|
|
 ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية!!!!
|
في الايام القليلة الماضية اثار اقتراح قدمه بعض الاخوة باطلاق اسم الدكنور علي احد شوارع الخرطوم حفيظة الاخوة الشماليين الاسلاميين من تباع المشروع الحضاري وكذلك تباع حزب الوفد الذي راينا نهاية مؤسسه الذي سيكون مثال لنهاية كل وفدي!!
علي كل حال !!
المهم هو ما قدمه الدكتور المناضل الراحل المقيم جون قرنق وما كان سيقدمه, وحتي يعرف الاخرين رؤيته وما كان يدعوا اليه اتيت برابط حول خطاب القاه في منطقة الكاودا المحررة بجبال النوبة لابدد جهالات بعض الاخوة واتهاماتهم للدكتور المقيم دي مابيور والذي اعتبره رمز من رموز السودان الجديد الذي لا يقل من رموز السودان التاريخيين الذين حاربوا من اجل حرية شعب السودان واستقلالهم بغض النظر عن الاختلاف في الرؤي .
ومن هنا نترحم علي ارواحهم والمجد لله في الاعالي وعلي السودان الجديد السلام وبشعوبه المسرة.
ارجو الاصطلاع علي خطاب الدكتور ادناه:-
http://www.nmiausa.net/issueGarangSpeechArb.htm
وليبارككم الرب الالهملك الملوك ورب الارباب
امين
|
|
 
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Al-Shaygi)
|
Quote: كلمة الدكتور جون قرنق دى مبيور في المؤتمر الجامع لأبناء النوبة
بمدينة كاودا - 2-5 ديسمبر 2002
تحيا الحركة الشعبية والجيش الشعبي لتحرير السودان، مرة أخرى أريد أن أحي كل الشهداء بتاعنا الأستشهدوا فى كل المحلات وفى كل الزمن في تاريخ السودان وعلى رأسهم هنا في جبال النوبة وفى كل السودان الجديد، الشهيد يوسف كوه دى علشانهم ياهو السبب أنحنا قاعدين هنا ونجتمع هنا ، دى الأرض الحرروها بالدم بتاعهم وعلشان السبب ده أنحنا دائما بنتذكرهم وديل الشهداء بتاع السودان الجديد. برضو عايز مرة ثانية نعمل تهنئة ونحى شعب ا لنوبة، المواطنين بتاعنا فى جبال النوبة القاوموا وفجروا الثورة وحققوا انتصارات كثيرة وعلى رأسهم النسوان بتاعنا بتاعت السوان الجديد الطلبة هناك أنا شايفكم وأنا بسلم عليكم شوفوا المدرسة بتعكم كويس انتو أهو اولاد بتاع المستقبل ناس بتاع المستقبل الصغار البيبنى السودان الجديد ، برضو انتوا المؤتمرين الناس الجو المؤتمر ده ناس جو من محلآت مختلفة فى ناس جو من الخارج وجو من الخرطوم وجو من الجبال هنا أنا بسلم عليكم كلكم وأنا بسلم على رؤساء لأحزاب الخاصة بجبال النوبة وعلى رأسهم رئيس الأسقف فيلب عباس غبوش رئيس الحزب القومي السودانى الحر وبرضو البروفيسور الآمين حموده رئيس الحزب القومي السوداني، والأستاذ محمد حماد كوه رئيس الحزب القومي السوداني القيادة الجماعية والأخ يوسف عبد الله جبريل رئيس اتحاد عام جبال النوبة أنا بحيهم وبسلم عليهم الحركة الشعبية لتحرير السودان ما نزلت من السماء ولا أتت من الفراغ أنا ممكن أقول أنو ده النضال بتعكم، الناس اللي أنا خاطبتهم ورؤساء الأحزاب وشعب النوبة كله عبر التاريخ فى النضال بتاعهم فى المقاومة بتاعتكم يا هو الفتح للحركة الشعبية لتحرير السودان فى جبال النوبة فنحن نتيجة لنضالكم يعنى دى لثمرة بتاعت نضال شعب النوبة فى تكوينات بتوعهم كله ونحن وكل الأجيال سنكون شاكرين لهم فالحركة الشعبية لتحرير السودان هى جزء من النضال بتاع الشعب بتاعنا فى جبال النوبة أنا عاوز أبدأ أتكلم معاكم بصورة غير رسمية
حأتكلم معاكم بطريقة غير رسمية أنا بخت الحقيقة فقط، علشان فى السودان فى كذب كثير، طبعا كل مرض عنده دواء كان عندك ملاريا أنت بتشرب شنو؟ كلوروكوين، وكلوروكوين ده أو كوينين ده مر فدوا بتاع الكذب شنو؟ الحقيقة، والحقيقة ذي الكوينين ده مر برضو فأنا لو قلت حاجة مؤلمة برضو فدا للعلاج، علاج بتاع المرض بتاع الكذب البقولو فى السودان من زمن الاستقلال فسأبداء برؤية الحركة، رؤية الحركة هي السودان الجديد، وعاوز أؤكد لكم انه مهما حدث إذا أمطرت، أو شمست، وفى كل الصعوبات، الحركة ملتزمة بالهدف بتاع السودان الجديد. الحركة الشعبية لانفصال جنوب السودان؟ هذا ليس صحيحا لكن انحنا شلنا السلاح عام 1983م علشان نناضل لتحقيق السودان الجديد ووحدته، ولكن وحدة على أسس جديدة مش السودان القديم أل أسسوا على أسس الظلم فقلنا تحرير السودان، وفى مستهبلين بقولوا تحرير السودان من منو؟ ديل عايزين يقولوا يعنى الناس عايزين يقولوا من العرب، أنحنا ماقلنا كده فى ناس بقولوا كده نحن ماقلنا كده ده تحرير من الظلم، ويا جماعة الظلم ده ماعنده لون وماعنده جنس الإنجليز استعمرونا، الناس اسود ذاتوا، السودانيين السود زي النوبة ذاتو ممكن يستعمروا، الدينكا يمكن يستعمروا، الفور ممكن يستعمرا، العرب ممكن يستعمروا، فده تحرير مش من منو ده تحرير من شنو وده حاجة درسناه، أنا الواقف قدامكم ده أنا كنت فى انيانيا واحد وفى أنياينا واحد الحركة فى الزمن داك بتناضل من أجل استقلال جنوب السودان وأنا اختلفت مع الجنرال لاجو فى الكلام ده لمن أنا دخلت فى الانيانيا أنا قلت شعب السودان شعب واحد لكن قسموه، قسموه الحكام فى الخرطوم منذ الاستقلال علشان ما أسسوا وحده السودان على حقيقة السودان، وحقيقة السودان شنو؟ حقيقة السودان دى التعددية نحن شعب متعدد ، وتعددية شعبنا عبر التاريخ، وحقيقة السودان هى التعددية ، تعددية بنوعين تعددية تاريخية وتعددية معاصرة ، تعددية بالتاريخ وعبر التاريخ وتعددية فى الوقت الحاضر وأنا ما جبت الحاجات دى من رأسي، دى حاجات فى الأرض وواضحة، وقبل ما أمشى حنقول الحقيقة إذا فى الجنوب زول بقول كيف يا دكتور؟ خليه يقول كلام ده ما صاح نمشى فى تعددية فى التاريخ إذا نقراء أي كتاب قديم أنت تلقى السودان فيه ده ألمانيا يا هو أنا ما بلقاه الجزائر زاتو أنا مابلقاه. لكن السودان فيه، فى الإنجيل السودان اسمه كوش، اسمه أثيوبيا، لكن الأسماء مختلفة لكن الأصل هو السودان وإذا حاول الكثير منكم إيجاد أول مسيحي ألما يهودي كان سوداني ومنكم من قراء الإنجيل وأنا ممكن أعطي مثال من القرآن ورفقائي وأخواتي وأخواني هنا خلو يمشوا يدونى مثال أنا حاستعمله كمان، بس بسبب جهلي بالقرآن والتاريخ العربي أنا لا أعطبي أمثلة هنالك ولكنني فى طريق إلي ذلك أنا تلميذ. فى أعمال الرسل هنالك إشارة إلي راهب أثيوبي ذاك ينيب أثيوبي فى الإنجيل وطبعا ده كان موظف فى مملكة مروى وأصبح مسيحي وأظن بين عام 38-48 بعد الميلاد هذا هو البعد التاريخي الذي ذهبنا له وقبل الإنجيل كانى السودان موجود، كان فى عبر التاريخ من قبل الإنجيل وبعد الإنجيل وأنت تجى للممالك الكثير الكان فى السودان لغايت مملكة الفونج ده كله تاريخ بتعنا ياجماعة، وده انتو المواطنين بتاع السودان يا هو كان كله قبائل وقوميات بتعكم انتوا قولوا هم مشو وين؟ ماديل انتم ياهو زاتوا لغايت الزمن ده، ففى أرضنا السودان، فى ثقافاتنا قامت وماتت وآخر معانا فى الحاضر، أنا بنادي دى تعددية عبر التاريخ. فى الوقت الحاضر التعددية حسع ده عندنا قوميات كثيرة فى السودان فى أكثر من ( 500) قبيلة المهم هو كيف أنحن نعرف شعبنا وفعلا الشخصية السودانية فى مرحلة التكون إذا سمعت الموسيقى السودانية، أنا شفت فنانين كثار جو من الخرطوم قبيل أنا بسلم عليكم يا فنانين، الموسيقى بتاعنا هو ملون، دى خلطة بتاعت التعددية، ده عبر التاريخ، لذلك فى الحاضر نرى بأن موسيقانا موجود فى الموسيقى الصومالية والأثيوبية، الفنان محمد وردى إذا مشى أثيوبيا أو مشى الصومال عنده شعبية كبيرة لأننا متقاربون فى ذاك الموسيقى برضو فى الجنوب، وفى الغرب، وفى الشرق، وفى الثقافة دى، الموسيقى ال بتوحد الشعوب هذه هي رؤيتنا للسودان الجديد. لتأسيس وحدة السودان نحن بنقول على أسس جديدة لكن بالفعل ده ما أسس جديدة، ده أسس قديمة أصلا مكونة من التعددية لكن أنحنا بنقول أسس جديد، عندما تقارنها بالكيفية التى تحكم بها السودان منذ عام 1956م من خلال التقسيم. ربنا خلقنا لنعبده، وبنعبد ربنا لآنو هو الخلقنا0 العربية الأنا جيت بيه قبيل داك انا خلقتها، وهى لازم تعبدن وفى نفس الأسلوب الدولة الأنا خلقتها لازم كمان تعبدنى مافى حاجه فى أن أعبد الدولة دى حقائق بسيطة دى ياها الحقيقة لانى قلت قبيل حنقول الحقيقة والحقيقة فقط. بعدين كان أنا مت وأنا لقيت ربنا بتاعى هو مايحاسبنى على حسب الدولة الأنا كنت فيها لو أنا كنت فى الدولة بتاع السودان والا دولة بتاع أمريكا ولادولة بتاعت كينيا، هو حيحاسبنى على حسب الحاجات الانا عملتها فى حياتى مش الحاجات الدولة بتاعى عملتها، لكن فى الحاجات ألانا عملتها. فى العسكرية زى أنت ماشى المكتب تقيف قدام ربنا فى انتباه، حيقول أنت حضرت؟ ربنا بيقول إنت عملت وعملت وعملت، مش الدولة بتاعك عملت وعملت وعملت، فالدين ده علاقة بين الإنسان بين الشخص وربه، لذلك علينا ترك الدين للشخص كفرد، والدولة دى بتاعنا كلنا بعض الناس ممكن يختلفوا مع معانا لكن ليس هذا ما سيوحدنا، يمكننا الحفاظ على ديننا، وأن نحتفظ بالدولة بتعنا فى نفس الوقت. السودان هل لازم تكون دولة إسلامية؟ طوالى حتسيب مجموعة كبيرة من المواطنين مايكونوا سودانيين! وناس تانين يجو كمان بالجهاد أنت بتعلن الجهاد على منو؟ على مواطنينك؟ بهذا أنت حتكون غلطان بالكامل عند إعلانك الجهاد على مواطنينك، وبعدين بتقول أنك عايز الوحدة؟ وده تناقض أنك تعلن الجهاد على بعض أجزاء من دولتك وفى نفس الوقت تقول أنك عايز توحيدهم! أنت ما بتوحدهم، أنت بتقتلهم! وتقول السودان دولة عربية! النوبة وين؟ الفور وين؟ والنوير وين؟ والزاندى وين؟ والبجه وين؟ السودان باجماعة دولة سودانية ده هو البيشملنا كلنا ده هو معن بتاع السودان الجديد نحن قد تعودنا كثيرا على الكذب والخيال أتعودنا على الكذب أنو إذا قالوا السودان دولة عربية دى بتسمع وكأنها موسيقى عادية لكن إذا قلت السودان دولة فوراوية بيقولوا الزول ده مجنون شيلوه للمستشفى لكن الفور سودانيين فمن الصاح أنو السودان دولة بتاعنا كلنا ده مش العروبة ياهو حتوحدنا علشان أنحنا ماكلنا عرب صاح بعض من أبناء السودان من قومية العرب هذه حقيقة لكن ده ما بتوحدنا، أنا بقول العروبة لم توحدنا أنا مش ضد العروبة أنا مش معاكس للعرب والعروبة ومع كل البيقولوه ده لكن كلنا نكون سودانيين حتى مع العرب ديل ذاتهم بالاضافة إلي العرب ديل. والرؤية ديى أنحنا بنتمسك بيها، هذه هى رؤيتنا وهى شاملة، وهى غير مستثنية الشمولية وهى التى توحدنا وليست الاستثنائية. والدولة السودانية قد أسست منذ عام 1956م على الاستثنائية ونحن نريد تغيير كل ده علشان نحافظ على وحدة السودان، أنا الواقف قدامكم دا أنا وحدوى لكن ناس الخرطوم بقولوا أنا إنفصالى ، انفصالي كيف؟ أنا فى شهر يوليو قابلت الرئيس عمر البشير، أنا بناديه رئيس أنت لازم تنادى الناس بالإسم أل بسمو بيه، أنا بسمع فى الخرطوم بنادونى المتمرد جون قر نق ، يأخى نادينى بأ ألأنا بنادى بيه نفسى في ناس بيقولوا أنا رئيس بتاعت الحركة الشعبية لتحرير السودان ليه يوجع عشان يقولوا لى الكلام ده؟ بشير فى ناس يقولوا هو رئيس بتاع السودان أنا بقول هو الرئيس بشير لأن هذا هو لقبة، لماذا نرفض عليه ذلك؟ أنا ماعندى مانع فى أنو ينادونى متمرد، فى الحقيقة أنا مابفرض على الناس انوا يكونوا متمردين انت لمن تشوف الحاجات البتحصل فى السودان فدى البتثير المشاعر، فإنت إذا مابقيت متمرد فى السودان فإنسانيتك بتصبح مشكوك فيها، فأنا أظن أننا كلنا فى السودان متمردين بس الاختلاف بتكون فى الدرجات، حقتنا ده زايد من حقت ناس تانين، بتاعت بعض الناس يمكن لسه. لكن حيوصلوا علشان حيضغطوك، كان ضغطوك أنت حتتمرد.
أنا قابلت الرئيس بشير فى كمبال وأنا تحديته، أنا قلت ليه أنا أكبر وحدوي منك ويمكنني إثبات ذلك، هو قال لى أثبتو وأنا أثبت ذلك أنو أنا وحدوى أكثر من بشير وفى أم درمان الراديو والتلفزيون بيقولو انا رجل انفصالي! أنا قلت يابشير أنت عملت اتفاقية مع ناس اتمردوا عنى عشان شنو؟ هم قالوا أنا وحدوي مرقوا منى ومشوا كونوا حركة أسمها حركة لانفصال جنوب السودان كونوا جيش أسمه جيش لانفصال جنوب السودان. ناس رياك مشار هم الكونوه ومشوا عملوا اتفاقية معاك أنت بشير. أنا قلت ليه فى كمبالا أنت سبتنى أنا ده البنادى بوحدة السودان وأنت مشيت عملت اتفاقية مع انفصاليين، إذا عملت وحده مع انفصاليين أنت شنو؟ ما أنت بقيت أنفصالى كمان! أنا لا أتحدث ضد رياك مشار هو حاليا عضو بتاع الحركة أنا بديكم مثال، وقبل أيام كان عندنا مؤتمر ورياك مشار حلف كعضو بتاع الحركة ناس الخرطوم لسع قاعدين يفرفروا ده عربي بتع جوبا لسع قاعدين يفرفروا بقولوا تعال، تعال، يومداك ده نحن ماطبقنا الاتفاقية ديه بطريقه صاح تعال نطبقه مرة ثانية رياك مشار قال لا. فالسودان الموحد القوى ما ممكن تتبني على أسس بتاعت تفرقه وعلى العروبة والإسلام. العروبة والإسلام هى جزء من واقعنا، فنحن نتقبلهم، أنا بقبلهم لأن أغلبية مواطنين بتاعنا هم مسلمين أنا أقبل هذا نحن عندنا الكثير من مواطنينا من أصول عربية أنا أقبل ذلك ولكن فلنقبل بأن هنالك آخرون ، نعم هنالك آخرين ويجب إحترام والإعتراف بحق الآخرون إذا لم نفعل ذلك فكيف سنتوحد؟ وعلى هذا الأسس يقال بأن المحبه (او الأحسان) تبداء فى المنزل فالوحدة أيضا تبداء فى المنزل لذلك أدعوكم أنتم النوبة بالوحدة ياهو دا عندنا أحزاب النوبة الاربعة قبيل أنا ذكرتهم وولدهم الصغير الأسمه الحركة الشعبية ده النتج من نضال شعب النوبة دعونا نتوحد الآن، بحيث يمكننا تحقيق الهدف بتاعت النوبة إذا إتوحدوا زى يدى ده، باجماعه أنت بتعمل بونية كيف؟ زى ده؟ ولا زى ده؟ أيوا كده، ده توحيد عشان كده انا بسألكم قبل ما أمشى وأسأل الوحدة الكبيرة بتاعت السودان، بأن لازم النوبة يتوحدوا علشان يحققوا الأهداف الخاصة بتاعت النوبة ودى هى رؤيتنا، رؤية الحركة دى رؤية السودان الجديد نحن متمسكين بالوحدة دى حتى فى الظروف الصعبة وأنو انحنا قد إهتزينا فى عام 1991م وأنو ناس بشير مشو وعملوا أتفاقية مع ناس رياك مشار أنحنا ما سبنا الهدف دا فى الظروف السيئة ديك أنحنا ماتخلينا عنها الآن هذا هو مستقبلنا وياهو مستقبل أبناء السودان دا السودان الجديد ليس هنالك رؤية أخرى يمكن أن توحد السودان، لأن رؤية السودان منذ الاستقلال جابت لينا الحروبات حرب لمدة ( 17) عاما الحرب الأول بتاع الأنيانيا والأنيانيا الأولى وألأنيانيا الثانية والآن نحن فى العام العشرون يجب أن نتعلم بأنفسنا علشان نحقق الهدف بتاع السودان الجديد لازم يكون فى تحول، تحول فى الوسط فى العاصمة الخرطوم زاتو، فى العاصمة الخرطوم لان هذا هو الذى يجمعنا ولهذا فى مشاكوس عندما قلنا بأن يصبح الخرطوم عاصمة حرة كنا نتحدث عن وحدة البلاد لان ذلك هو الذى سيوحدنا ما ممكن تقول مافى شبر من العاصمة يكون حر من الشريعة، إذن إنت بتطرد الناس لبره. كيف توحد الناس لو مافى شبر؟ حنمشى نقعد وين؟ المهم هنا دا التحول فى الوسط داك، فأهلنا بيقولوا السمك، أنا عارف مافى بحر كبير هنا فى الجبال فيكون مافى خبرات مع السمك لكن أهلنا بيقولوا السمك بعفن فى راسه مابيعفن فى ذيله فمصيبة السودان دا فى راسه ده مش فى ذنبه، لا فى جبال النوبة ولا فى الجنوب ولا فى دارفور ولافى البيجه، لا د ا فى الخرطوم ده ياهو قاعد بلخبط فلازم يكون فى تحول فى الوسط بقوه أو بسلام، بالسلام أفضل أحسن تتم التحولات فى السودان بطرق سلمية ولقد ذكرنا ذلك ونحن ملتزمون بالحل السلمى لمشاكلنا، بالنسبة لقضية النوبة أريد أن اوضح بعض الملحوظات عن قضية النوبة، فقضية النوبة بقت فى قلب بتاعت مشكلة السودان زاتو، ليه؟ ده علشان النضال بتاع شعب النوبة، ده ماسكت ده مارخيص أنحنا مشينا فى بورقينستوك عشان نتفاوض، نعمل مفاوضات والنتجت فى وقف اطلاق النار فى جبال النوبة ده شرف بتاعكم ياشعب النوبة هناك فى سويسرا مشوا عملوا تعريف بتاع النوبة نحن كنا بنقول فى الحركة جنوب كردفان فى الخرطوم برضه بقولوا ولاية جنوب كردفان لكن الاتفاقية العملناه فى سويسرا جابت الحقيقة، قالت شنو إقليم جبال النوبة ليه إقليم جبال النوبة علشان فى لقاة، لقاوة وغرب كردفان ده صاح داك فى غرب كردفان لكن حسع بقى إقليم جبال النوبة ده مهم عشان الإسم بتاع النوبة مقسم على الأقاليم. ده إقليم جبال النوبة لازم نقدر المعنى بتاع الكلام ده لأنو عنده علاقة بالحرب ومع الأرض لذا فالإتفاقية هى إتفاقية وطنية نصت على أن هذه الأرض ملك للنوبة، لهذا الأقليم نحن مابنقول ناس تانين مابيقعدوا فى هذا الأقليم، ده تعريف بتاعت المنطقة ناس تانين ممكن يجو ويقعدوا هنا لكن ده ارض بتاعت النوبة، فأنا بجى هنا زاتو وبعمل لى قطية هنا وأنا بكون مواطن فى إقليم جبال النوبة فده نضال بتاعكم وبتاع أبناء النوبة ياهو الجاب الأتفاقية بتاعت سويسرا بتاعت وقف اطلاق النار، ده النضال العملناه مع الشعب بتاع النوبة والشعوب الأخرى فى السودان، النضال ده مش الكفاح المسلح فقط النضال فيه أنوع كثيرة، قبيل أنا عملت تهنئة لنسوان بتاعنا فى جبال النوبة علشان النضال بتاعهم ماشرط أنهم شالوا بندقية ومشوا فى المعركة لكن هن ناضلوا بطرق كثيرة يمكن أصعب من البندقية، زى يومداك فى كبويتا أنا كنت بخاطب النسوان بتاع التبويسة وأنا قلت إنتو النسوان بتاعت التبويسة انتو عملتوا شكلة كبيره قالوا شكلة شنو؟ قلت الحاجات الإنتم جبتو للجيش ده فى مريسه أبيض فى عصيده، بعدين كان ناس فى مناقشة قالوا كبويتا سقطت كيف؟ نحنا شلناه كيف؟ العسكرى بيقول أنا ياهو ضربت جبخانه المرآة بتقول والله كان كان ما مريسة بتاعتى دي كبويتا ماكان شالو بعدين الموطنين الجو مع تور بتاعهم وتبرعوا للجيش بقول والله كان كان ما تور بتاعى الأحمر ده كبويتا ده ماكان شالو، وده كله حقيقة فالنضال عنده طرق كثيرة، ونحن قلنا لتحقيق الهدف بتاع السودان الجديد عندنا أربعة وسائل أو أربعة رق بتاعت نضال، فى الكفاح المسلح ياهو الجيش القدامكم ده، ده طريق ضرورى إذا ماعندك قوه الحق بتاعك بشيلوا مع الزول العندو قوه فنحن المهمشين ماعندنا قوه فى السودان، فمشينا فى الغابة عشان نكون قوه، عشان قوه مافى، فكونا قوه دي، ده ما الطريق الوحيد، برضو إذا ما عندك قوه، وماعندك تعليم حاجات بتاعك بشيلو بأونطة، ياهو السبب ده قبيل أنا عملت تهنئة للطلبة أنو لازم تمشوا المدرسة لأن حتى لو ماعندك قوة وماعندك تعليم حاجات بتاعك بشيلوه بأونطه، فأدرس كويس. وناس بتاعت الغرفة التجارية فى النوبة هنا حتى لو عندك قوة وعندك تعليم وما عندك فلوس والله يجى ببيعو إنت وبرضه لازم نعمل إقتصاد وتعمل أنتاج عشان يكون عندنا قروش. السودان الجديد لازم يكون شامل فالطريق واحد، ده كفاح مسلح ده طريق واحد الطريق الثانى الوسيلة بتاعت النضال هى الانتفاضة دى مهم بالنسبة للناس الجايين من الخرطوم والانتفاضة اشتغلت مرتين فى تاريخنا فى سنة 64 وفى 85 ده برضو طريق بتاع نضال. الطريق نمرة ثلاثة ده الضغوط على الدولة، أنحنا مابرانا أنحنا مع بعض العالم وزى ما الناس بيقولوا العالم قد أصبحت قريه صغيرة فما ممكن تعمل نضال بدون الأخرين أو بدون مداخيل بتاع الآخرين فلازم تخاطب المجتمع الدولى ده برضو طريق بتاع نضال. طريق نمرة 4 ده طريق بتاع تفاوض عشان توصل للحل السلمى عبر المفاوضات ده ياهو ألأنحنا بنعمله فى مشاكوس فى الايقاد فنحن بنعمل توحيد للأربعة ديل كلهم، نحن بنعمل الأربعة حاجات ده كله الكفاح المسلح، الأنتفاضة والنضال بتاع الشعب خاصة فى المدن، وأنا بحى كفاح كل الطلبة فى السودان للنضال بتاعهم. فى الطريق نمرة أربعة هو الطربق بتاع الايقاد بتاعت المفاوضات ده واحد من الاسباب أو السبب الرئيسى بتاعت المؤتمر ده، أنحنا فى مشاكوس وفى النوبة، وفى جنوب النيل الأزرق والحاكم بتاعنا بتاعت جنوب النيل الأزرق هو مالك أقار موجود هنا ده من أبناء أنقسنا بالفونج، برضو فى قضية بتاعت منطقة أبياى أهو ناس أدوارد لينو من ابياى. واحد من المشاكل فى الايقاد فى مشاكوس فى سوء تفاهم، فى تشويش بقولوه ناس الخرطوم الحكومة بتقول المناطق الثلاثة دى ماتابع للجنوب، دى دعاية ساكت أنحنا مابنتكلم عن الجنوب نحن بنتكلم عن السلام ونحن بنتكلم عن المناطق بتاعت الحركة الشعبية والجيش الشعبى لتحرير السودان نحن بنتكلم عن الحركة الحكومة عايزه تتكلم عن الجنوب دى سياسة بتاعت تفريق تقول انتو النوبة براكم وأنتم ناس إقليم جنوب النيل الأزرق براكم، الجنوب براكم وأنتم مالكم مع الجنوبيين؟ ما كان يسألوا أنتو مالكم مال الحركة؟ نحن بنتكلم عن الحركة مش عن الجنوب المنطقة، وأى حاجه أى حلول بتاعت مشاكل السودان عبر الحركة لازم تشمل الجبال لازم تشمل ابياى لازم تشمل جنوب النيل الأزرق عشان دى المناطق الفيها الحركة الشعبية لتحرير السودان ده مهم عشان الحكومة بتجيب الكلام ده علشان يقسم بية الناس بتمشى للجنوبيين بتقول النوبة ديل ياهم مشكلتكم اذا ما كان فى نوبة انحنا كان وديناكم، لكن ياهو جون قرنق مشى جاب النوبة بتاعوا ديل وجاب النيل الأزرق وجاب محلات تانى، الحاجة دى بقت معقدة، ده كلام فارغ الحركة تطورت الحركة قوية عشان النوبة فأنا عاوز أوكد ليكم وأنا بتكلم هنا فى جبال النوبة أنو جبال النوبة، منطقة جبال النوبة، الأقليم بتاع جبال النوبة جزء لايتجزء من الحركة وأى حل الحركة حتتوصل ليه مع الحكومة لازم يشمل جبال النوبة ويشمل ابياى ويشمل جنوب النيل الأزرق ده واحد من الوسائل بتاعت النضال، النضال سواء كان فى أبوجا ولا فى إيقاد ولا فى اى محل آخر. مشاكوس والايقاد يمكن يفشل لكن الوسيلة بتاعت النضال مستمرة وبالنسبة لجبال النوبة الحكومة عايزه تعمل دى قضية والله كان كان ما الثلاثة مناطق ديل أنحنا كان إتوصلنا لإتفاقية، ده كلام فارغ الحركة كانت موجودة وجبال نوبة وابياى وجنوب النيل الأزرق كلها كانت موجودة قبل مشاكوس ده أنتو عارفين زاتو دى مدينه فى كينيا، الحركة بتاعنا دى بما فوقه النوبة كانت موجودة قبل مشاكوس وحتكون موجودة بعد مشاكوس فما يعملوا تشويش للناس دى مفاوضات لتحقيق ألاهداف بطرق سليمة ونحن ملتزمون بذلك إذا نجحت بالطريق ده فأهلا وسهلا نحن سنقدر ذلك، اذا ما نجحت فنحن سنواصل مع الوسائل الاخرى. فى مشاكوس فى تقريبا خمسة أو سته حاجات لازم تتحل عشان نصل لإتفاقيه وده صعب لانو حنشوف فى القضية بتاعت الثلاثة مناطق ديل الحكومة بنقول ماتابعه للجنوب ونحنا ماقلنا زاتو تابعه للجنوب نحنا قلنا فى قضية فى المناطق الثلاثة ديل لازم يحلو ونحنا قلنا المناطق ديل تابعه للحركة والحل بلقوه عبر الحركة فلازم يكون فى الرؤية الصحيحة أنحنا بنقول الحركة بتمثل فى مشاكوس شعب جبال النوبة وإبياى وجنوب النيل الأزرق، القضية بتاعت النوبة أنا قلت قبيل فى قلب بتاعت مشكلة السودان، ليه؟ عشان النضال بتاعكم المهمشين كثير فى السودان مافوقة النسوان زاتو هن مهمشات أكثر، آى أنا موافق معاكى هن مهمشات أكثر. فى مهمشين كثير لكن أنتم فى مشاكوس وفى ايجاد عشان الحركة عشان النضال بتاعتكم فى الحركة دى الحقيقة، الفور مش مهمشين؟ ليه هم مافى مشاكوس؟ عشان هم مافى الحركة هم فى النضال وهم مافى الحركة، البجة برضو فى النضال ومهمشين لكن مافيشين فى مشاكوس عشان هم ماجزء بتاعت الحركة اذا كانوا جزء بتاعت الحركة كانوا حيمثلوا بواسطة الحركة. فالشى ألانا عايز أقوله انو أهلنا فى الجنوب فى الجبال فى جنوب النيل لأزرق وفى ابياى قد تم تمثيلهم بواسطة الحركة وأنا أريد أن أكد لهم بأننا سوف لن نخذلهم، أنهم لم يخذلوننا وما فى محل فى الجنوب عسكرى بتاع نوبة ما مات فوقة، القوة ألأنا مشيت بية فى سنة 90/ 1991م لغرب الأستوائية كان مكون أغلبيتة من أبناء النوبة فانهم لم يخذلونا فى النضال، فى الشكلة فنحن سوف لن نخذلهم فى الكلام دى أسهل حاجة كيف أنهم ماخذلونا فى الشكلة وأنحنا نخذلهم فى الكلام؟ فدى واحد من الحاجات لازم يلقو ليهو حل فى الايجاد. فى إعلان أسمرا بالنسبة للتجمع نحنا قلنا حق تقرير المصير ده يطبقوه لكل الشعوب فى السودان ده حق بتاع شعب ناس قالوا آى طيب نجى حسع نستخدم الوسيلة بتاع حق تقرير المصير عشان نوقف بيه الحرب، فقلنا آى نطبقوه فى الجنوب ونطبقوه فى الجبال وفى جنوب النيل الأزرق وفى أبياى وكان فى مناقشة كبيرة جدا فى ناس بسهولة بيقولوا آياى الجنوبيين يستحقوا عشان يكون عندهم حق بتاع تقرير المصير طيب النوبة ماشعب ياجماعة؟ هم شعب فالحكومة عابره تقول أوع انتو النوبة خلو بالكم من حق تقرير المصير ، ده حاجة بطال! ما أنتو ياهو بتشوفوا كان بطال ولا مابطال وبالتالى مافى زول بعقله الصحيح مافى زول ممكن يقول أنا ماعايز أحقق مصيرى طيب منو الحيحققوا؟ الحيحقق ليكم ده منو يعنى؟ فالهدف بتاعت الحكومة أنها يتحاول تقول ليكم أنو ابعدوا من تقرير المصير عجيب ومنوا البيقرر ليكم؟ أنت بنفسك طبعا هل شخص آخر سيقرر مصيرك؟ لا أنت الذى ستقرر مصيرك ولاتسمح لاحد أن يقنعك بأن دى حاجة بطالة ليك لانك تعرف ياهو الكويس وياهو البطال ليك. الحاجة التانية دى كان الحاجة الأولى اللى يجب أن تتحل فى مشاكوس، حاجة نمرة أثنين ده موضوع بتاعت الجيش أنحنا بنقول فى مشاكوس أنو فى الفترة ألانتقالية حتكون فى جيشين، جيش بتاع بشير والجيش الشعبى، ومافى جيش واحد بشيلو لجيش ثانى. مافى أستيعاب ، أنا الواقف قدامك ده أستوعبونى مرة لقد تم إستيعابى مرة من قبل عندما كنت فى حركة ألأنيانيا وماحيستوعبونى للمرة الثانية ولهذا أنحنا بنقول لازم يكون فى جيشين خلال الفترة الأنتقالية ومن ثم الذى سنتحدث عنه فى مشاكوس هى العلاقة بين الجيشين يعنى أين سيتم نشرهم، كيف ستكون علاقتهم مع بعضهم البعض ولكن أريد أن أؤكد لكم بأنه لن تكون هنالك إتفاقية تستوعب الجيش الشعبى فى جيش البشير نحن أكبر من أن نستوعب. موضوع نمرة ثلاثة ده موضوع أنا أشرت ليه قبل كده ده موضوع بتاعت العاصمة القومية، العاصمة القومية يجب أن تحكم بقوانين قومية وليس بقوانين دين واحد الآن عندما أديان كثيره فى الدولة فكلام ناس الخرطوم البقول ده مافى شبر من العاصمة القومية! طيب يبقى قومية كيف؟ قال ما فى شبر من العاصمة القومية حتكون بدون تطبيق شريعة كيف تبداء الوحدة يمثل هذه الشعارات؟ أنحنا قلنا الستة سنوات دى بتاعت الفترة الأنتقالية دى علشان بتاعت بناء للثقة ووضع المؤسسات فى مكانها لتوحيد السودان ماممكن تبدأء الفترة الأنتقالية بعاصمة تسودها الشريعة، اذن أنت لاتوحد الدولة ليه ننظر الستة سنوات دى؟ مانعمل الاستفتاء من حسع ده اذا كان بدايته زى ده، فده كلام نمرة ثلاثة الناس بيناقشوا فى مشاكوس انحنا قلنا طيب أنحنا نحترم الكلام بتاعت الشريعة دى خلي يكون عندنا جيب فى الخرطوم ومحظوظين أنو العاصمة الخرطوم عنده ثلاثة مدن فى الخرطوم بحرى فى أم درمان وفى الخرطوم جوه ، أدينا واحد من الخرطومات ده وكن فى الأثنين ديل طبق فوقهم الشريعة وأدينا واحد منهم، ياجماعة الطلب ده ماطلب منطقى؟ اذا ما أدانا الثلاثة دى كلها أو واحد من الثلاثة دى طيب حنخت العاصمة القومية وين؟ فده كلام نمرة ثلاثة كلام نمرة أربعة ده موضوع بتاعت الرئاسة الطلب بتاعت الحركة، أو الموقف بتاعت الحركة نحن قلنا الفترة الانتقالية ده ياجماعة طويلة ست سنوات خلى نقسموه على أثنين ثلاثة سنة يدوها لبشير وثلاثة سنة الثانية يدها للحركة دى بالنسبة للرئاسة، ده ياهو الكلام ده ناقشوه كثير، الحركة تنازلت قالت خلاص نحن بنشيل النائب الأول بشروط قالوا لا للتناوب قالوا لا للنائب الأول المشروطة ده طيب هم عايزين شنو؟ ياهو الوسطاء بيقولوا ياجماعة فى اللغة العربية فى كلمة بتعنى التقسيم، تقسم السلطة، تقسيم الثروة ناس الخرطوم وكأن التقسيم يتعنى انو يأخذوا كل حاجة! التقسيم ده معناه لازم حاجة تمشى منك أنت مش ماتقسم حاجة مع زول ثانى وليسه عندك ميه فى الميه ليه؟ يبقى ده ماتقسيم فده برضو مشكلة، كلام نمرة خمسة ده موضوع بتاع تقسيم الثروة بقسمو كيف ناس بنزين، ناس جاز وكل الحاجات ده بقسموه كيف؟ نحن بنقول الحركة والله تعبت وناس الجبهة شالوا كله الحاجات كده ادونا 80% بتاعت الكلام ده للتنمية بتاعت المناطق المهمشه مش جنوب براه بالنسبة للحركة ناس خرطوم قالوا لانديكم 5 % فالنقاش بين خمسة فى المية وثمانين فى المية، والفرق كبير، الحاجة الاخيرة ده موضوع بتاعت حقوق الأنسان، الديمقراطية وتكوين حكومة عريضة بتاعت وحدة وطنية فى الفترة الإنتقالية برضو ده فوقو كلام كثير أنحنا بنقول صاح فى مشاكوس ده الحركه و الحكومة ياهو فى المفاوضات لان دى حقيقة الأوضاع لكن عشان القيمة بتاعت الأتفاقية ديه يحترموها الآخرين لازم نجيب الآخرين، القوى السياسية الأخرى بما فوقه التجمع بما فوقه الأحزاب الأربعة الأنا قلتها دى فعندما نتحدث عن تقسيم السلطة نحن بنشمل الآخرين حتى المليشيات البتشاكل جنب البشير ديل من جنوبيين ناس بول متيب ناس أسماعيل كونى وناس المندارى والآخرين نحن سنرحب بيهم فى الحكومة بالجنوب عشان هم جنوبيين اذا فى كمان ناس زى ديل فى جبال النوبة انتو رحب بيهم كمان عشان هم من النوبة أنتم أخوة واخوات فلازم يكون فى صلح ووحدة بين الناس فنحن برضو بنمد يد بتعنا لكل الناس ديل. فى خمسه حاجات فى مشاكوس اذا ليقنا حلول للمشاكل ديه ومشاكل اخرى نحن ممكن نتوصل لإتفاقية وسلام عبر مشاكوس اذا ما وصلنا حل فنحن حنستمر فى النضال بالطرق ألاخرى، ونحن حنجيب الأتفاقية ديه زاتو للجماهير بتاعنا، نحن بنجيبو هنا فى الجبال نحن حنقول ياجماعة ياهو الأتفاقية الوصلنا ليه فى مشاكوس ده كويس ولا بطال؟ وانتم تقرروا ونحن فعلا طبقنا الكلام ده إستشارة الجماهير بعد برتكول مشاكوس، بعد مشاكوس واحد كان فى برتكول بتاعت مشاكوس نحن نادينا كل واحد كل القيادات بتاعت الحركة لمؤتمر كان فية تقريبا 180 قيادى وفى ناس من الجبال هنا مشو فى المؤتمر ده عشان نقول ليهم ياهو بروتكول مشاكوس ويعملوا تقييم بتاعت بروتكول وتوصيات مشاكوس. فالمؤتمر داك عمل توصيات لمشاكوس أثنين ومشاكوس اثنين ياهو فرتك مشينا مشاكوس ثلاثة عملنا امتداد لوقف اطلاق النار لغايد يوم 31/ مارس / 2003م وبرضو مضينا مذكرة تفاهم برضو نادينا الناس تقريبا اكثر من 200فى الأسبوع الفات دى وبرضو عرضنا مذكرة التفاهم دى للناس، حنعمل نفس الشيى مع اى اتفاقية نحن بنتوصل عليه حنجيبه ليكم، فمافيش تخوف، قالوا الحركة بتسيب ناس النوبة بره وبيعملوا إتفاقية، دى دعاية من الخرطوم ده مابتحصل سنستشيركم دائما ده ياهو المعنى بتاعت الحركة الشعبية ماممكن نكون حركة شعبية بدون مانتشاور مع الناس. فى الآخر أنا عاوز أؤكد برضو أنه الحركة الشعبية لتحرير السودان، ده تحرير من شنو مش من منو والحركة دى مابتكون فى الجنوب بس ما حتكون محصورة فى الجنوب فقط نحنا بنمشى فى كل السودان نؤسس الحركة دى من نمولى لغاية حلفا ومن الجنينة لغاية كسلا عبر الخرطوم دى حركة شعبية ديمقراطية للسودانيين كله فالسؤال البقول جبال النوبة وابياى وجنوب النيل ألأزرق قال ما تابع للجنوب ماوارد فنحن حركة حنكون فى كل السودان فكلامهم قال ماتابع للجنوب الحركة الشعبة ما للجنوب فقط دى ياهو السبب أنا هنا لسه ماعملت قطية هنا، كان عملتو قطية هنا بعدين حنكون منكم فأنا بشوف انو المؤتمر بتاعكم دا مهم، مهم لسببين فى رآى والرآى الأخير متروك ليكم ولكن النصيحة منى أنه فى حاجتين مهمات حقو تناقشوه موضوع المفاوضات بتاعت الأيجاد فى مشاكوس والموضوع ألأنا قلته قبيل عن اقليم جبال النوبة موضوع الأرض لأن الناس بتناضل علشان الأرض ده الحاجتين ديل هم أهم الحاجات فى رآى والتى يجب أن تخاطبوها وأنا ما شفت ألأجنده بتاعكم لكن ديل مهمات للنوبة ياهو انحنا ماشين مشاكوس توصياتكم شنو لينا فى مشاكوس؟ علشان فى مشاكوس الحكومة وفى الحركة والحركة بتمثل المصالح بتاعت النوبة، الحركة مثلت مصالح النوبة فى سويسرا عندما تم التوصل لاتفاق وقف اطلاق النار وأجبرت الحكومة لاول مرة فى اربعتاشر سنة عشان يجيبو أغاثة للجبال ده عبر الحركة برضو مشاكوس وبالنسبة لمصالح بتاعت النوبة ممكن يجبروا الحكومة عبر الحركة علشان مافى زول ثالث فى مشاكوس ده نحن والحكومة و أنتم حتودوا التفويض بالنسبه لمصالح النوبة لمنو؟ للحكومة ولا للحركة؟ اذا فى شخص سيتحدث بالنيابة عنكم فى مشاكس؟ طبعا للحركة أنتم فى مشاكس عشان الحركة مش عشان الحكومة وأنا قلت قبل انو الفور ماهناك رغم أنهم بيناضلوا والفور ماهناك لأنهم ماأعضاء فى الحركة البيجة ما هناك لأنهم ما أعضاء فى الحركة النوبة هناك لأنهم أعضاء فى الحركة فناقشوا قضية مشاكس واذا ماتوصلتوا لآى حاجة فأحسن حاجة تقولوا نحن بنفوض الحركة. حتى التجمع الوطنى الديمراطى عمل تفويض للحركة فى أسمرا الا النوبة بتاعى ده ياهو مايعمل لى تفويض؟ فده حاجة واحده مهمة بالنسبة للمؤتمر ياهو ده فى ألأرض وفى الأتفاقية بتاعت سويسرا وفى بعض من الحاميات بتاعت الجيش المفروض الجيش يمرق من الحاميات دى عشان الناس عايزيين المحلات الصالحة للزراعة دي وينزلوا تحت عشان يزرعوا ألارض الصالحة للزراعة وقضية الأرض عموما دى حاجة ملحة علشان يخاطبتها الآن الأرض ملك لكم ملك لشعب النوبة ياهو منطقة جبال النوبة دى ماتكون فى الورق ساكت عايزين يشوفوا، كم بوصة من الأرض ده فعلا تابعة للنوبة ده لازم يشوفوه
الآخير أنا عايز أشكر المجتمع الدولى للمساعدات الأنسانية عايز أشكر المجتمع الدولى والمنظمات الغير الحكومية الموجودة هنا للخدمات التى يقدمونها لمواطنينا فى جبال النوبة دى بتعمل فروقات كثيرة، أريد ان أكرر مرة أخرى الالتزام بتاعت الحركة فى القضية بتاعت المناطق الثلاثة، بما فيها جبال النوبة أنه نحن لن نخذلكم فى مفاوضات مشاكس أنتم جزء لا يتجزء من الحركة مهما تكن الأتفاقية الحركة حتتوصل ليها، فهى حتشمل جبال النوبة أريد أن أؤكد لكم برضو بالنسبة للإتزام بتاعتنا للسودان الجديد الهدف بتاع السودان الجديد سنواصل النضال فى أى ظروف لغاية مانحقق الهدف بتاع السودان الجديد
لجية بتاعتى هنا علشان نحاضر معاكم ونخاطب المؤتمر ده، ده تأكيد لابناء النوبة وكل المهمشسين فى السودان أنه أنحنا بنا خذ القضية بتاعت جبال النوبة بجدية خالص، نحن جادين، نحن جادين ونحن ما بنسيب الهدف بتاعتنا والنوبة جزء لاتتجزء من الحركة وده ياهو السبب ألأنا هنا ده، كان فى نقاش قال اخاطبكم بالتلفون أنا بشوف حسع الصعوبة بتاعت التلفون ده قبيل أنا موجود هنا كان فى صعوبة عشان بجيبوا مايكرفون ويعملوا التوصيلات عشان أتكلم هنا معاكم إذا كان سيكون شبه المستحيل إذا كان بالتلفون كان ما ممكن أصلوا. عشان كده أنا قررت أجى عشان أحييكم شخصيا وعشان تشوفوني وأؤكد لكم شخصيا أنو الحركة وأنا فى الرئاسة بتاعت الحركة معاكم
شكرا جزيلا
منقووول
|
| |
|
|
|
|
|
|
|
|
 Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Al-Shaygi)
|
Quote: كلمة الدكتور جون قرنق دى مبيور في المؤتمر الجامع لأبناء النوبة
بمدينة كاودا - 2-5 ديسمبر 2002
تحيا الحركة الشعبية والجيش الشعبي لتحرير السودان، مرة أخرى أريد أن أحي كل الشهداء بتاعنا الأستشهدوا فى كل المحلات وفى كل الزمن في تاريخ السودان وعلى رأسهم هنا في جبال النوبة وفى كل السودان الجديد، الشهيد يوسف كوه دى علشانهم ياهو السبب أنحنا قاعدين هنا ونجتمع هنا ، دى الأرض الحرروها بالدم بتاعهم وعلشان السبب ده أنحنا دائما بنتذكرهم وديل الشهداء بتاع السودان الجديد. برضو عايز مرة ثانية نعمل تهنئة ونحى شعب ا لنوبة، المواطنين بتاعنا فى جبال النوبة القاوموا وفجروا الثورة وحققوا انتصارات كثيرة وعلى رأسهم النسوان بتاعنا بتاعت السوان الجديد الطلبة هناك أنا شايفكم وأنا بسلم عليكم شوفوا المدرسة بتعكم كويس انتو أهو اولاد بتاع المستقبل ناس بتاع المستقبل الصغار البيبنى السودان الجديد ، برضو انتوا المؤتمرين الناس الجو المؤتمر ده ناس جو من محلآت مختلفة فى ناس جو من الخارج وجو من الخرطوم وجو من الجبال هنا أنا بسلم عليكم كلكم وأنا بسلم على رؤساء لأحزاب الخاصة بجبال النوبة وعلى رأسهم رئيس الأسقف فيلب عباس غبوش رئيس الحزب القومي السودانى الحر وبرضو البروفيسور الآمين حموده رئيس الحزب القومي السوداني، والأستاذ محمد حماد كوه رئيس الحزب القومي السوداني القيادة الجماعية والأخ يوسف عبد الله جبريل رئيس اتحاد عام جبال النوبة أنا بحيهم وبسلم عليهم الحركة الشعبية لتحرير السودان ما نزلت من السماء ولا أتت من الفراغ أنا ممكن أقول أنو ده النضال بتعكم، الناس اللي أنا خاطبتهم ورؤساء الأحزاب وشعب النوبة كله عبر التاريخ فى النضال بتاعهم فى المقاومة بتاعتكم يا هو الفتح للحركة الشعبية لتحرير السودان فى جبال النوبة فنحن نتيجة لنضالكم يعنى دى لثمرة بتاعت نضال شعب النوبة فى تكوينات بتوعهم كله ونحن وكل الأجيال سنكون شاكرين لهم فالحركة الشعبية لتحرير السودان هى جزء من النضال بتاع الشعب بتاعنا فى جبال النوبة أنا عاوز أبدأ أتكلم معاكم بصورة غير رسمية
حأتكلم معاكم بطريقة غير رسمية أنا بخت الحقيقة فقط، علشان فى السودان فى كذب كثير، طبعا كل مرض عنده دواء كان عندك ملاريا أنت بتشرب شنو؟ كلوروكوين، وكلوروكوين ده أو كوينين ده مر فدوا بتاع الكذب شنو؟ الحقيقة، والحقيقة ذي الكوينين ده مر برضو فأنا لو قلت حاجة مؤلمة برضو فدا للعلاج، علاج بتاع المرض بتاع الكذب البقولو فى السودان من زمن الاستقلال فسأبداء برؤية الحركة، رؤية الحركة هي السودان الجديد، وعاوز أؤكد لكم انه مهما حدث إذا أمطرت، أو شمست، وفى كل الصعوبات، الحركة ملتزمة بالهدف بتاع السودان الجديد. الحركة الشعبية لانفصال جنوب السودان؟ هذا ليس صحيحا لكن انحنا شلنا السلاح عام 1983م علشان نناضل لتحقيق السودان الجديد ووحدته، ولكن وحدة على أسس جديدة مش السودان القديم أل أسسوا على أسس الظلم فقلنا تحرير السودان، وفى مستهبلين بقولوا تحرير السودان من منو؟ ديل عايزين يقولوا يعنى الناس عايزين يقولوا من العرب، أنحنا ماقلنا كده فى ناس بقولوا كده نحن ماقلنا كده ده تحرير من الظلم، ويا جماعة الظلم ده ماعنده لون وماعنده جنس الإنجليز استعمرونا، الناس اسود ذاتوا، السودانيين السود زي النوبة ذاتو ممكن يستعمروا، الدينكا يمكن يستعمروا، الفور ممكن يستعمرا، العرب ممكن يستعمروا، فده تحرير مش من منو ده تحرير من شنو وده حاجة درسناه، أنا الواقف قدامكم ده أنا كنت فى انيانيا واحد وفى أنياينا واحد الحركة فى الزمن داك بتناضل من أجل استقلال جنوب السودان وأنا اختلفت مع الجنرال لاجو فى الكلام ده لمن أنا دخلت فى الانيانيا أنا قلت شعب السودان شعب واحد لكن قسموه، قسموه الحكام فى الخرطوم منذ الاستقلال علشان ما أسسوا وحده السودان على حقيقة السودان، وحقيقة السودان شنو؟ حقيقة السودان دى التعددية نحن شعب متعدد ، وتعددية شعبنا عبر التاريخ، وحقيقة السودان هى التعددية ، تعددية بنوعين تعددية تاريخية وتعددية معاصرة ، تعددية بالتاريخ وعبر التاريخ وتعددية فى الوقت الحاضر وأنا ما جبت الحاجات دى من رأسي، دى حاجات فى الأرض وواضحة، وقبل ما أمشى حنقول الحقيقة إذا فى الجنوب زول بقول كيف يا دكتور؟ خليه يقول كلام ده ما صاح نمشى فى تعددية فى التاريخ إذا نقراء أي كتاب قديم أنت تلقى السودان فيه ده ألمانيا يا هو أنا ما بلقاه الجزائر زاتو أنا مابلقاه. لكن السودان فيه، فى الإنجيل السودان اسمه كوش، اسمه أثيوبيا، لكن الأسماء مختلفة لكن الأصل هو السودان وإذا حاول الكثير منكم إيجاد أول مسيحي ألما يهودي كان سوداني ومنكم من قراء الإنجيل وأنا ممكن أعطي مثال من القرآن ورفقائي وأخواتي وأخواني هنا خلو يمشوا يدونى مثال أنا حاستعمله كمان، بس بسبب جهلي بالقرآن والتاريخ العربي أنا لا أعطبي أمثلة هنالك ولكنني فى طريق إلي ذلك أنا تلميذ. فى أعمال الرسل هنالك إشارة إلي راهب أثيوبي ذاك ينيب أثيوبي فى الإنجيل وطبعا ده كان موظف فى مملكة مروى وأصبح مسيحي وأظن بين عام 38-48 بعد الميلاد هذا هو البعد التاريخي الذي ذهبنا له وقبل الإنجيل كانى السودان موجود، كان فى عبر التاريخ من قبل الإنجيل وبعد الإنجيل وأنت تجى للممالك الكثير الكان فى السودان لغايت مملكة الفونج ده كله تاريخ بتعنا ياجماعة، وده انتو المواطنين بتاع السودان يا هو كان كله قبائل وقوميات بتعكم انتوا قولوا هم مشو وين؟ ماديل انتم ياهو زاتوا لغايت الزمن ده، ففى أرضنا السودان، فى ثقافاتنا قامت وماتت وآخر معانا فى الحاضر، أنا بنادي دى تعددية عبر التاريخ. فى الوقت الحاضر التعددية حسع ده عندنا قوميات كثيرة فى السودان فى أكثر من ( 500) قبيلة المهم هو كيف أنحن نعرف شعبنا وفعلا الشخصية السودانية فى مرحلة التكون إذا سمعت الموسيقى السودانية، أنا شفت فنانين كثار جو من الخرطوم قبيل أنا بسلم عليكم يا فنانين، الموسيقى بتاعنا هو ملون، دى خلطة بتاعت التعددية، ده عبر التاريخ، لذلك فى الحاضر نرى بأن موسيقانا موجود فى الموسيقى الصومالية والأثيوبية، الفنان محمد وردى إذا مشى أثيوبيا أو مشى الصومال عنده شعبية كبيرة لأننا متقاربون فى ذاك الموسيقى برضو فى الجنوب، وفى الغرب، وفى الشرق، وفى الثقافة دى، الموسيقى ال بتوحد الشعوب هذه هي رؤيتنا للسودان الجديد. لتأسيس وحدة السودان نحن بنقول على أسس جديدة لكن بالفعل ده ما أسس جديدة، ده أسس قديمة أصلا مكونة من التعددية لكن أنحنا بنقول أسس جديد، عندما تقارنها بالكيفية التى تحكم بها السودان منذ عام 1956م من خلال التقسيم. ربنا خلقنا لنعبده، وبنعبد ربنا لآنو هو الخلقنا0 العربية الأنا جيت بيه قبيل داك انا خلقتها، وهى لازم تعبدن وفى نفس الأسلوب الدولة الأنا خلقتها لازم كمان تعبدنى مافى حاجه فى أن أعبد الدولة دى حقائق بسيطة دى ياها الحقيقة لانى قلت قبيل حنقول الحقيقة والحقيقة فقط. بعدين كان أنا مت وأنا لقيت ربنا بتاعى هو مايحاسبنى على حسب الدولة الأنا كنت فيها لو أنا كنت فى الدولة بتاع السودان والا دولة بتاع أمريكا ولادولة بتاعت كينيا، هو حيحاسبنى على حسب الحاجات الانا عملتها فى حياتى مش الحاجات الدولة بتاعى عملتها، لكن فى الحاجات ألانا عملتها. فى العسكرية زى أنت ماشى المكتب تقيف قدام ربنا فى انتباه، حيقول أنت حضرت؟ ربنا بيقول إنت عملت وعملت وعملت، مش الدولة بتاعك عملت وعملت وعملت، فالدين ده علاقة بين الإنسان بين الشخص وربه، لذلك علينا ترك الدين للشخص كفرد، والدولة دى بتاعنا كلنا بعض الناس ممكن يختلفوا مع معانا لكن ليس هذا ما سيوحدنا، يمكننا الحفاظ على ديننا، وأن نحتفظ بالدولة بتعنا فى نفس الوقت. السودان هل لازم تكون دولة إسلامية؟ طوالى حتسيب مجموعة كبيرة من المواطنين مايكونوا سودانيين! وناس تانين يجو كمان بالجهاد أنت بتعلن الجهاد على منو؟ على مواطنينك؟ بهذا أنت حتكون غلطان بالكامل عند إعلانك الجهاد على مواطنينك، وبعدين بتقول أنك عايز الوحدة؟ وده تناقض أنك تعلن الجهاد على بعض أجزاء من دولتك وفى نفس الوقت تقول أنك عايز توحيدهم! أنت ما بتوحدهم، أنت بتقتلهم! وتقول السودان دولة عربية! النوبة وين؟ الفور وين؟ والنوير وين؟ والزاندى وين؟ والبجه وين؟ السودان باجماعة دولة سودانية ده هو البيشملنا كلنا ده هو معن بتاع السودان الجديد نحن قد تعودنا كثيرا على الكذب والخيال أتعودنا على الكذب أنو إذا قالوا السودان دولة عربية دى بتسمع وكأنها موسيقى عادية لكن إذا قلت السودان دولة فوراوية بيقولوا الزول ده مجنون شيلوه للمستشفى لكن الفور سودانيين فمن الصاح أنو السودان دولة بتاعنا كلنا ده مش العروبة ياهو حتوحدنا علشان أنحنا ماكلنا عرب صاح بعض من أبناء السودان من قومية العرب هذه حقيقة لكن ده ما بتوحدنا، أنا بقول العروبة لم توحدنا أنا مش ضد العروبة أنا مش معاكس للعرب والعروبة ومع كل البيقولوه ده لكن كلنا نكون سودانيين حتى مع العرب ديل ذاتهم بالاضافة إلي العرب ديل. والرؤية ديى أنحنا بنتمسك بيها، هذه هى رؤيتنا وهى شاملة، وهى غير مستثنية الشمولية وهى التى توحدنا وليست الاستثنائية. والدولة السودانية قد أسست منذ عام 1956م على الاستثنائية ونحن نريد تغيير كل ده علشان نحافظ على وحدة السودان، أنا الواقف قدامكم دا أنا وحدوى لكن ناس الخرطوم بقولوا أنا إنفصالى ، انفصالي كيف؟ أنا فى شهر يوليو قابلت الرئيس عمر البشير، أنا بناديه رئيس أنت لازم تنادى الناس بالإسم أل بسمو بيه، أنا بسمع فى الخرطوم بنادونى المتمرد جون قر نق ، يأخى نادينى بأ ألأنا بنادى بيه نفسى في ناس بيقولوا أنا رئيس بتاعت الحركة الشعبية لتحرير السودان ليه يوجع عشان يقولوا لى الكلام ده؟ بشير فى ناس يقولوا هو رئيس بتاع السودان أنا بقول هو الرئيس بشير لأن هذا هو لقبة، لماذا نرفض عليه ذلك؟ أنا ماعندى مانع فى أنو ينادونى متمرد، فى الحقيقة أنا مابفرض على الناس انوا يكونوا متمردين انت لمن تشوف الحاجات البتحصل فى السودان فدى البتثير المشاعر، فإنت إذا مابقيت متمرد فى السودان فإنسانيتك بتصبح مشكوك فيها، فأنا أظن أننا كلنا فى السودان متمردين بس الاختلاف بتكون فى الدرجات، حقتنا ده زايد من حقت ناس تانين، بتاعت بعض الناس يمكن لسه. لكن حيوصلوا علشان حيضغطوك، كان ضغطوك أنت حتتمرد.
أنا قابلت الرئيس بشير فى كمبال وأنا تحديته، أنا قلت ليه أنا أكبر وحدوي منك ويمكنني إثبات ذلك، هو قال لى أثبتو وأنا أثبت ذلك أنو أنا وحدوى أكثر من بشير وفى أم درمان الراديو والتلفزيون بيقولو انا رجل انفصالي! أنا قلت يابشير أنت عملت اتفاقية مع ناس اتمردوا عنى عشان شنو؟ هم قالوا أنا وحدوي مرقوا منى ومشوا كونوا حركة أسمها حركة لانفصال جنوب السودان كونوا جيش أسمه جيش لانفصال جنوب السودان. ناس رياك مشار هم الكونوه ومشوا عملوا اتفاقية معاك أنت بشير. أنا قلت ليه فى كمبالا أنت سبتنى أنا ده البنادى بوحدة السودان وأنت مشيت عملت اتفاقية مع انفصاليين، إذا عملت وحده مع انفصاليين أنت شنو؟ ما أنت بقيت أنفصالى كمان! أنا لا أتحدث ضد رياك مشار هو حاليا عضو بتاع الحركة أنا بديكم مثال، وقبل أيام كان عندنا مؤتمر ورياك مشار حلف كعضو بتاع الحركة ناس الخرطوم لسع قاعدين يفرفروا ده عربي بتع جوبا لسع قاعدين يفرفروا بقولوا تعال، تعال، يومداك ده نحن ماطبقنا الاتفاقية ديه بطريقه صاح تعال نطبقه مرة ثانية رياك مشار قال لا. فالسودان الموحد القوى ما ممكن تتبني على أسس بتاعت تفرقه وعلى العروبة والإسلام. العروبة والإسلام هى جزء من واقعنا، فنحن نتقبلهم، أنا بقبلهم لأن أغلبية مواطنين بتاعنا هم مسلمين أنا أقبل هذا نحن عندنا الكثير من مواطنينا من أصول عربية أنا أقبل ذلك ولكن فلنقبل بأن هنالك آخرون ، نعم هنالك آخرين ويجب إحترام والإعتراف بحق الآخرون إذا لم نفعل ذلك فكيف سنتوحد؟ وعلى هذا الأسس يقال بأن المحبه (او الأحسان) تبداء فى المنزل فالوحدة أيضا تبداء فى المنزل لذلك أدعوكم أنتم النوبة بالوحدة ياهو دا عندنا أحزاب النوبة الاربعة قبيل أنا ذكرتهم وولدهم الصغير الأسمه الحركة الشعبية ده النتج من نضال شعب النوبة دعونا نتوحد الآن، بحيث يمكننا تحقيق الهدف بتاعت النوبة إذا إتوحدوا زى يدى ده، باجماعه أنت بتعمل بونية كيف؟ زى ده؟ ولا زى ده؟ أيوا كده، ده توحيد عشان كده انا بسألكم قبل ما أمشى وأسأل الوحدة الكبيرة بتاعت السودان، بأن لازم النوبة يتوحدوا علشان يحققوا الأهداف الخاصة بتاعت النوبة ودى هى رؤيتنا، رؤية الحركة دى رؤية السودان الجديد نحن متمسكين بالوحدة دى حتى فى الظروف الصعبة وأنو انحنا قد إهتزينا فى عام 1991م وأنو ناس بشير مشو وعملوا أتفاقية مع ناس رياك مشار أنحنا ما سبنا الهدف دا فى الظروف السيئة ديك أنحنا ماتخلينا عنها الآن هذا هو مستقبلنا وياهو مستقبل أبناء السودان دا السودان الجديد ليس هنالك رؤية أخرى يمكن أن توحد السودان، لأن رؤية السودان منذ الاستقلال جابت لينا الحروبات حرب لمدة ( 17) عاما الحرب الأول بتاع الأنيانيا والأنيانيا الأولى وألأنيانيا الثانية والآن نحن فى العام العشرون يجب أن نتعلم بأنفسنا علشان نحقق الهدف بتاع السودان الجديد لازم يكون فى تحول، تحول فى الوسط فى العاصمة الخرطوم زاتو، فى العاصمة الخرطوم لان هذا هو الذى يجمعنا ولهذا فى مشاكوس عندما قلنا بأن يصبح الخرطوم عاصمة حرة كنا نتحدث عن وحدة البلاد لان ذلك هو الذى سيوحدنا ما ممكن تقول مافى شبر من العاصمة يكون حر من الشريعة، إذن إنت بتطرد الناس لبره. كيف توحد الناس لو مافى شبر؟ حنمشى نقعد وين؟ المهم هنا دا التحول فى الوسط داك، فأهلنا بيقولوا السمك، أنا عارف مافى بحر كبير هنا فى الجبال فيكون مافى خبرات مع السمك لكن أهلنا بيقولوا السمك بعفن فى راسه مابيعفن فى ذيله فمصيبة السودان دا فى راسه ده مش فى ذنبه، لا فى جبال النوبة ولا فى الجنوب ولا فى دارفور ولافى البيجه، لا د ا فى الخرطوم ده ياهو قاعد بلخبط فلازم يكون فى تحول فى الوسط بقوه أو بسلام، بالسلام أفضل أحسن تتم التحولات فى السودان بطرق سلمية ولقد ذكرنا ذلك ونحن ملتزمون بالحل السلمى لمشاكلنا، بالنسبة لقضية النوبة أريد أن اوضح بعض الملحوظات عن قضية النوبة، فقضية النوبة بقت فى قلب بتاعت مشكلة السودان زاتو، ليه؟ ده علشان النضال بتاع شعب النوبة، ده ماسكت ده مارخيص أنحنا مشينا فى بورقينستوك عشان نتفاوض، نعمل مفاوضات والنتجت فى وقف اطلاق النار فى جبال النوبة ده شرف بتاعكم ياشعب النوبة هناك فى سويسرا مشوا عملوا تعريف بتاع النوبة نحن كنا بنقول فى الحركة جنوب كردفان فى الخرطوم برضه بقولوا ولاية جنوب كردفان لكن الاتفاقية العملناه فى سويسرا جابت الحقيقة، قالت شنو إقليم جبال النوبة ليه إقليم جبال النوبة علشان فى لقاة، لقاوة وغرب كردفان ده صاح داك فى غرب كردفان لكن حسع بقى إقليم جبال النوبة ده مهم عشان الإسم بتاع النوبة مقسم على الأقاليم. ده إقليم جبال النوبة لازم نقدر المعنى بتاع الكلام ده لأنو عنده علاقة بالحرب ومع الأرض لذا فالإتفاقية هى إتفاقية وطنية نصت على أن هذه الأرض ملك للنوبة، لهذا الأقليم نحن مابنقول ناس تانين مابيقعدوا فى هذا الأقليم، ده تعريف بتاعت المنطقة ناس تانين ممكن يجو ويقعدوا هنا لكن ده ارض بتاعت النوبة، فأنا بجى هنا زاتو وبعمل لى قطية هنا وأنا بكون مواطن فى إقليم جبال النوبة فده نضال بتاعكم وبتاع أبناء النوبة ياهو الجاب الأتفاقية بتاعت سويسرا بتاعت وقف اطلاق النار، ده النضال العملناه مع الشعب بتاع النوبة والشعوب الأخرى فى السودان، النضال ده مش الكفاح المسلح فقط النضال فيه أنوع كثيرة، قبيل أنا عملت تهنئة لنسوان بتاعنا فى جبال النوبة علشان النضال بتاعهم ماشرط أنهم شالوا بندقية ومشوا فى المعركة لكن هن ناضلوا بطرق كثيرة يمكن أصعب من البندقية، زى يومداك فى كبويتا أنا كنت بخاطب النسوان بتاع التبويسة وأنا قلت إنتو النسوان بتاعت التبويسة انتو عملتوا شكلة كبيره قالوا شكلة شنو؟ قلت الحاجات الإنتم جبتو للجيش ده فى مريسه أبيض فى عصيده، بعدين كان ناس فى مناقشة قالوا كبويتا سقطت كيف؟ نحنا شلناه كيف؟ العسكرى بيقول أنا ياهو ضربت جبخانه المرآة بتقول والله كان كان ما مريسة بتاعتى دي كبويتا ماكان شالو بعدين الموطنين الجو مع تور بتاعهم وتبرعوا للجيش بقول والله كان كان ما تور بتاعى الأحمر ده كبويتا ده ماكان شالو، وده كله حقيقة فالنضال عنده طرق كثيرة، ونحن قلنا لتحقيق الهدف بتاع السودان الجديد عندنا أربعة وسائل أو أربعة رق بتاعت نضال، فى الكفاح المسلح ياهو الجيش القدامكم ده، ده طريق ضرورى إذا ماعندك قوه الحق بتاعك بشيلوا مع الزول العندو قوه فنحن المهمشين ماعندنا قوه فى السودان، فمشينا فى الغابة عشان نكون قوه، عشان قوه مافى، فكونا قوه دي، ده ما الطريق الوحيد، برضو إذا ما عندك قوه، وماعندك تعليم حاجات بتاعك بشيلو بأونطة، ياهو السبب ده قبيل أنا عملت تهنئة للطلبة أنو لازم تمشوا المدرسة لأن حتى لو ماعندك قوة وماعندك تعليم حاجات بتاعك بشيلوه بأونطه، فأدرس كويس. وناس بتاعت الغرفة التجارية فى النوبة هنا حتى لو عندك قوة وعندك تعليم وما عندك فلوس والله يجى ببيعو إنت وبرضه لازم نعمل إقتصاد وتعمل أنتاج عشان يكون عندنا قروش. السودان الجديد لازم يكون شامل فالطريق واحد، ده كفاح مسلح ده طريق واحد الطريق الثانى الوسيلة بتاعت النضال هى الانتفاضة دى مهم بالنسبة للناس الجايين من الخرطوم والانتفاضة اشتغلت مرتين فى تاريخنا فى سنة 64 وفى 85 ده برضو طريق بتاع نضال. الطريق نمرة ثلاثة ده الضغوط على الدولة، أنحنا مابرانا أنحنا مع بعض العالم وزى ما الناس بيقولوا العالم قد أصبحت قريه صغيرة فما ممكن تعمل نضال بدون الأخرين أو بدون مداخيل بتاع الآخرين فلازم تخاطب المجتمع الدولى ده برضو طريق بتاع نضال. طريق نمرة 4 ده طريق بتاع تفاوض عشان توصل للحل السلمى عبر المفاوضات ده ياهو ألأنحنا بنعمله فى مشاكوس فى الايقاد فنحن بنعمل توحيد للأربعة ديل كلهم، نحن بنعمل الأربعة حاجات ده كله الكفاح المسلح، الأنتفاضة والنضال بتاع الشعب خاصة فى المدن، وأنا بحى كفاح كل الطلبة فى السودان للنضال بتاعهم. فى الطريق نمرة أربعة هو الطربق بتاع الايقاد بتاعت المفاوضات ده واحد من الاسباب أو السبب الرئيسى بتاعت المؤتمر ده، أنحنا فى مشاكوس وفى النوبة، وفى جنوب النيل الأزرق والحاكم بتاعنا بتاعت جنوب النيل الأزرق هو مالك أقار موجود هنا ده من أبناء أنقسنا بالفونج، برضو فى قضية بتاعت منطقة أبياى أهو ناس أدوارد لينو من ابياى. واحد من المشاكل فى الايقاد فى مشاكوس فى سوء تفاهم، فى تشويش بقولوه ناس الخرطوم الحكومة بتقول المناطق الثلاثة دى ماتابع للجنوب، دى دعاية ساكت أنحنا مابنتكلم عن الجنوب نحن بنتكلم عن السلام ونحن بنتكلم عن المناطق بتاعت الحركة الشعبية والجيش الشعبى لتحرير السودان نحن بنتكلم عن الحركة الحكومة عايزه تتكلم عن الجنوب دى سياسة بتاعت تفريق تقول انتو النوبة براكم وأنتم ناس إقليم جنوب النيل الأزرق براكم، الجنوب براكم وأنتم مالكم مع الجنوبيين؟ ما كان يسألوا أنتو مالكم مال الحركة؟ نحن بنتكلم عن الحركة مش عن الجنوب المنطقة، وأى حاجه أى حلول بتاعت مشاكل السودان عبر الحركة لازم تشمل الجبال لازم تشمل ابياى لازم تشمل جنوب النيل الأزرق عشان دى المناطق الفيها الحركة الشعبية لتحرير السودان ده مهم عشان الحكومة بتجيب الكلام ده علشان يقسم بية الناس بتمشى للجنوبيين بتقول النوبة ديل ياهم مشكلتكم اذا ما كان فى نوبة انحنا كان وديناكم، لكن ياهو جون قرنق مشى جاب النوبة بتاعوا ديل وجاب النيل الأزرق وجاب محلات تانى، الحاجة دى بقت معقدة، ده كلام فارغ الحركة تطورت الحركة قوية عشان النوبة فأنا عاوز أوكد ليكم وأنا بتكلم هنا فى جبال النوبة أنو جبال النوبة، منطقة جبال النوبة، الأقليم بتاع جبال النوبة جزء لايتجزء من الحركة وأى حل الحركة حتتوصل ليه مع الحكومة لازم يشمل جبال النوبة ويشمل ابياى ويشمل جنوب النيل الأزرق ده واحد من الوسائل بتاعت النضال، النضال سواء كان فى أبوجا ولا فى إيقاد ولا فى اى محل آخر. مشاكوس والايقاد يمكن يفشل لكن الوسيلة بتاعت النضال مستمرة وبالنسبة لجبال النوبة الحكومة عايزه تعمل دى قضية والله كان كان ما الثلاثة مناطق ديل أنحنا كان إتوصلنا لإتفاقية، ده كلام فارغ الحركة كانت موجودة وجبال نوبة وابياى وجنوب النيل الأزرق كلها كانت موجودة قبل مشاكوس ده أنتو عارفين زاتو دى مدينه فى كينيا، الحركة بتاعنا دى بما فوقه النوبة كانت موجودة قبل مشاكوس وحتكون موجودة بعد مشاكوس فما يعملوا تشويش للناس دى مفاوضات لتحقيق ألاهداف بطرق سليمة ونحن ملتزمون بذلك إذا نجحت بالطريق ده فأهلا وسهلا نحن سنقدر ذلك، اذا ما نجحت فنحن سنواصل مع الوسائل الاخرى. فى مشاكوس فى تقريبا خمسة أو سته حاجات لازم تتحل عشان نصل لإتفاقيه وده صعب لانو حنشوف فى القضية بتاعت الثلاثة مناطق ديل الحكومة بنقول ماتابعه للجنوب ونحنا ماقلنا زاتو تابعه للجنوب نحنا قلنا فى قضية فى المناطق الثلاثة ديل لازم يحلو ونحنا قلنا المناطق ديل تابعه للحركة والحل بلقوه عبر الحركة فلازم يكون فى الرؤية الصحيحة أنحنا بنقول الحركة بتمثل فى مشاكوس شعب جبال النوبة وإبياى وجنوب النيل الأزرق، القضية بتاعت النوبة أنا قلت قبيل فى قلب بتاعت مشكلة السودان، ليه؟ عشان النضال بتاعكم المهمشين كثير فى السودان مافوقة النسوان زاتو هن مهمشات أكثر، آى أنا موافق معاكى هن مهمشات أكثر. فى مهمشين كثير لكن أنتم فى مشاكوس وفى ايجاد عشان الحركة عشان النضال بتاعتكم فى الحركة دى الحقيقة، الفور مش مهمشين؟ ليه هم مافى مشاكوس؟ عشان هم مافى الحركة هم فى النضال وهم مافى الحركة، البجة برضو فى النضال ومهمشين لكن مافيشين فى مشاكوس عشان هم ماجزء بتاعت الحركة اذا كانوا جزء بتاعت الحركة كانوا حيمثلوا بواسطة الحركة. فالشى ألانا عايز أقوله انو أهلنا فى الجنوب فى الجبال فى جنوب النيل لأزرق وفى ابياى قد تم تمثيلهم بواسطة الحركة وأنا أريد أن أكد لهم بأننا سوف لن نخذلهم، أنهم لم يخذلوننا وما فى محل فى الجنوب عسكرى بتاع نوبة ما مات فوقة، القوة ألأنا مشيت بية فى سنة 90/ 1991م لغرب الأستوائية كان مكون أغلبيتة من أبناء النوبة فانهم لم يخذلونا فى النضال، فى الشكلة فنحن سوف لن نخذلهم فى الكلام دى أسهل حاجة كيف أنهم ماخذلونا فى الشكلة وأنحنا نخذلهم فى الكلام؟ فدى واحد من الحاجات لازم يلقو ليهو حل فى الايجاد. فى إعلان أسمرا بالنسبة للتجمع نحنا قلنا حق تقرير المصير ده يطبقوه لكل الشعوب فى السودان ده حق بتاع شعب ناس قالوا آى طيب نجى حسع نستخدم الوسيلة بتاع حق تقرير المصير عشان نوقف بيه الحرب، فقلنا آى نطبقوه فى الجنوب ونطبقوه فى الجبال وفى جنوب النيل الأزرق وفى أبياى وكان فى مناقشة كبيرة جدا فى ناس بسهولة بيقولوا آياى الجنوبيين يستحقوا عشان يكون عندهم حق بتاع تقرير المصير طيب النوبة ماشعب ياجماعة؟ هم شعب فالحكومة عابره تقول أوع انتو النوبة خلو بالكم من حق تقرير المصير ، ده حاجة بطال! ما أنتو ياهو بتشوفوا كان بطال ولا مابطال وبالتالى مافى زول بعقله الصحيح مافى زول ممكن يقول أنا ماعايز أحقق مصيرى طيب منو الحيحققوا؟ الحيحقق ليكم ده منو يعنى؟ فالهدف بتاعت الحكومة أنها يتحاول تقول ليكم أنو ابعدوا من تقرير المصير عجيب ومنوا البيقرر ليكم؟ أنت بنفسك طبعا هل شخص آخر سيقرر مصيرك؟ لا أنت الذى ستقرر مصيرك ولاتسمح لاحد أن يقنعك بأن دى حاجة بطالة ليك لانك تعرف ياهو الكويس وياهو البطال ليك. الحاجة التانية دى كان الحاجة الأولى اللى يجب أن تتحل فى مشاكوس، حاجة نمرة أثنين ده موضوع بتاعت الجيش أنحنا بنقول فى مشاكوس أنو فى الفترة ألانتقالية حتكون فى جيشين، جيش بتاع بشير والجيش الشعبى، ومافى جيش واحد بشيلو لجيش ثانى. مافى أستيعاب ، أنا الواقف قدامك ده أستوعبونى مرة لقد تم إستيعابى مرة من قبل عندما كنت فى حركة ألأنيانيا وماحيستوعبونى للمرة الثانية ولهذا أنحنا بنقول لازم يكون فى جيشين خلال الفترة الأنتقالية ومن ثم الذى سنتحدث عنه فى مشاكوس هى العلاقة بين الجيشين يعنى أين سيتم نشرهم، كيف ستكون علاقتهم مع بعضهم البعض ولكن أريد أن أؤكد لكم بأنه لن تكون هنالك إتفاقية تستوعب الجيش الشعبى فى جيش البشير نحن أكبر من أن نستوعب. موضوع نمرة ثلاثة ده موضوع أنا أشرت ليه قبل كده ده موضوع بتاعت العاصمة القومية، العاصمة القومية يجب أن تحكم بقوانين قومية وليس بقوانين دين واحد الآن عندما أديان كثيره فى الدولة فكلام ناس الخرطوم البقول ده مافى شبر من العاصمة القومية! طيب يبقى قومية كيف؟ قال ما فى شبر من العاصمة القومية حتكون بدون تطبيق شريعة كيف تبداء الوحدة يمثل هذه الشعارات؟ أنحنا قلنا الستة سنوات دى بتاعت الفترة الأنتقالية دى علشان بتاعت بناء للثقة ووضع المؤسسات فى مكانها لتوحيد السودان ماممكن تبدأء الفترة الأنتقالية بعاصمة تسودها الشريعة، اذن أنت لاتوحد الدولة ليه ننظر الستة سنوات دى؟ مانعمل الاستفتاء من حسع ده اذا كان بدايته زى ده، فده كلام نمرة ثلاثة الناس بيناقشوا فى مشاكوس انحنا قلنا طيب أنحنا نحترم الكلام بتاعت الشريعة دى خلي يكون عندنا جيب فى الخرطوم ومحظوظين أنو العاصمة الخرطوم عنده ثلاثة مدن فى الخرطوم بحرى فى أم درمان وفى الخرطوم جوه ، أدينا واحد من الخرطومات ده وكن فى الأثنين ديل طبق فوقهم الشريعة وأدينا واحد منهم، ياجماعة الطلب ده ماطلب منطقى؟ اذا ما أدانا الثلاثة دى كلها أو واحد من الثلاثة دى طيب حنخت العاصمة القومية وين؟ فده كلام نمرة ثلاثة كلام نمرة أربعة ده موضوع بتاعت الرئاسة الطلب بتاعت الحركة، أو الموقف بتاعت الحركة نحن قلنا الفترة الانتقالية ده ياجماعة طويلة ست سنوات خلى نقسموه على أثنين ثلاثة سنة يدوها لبشير وثلاثة سنة الثانية يدها للحركة دى بالنسبة للرئاسة، ده ياهو الكلام ده ناقشوه كثير، الحركة تنازلت قالت خلاص نحن بنشيل النائب الأول بشروط قالوا لا للتناوب قالوا لا للنائب الأول المشروطة ده طيب هم عايزين شنو؟ ياهو الوسطاء بيقولوا ياجماعة فى اللغة العربية فى كلمة بتعنى التقسيم، تقسم السلطة، تقسيم الثروة ناس الخرطوم وكأن التقسيم يتعنى انو يأخذوا كل حاجة! التقسيم ده معناه لازم حاجة تمشى منك أنت مش ماتقسم حاجة مع زول ثانى وليسه عندك ميه فى الميه ليه؟ يبقى ده ماتقسيم فده برضو مشكلة، كلام نمرة خمسة ده موضوع بتاع تقسيم الثروة بقسمو كيف ناس بنزين، ناس جاز وكل الحاجات ده بقسموه كيف؟ نحن بنقول الحركة والله تعبت وناس الجبهة شالوا كله الحاجات كده ادونا 80% بتاعت الكلام ده للتنمية بتاعت المناطق المهمشه مش جنوب براه بالنسبة للحركة ناس خرطوم قالوا لانديكم 5 % فالنقاش بين خمسة فى المية وثمانين فى المية، والفرق كبير، الحاجة الاخيرة ده موضوع بتاعت حقوق الأنسان، الديمقراطية وتكوين حكومة عريضة بتاعت وحدة وطنية فى الفترة الإنتقالية برضو ده فوقو كلام كثير أنحنا بنقول صاح فى مشاكوس ده الحركه و الحكومة ياهو فى المفاوضات لان دى حقيقة الأوضاع لكن عشان القيمة بتاعت الأتفاقية ديه يحترموها الآخرين لازم نجيب الآخرين، القوى السياسية الأخرى بما فوقه التجمع بما فوقه الأحزاب الأربعة الأنا قلتها دى فعندما نتحدث عن تقسيم السلطة نحن بنشمل الآخرين حتى المليشيات البتشاكل جنب البشير ديل من جنوبيين ناس بول متيب ناس أسماعيل كونى وناس المندارى والآخرين نحن سنرحب بيهم فى الحكومة بالجنوب عشان هم جنوبيين اذا فى كمان ناس زى ديل فى جبال النوبة انتو رحب بيهم كمان عشان هم من النوبة أنتم أخوة واخوات فلازم يكون فى صلح ووحدة بين الناس فنحن برضو بنمد يد بتعنا لكل الناس ديل. فى خمسه حاجات فى مشاكوس اذا ليقنا حلول للمشاكل ديه ومشاكل اخرى نحن ممكن نتوصل لإتفاقية وسلام عبر مشاكوس اذا ما وصلنا حل فنحن حنستمر فى النضال بالطرق ألاخرى، ونحن حنجيب الأتفاقية ديه زاتو للجماهير بتاعنا، نحن بنجيبو هنا فى الجبال نحن حنقول ياجماعة ياهو الأتفاقية الوصلنا ليه فى مشاكوس ده كويس ولا بطال؟ وانتم تقرروا ونحن فعلا طبقنا الكلام ده إستشارة الجماهير بعد برتكول مشاكوس، بعد مشاكوس واحد كان فى برتكول بتاعت مشاكوس نحن نادينا كل واحد كل القيادات بتاعت الحركة لمؤتمر كان فية تقريبا 180 قيادى وفى ناس من الجبال هنا مشو فى المؤتمر ده عشان نقول ليهم ياهو بروتكول مشاكوس ويعملوا تقييم بتاعت بروتكول وتوصيات مشاكوس. فالمؤتمر داك عمل توصيات لمشاكوس أثنين ومشاكوس اثنين ياهو فرتك مشينا مشاكوس ثلاثة عملنا امتداد لوقف اطلاق النار لغايد يوم 31/ مارس / 2003م وبرضو مضينا مذكرة تفاهم برضو نادينا الناس تقريبا اكثر من 200فى الأسبوع الفات دى وبرضو عرضنا مذكرة التفاهم دى للناس، حنعمل نفس الشيى مع اى اتفاقية نحن بنتوصل عليه حنجيبه ليكم، فمافيش تخوف، قالوا الحركة بتسيب ناس النوبة بره وبيعملوا إتفاقية، دى دعاية من الخرطوم ده مابتحصل سنستشيركم دائما ده ياهو المعنى بتاعت الحركة الشعبية ماممكن نكون حركة شعبية بدون مانتشاور مع الناس. فى الآخر أنا عاوز أؤكد برضو أنه الحركة الشعبية لتحرير السودان، ده تحرير من شنو مش من منو والحركة دى مابتكون فى الجنوب بس ما حتكون محصورة فى الجنوب فقط نحنا بنمشى فى كل السودان نؤسس الحركة دى من نمولى لغاية حلفا ومن الجنينة لغاية كسلا عبر الخرطوم دى حركة شعبية ديمقراطية للسودانيين كله فالسؤال البقول جبال النوبة وابياى وجنوب النيل ألأزرق قال ما تابع للجنوب ماوارد فنحن حركة حنكون فى كل السودان فكلامهم قال ماتابع للجنوب الحركة الشعبة ما للجنوب فقط دى ياهو السبب أنا هنا لسه ماعملت قطية هنا، كان عملتو قطية هنا بعدين حنكون منكم فأنا بشوف انو المؤتمر بتاعكم دا مهم، مهم لسببين فى رآى والرآى الأخير متروك ليكم ولكن النصيحة منى أنه فى حاجتين مهمات حقو تناقشوه موضوع المفاوضات بتاعت الأيجاد فى مشاكوس والموضوع ألأنا قلته قبيل عن اقليم جبال النوبة موضوع الأرض لأن الناس بتناضل علشان الأرض ده الحاجتين ديل هم أهم الحاجات فى رآى والتى يجب أن تخاطبوها وأنا ما شفت ألأجنده بتاعكم لكن ديل مهمات للنوبة ياهو انحنا ماشين مشاكوس توصياتكم شنو لينا فى مشاكوس؟ علشان فى مشاكوس الحكومة وفى الحركة والحركة بتمثل المصالح بتاعت النوبة، الحركة مثلت مصالح النوبة فى سويسرا عندما تم التوصل لاتفاق وقف اطلاق النار وأجبرت الحكومة لاول مرة فى اربعتاشر سنة عشان يجيبو أغاثة للجبال ده عبر الحركة برضو مشاكوس وبالنسبة لمصالح بتاعت النوبة ممكن يجبروا الحكومة عبر الحركة علشان مافى زول ثالث فى مشاكوس ده نحن والحكومة و أنتم حتودوا التفويض بالنسبه لمصالح النوبة لمنو؟ للحكومة ولا للحركة؟ اذا فى شخص سيتحدث بالنيابة عنكم فى مشاكس؟ طبعا للحركة أنتم فى مشاكس عشان الحركة مش عشان الحكومة وأنا قلت قبل انو الفور ماهناك رغم أنهم بيناضلوا والفور ماهناك لأنهم ماأعضاء فى الحركة البيجة ما هناك لأنهم ما أعضاء فى الحركة النوبة هناك لأنهم أعضاء فى الحركة فناقشوا قضية مشاكس واذا ماتوصلتوا لآى حاجة فأحسن حاجة تقولوا نحن بنفوض الحركة. حتى التجمع الوطنى الديمراطى عمل تفويض للحركة فى أسمرا الا النوبة بتاعى ده ياهو مايعمل لى تفويض؟ فده حاجة واحده مهمة بالنسبة للمؤتمر ياهو ده فى ألأرض وفى الأتفاقية بتاعت سويسرا وفى بعض من الحاميات بتاعت الجيش المفروض الجيش يمرق من الحاميات دى عشان الناس عايزيين المحلات الصالحة للزراعة دي وينزلوا تحت عشان يزرعوا ألارض الصالحة للزراعة وقضية الأرض عموما دى حاجة ملحة علشان يخاطبتها الآن الأرض ملك لكم ملك لشعب النوبة ياهو منطقة جبال النوبة دى ماتكون فى الورق ساكت عايزين يشوفوا، كم بوصة من الأرض ده فعلا تابعة للنوبة ده لازم يشوفوه
الآخير أنا عايز أشكر المجتمع الدولى للمساعدات الأنسانية عايز أشكر المجتمع الدولى والمنظمات الغير الحكومية الموجودة هنا للخدمات التى يقدمونها لمواطنينا فى جبال النوبة دى بتعمل فروقات كثيرة، أريد ان أكرر مرة أخرى الالتزام بتاعت الحركة فى القضية بتاعت المناطق الثلاثة، بما فيها جبال النوبة أنه نحن لن نخذلكم فى مفاوضات مشاكس أنتم جزء لا يتجزء من الحركة مهما تكن الأتفاقية الحركة حتتوصل ليها، فهى حتشمل جبال النوبة أريد أن أؤكد لكم برضو بالنسبة للإتزام بتاعتنا للسودان الجديد الهدف بتاع السودان الجديد سنواصل النضال فى أى ظروف لغاية مانحقق الهدف بتاع السودان الجديد
لجية بتاعتى هنا علشان نحاضر معاكم ونخاطب المؤتمر ده، ده تأكيد لابناء النوبة وكل المهمشسين فى السودان أنه أنحنا بنا خذ القضية بتاعت جبال النوبة بجدية خالص، نحن جادين، نحن جادين ونحن ما بنسيب الهدف بتاعتنا والنوبة جزء لاتتجزء من الحركة وده ياهو السبب ألأنا هنا ده، كان فى نقاش قال اخاطبكم بالتلفون أنا بشوف حسع الصعوبة بتاعت التلفون ده قبيل أنا موجود هنا كان فى صعوبة عشان بجيبوا مايكرفون ويعملوا التوصيلات عشان أتكلم هنا معاكم إذا كان سيكون شبه المستحيل إذا كان بالتلفون كان ما ممكن أصلوا. عشان كده أنا قررت أجى عشان أحييكم شخصيا وعشان تشوفوني وأؤكد لكم شخصيا أنو الحركة وأنا فى الرئاسة بتاعت الحركة معاكم
شكرا جزيلا
نسال الله ان يتقبل قرنق.......بس ما قدرتا اعرف الرجل قدم شنو لوطنو السوال ده سالتو مرتين لك ولصاحب البوست الاول للمعرفة فقط لا شى خلاف كده
|
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: waleed500)
|
شكرا اخي waleed500
علي هذا الروح الطيبة التي بينت به قصدك .
ولكن هناك من لا بعرف بل ويصر علي ان الدكتور لم يقدم شيئا للوطن حتي من باب الوطنية!!
كما ان هناك من يري في الدكتور السفاح والقاتل وسبب معاناة السودان!!
وهذا هو عين التعصب الاعمي والولاء الكافر بحقوق شعوب السودان الاخري علي امتداد المليون ميل مربع.
Quote: بس ما قدرتا اعرف الرجل قدم شنو لوطنو السوال ده سالتو مرتين لك ولصاحب البوست الاول للمعرفة فقط لا شى خلاف كده
|
ينتابني الحيرة حيال ما كتبته اعلاه لانني لا استطيع الجزم هل المقصود ان التساؤل ما زال قائما ام ....؟!
وليباركك الله الاب السماوي
امين
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
| Quote: انحنا شلنا السلاح عام 1983م علشان نناضل لتحقيق السودان الجديد ووحدته، ولكن وحدة على أسس جديدة مش السودان القديم أل أسسوا على أسس الظلم فقلنا تحرير السودان، وفى مستهبلين بقولوا تحرير السودان من منو؟ ديل عايزين يقولوا يعنى الناس عايزين يقولوا من العرب، أنحنا ماقلنا كده فى ناس بقولوا كده نحن ماقلنا كده ده تحرير من الظلم، ويا جماعة الظلم ده ماعنده لون وماعنده جنس الإنجليز استعمرونا، الناس اسود ذاتوا، السودانيين السود زي النوبة ذاتو ممكن يستعمروا، الدينكا يمكن يستعمروا، الفور ممكن يستعمرا، العرب ممكن يستعمروا، فده تحرير مش من منو ده تحرير من شنو |
فقيد السودان .. الله يعوضنا
ويا ناس بشاشا والبقولو الجلابة اساس مشكلتهم
اقروا
افهمو
اتعلمو
كان بتفهمو
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
الأخ الكريم البينو ...
التحايا والود ...
أسمح لي أن أناقش معك ما كتبته .. بهدف الوصول إلى منطق الحقيقة .. بعيدا عن الجمل الانشايئة التي لا تخدم غرضا في السياسة ...
ولنبدأ من بداية البوست :
| Quote: في الايام القليلة الماضية اثار اقتراح قدمه بعض الاخوة باطلاق اسم الدكنور علي احد شوارع الخرطوم حفيظة الاخوة الشماليين الاسلاميين من تباع المشروع الحضاري وكذلك تباع حزب الوفد الذي راينا نهاية مؤسسه الذي سيكون مثال لنهاية كل وفدي!! |
أنا شخصيا الاقتراح لم يثر حفيظتي ..
فليس لأني شمالي ، أو اسلامي ...
فأنا شمالي جغرافيا ، ولكني والحمد لله سوداني الهوى .. وإذا كان القدر قد جعلني في الجمال الجغرافي ، ففي اعتقادي التام إن ذلك لا يمنحني ميزة ، ولا يسلب مني ميزة ..ففي ايماني التام كل أرض المليون ميل هي وطني ... ولم يكن لمولدي وسكني علاقة برفضي لذلك ، ولم أشر لها ..
أما اسلامي ، بمعنى الانتماء لحزب اسلامي ، فايضا غير صحيح لأني " بعثي " كما ترى في ملفي ..
أضف لذلك أن "بتوع المشروع الحضاري" هم الكيزان ، والحركة الشعبية بقيادة الراحل قرنق ، هي اليوم الشريك الرسمي و الحليف الأقوى للكيزان ..
يعني يا عزيزي الحركة والكيزان ، الزبير محمد صالح وقرنق ، البشير وسلفاكير ، هم أصحاب المشروع الحضاري ..
أما حديثك عن تباع حزب الوفد .. فأصحاب الشأن سيجيبونك ....
| Quote: المهم هو ما قدمه الدكتور المناضل الراحل المقيم جون قرنق وما كان سيقدمه |
ودا كان السؤال .. ولا زال قائما ...
ماذا قدم الراحل قرنق للسودان .. دعك مما كان سيقدمه ...
أنا في اعتقادي لم يقدم شيئا سوى الموت والخراب والدمار ...وبعد حرب أهلية قضت على الأخضر واليابس جاء ليصبح "كوزا" ، ويتحالف مع اصحاب المشروع الحضاري ، لتصبح حركته سيفا جديدا مسلطا على رقاب هذا الشعب ...
"ملاحظة:
أنا أرد عليك قبل أن أواصل في قرأة خطابه " وأتمنى أن أجد فيه ما يقنعني حقا بأن هذا الرجل يستحق أن يخلد مع الخالدين ...
ولندخل على الخطاب الذي أتيت به كوثيقة :
| Quote: تحيا الحركة الشعبية والجيش الشعبي لتحرير السودان، |
والسؤال هنا الجيش الشعبي لتحرير السودان !!؟؟
تحريره ممن ؟؟ أو من شنو ؟
لو كنت قاصد تحريره من الدكتاتورية ، فالشعب السوداني ، وعمر الحركة أنذاك لم يتعدى العامين استطاع أن يحرر نفسه في أبريل ، وقدم في سبيل ذلك الدماء ...
ماذا كان رد فعل الراحل عن هذه الانتفاضة !!؟؟؟
لقد ضرب الشعب في صميم عزته وشرفه ، ومسح بنضالاته الأرض ، واعتبر أن انتفاضة أبريل ما هي إلا مايو2 !!!
وظل الراحل ينشر في الموت والخراب يمنى ويسرى حتى إعتدى حلفاؤه الجدد"الكيزان" على السلطة..
وبرضو ظل شعار تحرير السودان مرفوع ...
وظل السؤال تحريره ممن ؟ أو من شنو؟
فالراحل ظل يحارب في بتاعين المشروع الحضاري ، حتى أنهكهم ، وأنهكوه ...
وعندما أرهقهما الصراع ..
فعلا فعل "الديكة" ، وتقاسما المال والحكم..!!
فهل بذلك تحرر السودان!!؟؟
أنا أجبت على الشق الأول : تحرير السودان ممن؟؟
وافترضت حسن النية ، إنو الراحل عايز يحرر السودان من الطغاة ، فوجدناه في النهاية يتحالف معهم ، ويصبح يدهم اليمنى في تنفيذ برنامجهم ...
وعليك أن تجاوب على الشق الثاني : تحريره من شنو؟؟؟
أو أن تصحح فهمي ، لو كان خطأ، في اجابتي الأولى ، وتوضح لي تحريره ممن؟؟؟
وإن كان الراحل ذكر ذلك ، وسنتطرق له في مكانه...
| Quote: القاوموا وفجروا الثورة |
بربك أي ثورة هذه التي تتحالف مع "بتاعين المشروع الحضاري"..!!؟؟؟
| Quote: وعلى رأسهم النسوان بتاعنا بتاعت السودان الجديد الطلبة |
الطلبة !!!؟؟؟
أنظر للسياسات التعليمية .. وستجد لا جديد ..ذات النهج الكيزاني مستمر ...
أنظر للجامعات !! وقل لي ماذا تغير فيها؟؟
في عهد وزير الحركة الهمام رجعت جامعة الجزيرة ، 8 سنوات للخلف ، رجعت لسياسة التعليم بنظام الورديات ..
حتى لا تتواجد كل القاعدة الطلابية في زمن واحد ، ويأتي رد فعلها عنيفا وداويا في سبيل استعادة المنبر الطلابي !!
Quote: شوفوا المدرسة بتعكم كويس انتو أهو اولاد بتاع المستقبل ناس بتاع المستقبل الصغار البيبنى السودان الجديد
|
بربك ما ياهو كضب الزبير والبشير ذاتو!!؟؟
والله عمر البشير الخالق الناطق ..
مدرسة شنو الكويسة..؟؟؟
يعني الحركة ما كفاها تنفذ فينا برنامج الكيزان ، كمان اتعلمت اكاذيبهم ؟؟؟
" آل مدرسة آل"!! وكمان كويسة .. يا راجل !!!
| Quote: حأتكلم معاكم بطريقة غير رسمية أنا بخت الحقيقة فقط، علشان فى السودان فى كذب كثير، |
وفي كذب أكثر من كدا يا بابا .. ليرحمك الله ..
| Quote: الحركة ملتزمة بالهدف بتاع السودان الجديد |
يكون يا ربي الهدف دا هو التحالف مع الكيزان ..!!
ولا هدف تاني نحن ما عارفنو ، وعلى أساسو يستحق الراحل قرنق أن يخلد مع الخالدين ؟؟
أرجو الافادة حتى لا نظلم الرجل وحركته ...
| Quote: لحركة الشعبية لانفصال جنوب السودان؟ هذا ليس صحيحا |
شفت دا الكذب بأوضح صوره ..؟؟
طالما الحركة ما مع الانفصال ، أساسا جابته في اتفاقها مع الكيزان " يتاعين المشروع الحضاري" ليه؟؟
يا عزيزي الحقيقة بتقول إنو اتفاق الحركة والكيزان وضع الجنوب على طريق الانفصال بعد الفترة الانتقالية، بدلالة :
أ. دستور للجنوب وآخر للشمال .
ب.جيشان أحدهما للإنقاذ في الشمال والآخر للحركة في الجنوب.
ج. بنك مركزي للجنوب وآخر للشمال.
د. ممثل للشمال في المحافل الدولية وآخر للجنوب:
هـ. لغة رسمية للجنوب وأخرى للشمال .
و. نظام مصرفي ( تقليدي أو ربوي) للجنوب وآخر إسلامي (مجازاً) للشمال.
وغير ذلك من الأدلة التي لا يسمح المجال بحصرها
في انفصال اكتر من كدا؟؟؟
| Quote: لكن انحنا شلنا السلاح عام 1983م علشان نناضل لتحقيق السودان الجديد ووحدته، ولكن وحدة على أسس جديدة مش السودان القديم أل أسسوا على أسس الظلم فقلنا تحرير السودان، |
وقلنا الانشاء في السياسة ما بتنفع ، ولا بتقدم حلول ...
لأن الواقع بقول ، إن نهاية هذا النضال ، كانت تحالف مع الكيزان ، وتهديد لوحدة القطر ..
والكذب مستمر في مسألة الظلم دي ..!!!
ما الراحل نفسو جا وتحالف مع الظلمة الطغاة ديل ، وأدى القسم أما (إمام) الكيزان ، وتعانق معه ، وبادله القبلات والضحكات ، وقاسمه (همبريب) القصر الجمهوري ، الذي انتزعه الكيزان ذات ليلة على ظهر دبابة ، وأدامه على ظهر الشعب المظلوم المقهور هذا ..
كذب الكيزان ذاتو!!؟؟؟
| Quote: وفى مستهبلين بقولوا تحرير السودان من منو؟ |
اها النشوف الاجابة من الراحل ...
| Quote: ديل عايزين يقولوا يعنى الناس عايزين يقولوا من العرب، أنحنا ماقلنا كده فى ناس بقولوا كده نحن ماقلنا كده ده |
وأنا أشهد ، بأني لم أسمع أحد يقول ذلك حتى الآن ...
بس نشوف طيب تحريرو من منو ؟ حسب كلام الراحل ...
طيب يا عزيزي البينو ، ياتو ظلم اللي اتحررنا منو دا ؟؟
ياتو ظلم اللي تحررنا منو والراحل بتحالف مع الظلمة المأفونين !!؟؟
دا قدرنا .. ظلم الكيزان ، وجا عليهو ظلم الحركة نفسها ...
لك الله يا شعبنا !!!
| Quote: ويا جماعة الظلم ده ماعنده لون وماعنده جنس الإنجليز استعمرونا، الناس اسود ذاتوا، السودانيين السود زي النوبة ذاتو ممكن يستعمروا، الدينكا يمكن يستعمروا، الفور ممكن يستعمرا، العرب ممكن يستعمروا، |
وهنا أبصم بالعسرة مؤيدا لكل حرف ...
لآنو حقيقة الظلم ما بجي من لون أو جنس ...
Quote: أنا قلت شعب السودان شعب واحد لكن قسموه، قسموه الحكام فى الخرطوم منذ الاستقلال علشان ما أسسوا وحده السودان على حقيقة السودان، وحقيقة السودان شنو؟ حقيقة السودان دى التعددية نحن شعب متعدد ، وتعددية شعبنا عبر التاريخ، وحقيقة السودان هى التعددية ، تعددية بنوعين تعددية تاريخية وتعددية معاصرة ، تعددية بالتاريخ وعبر التاريخ وتعددية فى الوقت الحاضر وأنا ما جبت الحاجات دى من رأسي، دى حاجات فى الأرض
وواضحة |
وكذلك هنا أبصم بالعشرة ، وبدون تحفظ أوافق على هذا التحليل ...
بس المصيبة إنو الراحل نفسو ، جاء ، وفعل فعل الحكام اللي قسموا الأمة ديل ..
يعني نسمع كلامو نصدقو ، نشوف عمايلو نستعجب ..!!!
| Quote: أنا بقول هو الرئيس بشير لأن هذا هو لقبة، لماذا نرفض عليه ذلك؟ |
شوف الراحل هنا بدأ يروج ويسوق في الرئيس "بتاع المشروع الحضاري"...
كيف ما نرفض له ذلك يا سيادة العقيد ؟؟
نرفض له ذلك ، طالما إغتصب السلط بليل ، وهدم الديمقراطية التي قدم فيها شعبنا كل غالي ورخيص ...
والملاحظ أن التنظيمين الوحيدين اللي عطلوا الديمقراطية في 1985 هما الكيزان والحركة بقيادة الراحل قرنق ..( والقصة معروفة )
ومن المفارقات المؤسفة أنهما يتحكمان اليوم في رقاب العباد بالحديد والنار ...
| Quote: والانتفاضة اشتغلت مرتين فى تاريخنا فى سنة 64 وفى 85 ده برضو طريق بتاع نضال. |
شفت الكذب ؟؟ ما قلتو مايو 2 ؟؟؟
وحتى السيد الصادق المهدي رئيس الوزراء المنتخب رفض الراحل مقابلته ، كرئيس للوزراء ، إنما فقط كزعيم لحزب الأمة .. في اهانة للشعب اكتر من كدا ؟؟؟
| Quote: فعندما نتحدث عن تقسيم السلطة نحن بنشمل الآخرين حتى المليشيات البتشاكل جنب البشير ديل من جنوبيين ناس بول متيب ناس أسماعيل كونى وناس المندارى والآخرين نحن سنرحب بيهم فى الحكومة بالجنوب عشان هم جنوبيين |
شفت الراحل قال الناس الجنب البشير ديل برحب بيهم ليه ؟؟؟
قال برحب بيهم عشان هم (جنوبيين) ...
شنو الشغلانة بقت جهوية ولا شنو ؟؟؟
| Quote: ونحن حنجيب الأتفاقية ديه زاتو للجماهير بتاعنا، نحن بنجيبو هنا فى الجبال نحن حنقول ياجماعة ياهو الأتفاقية الوصلنا ليه فى مشاكوس ده كويس ولا بطال؟ وانتم تقرروا ونحن فعلا طبقنا الكلام ده إستشارة الجماهير بعد برتكول مشاكوس |
صراحة كدا والله العظيم أنا ما قايل الزول دا كذاب للدرجة دي !!!
ياتو اتفاقية الجابها للناس عشان يقرروا فيها بسمح ولا شين ؟؟
يا عزيزي للأسف الشديد ، رغم أن هذه الاتفاقية التي تمس وتؤثر على مستقبل السودان موحداً أو مجزأ … إلا أنها تخص حزبين ، حزب الكيزان "بتاعين المشروع الحضاري" والحركة الشعبية ولم تقرر من قبل السودانيين كافة
والكيزان والحركة لم يكلفا نفسهما عناء عرض الأمر على الشعب السوداني، بل حتى عندما عرضوه على الجمعيات الخاصة بهم ـ جمعية الكيزان التي تسمى بالمجلس الوطني، ومجلس الحركة الشعبية عرض عليهم بقرار أن ليس لهم الحق في إجراء أي تعديل على هذه الاتفاقية إنما لإجازتها كما هي، أي اتفاقية وقعت في الخفاء بين عناصر من الحركة الشعبية وعناصر من الكيزان ، وفرضت على شعب السودان
إذن شعب السودان برئ منها، ولم يؤخذ رأيه موافقاً أو رافضاً ولم يسأله أحد عن رؤيته ولم يستفتى ، فهو غير مسئول عن هذه الاتفاقية ، التي تخص الكيزان والحركة فقط ...
مثلها مثل اتفاقية الهندي ، وماتيب ، ومبارك المهدي ، مع الكيزان ...
وأحب فقط أن أقول :
إن للراحل جون قرنق أجنده أخرى وأهداف أخرى بعضها مشروع وبعضها هي ليست أهداف قرنق فحسب، هي أهداف وطنية عادلة ومن بينها معالجة قضية التخلف في الجنوب وترقية أوضاع شعبنا في الجنوب، هذه قضية عادلة وليست خاصة بقرنق أو بالجنوبيين لأنه ومن خلال النظرة الكلية للقضية السودانية ما لم تحقق تنمية متوازنة لا يمكن للسودان أن ينهض، السودان لن ينهض بمجهود قسم من أبنائه بل بمجهود كافة أبنائه في مختلف الولايات، إضافة إلى أن القوى الوطنية السودانية أقرت ومنذ وقت بعيد ـ يونيوـ 1969 م بأن هنالك مطالب مشروعة لشعبنا في الجنوب وبأن هنالك تمايزاً ثقافياً وجغرافياً بين الشمال والجنوب يجب أن يوضع في الاعتبار سواء في صيغة الحكم أو في تحقيق الحقوق القانونية أو الثقافية أو الاقتصادية أو الاجتماعية … ألخ
كلنا نقر بذلك ...
ولكن الراحل قرنق ، وبعد مراجعة كلمته ، لم يقنعني بأنه يستحق أن يخلد مع الخالدين لأنه حقيقة لم يقدم للسودان خيرا حتى الآن ...
وآسف للاطالة ...
مع عميق الود والتقدير ...
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: حسين يوسف احمد)
|
العزيز حسن يوسف احمد
شكرا علي مقالك المطول .
خطا:- المقصود بالوفد في المقال السابق هو البعث
Quote: أنا شخصيا الاقتراح لم يثر حفيظتي ..
فليس لأني شمالي ، أو اسلامي ... |
اتمني ذلك وارجو ان تكون صادقا مع نفسك!!
| Quote: وإذا كان القدر قد جعلني في الجمال الجغرافي |
ما المقصود بالجمال الجغرافي ؟!!
Quote: والحركة الشعبية بقيادة الراحل قرنق ، هي اليوم الشريك الرسمي و الحليف الأقوى للكيزان ..
يعني يا عزيزي الحركة والكيزان ، الزبير محمد صالح وقرنق ، البشير وسلفاكير ، هم أصحاب المشروع الحضاري |
انت تعرف الحقيقة التي دعت الحركة الي الشراكة مع الانقاذ وان الشراكة مؤقتة ثم بعد ذلك سيفترق الاثنين دون لقيا!!
اما ان المشروع الحضاري فانت تعرف من اصحابه, كما تعرف جيد المشروع الذي يتبناه الحركة الشعبية؟!!
| Quote: لتصبح حركته سيفا جديدا مسلطا على رقاب هذا الشعب |
اي الشعوب تتحدث عنها هنا (بلسانها)؟!!
| Quote: وافترضت حسن النية ، إنو الراحل عايز يحرر السودان من الطغاة ، فوجدناه في النهاية يتحالف معهم ، ويصبح يدهم اليمنى في تنفيذ برنامجهم ... |
اي البرامج تنفذه الحركة للانقاذ؟!!
| Quote: وعليك أن تجاوب على الشق الثاني : تحريره من شنو؟؟؟ |
تحريره من...
| Quote: الظلم ده ماعنده لون وماعنده جنس الإنجليز استعمرونا، الناس اسود ذاتوا، السودانيين السود زي النوبة ذاتو ممكن يستعمروا، الدينكا يمكن يستعمروا، الفور ممكن يستعمرا، العرب ممكن يستعمروا، |
اين الكذب فيما قاله الراحل الدكتور عزيزي ؟!!
Quote: بربك ما ياهو كضب الزبير والبشير ذاتو!!؟؟
والله عمر البشير الخالق الناطق ..
مدرسة شنو الكويسة..؟؟؟
يعني الحركة ما كفاها تنفذ فينا برنامج الكيزان ، كمان اتعلمت اكاذيبهم ؟؟؟
" آل مدرسة آل"!! وكمان كويسة .. يا راجل !!! |
الرجل يقدم وصية للمواطنين وهو لم يعدهم بشئ حتي يكذب!!!
| Quote: شوفوا المدرسة بتعكم كويس انتو أهو اولاد بتاع المستقبل ناس بتاع المستقبل الصغار البيبنى السودان الجديد |
.
ظل الجنوب ومناطق كثيرة من السودان ضحايا ظلم النخب الشمالية التي حكمت السودان منذ الاستقلال فرغم ان الحكومات في السودان تغيرت مرارا الانقلابات العسكرية تارة والانتفاض1ات الشعبية المشبوهة تارة اخري, ولكن لم نري تغير في التعامل و الاهتمام بقضية الجنوب وشعوبههذا بالاضافة الي سياسة نقض العهود الذي ظل الشمالونخبه يمارسه في حق الجنوب وبقية المناطق المهمشة
| Quote: يكون يا ربي الهدف دا هو التحالف مع الكيزان ..!! |
الهدف واضح حبيبي ولا مفر منه وهو اما:-
التنازل عن الحكم للشعب مع ابعاد الدين عن الدولة والمساواة والعدالة الاجتماعية في كافة الحقوق بغض النظر عن اللون والعرق والدين
واما:-
الانفصال والتجزئة بعد ستة سنوات من توقع الاتفاقية!!!
والخيار لك ولطغاة الشمال والثوريين من صانعي الانتفاضات!!!
| Quote: طالما الحركة ما مع الانفصال ، أساسا جابته في اتفاقها مع الكيزان " يتاعين المشروع الحضاري" ليه؟؟ |
جابته كخيار وبديلة لتمسك النخبة الشمالية الحاكمة ومن يمثلوهم بمشروعهم الحضاري !!
فكما لهم الحق في اختيار مشروعهم لنا ايضا خيارا في تقرير مصيرنا؟!!
لابد من التضحية من اجل تحقيق الوحدة
فهل تضحي و يضحي الاخوة الشماليين بدينهم بحيث يفصل عن الدولة ليتحقق الوحدة ام تتمسكوا بدولتكم العربية الاسلامية وبالتالي نذهب نحن لاقامة دولة لا تقوم علي اسس دينية وجهوية بل ديمقراطية؟!!
| Quote: في اهانة للشعب اكتر من كدا ؟؟؟ |
اي شعب تتحدث عنه هنا؟!!
ت11111111111111111111111111111111111111111111111ابع
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: حسين يوسف احمد)
|
نـواااااااااااااااااااااااااصل!
| Quote: طيب يا عزيزي البينو ، ياتو ظلم اللي اتحررنا منو دا ؟؟ |
تحررنا من ظلم نسبة الثروة والحكم الذاتي كما سنتحرر بالديمقراطية والعدالة والخ.. بطريقة تغيير نظام الحكم والياته التي سيقيم علي مستوي الولايات والمجتمعات والافراد , وان لم يتم هذا التحول فالنتجة معروفة ولا حاجة لي لشرح ذلك!!
Quote: لأن الواقع بقول ، إن نهاية هذا النضال ، كانت تحالف مع الكيزان ، وتهديد لوحدة القطر ..
|
.
الواق حبيبي هو اما الرضوخ لمطالب الشعوب المهمش التي علي راسها الجنوب واما ان يذهب كلا منا الي طريقه.
وما تسميه تحالف هنا ما هو الا هدنة بل فرصة اخيرة منحت لابناء الشمال ونخبتهوممثليه لبرهنوا عن نيتهم في الانفصال علي ارض الواقع لجعل خيار الوحدة جاذبة او منفرة.
ارجع الي بنود الاتفاقية وما جاء بها وحينها ستعرف الاسس التي قامت عليها ما تسميها ب التحالف!!Quote: وأنا أشهد ، بأني لم أسمع أحد يقول ذلك حتى الآن ...
|
.
من الكذاب حتي هذه اللحظة؟!!
لا اظن بان هناك احد لم يسمع بزج المشكلة الجنوبية في حقل مهددات العرب والمسلمين!!
Quote: صراحة كدا والله العظيم أنا ما قايل الزول دا كذاب للدرجة دي !!!
|
ارجو منك توضيح كذب الدكتور وما كذب فيه بدلا من ادعاء ذلك دون استناد الي دليل!!
| Quote: إلا أنها تخص حزبين ، حزب الكيزان "بتاعين المشروع الحضاري" والحركة الشعبية ولم تقرر من قبل السودانيين كافة |
ياعم بلاش كذب ووهم!!
السودان والمشكلة السودانية قبل الشرق والغرب يلخص بين الشمال والجنوب , والحقيقة تقول ان الانقاذ رغم معارضة القلة من الشماليين يمثلهم جميعا كما ان الحركة الشعبية يمثل كل الجنوب بالاضافة الي جبال النوبة والانقسنا وابيي رغم ان هناك قلة من الجنوبيين باعوا ضمائرهم ولكن يبقي ولاءهم للحركة لشعبية !!
ومن هذا نلخص ان حزب المؤتمر الوطني تمثل الشماليين+الحركة الشعبية تمثل الجنوبيين= السودانيين
فمن هم السودانيين الذين تتكلم عنهم في جملتك اعلاه؟!!!
ملوحظة :-
حقوق االغرب والشرق مع الشماليين وكذلك رايهم وتمثيلهم!
Quote: إذن شعب السودان برئ منها، ولم يؤخذ رأيه موافقاً أو رافضاً ولم يسأله أحد عن رؤيته ولم يستفتى ، فهو غير مسئول عن هذه الاتفاقية ، التي تخص الكيزان والحركة فقط ...
|
اصحي يا شيخنا وافتح عينك !!
| Quote: أنا بقول هو الرئيس بشير لأن هذا هو لقبه، |
انت مع ديل ومع دوول؟؟
البشير رئيس السودان ولا يهم ان جاء علي ظهر دبابة او ظهر احد درويش المهدي!!
فهذه هي الحقيقة التي لا يمكننا تكذيبه!!
من ليس معنا فهو علينا!!
انت مع الانقاذ رغم انفك معارضتك وانا وكل الجنوبيين مع الجنوب والحركة الشعبية طوعا وحبا!!
للمصداقية...
اري انك لاتقصد هذا !!
راجع هذه العبارة وراجع تاريخ السودان وطريقة تعامل الحكومات الشمالية التي اختالت السودان , مع الجنوب والقي نظرة علي مطالب الحركة لشعبية ورؤيتها واسباب قوتها وتعالي القي نظرة صدق علي بنود الاتفاقية الموقعة والضمانات والمعاملات بين الحركةوالحكومة والخ..ثم بعد ذلك ان تقيس اقرارك بذلك وقارنها مع كلنا , واسال نفسك من معك!!
وما هي المكاسب التي جاءت بها الاتفاقية للجنوب اولا ثم الشمال ؟!!
اسال نفسك:-
لماذا عاندت الحكومة الشمالية وتمسكت بمشروعها الحضاري مما دفع الحركة للتمسك بحق تقرير المصير ؟!!
من هو السبب الرئيسي في وجودعبارة تقرير المصير في طيات الاتفاقية؟!!
هل تحقق مطالب الجنوب بالاتفاقية؟!!
ارجو التعقيب
مع محبتي واحترامي
وليباركك الله
امين
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
عـزيـزي المحـترم ...
البينــو ...
التحـايا والـود...
أشــكرك عـلى الحــوارالهـادي ، والـذي أعتقـد سـيقودونـا إلـى سـواء السـبيل ...
ولنـبدأ واحـدة واحـدة ...
فـانت قد سـالتني مشـككا .. حيـث قلت :
| Quote: اتمني ذلك وارجو ان تكون صادقا مع نفسك!! |
وأنا أقول ليك امنيتك متحققة ، والحمد لله ، لأنو سبب واحد يخليني أقول ليك شئ انا ما مؤمن بيهو مافي ...
وصدقني يا عزيزي الفاضل ، أنا وبحكم أشياء كتيرة لا يمكن أن أتعامل مع هذه المسميات الجهوية والقبلية ... ثق من ذلك ...
| Quote: ما المقصود بالجمال الجغرافي ؟!! |
العفـو يا عزيزي المقصود هو (الشمال) الجغرافي ، ليس الجمال ...
آسف للخطأ الاملائي ...
| Quote: انت تعرف الحقيقة التي دعت الحركة الي الشراكة مع الانقاذ وان الشراكة مؤقتة ثم بعد ذلك سيفترق الاثنين دون لقيا!! |
الحقيقة التي اعرفها عن تحالف الكيزان "بتاعين المشروع الحضاري " مع الحركة هي أن توجه طرفي الحرب نحو وقف الاقتتال ، والجلوس إلى مائدة التفاوض ، هو تطور أملته معطيات الميدان إلى جانب الظروف الدولية المحيطة...
فاستنزاف قدرات طرفي الحرب عبر 15 عاماً من الاقتتال إلى جانب قدرات الأطراف الخارجية الداعمة لاستمرار الحرب ، كان هو العامل الرئيسي لوقف الحرب ، وليس إرادة السلام ، لدى الكيزان والحركة فيتحول بين ليلة وضحاها الكيزان والحركةمن تجار لحرب إلى أدعياء للسلام !!
هذه هي الحقيقة التي أعرفها يا صديقي .. والتي يعرفها الجميع ...
| Quote: اي الشعوب تتحدث عنها هنا (بلسانها)؟!! |
معقول ما عارف ياتو شعب !!؟؟
الشعب السوداني يا عزيزي هو الذي يعاني اليوم من جبروت الكيزان والحركة الشعبية...
ولو ما مصدق تعال السودان عشان تشوف بعينك ..!!!
| Quote: اي البرامج تنفذه الحركة للانقاذ؟!! |
كل البرامج ...
أمسك معاي عد وافتر :
نائب الرئيس ، جاء وفقا لبرنامج الكيزان (الاختيار والتعين)...
ولاة الولايات ..(وحتى ولاية وولايات دي برنامج كيزان)
ما يسمى بالمجلس الوطني ...
الدستور ، فرقو شنو من دساتير الكيزان ؟؟؟مجموعة من الكيزان بقعدوا وبكتبوا وبشطبوا وفي النهاية بقولوا دا الدستور ...
بل الكيزان كانوا احسن من الحركة في دي ، لأنهم على الأقل دستور 98 طرحوه للاستفتاء ، بالرغم من بلاوي الاستفتاء ..
أما دستوركم مع الكيزان ، يا كافي البلا ، زول ساااي قال فيهو نعم أو لا مافي ...
البرنامج الاقتصادي (الاقتصاد الحر ، هل دا برنامج الحركة ) ؟؟؟ اللي قالت في منفستو التأسيس إنها تهدف لقيام دولة إشتراكية ؟؟؟
السياسات التعليمية ،والغاء مجانية التعليم دا مش برنامج الكيزان ووزيركم بنفذ ؟؟
الصحة ، والغاء مجانية العلاج ، دا مش برنامج الكيزان ووزيرتكم بتنفذ فيهو ؟؟؟
المحليات .. الضرائب .. رسوم الطرق .. الرقابة على الصحف .. حظر تكوين النقابات والاتحادات والاضراب ...الخ
يا صاحبي أنا مستعد أعد ليك لبكرة في البرامج التي ينفذها وزراء ورجال الحركة نيابة عن الكيزان ...
| Quote: اين الكذب فيما قاله الراحل الدكتور عزيزي ؟!! |
يا عزيزي أرجع لمشاركتي الماضية ، وستجد حديث الراحل قرنق ملئ بالاكاذيب ، التي كنا نعتقد أنها ماركة مسجلةباسم حلفاؤكم "الكيزان " فقط ....
| Quote: ظل الجنوب ومناطق كثيرة من السودان ضحايا ظلم النخب الشمالية التي حكمت السودان منذ الاستقلال فرغم ان الحكومات في السودان تغيرت مرارا الانقلابات العسكرية تارة والانتفاض1ات الشعبية المشبوهة تارة اخري, ولكن لم نري تغير في التعامل و الاهتمام بقضية الجنوب وشعوبههذا بالاضافة الي سياسة نقض العهود الذي ظل الشمالونخبه يمارسه في حق الجنوب وبقية المناطق المهمشة |
وأتفق معك في أن الجنوب ومناطق عدية في السودان قد لحقها الظلم والتخلف ...
وافق معك أن ذلك تم بفعل السياسات التنموية والاجتماعية التي أعقبت فترة الاستقلال السياسي ....
ولكن نظرتي تختلف للأمر حيث أني لم أحمل ذلك للنخب الشمالية لوحدها ،بل النخب الجنوبية ايضا التي كانت ولا زالت ، تتحالف مع الدكتاتوريات ضد ارادة الشعوب ، ففي السابق تحالفت هذه النخب الجنوبية ، شانها شان الشمالية مع نميري وهاهي اليوم تتحالف مع الكيزان ، والغريب أن الحركة وقفت في وجه الانتفاضة في ابريل ، وجاءت للتحالف مع الكيزان ، وهذا التحالف يقطع الطريق أمام الحل السلمي الديمقراطي السليم لكافة قضايا القطر ، وليس الجنوب فقط ، وهذا ما تم في نيفاشا حيث اقتصر الاتفاق على معالجة مشكلة الجنوب ، ووفق رؤية الحركة الشعبية حلفاؤها الكيزان "بتاعين المشروع الحضاري " مما أدى إلى إغفال قضايا المناطق الأخرى الأقل حظاً في التنمية وبالتالي إلى تصاعد المطالبات الإقليمية والجهوية والقبلية بحظ من السلطة والثروة .
Quote: الهدف واضح حبيبي ولا مفر منه وهو اما:-
التنازل عن الحكم للشعب مع ابعاد الدين عن الدولة والمساواة والعدالة الاجتماعية في كافة الحقوق بغض النظر عن اللون والعرق والدين
واما:-
الانفصال والتجزئة بعد ستة سنوات من توقع الاتفاقية!!!
والخيار لك ولطغاة الشمال والثوريين من صانعي الانتفاضات!!! |
دا الكلام الخطير زاااتو وسأعـود له بمهلة ...
أرجو المعزرة ...
مع ودي وتقديري ...
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: حسين يوسف احمد)
|
لك التحية عزيزي حسين يوسف احمد
| Quote: أشــكرك عـلى الحــوارالهـادي ، والـذي أعتقـد سـيقودونـا إلـى سـواء السـبيل ... |
.
اسال الله ان يقدرنا علي ذلك. امين
Quote: الحقيقة التي اعرفها عن تحالف الكيزان "بتاعين المشروع الحضاري " مع الحركة هي أن توجه طرفي الحرب نحو وقف الاقتتال ، والجلوس إلى مائدة التفاوض ، هو تطور أملته معطيات الميدان إلى جانب الظروف الدولية المحيطة...
فاستنزاف قدرات طرفي الحرب عبر 15 عاماً من الاقتتال إلى جانب قدرات الأطراف الخارجية الداعمة لاستمرار الحرب ، كان هو العامل الرئيسي لوقف الحرب ، وليس إرادة السلام ، لدى الكيزان والحركة فيتحول بين ليلة وضحاها الكيزان والحركةمن تجار لحرب إلى أدعياء للسلام !!
هذه هي الحقيقة التي أعرفها يا صديقي .. والتي يعرفها الجميع ...
|
.
لااعتقد ان هذه هي الحقيقة رغم الضغوط الدولية فالحركة لن توقع شيئا ان لم يكن فيها مصلحة الجنوب بعكس الانقاذ الذي يمكنه ان يبيع كل الشمال مقابل الحفاظ علي هيمنتهم علي السلطة والخ..
والسبب عزيزي هو ان شعوب الجنوب ثوريين اي يميلون الي التقاتل والتحارب نسبةالقبلية المفرطة التي تحكم علاقاتنا ببعضنا وعلاقات الحركات التحررية وحكامها بالشعوب الجنوبية وقبائلها التي هي مركز قوتها , واذا كانت الاتفاقية غير عادلة ولا تحقق مطامح تلك الشعوب المنصهرة في بوتقة الحركة الشعبية لحدثت تفكك وانشطار في صفوف الحركة الشعبية .
واقول لك كمواطن جنوبي اني اؤيد الحركة الشعبية واري في اتفاقية مشاكوس احد اكبر احلامي وهي اما العيش في سودان ديمقراطي يسع الجميع لا يحكمها جهةولا دين وليس في التعالي والاحتكار مكان فيها .
واما ان تقوم في الجنوب دولة تقوم علي السس المزكورة اعلاه والكثير المثيروالخ..
ولا مكان لــ| Quote: الشعب السوداني يا عزيزي هو الذي يعاني اليوم من جبروت الكيزان والحركة الشعبية |
لان ان كان هناك من يعاني من جبروت الانقاذ هم ابناء الشمال والخ..
اما نحن الجنوبيين وابناء النيل الازرق وجبل النوبة فسعداء بالحركة الشعبية وعافين وراضين!!
Quote: ولو ما مصدق تعال السودان عشان تشوف بعينك ..!!!
|
انا قاعد وشايف وعارف وسامع والخ.. !!
Quote: السياسات التعليمية ،والغاء مجانية التعليم دا مش برنامج الكيزان ووزيركم بنفذ ؟؟
الصحة ، والغاء مجانية العلاج ، دا مش برنامج الكيزان ووزيرتكم بتنفذ فيهو ؟؟؟
|
وزراء الخرطوم(الاتحادية) ممكن!!
ولكن وزراء حكومة الجنوب فذلك شئ اخر.
ويكفي ان الانقاذيين لا يمكنهم اصدار اي قرار يخص الجنوب واولهم البشير ؟!
وان كنا نحن الجنوبين لا نعترضون علي شئ فهذا برضانا ولا غصبا عنا.
فلندير الشمال حسب بنود الاتفاقية والجنوب علي كيفنا!!
| Quote: يا عزيزي أرجع لمشاركتي الماضية ، |
ارجو ان ترفقهامع اتهاماتك كمراجع لمصداقيتك واستناداتك في ذلك!!
| Quote: ،بل النخب الجنوبية ايضا التي كانت ولا زالت ، تتحالف مع الدكتاتوريات ضدارادة الشعوب |
اولا :-
انا اري ان ارادة الشعب الجنوبي وبقية المهمشين هي اهداف الحركة الشعبية العليا وخصوصا الشعوب التي حملت السلاح وقاتلت جنب الي جنب مع الحركة وفوضت الحركة باسمهاوما عداهم موالية للحكومة اولها جهات تطالب بحقوقها وتتكلم باسمها كابناء دار فور والاسود الحرة والمعارضة ووالخ..
الحق معروف والمغتصب ظاهر فليطلب كل ذي حق حقه!!
ولا مجال لتعميم فالسودان معارضة وتحرير واسود ومشؤدروع حضاري وشعبية , فاين انت من الزفة؟!!
| Quote: والغريب أن الحركة وقفت في وجه الانتفاضة في ابريل |
الاستقلال من المستعمر لم يغير نظرة الشماليين عن الجنوب تقول لي انتفاضة!!
اكل بصل عشان ريحة الكلام دا يطلع من خشمك!!!.
| Quote: دا الكلام الخطير زاااتو |
لا خطير ولا حاجة .. دا الواقع والحقيقة التي علينا مواجهتها!!
وليباركك الله الاب السماوي خالق السماوات والارض
والابن يسوع المسيح الذي هو بر الله فينا الي الابد
امين
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
عزيزي Albino Akoon Ibrahim Akoon
[BLUE]الناس في بلدي يحلمون بالسلام
كلامهم أنغام وثغرهم بسام
وحين يتقابلون يخرجون بإقتسام
القسمة عليكم ورحمة الله تعالي وبركاته خالص الود لكل الأوفياء والاوفياء فقط .....
| Quote: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية |
أولا عزيزي البينو :
استميحك عذرا أن شاركتك في بعض الملاحظات
عفوا ايها السوداني نحن نقبل بالسودان رغم ما وصفته من اتساخ فهو بلدنا من حلفا لي نمولي فهو وطننا الحبيب ووطن الجدود واتساخ الوطن انضف واشرف مننا جميعا احياءا واموات ووصف للسودان في عاصمتها الخرطوم بالاتساخ يدل علي عدم وطنيتك عفوا عزيزي تلك هي الحقيقة التي اوصلتني وقد تكون أوصلت غيري إليها ... فإذا كنت غيور علي وطنك لم تكتب بوست بهذا العنوان ... سؤال برئ إذا سب أحد الاجانب بلدنا بأنه متسخ وبه من العفن ما به ماذا أنت قائلا له ....؟ ولكن عزيزي نحن نحب بلدنا بي ازقتها وحواريها وفللها وقطاطيها وزرائبها وعماراتها ورواكيبها وشوارعها وكل بقعتة في الوطن هي بدمائنا لأنها أشرف منك ومن كل الذي الذين تسلطوا علينا علي ظهر دبابة وأراقوا من الدماء ما اراقوا وهدروا من الحقوق ما هدروا فلذا صديقي عندما يريد الانسان ان يعبر عن شيئ أن يختار الالفاظ التي تتناسب ومكانته أما اذا كنت غير سوداني فمن أي بلد انت حتي تشتم الخرطوم وسيكون لي ردا أخر لك في حال أن تكون غير سوداني أما إذا كنت سوداني فالرجاء تعديل اسم البوست حتي يليق بالسودان الذي انت جزء منه أو الإعتذار..
والعتبي لشركة الكيزان ( هيئة تجميل ولاية الخرطوم )
الموضوع :
Quote: في الايام القليلة الماضية اثار اقتراح قدمه بعض الاخوة باطلاق اسم الدكنور علي احد شوارع الخرطوم حفيظة الاخوة الشماليين الاسلاميين من تباع المشروع الحضاري وكذلك تباع حزب الوفد الذي راينا نهاية مؤسسه الذي سيكون مثال لنهاية كل وفدي!!
علي كل حال !!
المهم هو ما قدمه الدكتور المناضل الراحل المقيم جون قرنق وما كان سيقدمه, |
هل كل الذين تسببوا في دمار اهل السودان جنوبه وشماله نلخد لهم ذكري ... ؟ هل يستأهل قرنق أن يسمي شارع أو حتي زقاق بإسمه ؟ ( عشان عمل شنو للبلد دي غير الحرب والدمار ...؟
فإذا كانت الحرب طوال الفترات السابقة للتحرير فمن من كنتم تريدون تحررينا ..؟ من الإستعمار أم من الديمقراطية في ابريل وكان وقتها الحركة في بواكيرها ؟ أم من الفترة الإنتقالية أم من الأحزاب أم من الكيزان ...؟
إذا كان من الإستعمار فالسودان يا عزيزي نال إستقلاله منذ منتصف الخمسينيات ...
إذا كان الديمراقطية في أبريل فأنت الذي مسحت بها وبالشعب السوداني عرض الحائط .. وإجهضت نضال أخوة شرفاء قهقهروا دكتاتورية مايو ...
أما من الفتر الإنتقالية فتلك فترة تجهيز واستعداد للإنتخابات التي لم تشارك فيها بل كنت حامل السلاح ...
وإذا كان التحرير من الاحزاب فقد جاءت بإرادت الشعب . ولم أخوة جنوبيين شاركوا في الإنتخابات ولو ما عارف أسأل ...
أما إذا أردت أن تحررنا من الكيزان فانت اليوم جزء منهم وجزء من السلطة تعمل علي نفس سياستهم (وسبحان الله إنتو الأتنين وجهين لعملة واحدة وحكمة الله الاتنين طرة دي ذاتها عملة عجيبة)
فمن الذي سيحررنا منكم ومن الكيزان الذين أستمدوا شرعية الإنقلاب منكم ليصبحوا رؤساء للبلد .... ؟
فالتحرير والنضال من أجل ماذا ؟؟
أخي البينو :
أن الحرب الدائرة إوارها في جنوب السودان والتي تأزئ منها كل الجنوبين والشمالين علي حد السواء نهايتها هي أن أصبح السيد الراحل إحدي دعائم النظام القائم وواحد من الايدي التي تدير الظلم في ربوع الوطن وبالتالي واحد من منفذي أجندة المشروع الحضاري لأن قرنق لم يكن لديه برنامج فهو ليست مفكر ...
عزيزي البينو أن مطالب الأخوة الجنوبين وغيرهم من أبناء الوطن الواحد الذي تقودنوه انتم اليوم إلي الإنفصال هي مطالب عادلة حيث أنه لابد من وجود تنمية متوازنة في كل ربوع البلد حتي نخلص إلي تمنية مستدامة وننهض بالسودان الذي إقتسم ثروته وسلطته الكيزان والحركة ألاتري أن ذلك ظلم ؟ لأن قرنق لا يمثل كل الجنوبين والبشير لايمثل الشمالين وكل واحدا منهم يمثل جيبه عفوا حزبه ...؟
نقطة رجوع
عودة إلي التسمية التي لامبرر لها من الاساس لان قرنق اساسااتضح بأنه طالب سلطة وثروة لاغير ...
كل الشوارع التي في الخرطوم وغيرها من المدارس التي سميت بأسماء ما يزعمونهم شهداء كان الحركة والكيزان يرجي أن تعاد سيرتها الاولي لان الذي يدور عزيزي البينو اصبح واضحا تماما خصوصاً حرامية السلطة و أتباعهم فأنا من أنصار أن تعاد للشوارع والمدارس مسمياتها الوطنية الخالصة ...فقرنق وعبيد ختم وعلي عبد الفتاح وغيرهم أصبحوا سواء ولا فرق بينهم لانه لا يوجد فرق بين سلفاكير وعلي عثمان محمد طه وقيس علي ذلك النمط
اخي إلي الأن أنا لم اناقش خطاب قرنق ولكنه علي الوجه العام وبعد الاطلاع مثله مثل أي خطاب لأي زعيم يظهر خلاف ما يبطن...
والي العود لمواصلة النقاش
لك حبي وجملة سؤالاتي عن احوالك
ود زبيدة
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: منتصر حسن محمد)
|
سلام الله ورحمته ونعمته عليك .امين
الاخ العزيز منتصر حسن محمد
اولا اظنه انت جاي ناطي وما فاهم السبب الخلاني اكتب الكلام دا شنو ؟
وعشان تفهم ارجع للبوست اللي خلاني اكتب الكتبتوا دا؟
ثم ثانيا يا خي شوارع الخرطوم وسخانة ومليانة حفر واكثر من كدا كمان انت مالك المزعللك شنو؟!!
صحيح الحقيقة مرة !!
اما عن سؤالك عن سودانيتي ؟
فالجواب باين من كلامك وكلام الكثير من الناس, انو السودان ملك لي جهة معينة عشان كدا عندكم حق تسمو شوارعها علي اسم الدايرنو ,واما امثال المناضل جون قرنق فيكفي انو واحد من الاخوة قال بالجملة:
الولايات الجنوبية المتحدة مليئة بالشوارع المشجرة فلماذا لا يطلق اسم الراحل عليها؟!!
شفت الكلام دا كيف ما انو كتاب الاقترح ما جنوبي,وما عارف لو كان جنوبي كان قالوا ليهو شنو؟!!
شفت السودان اللي انت بتتكلم عنو ملك منو؟
| Quote: ووصف للسودان في عاصمتها الخرطوم بالاتساخ يدل علي عدم وطنيتك عفوا |
وريني الوطنية لونها كيف؟!
ذي لوني دا ولا لونك؟
Quote: هل كل الذين تسببوا في دمار اهل السودان جنوبه وشماله نلخد لهم ذكري ... ؟ هل يستأهل قرنق أن يسمي شارع أو حتي زقاق بإسمه ؟ ( عشان عمل شنو للبلد دي غير الحرب والدمار ...؟
فإذا كانت الحرب طوال الفترات السابقة للتحرير فمن من كنتم تريدون تحررينا ..؟ من الإستعمار أم من الديمقراطية في ابريل وكان وقتها الحركة في بواكيرها ؟ أم من الفترة الإنتقالية أم من الأحزاب أم من الكيزان ...؟
إذا كان من الإستعمار فالسودان يا عزيزي نال إستقلاله منذ منتصف الخمسينيات ...
إذا كان الديمراقطية في أبريل فأنت الذي مسحت بها وبالشعب السوداني عرض الحائط .. وإجهضت نضال أخوة شرفاء قهقهروا دكتاتورية مايو ...
أما من الفتر الإنتقالية فتلك فترة تجهيز واستعداد للإنتخابات التي لم تشارك فيها بل كنت حامل السلاح ...
وإذا كان التحرير من الاحزاب فقد جاءت بإرادت الشعب . ولم أخوة جنوبيين شاركوا في الإنتخابات ولو ما عارف أسأل ...
أما إذا أردت أن تحررنا من الكيزان فانت اليوم جزء منهم وجزء من السلطة تعمل علي نفس سياستهم (وسبحان الله إنتو الأتنين وجهين لعملة واحدة وحكمة الله الاتنين طرة دي ذاتها عملة عجيبة)
فمن الذي سيحررنا منكم ومن الكيزان الذين أستمدوا شرعية الإنقلاب منكم ليصبحوا رؤساء للبلد .... ؟
|
فالتحرير والنضال من أجل ماذا ؟؟
|
الكلام اللي انت قلتو دا كلو احنا ناقشناه وانا طرح ارائي حوله ولو رجعت الي المداخلات السابقة حاتلقي ليها الاجابات
ارجو انو ترجع وتقرا المداخلات السابقة
Quote: لأن قرنق لا يمثل كل الجنوبين والبشير لايمثل الشمالين وكل واحدا منهم يمثل جيبه عفوا حزبه ...؟
يا خوي المؤتمر الوطني لو ما ممثل كل الشمال ,فالحركة يمثل كل الجنوبيين حتي الخونة الفي المؤتمر الوطني مقتنعين بي كدا , ولو عندك استطاعة اعمل استطلاع للراي العام الجنوبي واتحداك وكل زول لو ما لقيتو انو الحركة هي الجنوب
من الاخر كدا عزيزي قرنق هو رمز من رموز الجنوب ولو مقتنعين انو الجنوب جزء من السودان احترمونا واحترموا مشاعرنا !!
وبعد ما تعملوا كدا تعال وقول لي
| Quote: عندما يريد الانسان ان يعبر عن شيئ أن يختار الالفاظ التي تتناسب ومكانته |
لك ودي واحترامي وشكري الجزيل
نعمة الرب يسوع المسيح يكون معك الي الابد .امين
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
الاخ البينو
تحياتى
ماالتمسه من خلال بوستاتك انك تتشظى بنعرات عنصرية واضحة ولكى تصبح موضوعيا لابد من
التجرد من الذاتية والنعرات التى وقفت حجر عثر فى موضوعيتك واعتقد ان تناولك للبوستات بهذه الطريقة لايفيد بشىء بل يعمق من الجراح .
Quote: ثم ثانيا يا خي شوارع الخرطوم وسخانة ومليانة حفر واكثر من كدا كمان انت مالك المزعللك شنو؟!!
صحيح الحقيقة مرة !!
اما عن سؤالك عن سودانيتي ؟
فالجواب باين من كلامك وكلام الكثير من الناس, انو السودان ملك لي جهة معينة عشان كدا عندكم حق تسمو شوارعها علي اسم الدايرنو ,واما امثال المناضل جون قرنق فيكفي انو واحد من الاخوة قال بالجملة:
الولايات الجنوبية المتحدة مليئة بالشوارع المشجرة فلماذا لا يطلق اسم الراحل عليها؟!!
شفت الكلام دا كيف ما انو كتاب الاقترح ما جنوبي,وما عارف لو كان جنوبي كان قالوا ليهو شنو؟!!
شفت السودان اللي انت بتتكلم عنو ملك منو؟ |
فلابد يااخى ان تلتزم بادب الحوار حتى تصبح موضوعى .. وعن اساءتك للعاصمة اعتقد انه شىء من السزاجة واما عن سودانيتك اعتقد ان اى سودانى اصيل مهما شاء الامر لايصل لهذا الحد لان هنالك خط احمر الذى نقف عنده.
الجنوب الذى تتحدث عنه برضو جزء من السودان
الكبير الذى يجمعنا اناو انت يا البينو فاذا اردت الانفصال فلك ذالك لانك لاتمثل نطفة من القاعدة الجنوبية التى تسعى للوحدة فاتمنى ان تعتذر على هذا الخطاء او تغير عنوان البوست اذا كنت فعلا سوداني اصيل كما تدعي وتحب بلدك
لك الود
ايمن هارون
| |
|
|
|
|
|
|
|
|
|
Re: ما قدمه الدكتور دي مبيور اكبر من اطلاق اسمه علي شوارع الخرطوم وازقتها المتسخة رغم حسن النية (Re: Albino Akoon Ibrahim Akoon)
|
الاخ البينو بعد التحية
من الملاحظ ان رائحة العنصرية البيغيضة بداة تفوح من بوستاتك وتعليقاتك الاخ البينو الكثيرون من المنبريون وانا واحد منهم في يتحاشون الدخول في البوستات التى يبنشرها هذا البينومثل (هل محمد هو الله)واخيرا بوست اطلاق اسم الراحل جون قرنق على احد شوارع الخرطوم الوسخة ) ليس خوفا ولكن حرصا على المصلحة العامة وعدم الزج في مثل هذا المواضيع الحساسة كما لمسته , ولكن يبدو ان هذا الاسلوب لاينفع مع هذا البينو فقد تجاوز حدوده بكل المعايير فتارة بل وبداو يتشكك في عقيدتنا السماوية التى لا يمكن ابدا ان نتساهل فيها او نسمح بزجها في المواضيع السياسية باي حال من الاحوال سوى من اجل الحفاظ على وحدة السودان او غيره.
اخي البينو ان الخرطوم هذه التى وصفتها بالوسخة هي العاصمة التى تمثل السودان شئت ام رفضت وانا اطلاق اسم جون قرنق على احدى الشوارع تخليدا لذكراه هو اعتراف وتقديرا لما قام به المقيم الراحل من اجل شعبه , وهذا االتكريم المتمثل في الشارع الوسخ الذ اطلق عليه اسمه هو ما تسمح به امكانياتنا لا ننا لانملك شوراع نظيفة اكثر من هذا الشارع في عاصمتنا اما اذا كان انت جنوبيون لديكم شوارع نظيفة فاطلقو عليه بل اطلقوا على مدن كاملة باسمه فهذا شانكم وهو يستحق ذالك في تقديري.
اخي اذا كان جون قرنق في نظرك بطل ,وابراهام لنكلن اسمح لي ان اختلف معك بانه ايضا ساهم بقدر كبير في الماساة التى يعيشها كل اهل السودان وليس نميري او البشير او الحكومات الديمقراطية لوحدها
ثم ياخي ماذا تريدون بالضبط ايها الجنوبيون هل انتم لوحدكم مظلومون , هل تريدون انفصالا . انا شخصيا اتمنى ذالك قبل اليوم قبل غدا.
اخي ان التعاطف الذي وجدته الحركة المتمثلة في قرنق في الشارع السوداني فبدلا من يتحول هذا التعاطف الى حب في نظري قد استغله بعض الجنوبيون من امثالك وبداو في اضهاد الاخريين وكأن هذه السودان هو ملك لكم فقط وليس للاخرين وماحدث يوم الاثنين عقب وفاة االقيد الراحل قرنق ابلغ دليل و اقسم لك انالحركة الشعبية فقدت الكثير بتلك التصرفات الهوجاء التى قام به بعض المخربين, فقد تعرض بعض الناس للذبح و القتل دون وجه حق واقسم لك اذا قلت لك ان بعضهم لا يعلم هل سافر قرنق الى اوغندا ام موجود في السودان حتى لحظت وقوع الاحداث .
ثم ماذنب المساجد التى حرقت في ملكال وجوبا وما ذنب التجار في جوبا بمقتل قرنق هل لديه يد في مقتل قرنق؟
ان الافكار و الغبن و الكراهية التى يكنها بعض اخواننا من جنوب السودان للسودانيون المسلمون جمعيا دون استثناء,اصبحت واضحة وفي تزايد مستمر في تزايد مستمر بكل اسف . فانت صحيح انك ظلمت لعدة سنين من قبل فئة استأثرت بالسلطة وفعلت مافعلت وتعاطف معك المجتمع الدولي في قضاياك ولكن لا تحلم ابدا بان المجتع يسمح لك بظلم الاخريين مهما كانت المبررات ؟
ويجب ان تقتدو بما حث في جنوب افريقيا على الرغم من كان يحدث من تفرقة عنصري(apartheid policy) فان الافارقة وقد استطاعوا احتواء هذه القضية ولم يتعملوا بتعالي كما يفعل الان بعض الجنوبيون .
ولا اعتقد ان الجنوب اذا انفصل يمكن ان يموت السودانيون كلا فالسودان لديه الكثير من الموارد تكفي له وللاخريين
واهم الثروات التى يحتوي عليها بقية السودان العنصري البشري وانشا الله لن نعرى او نجوع باذن الله
واقول لك ياخ البينو نحن نختلف مع البشير وكل الحكومات التى جاءت في السودان منذا الاستقلال لانها لم تراعي العدالة الاجتماعية في توزيع السلطة و الثروة ولكن هذا لا يعطينا الحق في كراهية الشماليين ( اقصد الشمال السياسي وانت تعرف ذالك جيدا وغيرك من المتطرفيين.
ابو القاسم ابراهيم
| |
|
|
|
|
|
|
| |
Albino Akoon Ibrahim Akoon
Al-Shaygi
waleed500
Ahmed Mohammed Osman
حسين يوسف احمد
ayman haroun
ابوالقاسم ابراهيم الحاج
فيس بوك
تويتر
انستقرام
يوتيوب
بنتيريست