدايته عميقا خاشعا .. الي ان وصلت .. ونعود بكم الي استديوهاتنا الرئيسية بامدرمان بعد نقل صلاة الجمعة وشعائرها .. عرفت ايمانها تجاوز حدود المصلاية والاذاعة ... حبوبتي كانت واصلة تصدقي بالله .. كانت مدللة.. ما شقت شارع ظلط برجولها ربنايعينك علي الترع ..ومجري النيل .. والطمي
07-21-2005, 12:05 PM
ShiningStar ShiningStar
تاريخ التسجيل: 04-26-2002
مجموع المشاركات: 468
هو الفيضان سيدي... عقب صلاة الجمعة مباشرة .. لاحظ المصلون فى مسجد الشهيد ارتفاع شديد فى منسوب النيل الازرق .. واعلنت قوات الدفاع المدنى حالة الاستنفار القصوى ودعت المواطنين بالابتعاد مسافة خمسة كيلومترات من الشواطى ....
بعدها بي كم يوم... حدث التغيير في مجراه... اتجه شرقا... راغبا العوده الي ربوع الحبشه حيث البن الاصيل و ذوات الحسن...
الازرق كابو الوافر تماما ... صاحب مزاج... لا يكتفي بمعانقة الابيض عند المقرن..
ليتني كنت مدللة ذي حبوتك_ اطال الله في عمرها_.... انا بشق الظلط و غير الظلط و ما بينهما من ميادين كورة... الله و رقبتي
07-21-2005, 01:52 AM
DKEEN DKEEN
تاريخ التسجيل: 11-30-2002
مجموع المشاركات: 6772
لطالما تمنيت لن تكون احوال النيل الزرق في حرزٍ مُحرز ..مصونة من غوائل الظن والتخمين واجتهادات الضالين .. فانه اذا ما تغشته ظنون الخلقِ وافتراءاتهم تحول الى مجرد ماءٍ يجري بمجرىً له ابعاد .. ولصار ذي ما بقولو اولاد بري الدرايسة وامتداد ناصر حين ياتي الصيف وتستحيل الخرطوم صيخودا : ( ارحكاكم البحر )...
بئس ما يقولون فانهم مجرد اولاد عز .. لايعتقدون في النيل ويعتقدون في مرة..
والمرة من بنبرا ولى ورا .. شاءت ام ابت .. تحدثت حديث الواثق ام صمتت صمت محاصر ..
يا أخوي انت ما تتقل شويه .. خلينا نلوليك ونحنسك شووووية زي دكـوني ونكسر ليك تلج للاخر .. دكـين بعد الوساطات الشديدة من جانبنا بعد دا كلو قال جابني راجع الجكس، وأتنكر لينا .. لكن قول ليه ما يجيبوها الا رجالها وبعدين أنا كنت متأكد وواثق انو بكري ما بتهون عليه (عشرة الايام) والخمسة سنوات الطوال اللي قضيتها معاهو هنا تسطر باحرف من نور تاريخ نضال يصر الناغمون ألا أن يسكتوا صوته، ولكن تأبى مشيئة السماء الا أن تنتصر
بعدين بالجد والله عالم ما كسير تلج، كفانا الله شر التكسر، انت فعلاً اساسي واللاعب رقم واحد الذي لا يشق له غبار ولايمكن الاستغناء عن خدماته باي حال من الاحوال الا بوجود البديل الجاهز، والبديل الجاهز في هذه الايام دي بقى صعب الايجاد, و الايجاد دي على وزن الايقاد، دول الساحل والصحراء ودول المحور والجوار وما شاكل ذلك .. المهم ما عليك دي "هضربة نهارية" سااااااااكت
عموماً الف حمد لله على سلامة بعد تشييع وظلمة لم تدم طويلاً وسواد تحول بقدرة قادر إلى زرقة ..
Quote: كنت زول ساكت
اضبط يا بكري انتحال شخصية واستخدام يوزر الأخرين
Quote: كل الاخوة الذين تضامنوا معي كامل تقديري وحبي
تعريجـة بجوكـر:
نحن كنا متضامنين من الخارج بالاضراب عن طعام الكتابة اللي بقى أمسخ من الترمس اليومين دي مع انتشار المصطلح الجديد المنتشر هذه الايام وبقى زي الفايروس والمرض العضال (الاقصاء، التكميم) غايتو انا التكميم من زمن الافلام العربية والهندية كان بعجبني شديد ،، ما عارف انت رأيك شنو فيه؟؟؟؟
للهضربة النهارية بقية..
نتابع
07-18-2005, 10:33 AM
tmbis tmbis
تاريخ التسجيل: 10-19-2002
مجموع المشاركات: 24862
والله الزول ده كان بكري فهم اللعبة وخلاهو لحدي آخر الشهر ده مربوط كان نحن زاتو ارتحنا من اساسي عمل واساسي هبش ده واساسي ضرب ده واساسي امشو جيبوهو من القسم..
07-18-2005, 11:09 AM
humida humida
تاريخ التسجيل: 11-06-2003
مجموع المشاركات: 9806
فما عارف هل اقعد ولا امشي ولا اعمل شنو غايتو ما فكرت في الموضوع دا كتير .. طبعا بي سببي ما ساكت ... ــــــــــــــــــــــــــــــــــــــــــــــــــــــــــــــــــــــ تمشي وين ؟؟انتا من الرجال البمشو ؟؟؟
ذكرتني واحد فردتنا جانا من جدة بتعرص في واحد اخونا قاعد في الرياض بتاع الرياض مشهور بي كسير التلج لي جكس البورد وكده .... اها وفي خضم ونسة خضيمة بتاع الرياض نطا قال : ياخي والله اليوم داك هرشتا ليكي هناية.. اها الناس دي كلها صنت .. بتاع جدة قال: هرشتا؟؟ انتا من الرجال البهرشو البنات؟؟ انتا تهرش بت ؟؟ وضرب يد على يد .. واستغفرنا جميعا بصوت جهور ...
اها دحين رد الله كيد احدهم في نحره ..
اساسي.. ياخي انا بخجل ليك بعد ده .. انتا شخصيتك دي احسن تشغلها على الصامت ..
يا مهتز ..
07-18-2005, 04:17 PM
DKEEN DKEEN
تاريخ التسجيل: 11-30-2002
مجموع المشاركات: 6772
الاساسي الهزاز بركة الكتاحة الجابت لينا دكين اتكلمنا كتير عن ما وراء الكواليس لكن الفلم بتاعك دا ما دخلناهو طبعا قالوا من جاه العلوك تلوك وشكلتك مع اصحاب الحظوة والمنقة باللبن جات في صالحك .. وذي ما قال واحد حبا يطبل ليك اسمه يا زول يا زول فصلتو دا .. يعني لازم تفصلوا داك ما في زول هبب ليهو .. لكن بتحسب ليهو مشاركة ولمن يلم دولارات المكتبة بتاعتو .. بختها عنها عشان يذلك بيها كل مرة تعفصو فيها وكما قلت لك سابقا ان شرير والبرتقال دا عارض فمجرد عودته للكتابة عن الركن المحاصر فيهو اتتك الطاوية حبالها
سأكتب قريبا عن الفلم الهندي .. وشرابنا موية المطر عملتها ظاهرة والله .. !!
07-18-2005, 09:02 PM
Outcast Outcast
تاريخ التسجيل: 04-07-2003
مجموع المشاركات: 1029
Quote: بالغتو وكلامكم الكبيتوهو هنا فى راح فييييين؟ بعد الجضة دى كلها
كان تتموها للاخر
انا اصلى حلفت من زمن .. ما بخش بين البصلة و قشرتها .. عندى مقالب كتييييييرة من السودانين .. اتنين تلقاهم بتشاكلوا و يتلادحوا على بعض .. و ما يخلى و احد فيهم للتانى شى ... تقوم تقيف مع الحق (او مع واحد فيهم) .. يقوموا شارينك الاتنين .. وتلقى روحك بقيت العدو الجديد ...
أها ده طرفى من مشاكلكم يا السودانيين .. يا تعرفوا تنجضوا مشاكلكم كويييييس ... و يكون عداء حتى الموت ... و لابلاش منه من اساسه.
مبروك العوده برضو يا أساسى.
07-18-2005, 09:35 PM
Elmosley Elmosley
تاريخ التسجيل: 03-14-2002
مجموع المشاركات: 34683
اساسى تحياتى وهاك كلامى ليك وللاخرون الداخلين فى هذا البوست قبلى تعرفوا حاجة لفتت نظرى خلال الصراع الكان داير وهذا البوست بالاخص الذى جاء نتيجة لذلك الصراع والوقوف او بالاصح تدخل المهندس بكرى كل المتداخلين قبلى موديلات 2002 و2003 عدا واحد فقط (زول ساكت)موديل 2004 سالت نفسى وين الناس ديل قاعدين فراجة وهم المخضرمين وكما يقولون الرواد الاوائل خلال تلك الفترة صامتون والصراع الدائر امامهم ينظرون فقط اين انتم الموديلات العتيقة لماذا توقفتم عن الكتابة ؟؟؟ اغلب وقتى ادخل فى الارشيف اجد اشياء جميلة وانظر لكاتب البوست لااجدة حالياالا القلة سوالى الان :ــــ شنو وجهة نظركم فى التوقف؟؟ هل ترون ان حال البورد متدهور؟؟
ان المواضيع لاترقى لمستوى ان تدخلوا فيهاوانتم اكبر من ذلك ؟؟
او تطرحوا شىء يستحقه هؤلاء البرالمة جيل العولمة ؟؟؟
ام ترون انكم اكبر مقاما وسنا منهم ؟؟
وهم وليدات ساكت لايستحقون التداخل معهم ؟؟؟
ايها الجيل السابق لا اسكت الله لكم كيبورد مع كامل احترامى للجميع
07-19-2005, 01:32 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
Quote: اها الان بصراحة انا داير اخليها مفتوحة كدا بصراحة ما عندي احساس بيكم ولا بالبورد بعدين زي ما قلت في ناس عندهم قضية وانا زول ونسة وضحك ... فما عارف هل اقعد ولا امشي ولا اعمل شنو غايتو ما فكرت في الموضوع دا كتير .. طبعا بي سببي ما ساكت ...
ياخوى والله انا واحد من الناس بتاعين الونسة والضحك ساكت وما عندى اى ايدلوجيات ولا استراتيجيات ولا تحالفات ولا نظريات وما عارف الحكاية اكان فيها صفوية النلملم عفشنا ونرحل لى مكان صقيعة او قول قهوة شعبية زى بتاعتنا بتاعت بنى مالك ديك كل من هب ودب يقعد ويقول كلامه ويتوكل على الله بدون ما يقول مع السلامة حتى ...
لك تحياتى وخليك معانا
07-19-2005, 02:23 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
عندما كتبت (بكائيات مغترب ) كان عندي بكاء كتير ما لحقت أبكيه وخاصة فلس الغربة ، وأنا كنت مفتكر بأن كثير من الأحلام الصغيرة ( مثل امتلاك ) كمبيوتر هو من الأشياء والأحلام التي يمكن تحقيقها هنا ولكن خاب أملي طيلة السنوات الثمانية الماضية في تحقيق هذا الحلم الصغير . ما دعاني لهذا القول بأن هذا الحوش به الكثير من الأحباب والأشياء التي أحبها ولكن عدم التواصل بسبب عدم وجود هذا الكمبيوتر يجعلني آخر من أعلم بأخبار الأحباب (سيئها ، وجيدها ) . أعتمد كلياً على جهاز وتلفون المكتب ( للأسف ) .... مرحباً بعودتك أساسي للمكان الذي يحبك فيه الكثيرون ... ومرحباً بعودة هذا اللئيم واللذيذ ( دكين ...) وأهلاً بكل الأحباب ... والله أنا بينكم (وسأكون بمشيئة الله ) رغم انف العوز !!!!!!!!!
يا غالي وحاتك انا في شوق اليك .. بحثت عنك قبل زمان غير بعيد وقالو لي في اقصى الشمال ترعى الابل ..
بخصوص الفلس ده شي طبيعي .. لاتزال رواتب الرعاة ومنذ زمن بعيد لاتفي بحاجة الراعي .. حاول طور نفسك يا مان ..
صورة الود دي حاول شيلها لاني قتا لي ناس كتار انو الود ده ولدي ..قشرتا بيهو وكده.. ولامن استفسر احدهم من وجاهته مقارنة بوجهي ..قلتا ليهم امو كازخستانية شغلانة مع ناس اخوي ..
يعني مرقتا نفسي وكده.. لذلك حاول خارج اخوك من الحرج ..
وسعيد بانو نتلاقى في اول مشاركة في بوست هذا الرعديد اساسي
07-19-2005, 01:52 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
تمبس نسيبي وين قميصك الهزاز تعرف يا ابو النسب اساسي دا ذي ولد الجيران الكعب كلما تفتح الباب تلقاه في وشك واقف يضقل بس المرة دي الكورة كانت منفسا انصر دينك ودين دينك
حلفا دغيم ولا حلفاية الملوك
في دامر الخلوة وفي بربر السلوى بريدو
يا معتصم شوف الفقري جاء داخل دكين بس المرة دي لابس شدة بلبل من لاركو تموت تخلي
07-19-2005, 01:58 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
وتتلقفك النوايا الحسنة التي ربما تكون قد داهمتك ذات يوم وانت في غفلة عنها تلك هي منجأتك الوحيدة يا بني في زمن هو لـ الســفله وحدهم ومسوقي المعارك الوهمية وتصفية الحسابات
وحدك نجوت يا وغــد دون جوادك ودون امنية منك باستلام كامل مستحقاتك حتى وان كانت في القريب العاجل .. راجع دائرة الاسكان العاجل في جنوب جدة قد تتحصل على رخصة جديدة ، عندها تكون قادرا على محو كل تاريخك البوردي بـ تكة ايكونية بسيطة لن تاخذ اكثر من جزء من الثانية ..
وتتلقفك النوايا الحسنة التي ربما تكون قد داهمتك ذات يوم وانت في غفلة عنها تلك هي منجأتك الوحيدة يا بني في زمن هو لـ الســفله وحدهم ومسوقي المعارك الوهمية وتصفية الحسابات
وحدك نجوت يا وغــد دون جوادك ودون امنية منك باستلام كامل مستحقاتك حتى وان كانت في القريب العاجل .. راجع دائرة الاسكان العاجل في جنوب جدة قد تتحصل على رخصة جديدة ، عندها تكون قادرا على محو كل تاريخك البوردي بـ تكة ايكونية بسيطة لن تاخذ اكثر من جزء من الثانية ..
هذا تاريخ جديد لتصفية الاختلافات
الاوغاد يعودون للاوغــدة في عالم سافل من الخيال
ممكن تأجلر لي الكلام السمح ده ,,,, وحاتك عايزو إقتباسات للزمان الجاي
دكين الله يقلعك تاني ( قول آمين ) ... جوالك شرب موية وطلع من سجلات (هاتف الجوال ) وتقول لي طور نفسك ؟؟
دكين الشين في حل بسيط يجعلك تعلن للملأ توبتك (النصوحة) .......... أن أنزل صورتك هنا (ونترك المقارنة لمن قلت لهم أنه ولدك ) !!! وانت عارف أرشيفي مليان .....
قلنا مبروك يا أساسي...و إعتبرنا رسالتك نقطة لبدايات خيرات ولكن أراك تلمح لمواصلة ذلك الطريق الذي بدأته ....و الكرة في ناحية مرماكم و لك حق اللعب....و لنا نفس الحق.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
محمد حامد جمعه
Abureesh
مهاجر
luai
Kostawi
سجيمان
waleedi399
سردت لي الدعاء من البداية ..كان دعاء جميلا في بدايته عميقا خاشعا .. الي ان وصلت .. ونعود بكم الي استديوهاتنا الرئيسية بامدرمان بعد نقل صلاة الجمعة وشعائرها ..
Badri
tmbis
humida
معتصم دفع الله
Outcast
Elmosley
زول ساكت
abuguta
يازولyazoalيازول
صلاح الدين عبدالله محمد
قرشـــو
عمران حسن صالح
banadieha
برهان تاج الدين
ABUHUSSEIN
ابو عثمان
فيس بوك
تويتر
انستقرام
يوتيوب
بنتيريست