مدخل: في حيهن كل البشاشات اتكن وقفن حداهن ووشوشن للريح أقيف ما تخدش الوجنات أقيف ما تعثر الخطوات أقيف ما تبعثر الخصلات أقيف دنقرلهن بكل كسوف وقالهن من وين أشيل النسمه لو ما زرتهن خلنِّي ألامس أناملن مدنلو ايدينن سوا شافن قوى وشال الهوي وعباه في كل الحواس العرفتن
نص:
ما عرفتهن .. عرفني هن ما ردتهن .. رادنى هن ما كستهن.. كاسني هن ما أظن أكون أنا شفتهن.. شافني هن دسني في دهشه وغياب فجن مسامى اتوهطن في حته منى اتحكرن واتكاتفن .. بقن الرمق وسون أنين واتوسدن احساسى فن بهرنى بي نورن سهن فاتن مشن وأنا والسهاد والبين وهن ناسجين خيوط الفال حنين نتحرى طيفن كان يحين اوكان يطول الليل منى في وجيهن اتمكن سنا واضارى في نورن قمر مال وانحنى وأنا ياني هن بكره بيجن رغم الضنى اتمددن في مسنده قلبى الرهيف شالني كيف زمن الخصور في ثوب شفيف واتلفحن ضارن وجيهن مني خايفات العيون تعرف مسارن وتجرحن كايسات مساربى تها تفن قصدن يدسن لهفتن لكنو بس قولىّ كيف تضارى من عينى السما شدني من رمشى ومشن صابنى العمي شرن شموسن لى نور ولمحتهن بين المسارب الظلمه والعتمه السواد شرن بسيماتن بريق ضو الطريق مديتلهن ضو الشمس وباقى الرحيق الفى النفس ونظمتهن شان هن يجن ويملنى حن بكره بيجن في كل خاطر من عروق فنى بيجن فى كل فكره وكل لون في كل قافية وكل متون بكره بيجن ويملنى حن بكره بيجن والبال يروق بكره بنضوق طعم الشجن وبرانا فوق ندارى من كل المحن بكره بنسوف الشوق سفن من دون تعب لريد وطن بكره بيجن ويملنى حن ويا خوفى لو فاتنى هن شقيش مشن بلمح مسارن وأتبعن أقعد حداهن وأسمعن يجهرني نورن أعرفن وين ما اكون جواى هن فاتن مشن لا لوحن لا همهمن لا اشرن لا فسرن ليه هن مشن؟ بس ودعن ويكفينى بس هن ودعن لحظة وجودن هجعتى ولحظة صفاهن صفوتى ولحظة لقاهن بهجتى وآخر كلامن ضحكتى ودونن مسارب وجعتى وكل ما يحين الريد ويجى ويتخلل الشوق الحجى وأبقن زيوت ويملن مساربي ومسرجي بهتف وأقول ما أجملن!!! ما أروعن!!! ما أدهشن!!! غانم خالد يوسف شرفت الحلاوين 20/3/2005
كلمات جميلة وهي مشروع أغنية يمكن أن يتبناها الأستاذ المبدع الموصلي ، بس ما تنسونا إذا نجح المشروع من حقوقنا الأدبية يعني حتى لو مساعد مخرج لأنني أروج للفكرة.
08-15-2005, 07:11 AM
almohndis almohndis
تاريخ التسجيل: 05-05-2002
مجموع المشاركات: 2663
الملا عمر غانم خالد من الشعراء الشباب الذين سدت فى اوصدت في وجههم الابواب القصيدة ليها 3 شهور نزلتها زول هبها مافى انت صائد ماهر لك الحق المجاور ولى مثله مع مودتى عثمان احمد عبدالله
08-15-2005, 07:42 AM
ست البنات ست البنات
تاريخ التسجيل: 10-02-2002
مجموع المشاركات: 3639
تحياتي وانحناءاتي لك ولهذا الشاعر المبدع....هي اغنية ملحنة جاهزة اكاد اسمعها الآن بصوت محمد ميرغني....ايام زمانه...لحظة قراءتي لها كانت دندنه...عذبة جدا اطربتي والله...حتي سال الدمع رقراقا
فالتحية لك وله ولهن وللوطن المليان بهن
08-15-2005, 11:38 AM
waleedi399 waleedi399
تاريخ التسجيل: 08-20-2003
مجموع المشاركات: 2767
ست البنات غانم خالد شاب شاعر حقيقى وزيو كثيرا فى السودان من الشباب العمدة قرشو ود حفرتى ود المقصدو زمن الاشتراك في هذا الصرج الذى جمعنا والكثير من الرفقة الجميلة السلام موصول لك ولاهل جدة والاخ هشام شيخ الدين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
almohndis
ست البنات
قرشـــو
ADIL FAIT
nazar hussien
waleedi399
فيس بوك
تويتر
انستقرام
يوتيوب
بنتيريست