|
|
 متين ترجع يا أبريل (قصيدة جديدة) لم تكتمل
|
متين ترجع يا أبريل
متين ترجع يا أبريل
تقول لناس منو الباعوك
منو الغوض ارادة الشعب
من الخانك في ليل تلاتين
ديل الجبهة يا أبريل
ديل السادة يا أبريل
**************
متين ترجع تقول لينا
منو القسم البلد نصين
منو البسرق قروش الناس
متين ترجع ؟
عشان نجم
من العسكر
من الطاغوت
متين نمسح دموع الهم
ونسمع لي اذان الحق في امدرمان
متين يشرق صباح بكرة
************
متين يا نيل
تفيض يا نيل
ترمي لي بطانة الزيف
دقون الليف
متين تخرج جموع الناس
تشيل تهتف
سقطت سقطت
ونبداء نحنا في الاضراب
نشيل نطبع في بيان لشعب
اه يا أبريل
بشم في ريحة الرصاص
وصوت بنبان
واخلق لي قميص الزيف
واشيل واهتف
عائد عائد يا ابريل
معاي أدم وود اوشيك
معاي ملوال وود احمد
نشيل نهتف
تزغرد لينا امونة وبيت الجاك
تحاصرنا جموع الامن والعسكر
يشيل يضرب نشيل نهتف
يشيل يضرب نشيل نهتف
ويبدا ضرب بي الرصاص
يقع اثنين في هامة القرشي
يا اكتوبر الميمون
نشيل القرشي ياأبريل
نحوم بيهوا
في الخرطوم وامدرمان
ديوم بحري وشارع النيل
ديل شهداك يا ابريل
ديل اولادنا يا ابريل
وتكبر موجة الاضراب والعصيان
ونكسر طبلة السجان
ويخرج جيش ولاد وطني
ويتسلم لي السلطة
ويكتب في بيان لي الناس
ماتت سلطة التجويع
ماتت سلطة التخويف
اه يا ابريل
يا براد حشا الامات
يا مرجع ارادة الشعب
اه يا أبريل
يا صوت غبطة الثوار
يا كلمة الاحرار
يا كاتب حروف من نور بدم الشعب
لن نزل ولن نهزم
ولن يحكومنا غير الشعب
في السودان
متين ترجع ؟
متين ترجع ؟
متين ترجع ؟
|
|
 
|
|
|
|
|
|
|
|
Re: متين ترجع يا أبريل (قصيدة جديدة) لم تكتمل (Re: yumna guta)
|
يمني قوتة الغالية كتبت
Quote: محمد ابو القاسم يا رفيق الهم سلامات و مشتاقين
مالك جاى تقلب علينا المواجع و تذكرنا بى فشلنا خيباتنا
ابريل صارت حكاية بنحكيها للشفع عشان ينومو بقت زيها و زى اى اسطورة لاننا فقدنا القوة انو نعيدها |
اولا
نحن في شوق ليك كبير جدا
وشكرا ليك كثيرا
مع ودي وسلامي
| |
|
|
|
|
|
|
|
|
|
Re: متين ترجع يا أبريل (قصيدة جديدة) لم تكتمل (Re: Hassan Osman)
|
Hassan Osman كتب
Quote: ابو القاسم على ابريل فلا تندم فان وراه اكتوبر
وصوت الحـر سيدوي هدير ويهـوي الكان بيتكبر
ويصغر عندها المتوالي واما الحـر يزيد يكبر
وكل الكان يهين الشعـب قسمنا عليه مابنغفـر
معاك وعدنا بالتحريـر شهـر اكتوبــر الاكبـر
وهذي قريحة في لحظات ولما نفيق تجـود اكثـر
|
شكرا ليك علي الرد الجميل
ومتين ترجع يا اكتوبر
| |
|
|
|
|
|
|
| |
محمد ابو القاسم
yumna guta
Hassan Osman
فيس بوك
تويتر
انستقرام
يوتيوب
بنتيريست