كتب الكاتب الفاتح جبرا المتوفرة بمعرض الدوحة
|
ليه كُلما إتسعت عيوني عشان تشوفك...سرحت عيون الدنيا فيك ..(ايقاعك)
|
ليه كُلما إتسعت عيوني عشان تشوفك
سرحت عيون الدنيا فيك ..
أو قد تكون فرحت علي شوفتك مزامير الفرح
سالت علي خد الوطن دمعة غُناك
منديل من الزمن ألأسف إتبلّ
بي أمل البجيبني علي مجيك..
ليّه كُلما إتسعت رئات ال واطة شان تتنفسك
زفر الفَراش روح الورد
وإتوانى بيك
مالك ..تكون بوصلةََ حال الكون ربيع؟
يا ضابط إيقاع النَفَس
ومجهجه الدرب البودي على النَفِس
ما يودي ليك..
أو قد تكون
بوصلةَ حُزني علي مقاس فرح الزمن
مالو الزمن ..؟
مالك تقيس وانا بيني ما بينك سما..
لملم علي مطر الحروف
كم من جروف..
خل نزرعا
وتسوقني في دروبك نطوف
خل نعشقا
ونلقّنا حروفنا اللذاذ ونيقنا
يمرق نشاز تمر الغُنا
يدخُل رُشاش أرواحنا في ذاك الفنا
مالك ..بسميك
تكون رحيق الكون..؟
أرحق علي مهلك إذاً
نرحق علي ذاك السكون !
فوحمر 2004
|
|
|
|
|
|
|
|
Re: ليه كُلما إتسعت عيوني عشان تشوفك...سرحت عيون الدنيا فيك ..(ايقاعك) (Re: fohamer)
|
كتبت ياسيدتي وظني أن نور (هو) الكاتب.
ثم قرات الرد علي والدعوة لمزيد من الرحق ولكن ظل ظني هو أن نور (هي) الكاتب.
وفي الحالتين لم يفرق الأمر شيء..ظل الرحق هو الرحق والإرتشاف بذات النهم.
ولم أسأل عن فوحمر خشية أن تتشتت متعة النص بدهشة من خارج النص.
الآن عرفت أن نور ناقل إبداع مبدع.
وبعين قوية وبصوت عالي نقول مدد يانور..مدد يافوحمر.
| |
|
|
|
|
|
|
|